大阪李朝園 (已結業)

銅鑼灣既日本餐廳星羅棋佈呢間既特色係有可以自己落手整既菜式章魚小丸子 侍應會同你逐步run through d 步驟 同提供一支粉漿比你 有四種配料 泡菜 胡蘿蔔 椰菜 章魚 做好之後再加入沙律醬 海苔粉 木魚 就完成啦我認為粉漿需要加多d 鹽鰻魚炒飯 有切左粒粒既鰻魚喺面同d 飯入面 幾唔錯!多落蒲燒汁會更好大阪青蔥燒 好食 唔會太鹹 好多蔥 交錯淋上沙律醬同照燒醬 再撒木魚 薄薄地 切出離既大小一啖剛好食完日式牛肉火鍋 牛肉普通 湯底幾好 唔好用黎飲 因為係醬油底 有一碗飯撈湯 同埋一隻生蛋可以自己調校熟度 亦有面豉湯 但唔好飲 淡 無咩面豉味 底有少少海苔香蒜牛肉粒 同 芝士年糕 都係同食日燒果種一樣 呢度叫會無咁抵 但都唔錯野飲係罐裝lotte 果隻d 太甜同太貴…Read More

比想像中簡陋所有材料都好似好cheap咁整既過程又系咁望住你 好大壓力如果真系想食小丸子既個人覺得黎le到吾值得出去買人地整嗰啲仲好!!!!而家冇下午茶!!!!!!!!!!!兩個人要128(未加一)!!!!!!!!…Read More

嘩今日黑雨! 但可惜在office無得早走，好在放工細雨了拍拍拖食個飯先回家～我地去了這間日本餐廳玩呢個自製章魚小丸子，$128二人前，有十八粒，平就唔平架啦，但想玩下整章魚燒好耐，所以試試啦～其實都不太複雜，只要將油、粉漿、章魚粒、泡菜、蘿蔔絲、洋蔥粒分次放上個小丸子爐上面，再等一等之後翻下加下粉漿又再翻下，最後上碟加燒汁、沙拉醬、紫菜、木魚就ok架啦～係咪好簡單呢? 但可惜我地整得一般般🙈，有d大大粒有d細細粒😂，不過熱辣辣脆脆的味道都不錯既～想試下自己整章魚燒而屋企又無小丸子爐的話，都可以來玩下既～但如果只係鍾意食既話呢，咁出去小食店食就會抵好多，亦應該會好食過自己整…Read More

一入到黎點餐，侍應就叫我地玩Facebook game, 跟佢指示就可以有一罐免費果酒,有桃味，有荔枝味揀熱愛social Media 嘅我當然有得免費飲哩罐果酒，價值＄38架! 😏 溢咗泡菜餐肉紫菜卷，泡菜味濃，加埋午餐肉同青瓜好香口配上免費嘅桃味果酒，滋味嘅配搭朋友帶咗巨蜂提子果酒，我試過都好好飲值得推介紹 大阪燒配上香蔥同日式醬汁，熱辣辣真係同喺大阪食嘅大阪燒有得揮！仲要只係＄48好抵食有8-10件! 🤤🤤🤤黎呢度食嘢一定要嗌自己有得燒嘅玉子燒或者章魚燒，我哋嗌咗芝士玉子燒，侍應好詳細講解點樣燒，一路燒一路聞到都已經好香首先，加油，加蛋漿再加自選配料慢慢碌吓碌下咁燒完成品一嚿嚿嘅芝心玉子燒，啲蛋漿撈埋沙律醬好好味，一咬入去就全部都係芝士好好食！兩個人食咗二百幾蚊到，價錢都可以❤️…Read More

去完日本食完果度既小丸子，念念不忘😭朋友同我講銅鑼灣有一間餐廳係俾人DiY整小丸子😍即刻出發餐廳係鵝頸橋附近都幾易搵，門口仲掛左d小丸子既公仔，好可愛🐙入到支，侍應同我地介紹有咩package,原來有分玉子燒同埋小丸子嫁。不過由於我中意食玉子燒多d，就揀左玉子燒，一個玉子燒可以揀2樣配料，我揀左鰻魚同芝士🐠🧀😋侍應好貼心，成日會走過黎望住我地有無燒燶同埋會教我地控制時間🕔👍🏽整完之後，我都好滿意自己既製成品🤣…Read More

自小喜歡食章魚燒今次係衝住為了自製小丸子而來！128蚊 經典製作留意特別時段 可以降價到98蚊喔！店員會送上油 配料 面糊 醬料配料就有泡菜 紅蘿蔔 洋蔥 章魚當然也會簡單說明一下 製作方法啦男朋友怕彈油慌張忙亂的經過一輪 倒油 倒面糊 落餸翻滾 補面糊 再翻滾 翻滾 翻滾好快就燒得香香脆脆的全程店員都會俾下提示 協助下令你完成一粒粒可愛的小丸子妙！不過 留意返黎食既客人 唔可以淨係食一客128章魚小丸子起碼要加添一樣小食 先可以喔！！…Read More

首先我book左位鋪頭入面有比較多位未有客人都要我搭枱，之後我地叫左set章魚燒先，佢一黎就放低幾碗仔野，同枝粉漿，淨係叫你吱落去加d料，之後小丸子半熟要反既時候無人會理你的，都算，跟住我地開頭未落哂d料，我地叫一set章魚燒，d材料未用哂我梗係燒等二轉la,點知個店員叫我地睇下d煙，以大煙既理由話只可燒一轉，但一開始又無叫我地落哂d材料，難道燒野會無煙岀嗎？我地連爭拗都覺得哂氣，另外我地叫了份韓式芝士薄餅簡直完全唔知自己食左乜，無芝士都算完全無味道的粉薄餅。從來都未試過一晚食2次晚餐，只係入面逗留左不夠半小時，我地就轉場，第一次光顧滿心期待，極度失望，不會再有下次了，比錢買難受！(另外一提，在book位的時候因OpenRice不可book，所以我唯有打去餐廳book位，接聽電話的店員態度很差，一個電話號碼我説了好多次先留到，我已經講得好清晰，今天我打去另一間餐廳book位，店員只聽一次就清楚接到我booking既資料 )…Read More

當人人都忙住玩小丸子，我哋兩個就悠閑吃飯，皆因兩個人會食唔晒一份小丸子，同埋嚟呢度，只係想試大阪燒，所以成餐飯都聽到有人被油彈到大叫，嗅到燶既小丸子味，睇到大家忙碌將小丸子轉轉轉。。。青蔥燒 $48蛋漿煎得好薄帶點脆口，有好多蔥同木魚，好好味，唯獨醬汁太多比較咸泡菜餃子 $48只煎得一面，仲要唔香脆，餃子皮太淋身，影响晒餃子既口感滑蛋豬扒飯 $68滑蛋果真滑，豬扒又淋又厚身，完全好味過和民果個豬扒鍋，飯係選用日本珍珠米，仲有一個小沙律，值得推介！兩人共消費：HKD164…Read More

幾個人去銅鑼灣搵食，見到有得自己整小丸子，就忍唔住去試。點左個小丸子、蔬菜卷同冷麵，事關同行有人食素，大家都點左可以係素既野食。整小丸子有哂指示，大家仲可以整素小丸子，開心。整大概十分鐘就有得食，味道就不過不失，勝在有得玩係開心既。水冷麵同蔬菜卷都係一般，唔算抵食，玩下就好😀…Read More

最近看到朋友分享，銅鑼灣某餐廳可以自己一手一腳由頭到尾整章魚燒今天與朋友難得經過銅鑼灣，便去大阪李朝園朝朝聖吧，初嚐自己吃的章魚丸自己燒！大阪李朝園位於駱克道近銅鑼灣廣場二期門口擺放了十大大個章魚燒公仔，絕對不會miss out🐙翻開Menu, 原來有多種章魚燒選擇，我們點了最basic的一款店員推介的沖繩柚子汽酒，入口像柚子梳打，但原來酒精含量也有5%點菜後過了不久，店員便送上制作小丸子的材料首先落粉漿，然後開始下材料，分別有甘筍碎、章魚粒、泡菜落完所有材料後，待一會便可再加粉漿，之後便可以慢慢反章魚丸喇據店員教路，最好兩個人一起燒，一個負責反章魚丸，另一個加粉漿，而且最緊要動作夠快，不然很易燒焦。自家制章魚小丸子 $128燒完後可以按照自己心水加入醬油和木魚碎香噴噴熱騰騰，我唔客氣喇！呷入口外層香脆，粉與涵料比例洽好不得不讚嘆自己的作品軟殻蟹沙律 $68沙律菜新鮮，軟殻蟹剛炸起脆卜卜，配上胡麻醬減低膩感海鮮豆乳火鍋 $138材料有蝦、墨魚、獅子狗、菇類、蟹柳、蔬菜等，湯底愈滾愈甜最後放進烏冬麵，烏冬吸盡豆乳湯精華，清甜嫩滑，入曬味正到痺玩了一整晚，食到捧住個肚出門口，有得玩又有得食，每人才$250左右。有時候行街行到悶悶地想揾節目，大家不防過去一展身手…Read More

話說響Openrice見到專題推介手作章魚燒，即刻分享左比囝囝，估唔到囝囝竟然有興趣同我去食! 預早打去預約之後8點準時到左餐廳，裡面「總算」是滿座。店內基本上清一色情侶，客人大多數是2位但佔用4人坐位的，等了大約10分鐘便可以入坐。由於我們是衝著手作章魚燒來的，章魚燒的份量也不少，我們點了一份章魚燒、一份軟殼蟹沙律、一份炸雞飯卷、一支大吟釀章魚燒(HKD$128)下單後不用1分鐘店員便拿來材料，教我們製作章魚燒。店員指導清晰，適時會作出提醒，我地都好滿意製成品，外脆內軟，啖啖配菜(自己造既零舍好味?)，最重要的是過程好玩!軟殼蟹沙律(HKD$68)炸雞飯卷(HKD$58)沙律新鮮爽甜，但軟殼蟹有點過咸，亦偏硬，吃了一口便吃不下。炸雞飯卷不錯好吃，可能由於製作章魚燒時放涼了，炸雞表面淋掉了，吃不到炸雞的感覺，不過總體來說還是好吃的。總結，絕對推薦給情侶!…Read More

筆者和一位中學時代的朋友，大家都是章魚小丸子的發燒友，每每見到章魚小丸子必定兩眼發光，還記得以前在銅鑼灣百德新街的新大丸食街（相信九十後的朋友們已未必知道大丸百貨的存在了），當中有 一檔由日本人主理的小攤檔，專門售賣日式八爪魚小丸子，那外脆內軟的口感，和濃香醬汁的滋味，實在令人難忘，無法抗拒，每次和朋友去到例必你一盤我一盤的吃個不亦樂乎，但隨著時代變遷，店鋪交替，那小攤檔亦早已結業，隨後這廿多年雖然仍有不少販賣章魚小丸子的專門店，但始終未能嘗到那令人懷念的風味，可能就是那老土的 一句，回憶裡總是美好的。最近在網上發現銅鑼灣有一間日韓食店，可以讓客人自己製作小丸子，作為章魚小丸子擁躉的筆者，當然二話不說便約齊好朋友兩夫婦一起去試下啦。去到銅鑼灣駱克道，朋友已給門口的小丸子公仔吸引住，見到店內坐滿人客，心裡還想著可能要等一陣子，想不到十分幸運，等了差不多十分鐘就有位入座了。此店地方不算太大，座位也相對較為擠逼，除 了對著門口的幾行高身吧台，就是另一邊的幾張正常四人餐桌。店內 採用一般的地道日式食肆裝修，沒有堂煌華麗的裝飾，就是實用簡潔乾淨，讓人感覺在家舒服。望望設計精美的餐牌，圖文並茂，很是吸引，筆者發現這店原來除了傳統的章魚小丸子，還有其他創新的牛奶王子燒，銅鑼燒小丸子和蛋包飯丸子燒，當然其他韓式食品如泡菜煎餅和石鍋飯也少不了，選擇頗多，讓人心大心細。經商量後，筆者先點了一客傳統章魚燒小丸子，還有大阪青蔥燒、泡菜煎餅和泡菜煎餃子。泡菜煎餃，皮薄肉香泡菜味突出，餃底加入了麵粉水同煎，形成了一 塊薄薄脆皮，香脆可口。餃子入口鮮嫩多汁，泡菜微微酸辣，開胃爽 口。泡菜煎餅，煎餅面頭見到勁多泡菜，煎得微微焦香，薄身脆口，食落不會太油。煎餅邊位香脆而中間較軟身，配上酸酸辣辣的泡菜，醒胃爽脆，口感特別。大阪青蔥燒，薄得透光的餅底上面是大量的蔥花和木魚碎，加上日式 照燒汁和沙律醬，單看賣相已十分吸引。上碟前廚師已將青蔥燒切開數份，每一口都充滿著青蔥和木魚碎，口腔裡交集著蔥花的清香和木魚的燻香，味道誘人，層次豐富。終於到主角章魚小丸子出場，店員將製作小丸子的材料及用具送到枱上，並詳細解釋做法流程及配料的添加次序，雖然餐牌上都有很清晰的說明，但始終真人示範會全神一點。首先在模具上唧上油，當油開始熱時便可以將麵糊注入至7分滿，跟著加入各種配料如蘿蔔、八爪魚、泡菜等。煎至開始成形後就可以將小丸子反轉，再補入麵漿，起初未掌握好技巧時，會感覺有點難度，但上了手後其實都頗容易反，粒粒煎得圓碌碌，待另一面都煎熟後就完成。之後可按自己口味加上沙律 醬、照燒醬、木魚碎和紫菜碎。這個即燒即食的小丸子， 店家的麵漿調配到家，煎起來頗易上手，最重要是可按自己的偏好控制外層的脆度，要加幾多配料和醬汁都是自己話事，入口外脆內軟熱辣辣，配料醬汁豐富濃郁，一個真真正正屬於自己口味的章魚燒終於誕生了，個人覺得質素甚至可媲美外面師父做的質素（自滿mode啟動） 。之後我們還意猶未盡，添加了一客北海道牛奶玉子燒小丸子、至啱女士的芝士年糕和卡邦尼烏冬。至啱女士的芝士年糕，炸得外脆內軟帶煙韌口感，內裡的芝士溶漿一咬開即湧出來，芝士奶香濃郁，是芝士控必點之選。北海道牛奶玉子燒小丸子，$128可選自選兩款配料，我們揀了青蔥和明太子。玉子燒小丸子，顧名思意，不同於另一款招牌菜傳統章魚燒，玉子一定要煎得嫩滑，如果唔係就失去食玉子燒的意義了。而製作流程亦差不多，只是不能先開火，而是要先放油再倒入蛋漿至七成滿，牛奶蛋漿的份量剛好足夠製成12粒小丸子。之後放入明太子和青蔥，準備就緒才開火，大致成形之後反轉再加入蛋漿， 輕輕煎熟了便要即時取起，以免過熟失去嫩滑口感。脹卜卜的玉子燒可再加上沙律醬、木魚及紫菜碎，內裡明太子的鹹味與淡淡甜香的玉子出奇地匹配，加上青蔥的清香，滑嫩鹹香齊備，是章魚燒以外另一必試菜式。卡邦尼烏冬，這菜式是此店的冬日暖笠笠創作餐單中的其中一款傑作，算是Fusion菜式，平時卡邦尼意粉就食得多，今次轉以日式烏冬入饌，想不到烏冬爽彈煙韌口感為卡邦尼麵食注入了新元素，平時食意粉只會著重彈牙有咬口，但烏冬的軟糯煙韌，是意式麵食當中少有的，配上濃稠度剛好的卡邦尼醬汁，每條烏冬都裹上了滋味汁醬，加上火腿絲及青菜，口感獨特，濃香可口。　　　　　　　　　　　　　　　　　　　　　　　　　　　　　　除了食品以外，杯中物也一向是筆者的心頭好，當晚除了啤酒之外，還試了該店新推出來自沖繩的柚子汽酒，筆者本身不太愛喝甜酒，因市面大多數甜酒都有一股像藥水的味道，不太討好，但在店員誠意的推介下，還是點了來試一下，想不到這汽酒柚子味濃郁，味道清甜，完全沒有所想的藥水味，而本身酒味亦不太突出，易入口之餘原來酒精度亦只得5%左右，跟啤酒度數差不多，食完這麼多香口食物，飲落更覺清新解渴，個人認為女士應該會十分喜愛這款汽酒。這次來到呢間可以自製章魚燒的日韓小店，讓筆者和朋友能一嘗懷念多年前的滋味，雖然食完之後滿身都是油煙味，但對慣於入廚的筆者來說完全習以為常，唯有難為了身上的去街衫吧。我們整晚有得食有得玩，最終還多叫了一客章魚燒，大家吃個盡興而歸，已經很久沒有試過這樣放肆的大吃大喝了，實在令人回味再回味!…Read More

店舖設於銅鑼灣地舖，人流相當多，本店主打燒章魚丸自己serve 自己！玩味十足一次18 粒好唔得閒呢材料分別有：魷魚、洋蔥、泡菜、麵粉漿、蘿蔔絲。店員先幫忙下油，然後會幫你試幾個店員會分發物資，配料，講解怎樣燒，原來也很有技巧的！自家製來講，賣相算是咁了吧哈哈！說說味道如何，自己整感覺一定說好的吧！牛乳豆腐海鮮火鍋配料很豐富，娃娃菜，菌類，獅子狗，蝦，豆腐等等。燒雞排皮脆內軟，又很 juicy:)輕輕鬆鬆又一夜:)…Read More

今天2月14 ，不知道跟女朋友吃什麼好，沒有頭緒。早前等車回家時常常看到這間餐廳，一直想試就決定吃這間。惡夢便開始了！雖然2月14 一定很多人外出用餐。但我們都不用等位，很快便進入，但要坐門口(女朋友不太喜歡坐門口位)Ok不要緊。我們叫了小丸子，大阪炒面，韓國炸雞。(每人必須消費百五蚊）先說炒面 ，實在太咸😪咸到快要洗腎的感覺！侍應姐姐說是老抽炒所以會咸點。(心想，日本餐廳大阪炒面為什麼用老抽)Ok不要緊。韓國炸雞你會狂想是一粒一粒哪種，其實是一塊雞排，然後放芝士醬上去，完。小丸子，(你放粉漿前個版係勁污糟，抹完全張紙巾都係黑色嘅，我哋係要求多次佢先至再幫我地抹，如果唔係應該係瞓緊醫院)首先是侍應會逼你落咗啲粉漿先，然後佢會自己幫你落勁多油。成個版都係好多油，好似喺度炸緊咁。跟住佢會不停地行埋黎同你講會唔好意思收一收d野。🙄好想同女朋友有反少少空間。然後整完，原來我哋叫嘅唔係小丸子，玉子！我哋問佢拎醬佢竟然同我地講話王子係唔需要醬！我哋都整左咁耐先至知！omg!總結，呢間有強迫症！仲以為可以自己落手落腳整，不如淘寶！又唔飽食左300蚊，又要再諗食乜.....…Read More

之前見過好多朋友都黎整章魚小丸子，好似幾好玩咁，所以決定黎試下。我同朋友七點半去到餐廳，等左十分鐘就有位，店員安排左高枱俾我地。章魚小丸子 ($128)店員送上各種配料，有粉漿、八爪魚、泡菜、紅蘿蔔、洋蔥然後再講解同示範點整。唔記得點整都可以睇返menu。首先將粉漿倒至七分滿，加入自己鐘意嘅配料，等到熟左就反去另一邊燒，最後加上醬汁、紫菜同木魚就大功告成，好玩又好食!店員仲讚我地整得好成功!本身都以為會失敗 點知睇到個樣okay喎章魚小丸子都算大粒雖然出去買都係十幾廿蚊俾多五倍價錢可以落手落腳整仲可以食返自己手勢自己整我一定話好味最特別係有泡菜 酸酸辣辣幾過癮海鮮豆乳鍋 ($138)配料好豐富，有墨魚仔、蟹柳、鮮蝦、芝士竹輪、蔬菜仲有烏冬。湯底有淡淡嘅豆乳香味，清甜又鮮美，而且唔會油膩!…Read More