豊勝手丼 (已結業)

一諗起今年既日本之旅要告吹, 真係好唔開心, 機票酒店全部都取消哂, 唯有將旅費放係我個肚度, 早幾日特登同男友去左食壽司丼飯, 為解我日本相思之病。我地去左依間係登龍街專食壽司丼既餐廳食晚飯, 和風木裝修好日式諗緊食咩個時見到依張日本美食祭既餐牌做緊推廣優惠都幾吸引不過我地都係食返最原始既壽司丼飯, 淨係丼飯選擇都已經花多眼亂, 最後一齊叫左五品丼,入面有三文魚, 油甘魚, 赤蝦, 活帶子同日本海膽, 全部都係我地都鍾意食既魚三文魚係腩既部位, 肥得黎又唔會太膩, 赤蝦夠哂大隻厚切油甘魚肥美爽甜帶子都好新鮮, 最正係個日本海膽, 超鮮甜, 食個時有陣陣既甜味, 撈飯食超正!