十三姨 (通菜街)

营业中

休息中

早前同朋友去左呢間餐廳食野。見到佢食嘅野都幾特別。一去到因為係午餐時間，所以都好多人排隊，大約排左30-45分鐘。入到去就即刻俾左個印尼蝦片小食我地。雖然係免費，但一啲都唔馬虎。蝦片好香脆，唔會食到手好油。叫去個鵝肝太陽蛋飯，好好味。我不嬲都鐘意食鵝肝。之前去過何蘭正食佢個鵝肝飯，覺得太膩。但呢度個鵝肝飯並沒呢個感覺。之後叫左炙燒手撕雞湯粉絲，味道好出色。我一向都好鍾意胡椒味嘅湯。呢個湯粉絲個味有少少似食卜卜蜆嘅。味道好鮮甜。下次一定會再encore。希望港島都可以開返間！