鮨之

营业中

休息中

朗豪坊唔係太多好餐廳可以選擇，最後就選擇咗呢一間日式餐廳。服務就一般般啦，不過勝在如果有卡位嘅話就會坐得比較舒服，衛生亦都係中上水平。至於上菜係用機械托盤上嘅，有啲新奇同有趣。食物種類好多，我嗰日就選擇咗雜錦刺身丼飯，而我嘅另一半就選擇咗自選丼飯，可以選擇唔同種類嘅刺身每款兩件，可以選擇兩款、四款或者六款嘅刺身，飯亦都可以選擇係普通白飯或者壽司飯。至於個雜錦刺身飯其實就每款刺身有一件，不過仲會有沙律同埋麵豉湯一碗，不過我覺得啲刺身味道就一般般，其實我會建議自選刺身丼飯好啲，因為可以選擇你自己鍾意食嘅刺身。埋單嘅時候$400都唔使，不過由於食物質素只係一般，所以我覺得個CP值都唔係特別高。