更多
2021-12-21
61 浏览
黎到屯門嘅三聖又點少得食海鮮呢個指定動作!今日我就嚟到棠記嘆吓佢!餐廳嘅環境都幾乾淨,食得都幾放心!我哋叫咗幾樣嘢,包括酥炸桶蠔、油鹽花甲、脆炆骨腩!酥炸桶蠔真係超酥脆,炸粉唔會太厚,唔會食到成口都係粉,炸粉厚薄適中,配埋蠔食,簡直係一流!同埋最緊要係佢夠熱辣辣!佢用嚟炸嘢嘅油都唔係隔夜油,完全冇油益味,反而食到好香嘅油味!呢度真係加晒分!油鹽花甲都真係超好食,花甲一啲沙都冇,仲食到啖啖肉,最緊要係底層嘅粉絲,索哂花甲啲好鮮嘅汁,食落簡直係成碟嘅精華!另外就係脆炆骨腩,骨腩夠哂香口,d芡汁都好夾!同埋食到好鮮甜嘅魚味!免頭嘅京蔥大左啲鮮味!真係好好味!下次都要再嚟!
张贴