鮨之

旺角日本料理開到一街都係，可惜多數係放題，講起都成六、七年冇食過放題，食唔到咁多盞浪費，寧願將錢錢變做喜歡的樣子 😆朗豪坊嘅鮨之係我嘅 Go-to，高質食材加上位置闊落坐得舒服，間唔中就會同男朋友屋企人去 🇯🇵 A la Carte 菜式定價中上人均約$500，但最近發現佢哋推出咗超抵食嘅二人前套餐，有齊刺身壽司串燒炸物主食甜品勁豐富 😍 水準一如既往穩定，絕對無將貨就價 🙌🏽❀ 特選二人前套餐｜$698 + 10%前菜河豚魚乾加入味醂炭燒，甜甜哋又香口，口感煙韌唔會太硬，配酒一流 🍶厚切刺身鮮甜肥美，除咗固定嘅吞拿魚背、三文魚腩同赤蝦，當日精選嘅季節刺身係我最愛嘅油甘魚，魚皮泛銀色光澤足以證明新鮮度 💯壽司有油脂香濃嘅火炙左口魚裙邊，入口即融，帶子伴上 Creamy 海膽好加分，仲有火炙鰻魚卷同蔥吞拿魚腩卷，一個 Set 食到不同風味表示滿足！🍣串燒日本黑豚五花腩好驚喜，脂肪燒得焦香，咬落毫不肥膩仲好 Juicy 🤤 翠玉瓜燒得剛好，食咗咁多肉好需要蔬菜 🥒炸物火候掌握得宜，吉列炸蠔外脆內嫩，蠔肉爆汁，仲有金黃香脆嘅唐揚炸雞同雞皮餃子 🍗主食揀咗豚肉泡菜石鍋飯，泡菜醬汁酸辣醒胃，仲有飯焦脆卜卜，雖然飽到上心口但都忍唔住食咗碗 😋綠茶蕨餅軟糯不過甜，完美作結 🫶🏻另外嗌咗滑捋捋嘅海膽茶碗蒸，同每次嚟都會點嘅舞茸土瓶蒸，菇菌清香加少少青檸汁好好味㗎 🍋‍🟩套餐唔包飲品，最後埋單八百幾蚊，呢個價錢咁多嘢食仲要無伏，食到捧住肚走，性價比超高，推薦大家去試吓～🥰📍 鮨之旺角亞皆老街8號朗豪坊4樓6號舖…查看更多

這次到訪 鮨之 SUSHI ZUSHI，餐廳主打新鮮日式料理，氣氛典雅，是刺身控的理想用餐地點。今餐我點了 特上刺身御膳套餐 與月見牛肉瀑布丼，各有亮點：特上刺身御膳套餐：每款刺身切割厚薄均勻，魚生新鮮，油脂分佈理想，入口即化，味道鮮甜。配搭味噌湯、小菜及米飯，豐富又滿足，一次品嚐多種上選食材。月見牛肉瀑布丼：牛肉片鋪滿飯面，肉質軟嫩，配上生蛋黃與醬汁拌勻後更添滑順口感。飯底粒粒分明，整體鹹香平衡，是必點人氣丼物。整體而言，食材新鮮、擺盤精美，無論午餐定晚餐都很適合。服務親切，值得推介給喜愛高質日式料理的朋友。…查看更多

自從在東京築地市場吃過難忘的刺身後，一直在香港尋找美味刺身。週五下班後，與閨蜜試試朗豪坊的「鮨之」。我們果斷點選了當季限定刺身，吞拿魚腩刺身，油脂如霜降雪花的美態已讓人屏息。夾起厚切一片輕蘸醬油，入口那刻真正理解什麼叫「融化」——豐腴脂肪在舌面上化作甘甜海洋，筋絡處理得恰到好處。接著上場的牡丹蝦刺身，蝦身透著珍珠光澤。蝦肉爽脆鮮甜不在話下，最正係蝦頭滿溢的橙黃蝦膏。壽司環節的海膽壽司！馬糞海膽如金色海浪堆疊在醋飯上，用海苔捲起後整顆放入口中，瞬間爆發的奶油質感，甘甜餘韻持續不散。旁邊的帶子壽司同樣出色，厚切帶子大得幾乎覆蓋整個醋飯。搭配冰鎮日本啤酒實在絕配——綿密泡沫沖散油脂感，讓味蕾重新開機準備迎接下一道驚喜。這夜過後，朗豪坊於我不再只是 shopping mall，更是美食天堂。…查看更多

同友人一齊去食晏。去之前見openrice d人推介雜錦魚生飯，所以就叫咗。魚生每款一片唔厚嘅，尤其片鰻魚仲係超薄size，有片熟咗嘅魚旗有d腥，海膽有明礬味咁啦。最有問題係食食吓有曱甴爬咗上枱面。低b既我第一時間拎起碗飯彈咗起身，店員反應好快就捉咗隻尾指甲咁細嘅曱甴走。店內d枱係分咗3行排列，本來係坐一入門口最右手邊嗰行，見到小強之後就員工就即刻安排我坐中間嗰行，點知都仲未坐低又見到另一隻小強，都係未來得切影相就俾員工捉走咗。最後坐咗係左邊果行既枱。睇返2022年原來已經有人係openrice po咗話見到曱甴，睇返個po d相同我今日見到既係一樣，所以店內既小強s係冇處理得到。唯一好嘅係員工服務係好周到既…查看更多

🐟 西京燒銀鱈魚 $198 ★★★★☆👉 銀鱈魚烤至外皮微焦，魚肉依然保持嫩滑又多汁，油香豐富但一啲都唔膩～💬 搭配新鮮嘅生菜、小番茄，清新平衡，鍾意食魚嘅必點！🍵 特上壽司盛合 (9件) $262 ★★★★☆👉 包括三文魚腩、大吞拿魚腩、帶子、海膽軍艦、炙燒左口魚邊等，款款新鮮！💬 壽司飯握得剛好，魚生厚度適中，海膽鮮甜濃郁，一個人食晒真係超滿足～🥚 海膽蒸蛋 $68 ★★★★★👉海膽鋪到滿一滿，仲要超鮮甜，入面仲有蟹肉、蝦肉、雞肉同銀杏，勁足料！ 💬 蒸蛋滑到不得了，海膽入口即化，鮮味大爆發，$68絕對回本！☕️ 牛肉烏冬 $108 ★★★☆☆👉 烏冬彈牙煙韌，湯頭清甜，牛肉份量正常💬 味道不過不失，算係穩陣之選，但以$108來講略嫌貴咗少少。整體上食材都好新鮮，以朗豪坊嘅餐廳嚟講價錢中上，偶爾享受一下絕對值得，下次會再encore試埋佢嘅午市套餐。…查看更多

今日行旺角出面幾十度行商場最好所以商場都好多人好嘈行左陣一家四口搵餐廳開餐見到周圍都好多人又迫又嘈見到鮨之叫得呢啲名心諗都唔平左為左餐安樂茶飯就是但啦坐低14:15伙記好好提醒14:30前仲有午餐叫左4個餐睇清楚個餐牌以前睇錯居然只係貴屋村一般日式料理少少（老細睇到post唔好加價呀😂）啲餐一到心入面嘩左聲出黎啲份量真係未見過咁足又前菜又甜品我食左個刺身飯真係好新鮮雖然個雞扒要半個鐘先有但堅唔錯有機會下次會再食地方寬敞 又乾淨又舒服 都幾靚仲要又平又好食 真係邊度搵…查看更多

朗豪坊唔係太多好餐廳可以選擇，最後就選擇咗呢一間日式餐廳。服務就一般般啦，不過勝在如果有卡位嘅話就會坐得比較舒服，衛生亦都係中上水平。至於上菜係用機械托盤上嘅，有啲新奇同有趣。食物種類好多，我嗰日就選擇咗雜錦刺身丼飯，而我嘅另一半就選擇咗自選丼飯，可以選擇唔同種類嘅刺身每款兩件，可以選擇兩款、四款或者六款嘅刺身，飯亦都可以選擇係普通白飯或者壽司飯。至於個雜錦刺身飯其實就每款刺身有一件，不過仲會有沙律同埋麵豉湯一碗，不過我覺得啲刺身味道就一般般，其實我會建議自選刺身丼飯好啲，因為可以選擇你自己鍾意食嘅刺身。埋單嘅時候$400都唔使，不過由於食物質素只係一般，所以我覺得個CP值都唔係特別高。…查看更多

周末午市$130自選五款配料嘅魚生飯總括嚟講，食物質素有番咁上下，但又未至於令人留下深刻印象。值得一讚嘅係，蔥吞拿魚蓉處理得好好，完全冇腥味；三文魚亦新鮮肥美。不過有啲細節位明顯要扣分，例如灸燒三文魚下面嘅飯竟然係暖嘅，影響咗魚生嘅口感同溫度，呢點比較失望。另外，玉子燒味道偏淡，如果可以再甜啲會更好。飲品方面，杯芒果梳打有驚喜，值得一讚！總結嚟講，如果純粹追求CP值，市面上有差唔多質素但更抵食嘅選擇。不過，呢度最大嘅優勢係環境闊落，坐得非常舒服，氣氛唔錯，所以如果係想搵個地方約會或者同朋友慢慢傾偈，呢度會係一個相當唔錯嘅選擇。…查看更多

近期食過最難食嘅日本嘢🤯估唔到會喺朗豪坊度食呢日星期六嘅下晝全場都滿咗八成，佢哋生意都幾好㗎我叫咗個月見豚肉丼飯，調味非常重口味比廣東臘肉更加鹹，鹹嘅程度應該拍得住鹹魚，認真！呢一set午餐價錢係$128仲要收+1服務費，味道嚟講$38都比多佢🥶朋友叫嘅吉列豬扒烏冬，嗰塊吉列豬扒都好乾食物就無影到相啦，但忍唔住影低杯茶食到啲咁難食同埋咁鹹嘅嘢，梗係想飲返杯茶沖淡下個味蕾！但係杯茶勁多茶渣，我真係未食過一間日本嘢，供應嘅茶會係咁樣！…查看更多

難得兩個人去完附近行街再撐枱腳，喺朗豪坊揀左呢間靜靜地既日本野🍣懶得諗食咩，就決定叫個二人前套餐👫🏻.✨燒河豚魚✨本身我好中意食燒魚乾，呢個燒河豚魚入口偏甜又暖暖地咁，好岩我口味，切晒做一條條兩個人食份量都幾多✨刺身4點 ✨唔算大舊但係厚身，用料新鮮✨壽司4點✨唔會大舊飯，帆立貝壽司夠鮮甜，火炙左口魚都充滿油香✨炸物：吉列蠔、炸雞、雞皮餃子✨吉列蠔外脆內軟；炸雞正常發揮；雞皮餃子就太油，而且炸得唔夠脆身✨串燒：黑豚五花腩、雞軟骨、翠玉瓜✨3串串燒都燒得好夠火喉，焦香得黎又唔會燒到老晒✨豚肉湯烏冬✨呢個烏冬係成個套餐入面最差，仲要唔記得左影相！賣相就係水烚豚肉同水烚烏冬咁，味道都好淡好淡，好失望！.✨綠茶蕨餅✨上面舖左紅豆，但我都係覺得黑糖會夾d…查看更多

老公想食日式午餐，見呢間餐牌好多選擇，有好似車仔麵咁樣自選唔同魚生嘅丼飯、有好多唔同併法嘅套餐，例如壽司拼天婦羅、拼串燒、拼烏冬等等，又有滑蛋丼、咖哩飯嗰類。我叫咗個串燒餐，個餐有5件壽司、三串串燒、一碗迷你烏冬、一個茶碗蒸蛋，好豐富！串燒燒得尤其出色！壽司嘅魚生好大片，但醋飯就特登搓到細細粒，我好鍾意呢個「少飯」比例😂。其中一件壽司係甜蝦，好粗好肥美，仲細心地搣走咗蝦尾殼，讚！最好味嗰件係左口魚裙邊，火炙過，油脂超級甘香🤤侍應都好醒目，好快收拾走用完嘅碗碟。會再嚟！…查看更多

自從上次食完難食野，原本對係旺角食飯無乜期望，原來仲有好野食，仲禁岩撞正有得睇劏魚🐟，好新鮮😋完全唔腥😋暫時係香港食呑拿魚排第1😋 @sushizushi_hk 如果有其他更好食，留言話俾我知😉蔥三文魚蓉•海膽丼 $188大吞拿魚腩壽司 $72中吞拿魚腩壽司 $58香蔥吞拿魚腩壽司 $38吞拿魚背壽司 $38三文魚籽壽司 $39油甘魚壽司 $36火炙帆立貝蟹膏 $42原條穴子壽司 $46挪威三文魚腩壽司 $22火炙左口魚裙邊 $32刺身盛合（5款） $368…查看更多

今日下晝嘅時間去咗朗豪坊呢邊shopping，之前都冇見過呢一間日式嘅餐廳，今次同朋友就決定入去試吓我哋都上網搵咗少少資料就話佢哋魚生飯特別出名！咁我哋就決定試吓，打算嚟講都唔算太貴，我覺得喺同區嚟講呢一個質素嘅魚生飯，我覺得都做得唔錯🔥🔥魚生飯嘅口感非常多元化，有好多種唔同嘅配料，個面就放咗海膽蟹子同埋魚子，海膽嘅味道非常甘甜，而且絕對冇苦味，食得出餐廳係用咗日本嘅高級海膽，魚子嘅味道都唔錯，唔會太腥，每一種刺身都有少少咁唔會話太多，呢個份量對於我嚟講啱啱好，帶子同埋吞拿魚蓉都好好食！下次返嚟再試吓！…查看更多

嘢食可以的，但係蝦貝類嘅質素就麻麻哋帶子超貴 嗌咗刺身，但係佢得兩篇而且切得好奇怪因為我哋趕時間，都費事同佢嘈，而且佢本身都黑晒面 好似好想落場收工 將佢太忙嘅怨氣抒發喺客人度🤯香港食嘢真係慘慘 都未講重點，佢個魷魚刺身Menu寫三片佢俾得兩片 都唔知係因為求其定係偷食 呢個大子一片厚一片好薄 而且好似解凍唔夠咁成餐感覺食得好急，而且服務態度好差，佢好似刻着面問佢多少少嘢都話做唔到做唔到好似直程唔想叫你越少越好雖然見到佢人手不足係好忙但係都唔係咁，不過佢應該願望成真可以逼到啲客人少啲去食🙃問佢串燒可唔可以走油？佢勁唔耐煩咁話做唔到跟住係咁解釋一段廢話 怨氣 好差見到難得又啱食配搭嗌咗個海膽帶子杯，但係質素普通吧，海膽不是太鮮甜帶子都係頭先所講冇乜鮮味好似有解凍嘅感覺 $188唔抵雜錦魚生飯可以吧 感覺呢間嘢嘅魚生係好味啲蝦貝類就弱啲 不過都唔會唔會再嚟食！因為佢性價比非常低，而且服務超差 好似貼錢買難受…查看更多

星期五約咗朋友聚會，餐廳位置好方便。食完又可以行下商場，所以就book咗呢間餐廳！壽司set🍣呢份係有拖羅，海膽，鰻魚…海膽好新鮮！完全冇哭味，鰻魚好大條，一口食唔晒不過其他就表現普通冇咩好評價。海膽炒飯海膽份量就係面頭個少少，都係好新鮮啦炒飯味道都好食，飯唔會太乾或太濕。炒得相當好加州卷呢個冇乜特別，材料正常。蟹籽都好多但賣相可以做返好啲整體黎講味道係正常發揮，合格。但唔會話有特別既驚喜。價錢偏貴，偶爾食一次就足夠了喔吸引點坐耐啲同朋友傾計都唔會比人催，非常好👍🏻…查看更多