豊勝手丼 (已結業)

今日太想太想太想食啲有質素嘅日本丼，專登去咗呢間專門食丼飯嘅日本餐廳，好多人comment話好好味架，決定月頭係時候豪一豪俾自己啦🤩呢種裝修有置身日本感覺啦！一入到餐廳，員工好好，好仔細話俾我知今日咩食材係最新鮮，同埋有咩優惠😂丼飯同九貫有75折呀，岩曬我勁想食丼飯！唸咗好一陣子食邊款好，最後我點咗2號：原板韓國海膽、日本海膽、赤蝦、碎蔥吞拿魚腩黎到嘅時候，真係同menu入面一模一樣！我見呢個可以一次過試兩款海膽，加上好似好耐無食赤蝦，咁我就放棄留番下次先再試帶子個個啦！近左下個個係日本海膽，金黃色，大片啲，肥大厚肉啲，而且紋理同顆粒都明顯清晰。入口即刻化開咁，鮮甜的。韓國海膽雖然比較細粒，味道對比下無日本海膽咁濃郁，但同樣新鮮。赤蝦大大隻，脆肉爽口，蝦頭有好多蝦膏。佢寫住完熟日本桃呀，完全無法抵抗，結果忍唔住叫咁支😂白桃的汽水都幾甜其他啲壽司、刺身又唔貴喎，聽聞係新增嘅，之前無做壽司嘅。選擇同連鎖個啲餐廳差唔多，但我相信呢度一定好坐啲。