Abbraccio

老細突然話帶我去食好嘢，原來係一間主打pizza嘅店（佢飛佛🍕），仲要一店兩舖，隔離就係佢哋嘅扒房，佢話今次先🍕下次一定要試埋🥩！ 餐湯同麵包已經有驚喜🥣個蕃茄湯一入口係酸嘅，但越飲越香，質地好creamy，唔係一般罐頭湯嘅感覺。🥖酸種麵包外皮乾，但內裡好煙靭，咬落去有質感，點湯食一流。 🥗沙律唔hea做叫咗個雞胸肉沙律，估唔到雞胸可以咁嫩滑，一啲都唔鞋口，仲好juicy。火箭菜嘅獨特香味好出，油醋汁濃得嚟帶甜，仲有洋蔥絲同蘿蔔絲增加口感，成個配搭好平衡。 🥩西冷扒有炭香 老細叫咗個西冷（250g），medium熟度，一上枱就聞到陣炭燒香味。切開見到粉紅色嘅肉，燒得啱啱好，肉質超juicy，完全唔乾，水準之上。 🍕自家製安格斯牛肉丸pizza個pizza餅底厚薄適中，唔會太厚或者太薄，咬落去好有口感。自家製番茄醬汁底好開胃，芝士份量足，拉絲效果滿分。手打牛肉丸好有牛味，唔會死鹹，整體配搭好正。 🍹飲品都唔馬虎勁抵！！🥰$140for 2，叫咗杯Bay breeze：vodka底加上橙汁同小紅莓汁，清新得嚟帶少少酒香，好啱配pizza。另外仲叫咗杯fruit punch，甜度適