影片
更多
2018-01-24
287 浏览
自問女仔嚟講都算大食，但我呢班朋友嘅胃比我更誇張，所以每次出去唔係放題、雞煲就係打邊爐。不過早排搵到呢間壹蒸鍋，竟然可以一次過食晒蒸海鮮、粥底、打邊爐再加刺身，今次gathering就一齊試試去。刺身加$30就有一位，平時出去食幾舊三文魚都要$48，所以勁抵食，不過可惜我遲收工，去到朋友已經食完賣相最精美嘅第一輪，不過刺身質素第二轉都唔差，encore左幾次先肯開始食蒸野。蒸海鮮盆陣容非常鼎盛，蠔、蜆、聖子、鮑魚、蟶子、鱔魚、龍躉、扇貝同大蝦，食完幾轉蒸物已經好飽，而追加精品有唔少得意食物，包括小籠包、流沙芝士棒、金錢肚、章魚燒等等。食晒蒸品後就到粥底，由於吸收晒頭先海鮮精華，咸鮮味極濃，所以都係唔食咁多，留返個粥底打邊爐。食完蒸盤到打邊爐，食哂海鮮仲有好多唔同配料，除咗一般丸、菜，仲有手切肥牛、牛脷片、牛展肉、花膠、青口等等。醬料方面勁厲害，好似海底撈一樣，醬料多到數唔晒，牛肉汁、沙嗲醬、桂林辣醬、蒜蓉、甜酸醬、日式芝麻等等，能夠完全刺激味蕾。甜品方面有雀巢雪糕外，仲有雲呢拿和紫芋雪糕糯米滋，就算食到幾飽都忍唔到口食多幾粒糯米滋。餐廳唔大，座位亦偏迫，不過上菜速度算快，亦無漏單情況。
自問女仔嚟講都算大食，但我呢班朋友嘅胃比我更誇張，所以每次出去唔係放題、雞煲就係打邊爐。不過早排搵到呢間壹蒸鍋，竟然可以一次過食晒蒸海鮮、粥底、打邊爐再加刺身，今次gathering就一齊試試去。
刺身加$30就有一位，平時出去食幾舊三文魚都要$48，所以勁抵食，不過可惜我遲收工，去到朋友已經食完賣相最精美嘅第一輪，不過刺身質素第二轉都唔差，encore左幾次先肯開始食蒸野。
蒸海鮮盆陣容非常鼎盛，蠔、蜆、聖子、鮑魚、蟶子、鱔魚、龍躉、扇貝同大蝦，食完幾轉蒸物已經好飽，而追加精品有唔少得意食物，包括小籠包、流沙芝士棒、金錢肚、章魚燒等等。
食晒蒸品後就到粥底，由於吸收晒頭先海鮮精華，咸鮮味極濃，所以都係唔食咁多，留返個粥底打邊爐。
食完蒸盤到打邊爐，食哂海鮮仲有好多唔同配料，除咗一般丸、菜，仲有手切肥牛、牛脷片、牛展肉、花膠、青口等等。
醬料方面勁厲害，好似海底撈一樣，醬料多到數唔晒，牛肉汁、沙嗲醬、桂林辣醬、蒜蓉、甜酸醬、日式芝麻等等，能夠完全刺激味蕾。
甜品方面有雀巢雪糕外，仲有雲呢拿和紫芋雪糕糯米滋，就算食到幾飽都忍唔到口食多幾粒糯米滋。
餐廳唔大，座位亦偏迫，不過上菜速度算快，亦無漏單情況。星期日至四6:30-9:00時段關係，連加一每人只需$285，喺而家香港$300都唔洗就可以食到咁飽真係勁抵！
张贴
