影片
更多
2022-10-30
414 浏览
Bookmarked 左呢間小店好耐，之前點幾行經但未開門😭，今日一個人做完facial 5點左右就去碰碰運氣啦😺排左半個鐘就入到，覺得算幾好彩喇🤭呢度只由一個人打點成間舖，店舖只有6個座位，環境衛生🫰🏻由烹調，上菜，收銀到清潔都係老闆自己一腳踢，好佩服佢😳餐廳只提供3個湯底既伊麵，分別係海蝦濃湯，金華火腿煲雞濃湯同胡椒豬骨濃湯，全部均配Roast Beef 同伊麵🍜另外仲有個海牛堡🍔，不過聽聞唔係成日有，睇老闆心情😝食客係可以一直欣賞到老闆烹調過程👨🏻🍳，我坐係最近老闆煮麵既位置，睇到老闆的一絲不茍同誠意，令我讚嘆🥹老闆會係食客食緊野時開始準備下一round 食客既牛肉份量，見佢好用心咁慢慢切😉到食客入座及點餐後，佢就開始用火槍🔥燒牛肉，然後灑上櫻花蝦，再燒一下最後再灑上蔥花，又再燒湯底絕對唔馬虎，老闆會先將湯渣撈起放在隔到渣既勺上，然後再用湯勺將湯倒在湯渣上，讓湯透過隔渣既勺流到碗上😱再係湯麵灑上櫻花蝦同蔥花後再燒一下過程真係見老闆好用心，所以大約20分鐘左右先有得食，如果趕時間千祈唔好黎😆老闆上麵時會同食客講唔好意思，應該係覺得令食客久等❤️不過其實係我地自願黎食既😂另外，佢連對
排左半個鐘就入到，覺得算幾好彩喇🤭
呢度只由一個人打點成間舖，店舖只有6個座位，環境衛生🫰🏻
由烹調，上菜，收銀到清潔都係老闆自己一腳踢，好佩服佢😳
餐廳只提供3個湯底既伊麵，分別係海蝦濃湯，金華火腿煲雞濃湯同胡椒豬骨濃湯，全部均配Roast Beef 同伊麵🍜
另外仲有個海牛堡🍔，不過聽聞唔係成日有，睇老闆心情😝
食客係可以一直欣賞到老闆烹調過程👨🏻🍳，我坐係最近老闆煮麵既位置，睇到老闆的一絲不茍同誠意，令我讚嘆🥹
老闆會係食客食緊野時開始準備下一round 食客既牛肉份量，見佢好用心咁慢慢切😉
到食客入座及點餐後，佢就開始用火槍🔥燒牛肉，然後灑上櫻花蝦，再燒一下
最後再灑上蔥花，又再燒
湯底絕對唔馬虎，老闆會先將湯渣撈起放在隔到渣既勺上，然後再用湯勺將湯倒在湯渣上，讓湯透過隔渣既勺流到碗上😱
再係湯麵灑上櫻花蝦同蔥花後再燒一下
過程真係見老闆好用心，所以大約20分鐘左右先有得食，如果趕時間千祈唔好黎😆
老闆上麵時會同食客講唔好意思，應該係覺得令食客久等❤️
不過其實係我地自願黎食既😂
另外，佢連對筷子都與別不同架，雖然係即棄但係都好精美，老闆真係一個好講究細節既人🥰
==========
🔹海蝦濃湯Roast Beef 伊麵 $90
上檯時見到個湯真係好濃郁，即時忍唔住先飲幾啖，有新鮮既蝦味，櫻花蝦係極香😋😋 不過就唔算太飲到有蝦膏味😅
聽講老闆係用鮮蝦殼同蝦頭去炒再煮成濃湯👍🏻
燒牛肉有七片，燒既火喉真係相當好，大約係5成熟，每一片都鮮嫩有嚼勁，黑椒味好夠，而且油脂感豐富，牛肉味未算最豐富但也不錯🤩
伊麵比起平日食既會較彈牙有咬口，不過就唔算太掛到湯，所以我將麵放上湯羹上再加上湯一齊食🫠
食完係完全唔口渴，感覺冇咩味精🤞🏻
平時唔多飲湯底既我都接近飲哂，唔想浪費老闆的心機😂
==========
整體黎講係好唔錯，但可能期望過高所以未算非常驚喜，如果排半個鐘我覺得值得一試，超過一個鐘就唔係太值喇🫣
另外，份量唔算好多，如果男仔食未必夠飽🫢
最後同老闆傾左幾句，知道原來佢係香港人，臨走時佢都會問食客佢d 麵好唔好食，感覺好親切🫰🏻
张贴
