🌖龍蝦湯 $38
龍蝦湯香滑濃郁，裡面仲有粒粒蝦肉，但記得要趁熱飲，始終鮮味容易變腥味。
🌖Duck & Croffle $226
除左原隻油封鴨腿配牛角包窩夫🧇外，仲有隻煎太陽蛋及糖漿。油封鴨腿完全唔油膩，皮下脂肪基本上完全不存在，肉質緊緻得黎唔會乾柴；配上香脆窩夫同流心太陽蛋，有多重口感；糖漿有質素，食落唔會太甜又唔涸喉，似乎係楓糖漿，就算食完個窩夫都情不自禁地食埋餘下嘅糖漿😛。
🌖巴馬火腿Pizza $98
一份六件，餅底夠薄夠脆，滿滿嘅芝士上有一大片巴馬芝士，夠曬足料，唯一投訴就係因為太足料所以味道較鹹，加埋蜜瓜或者將火腿份量減半會更好。
🌗咸蛋黃單骨雞翼 $78
聞落好香咸蛋黃味，咸蛋黃充分覆蓋住雞翼嘅各個表面，而且唔容易剝落；入口唔油膩，層coating 有幼細嘅沙粒感，略嫌唔夠鹹😮，但唔鹹又可以兩個人都食曬成份，自己都覺得自己好難滿足🤣。
🌗巴西山度士咖啡 $50
本身唔太識飲咖啡，淺嚐朋友嘅咖啡覺得味道較淡，酸味唔重容易入口，就算放涼左都唔會變酸。
