101手工涮涮鍋 (金朝陽中心二期 - Midtown)

营业中

休息中

是日公司的高層都好多都休假無咩野做, 所以午飯我地幾個女仔就上網 search 見到銅鑼灣有一人一鍋午市邊爐食，好似幾得意咁，所以就一齊去試下。呢間一人一鍋叫101手工涮涮鍋 ，入面主打一人一鍋邊爐仔，而午飯 menu 的招牌湯底就係呢5個湯底, 口味各有不同. 我覺自己會好想試台灣沙茶湯同埋台灣麻辣湯，不過因為隔離檯都有 order 沙茶湯我覺得好似好正，所以決定叫番個。每個窩都可以有配飯或米線或者麵類，另外也可以自選三個配料, 由於最近食得太多肉類既關係, 我揀左粟米件, 白蘿蔔同埋蜂巢豆腐比較清淡的配料。首先，個湯底好冶味，係無味精有好重沙茶味，重點係個湯底好入味，完全唔油，尤其係個蜂巢豆腐，吸哂所有湯汁，好正！另外, 粟米同埋白蘿蔔份量都好多，最後都勉強才能全部食曬, 餐廳果然好有誠意。班同事話我呢個邊爐好健康，食多幾次都唔怕！ XD另外, 飲品我就叫了巨峰提子可樂沙冰, 杯餐飲真系好大杯, 賣相很好看, 一邊飲一邊看住倒插的可樂慢慢咁從玻璃樽內流入杯內, 好得意!總括黎講，我就覺得一人一個鍋比較衞生，如果任何人唔舒服嘅人去食，都唔怕會傳染比人，所以我大力推薦大家去試下！