好似幾好玩咁，所以決定黎試下。
我同朋友七點半去到餐廳，等左十分鐘就有位，
店員安排左高枱俾我地。
章魚小丸子 ($128)
店員送上各種配料，有粉漿、八爪魚、泡菜、紅蘿蔔、洋蔥
然後再講解同示範點整。
唔記得點整都可以睇返menu。
首先將粉漿倒至七分滿，
加入自己鐘意嘅配料，
等到熟左就反去另一邊燒，
最後加上醬汁、紫菜同木魚就大功告成，
好玩又好食!店員仲讚我地整得好成功!
本身都以為會失敗 點知睇到個樣okay喎
章魚小丸子都算大粒
雖然出去買都係十幾廿蚊
俾多五倍價錢可以落手落腳整
仲可以食返自己手勢
自己整我一定話好味
最特別係有泡菜 酸酸辣辣幾過癮
海鮮豆乳鍋 ($138)
配料好豐富，有墨魚仔、蟹柳、鮮蝦、芝士竹輪、蔬菜仲有烏冬。
湯底有淡淡嘅豆乳香味，清甜又鮮美，而且唔會油膩!
