雙魚座咖啡館 (已搬遷)

「雙魚座咖啡」係出名的應援餐廳，今期係G Dragon😍😍，型呀，好多poster、相、手幅，仲推出「權志龍限定應援餐單」✨🍴金沙蛋黃單骨雞翼$78（8件）：單骨方便食用，但金沙蛋黃炒得唔夠乾身，唔夠香。✨🍴🍔日本人和黃車打芝士煙肉漢堡配海鹽薯角$128: 呢個漢堡好多人推薦，但我覺得漢堡唔夠鬆、且有點實，肉味唔夠。薯角就正常水準囉。✨🍝黑松露忌廉煙三文魚扁意粉$108: 黑松露好香，配合煙三文魚估唔到幾夾喎，意粉有咬口，整體好吃😋。✨🍰自家製巴斯克芝士蛋糕$50: 蛋糕軟綿滑溜好食，我自己消滅一整件，咁你話好唔好食🤤？點咗杯「白桃雪糕梳打」就真不是我杯茶。…查看更多

-成日經過呢間位於旺角中心附近嘅地舖cafe，有次fd話想食就去試下，意粉份量都比得好多，雖然望落好似好多醬，但撈勻之後發現係啱啱好嘅，幾好食、可以再落多少少芝士，如果再加多一隻溫泉蛋喺面就完美鮮奶咖啡幾好飲，拉花都靚仔沙律係煙三文魚沙律配芝麻醬，幾好食😚kb-▶︎卡邦尼煙肉野菌扁意粉 | $98▶︎熱鮮奶咖啡 | +$25▶︎送是日精選沙律-📌#sorriso_旺角 #sorriso_油尖旺區-🏠【雙魚座咖啡館 PISCES COFFEE】 📍旺角通菜街123號地下A及B號舖🕑星期一至日 12:00 - 21:45-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #旺角美食…查看更多

有時經過旺角TOP商場附近，都會見到依間能讓人放慢腳步、細味餐點的咖啡館～而且留意到佢周不時都會同啲歌手後援會crossover~搞到我一直都想依！-香煎鯛魚柳 配 荷蘭汁🐟鯛魚柳煎得岩岩好，而荷蘭汁質地濃稠滑順，能提鮮又不會搶走魚肉的清甜。旁邊的「鮮果田園沙律」的蜜瓜好鮮甜～加好多分！好岩依家夏天，咁熱既天氣又有主菜又有生果沙律一流！-熊本和牛粒 全日早餐 🍳係全日早餐的「升級版」。主角熊本和牛粒份量都多，牛脂香氣重，如果唔係全熟就再好啲🥹其他配菜也保持水準，特別鍾意佢扁扁的牛角包🥐好味-金沙咸蛋王單骨雞翼🍗雞翼採用單骨設計，食用起來非常方便。外層裹滿了濃厚香氣撲鼻的鹹蛋黃醬，沙沙的口感帶著濃郁的鹹蛋黃獨有鹹香，鹹度控制得宜，不會過於死鹹。-草莓蜜糖吐司 伴雪糕 及開心果粒粒🍮吐司粒烘烤得外層香脆，內裡鬆軟，淋上香甜的蜜糖，甜度恰好。最畫龍點睛的係撒上的開心果粒粒！不僅增添翠綠色的視覺點綴，更帶來堅果特有的香氣和爽脆口感，令層次感大大提升。-伯爵鮮奶茶｜鮮奶咖啡☕️2者甜度適中，前者冰涼順喉，既解渴又帶有優雅的茶香餘韻，後者咖啡豆風味平衡，烘焙度適中，入口順滑。…查看更多

今日約左家姐行街，行行下見到轉角位有間好靚既鋪頭，就決定入去試下見到佢有啲晚餐set都好抵，於是我地叫左香煎美國自然豬梅扒伴紅酒野菌汁沙律加左杯伯爵鮮奶茶，另外叫左個藍莓三重芝士pizza，再叫左金沙咸蛋王單骨雞翼😏個藍莓pizza好match,起初覺得甜既pizza好特別就試下，原來真係幾好食，有藍莓醬再加芝士，然後脆脆既薄餅底☺️係唔錯另外叫左個豬梅扒沙律，個豬扒我地兩個人share ，而沙律都有啲火龍果密瓜，成個好fresh ,另外加左杯伯爵奶茶都好香好味而最邪惡既咸蛋王雞翼我地最鐘意食😆好惹味，同埋好多醬，夾埋雞翼好正😆成餐飯性價比都好高，我哋兩個女仔食都食得好飽，而且價錢好親民合理，下次會再食…查看更多

假期出到黎旺角比呢間餐廳既名吸引到睇食評又ok咁就入左去食假期既晚市得一兩枱客叫左兩個套餐一個酸菜魚唔酸 得個辣字 唔麻但魚塊好大舊 呢個要讚另外叫左個金湯雞配飯個飯真係嬲 淋到好似粥咁本來想叫佢換米粉但最後怕吐口水 無叫到佢換.呢間餐廳坐得都無話好唔舒服不過都係香港餐廳既幣病無客都淨係比張好窄既2人枱你.另外呢間餐廳係收加一但入到去 水都無杯個兩個待應淨係識得係門口傾計真係令人好惱火.如果講應援gathering呢間係唔錯既選擇但你話想食好少少食好味少少呢間就不入流…查看更多

有位姜糖特登推薦「雙魚座咖啡館」俾我，同我講好值得去！今日山長水遠游水過海，嚟到旺角試吓傳聞中嘅「應援聖地」雙魚座咖啡館🐟🐟「雙魚座咖啡館」 感覺就好似去咗一間田園風嘅Cafe，外圍貼住巨大姜濤玻璃貼，長形嘅餐廳，逐個逐個窗戶，貼住唔同嘅姜濤😱而餐廳入邊用咗純白裝修，貼埋巨型姜濤，簡潔乾淨，又突顯到主題，喺門口見到一定會覺得「嘩！」一聲🥸姜濤生日特別Menu，A/B/C 加埋一共有19款食物，其中兩項加埋就可以得到佢哋嘅特別應援。部份係食物，都因應姜濤生日，特別製造，我就order咗漢堡包同埋梳打雪糕特飲，價錢就唔算好平，不過為咗拍片，今次就order咗呢個combo😬始終呢度係fans向嘅地方，都唔諗住呢度個漢堡包係好食，純粹係打卡之用！估唔到呢個包製作都幾有心機，佢哋個包落咗唔少牛油烘過，整出嚟係特別香，牛肉係咪手打我就唔知啦🤷🏻‍♀️（似係，冇去confirm）但係個調味幾足，牛肉係非常之厚，煙肉唔係炸到脆卜卜嗰種，感覺上係煎香咗嘅火腿feel，足料！抵比$128，仲要加埋薯角😆呢單嘢好熱氣！「梳打雪糕特飲」純粹我想飲凍嘢，同埋夜麻麻唔想飲咖啡 本身佢以為係七喜+雪糕，佢又鬼鬼馬馬冇講清楚，原來係白桃梳打+ 雪糕，呢杯嘢飲有驚喜‼️✦ A- 日本和牛車打芝士煙肉漢堡 配海鹽薯角 伴田園沙律 $128✦ B - 梳打雪糕特飲(凍) $55…查看更多

旺角向來係一個充滿驚喜嘅地方，無論係地道小食定係文青Cafe，都總能夠搵到新鮮感。今次相約朋友來到【Pisces Coffee】。呢間Cafe以簡約溫暖嘅裝潢吸引住不少咖啡愛好者，店內柔和燈光營造出一種寧靜愜意嘅氛圍，令人一踏入就放鬆心情。睇咗餐牌，發現呢度唔單止有咖啡同甜點，仲主打台式結合創意嘅料理，於是決定試試幾款特色菜，感受一下與眾不同的雙魚座Cafe體驗。▪️台式紅燒牛肋條配手抓餅伴田園沙律第一道菜就已經令人眼前一亮，牛肋條燉得極為入味，牛肉輕輕一夾就能夠分開，肉質嫩滑兼帶有濃郁嘅滷水香氣，每一口都滲透住紅燒醬汁嘅甘香，鹹香適中，唔會過膩。搭配酥脆嘅台式手抓餅，將醬搭配酥脆嘅手抓餅，層次豐富，外層微脆內裡帶嚼勁，沾上少許牛肋條嘅醬汁更覺惹味。旁邊配上一份田園沙律，新鮮爽脆嘅生菜、紫洋蔥同番茄，帶來清新口感，剛好中和咗牛肋條嘅濃厚味道，整體搭配恰到好處。▪️蟲草花杞子黃金雞湯米粉天氣仲係涼涼地，嚐一碗暖身嘅湯粉最適合不過。呢款雞湯米粉湯底用蟲草花、杞子慢煮，金黃色湯頭清澈透亮，入口溫潤帶有淡淡藥材清香，飲落去唔會有過重嘅中藥味，反而更突出雞湯嘅鮮甜。米粉軟而不糊，吸收咗湯汁精華，每一口都充滿濃郁嘅雞香。雞肉亦處理得恰到好處，嫩滑唔鞋口，總體嚟講係一碗養生又滿足嘅選擇。▪️金沙咸蛋王單骨雞翼咸蛋黃控必試！單骨雞翼炸至金黃香脆，外皮薄而酥脆，咬開內裡仍然保持肉汁。咸蛋黃醬均勻地包裹住每隻雞翼，帶有濃郁嘅金沙鹹香味，一啖咬落去，蛋黃嘅沙沙口感加上微微甜香，刺激味蕾，非常涮嘴。▪️草莓蜜糖吐司伴雪糕甜品時間當然唔少得店員推介嘅蜜糖吐司，呢道擺盤精緻得令人捨不得食。厚切吐司外層烘焙至微脆，內裡則保持鬆軟口感，每一塊都滲透住蜜糖香氣，帶有自然甜味。上面鋪滿新鮮草莓，微酸果香同蜜糖甜味形成完美平衡，配埋順滑嘅雲呢拿雪糕，冷熱交融，口感豐富。▪️開心果粒粒及鮮奶咖啡最後，來杯咖啡作結。開心果粒粒咖啡帶有濃厚嘅堅果香氣，微微果仁碎增添咬口層次，入口順滑而帶有淡淡奶香，溫和且不過甜，適合鍾意堅果味道嘅朋友。而另一杯鮮奶咖啡亦相當不錯，咖啡香醇帶有適量奶泡，入口順口不澀，為整頓美食畫上完美句號。.【Pisces Coffee】不僅提供高質素嘅咖啡，食物選擇亦相當有驚喜，結合台式及創意元素，令每一道菜式都別具特色。無論係想搵個地方放鬆歎咖啡，定係想試下創新美食，呢間Cafe都值得一試！…查看更多

這間人氣咖啡館不僅以精緻的餐點聞名，更以唯美的裝潢與餐具俘虜人心 😍 場內每一個地方都貼滿不同名星的畫報，對追星族來說真的超幸福❣️🔸美式BBQ手撕豚肉·煎蛋·漢堡 配 海鹽薯角 伴 田園沙律漢堡一上桌便散發濃郁的煙燻香氣，手撕豚肉裹滿甜辣的BBQ醬，肉質軟嫩不柴，搭配半熟煎蛋的流心，口感層次豐富 😋 海鹽薯角外脆內綿，田園沙律以油醋汁調味，清爽解膩，整體份量十足卻不顯厚重 👍🏻🔸「快富貴」酸菜豚肉 配 寬粉這道中式風味的創意料理令人驚喜 😚 酸菜豚肉湯頭酸香微辣，豚肉片嫩滑魚塊厚實，寬粉吸飽湯汁卻不失彈性，酸度與鹹鮮平衡得恰到好處 🤤🔸金沙鹹蛋黃單骨雞翼炸得金黃的單骨雞翼裹滿金沙鹹蛋黃醬，鹹香濃郁帶微沙口感 🤩 外皮酥脆、內裡多汁，啃起來方便又過癮！🔸是日精選沙律配料有沙律菜、小蕃茄、煙燻三文魚，淋上蜂蜜芥末醬，食材新鮮且配色繽紛，健康與美味兼備 🥰🔸草莓蜜糖吐司 伴 雪糕及開心果粒粒壓軸的甜點出場了！厚切吐司烤至外酥內軟，淋上蜜糖與新鮮草莓，搭配香草雪糕和脆口的開心果粒，冷熱交融、甜而不膩 🥳🥳🔸鮮奶咖啡咖啡醇厚，奶泡綿密，拉花精緻得讓人捨不得攪拌，為這頓餐點畫上完美句點！❤️從餐具到擺盤，從鹹食到甜點，處處體現用心，適合閨蜜聚餐或獨享午後時光 ☺️…查看更多

有次行過旺角，見到一間設計好有日本大正年代嘅咖啡室。餐廳以木系為主，亦用古風地磚鋪地下，非常復古。餐廳設有bar 檯位置。就算一個人入嚟飲咖啡，都唔會覺得尷尬。叫了精選晚餐，附送是日精選沙律。生菜非常新鮮，帶甜味。沙律醬鋪了很多粟米粒非常夠纖維。韓式雞腿肉煎蛋石鍋拌飯石鍋非常夠熱，入面有一隻煎蛋、泡菜同雞腿肉。再配上韓式辣醬，非常惹味健康。藍莓三重芝士薄餅從來未試過甜味薄餅，今次叫來試下。估唔到藍莓同芝士系咁match，而且芝士酥味唔會太重。藍莓亦都唔會過甜，甜度剛剛好，食完唔會覺得好滯。鮮奶咖啡拉花非常有心機，飲落非常夠咖啡味，口感香濃而滑。芝士煙肉焗薯皮焗完嘅薯皮下面非常香口，入面芝士煙肉薯蓉不來食非常惹味。…查看更多

到旺角行完花園街係時候搵好野食，這間店特別有日本風, 適合姊妹們來聊天💬由於跟餐，先來「精選沙律」新鮮菜使胃口更開呀🤣「金沙咸蛋王單骨雞翼」 由於餓了，先點了我最愛的雞翼，金沙效果做得好好😌 而且外層脆口，送啤酒就真的一流☺️「酸菜魚」真的估唔到這裡有得食🤩 而且是用上爐魚，肉質滑嫩而且厚身，配「寬粉」吸入了酸菜味，堅野口呀🤭 辣度適中，我可以再辣一點👍🏻「韓式雞腿肉煎蛋石鍋拌飯」 這款韓式拌飯，可以啖啖肉，份量剛好一人😀「鮮奶咖啡」 拉哂花既咖啡令人心情特別好呀👍🏻「草莓蜜糖吐司 伴雪糕 及開心果粒粒」 最尾當然叫了甜品啦，要做個完美的組合呀❤️…查看更多

人來人往嘅旺角，總係比我嘅感覺繁忙又迫夾‼️不過今日係去左一間侯車處咖啡室，因為門口係van仔站，令我覺得好有侯車處feel全店以白色洋式設計，滿滿的和諧感，真係好舒服原來呢間cafe好講究㗎全部咖啡豆都係自己炒所以真係要叫一杯手工咖啡❤️☕️「埃塞俄比亞 傾心」呢款屬於淺烘焙，味道好有層次，入口有白桃烏龍香，隨後再散發出咖啡香女仔咖啡控一定會鍾意Cappuccino 咖啡味同樣出色「Salmon All Day Breakfast」最鍾意呢個all day breakfast有croffle❤️黑松露炒蛋未開始食已經聞到好濃郁，個hash brown好好食🍕「藍莓芝士三重Pizza」用藍莓做pizza真係好似係第一次食，估唔到係咁match 咁好食藍莓同芝士好夾，bake熱左後有啲藍莓汁同芝士融合咗，真係世一諗諗吓平時食藍莓芝士包都差唔多，不過應用係pizza都係第一次「金沙鹹蛋黃單骨雞翼」金沙鹹蛋黃好膨湃，起哂沙入口好香脆，有哂肉汁…查看更多

相約朋友食飯，路過這間雙魚座咖啡館位於旺角，以文青feel裝潢，就吸引人入座，邊吃著邊閒談。餐廳更可包場，預備場地美食，都是一個飯聚好地方。餐廳名咖啡館，當然有不少品種咖啡供應，此外，cocktail、梳打、茶飲都有供應。食物以西式為主，意粉飯、薄餅、漢堡、小食都有，晚餐還有亞洲菜式供應，大部份食品都可升級加配湯或飲品，所以選擇都不少，甜品當然都不能少。台式芝士肉鬆蛋餅伴田園沙律 HKD68，肉松和蛋味力道好香，好夾，沙律菜醬汁都開胃。班尼迪蛋、煙肉配牛角包窩夫伴田園沙律 HKD108，升級加配椰菜忌廉湯 HKD28，餐湯日日款式不同。椰菜忌廉湯，口感滑溜又甜，好飲。班尼迪蛋配上醬汁夠風味，還有煙肉咸香，窩夫牛角包口感，讓人吃得滿足。香煎鯛魚柳配薯菜伴田園沙律及白酒忌廉汁 HKD148，升級加配泡抹咖啡 HKD25，鯛魚份量都不少，煎得帶香味，最喜歡白酒忌廉汁，帶點酒香，伴著沙律吃很清新。薯蓉口感都滑，作為伴魚而吃不會搶過煎魚的香味。泡沫咖啡花劃得好靚，泡沫口感豐厚，咖啡味香而不苦澀，不錯。…查看更多

同朋友係旺角行街行到攰，就係附近到間走文青風格嘅咖啡店用餐咖啡店以白色為主調配上簡約木系傢私及淺木色的地板，給人一種簡約休閒的感覺店內更設落地玻璃高枱位，真係岩曬鐘意打卡嘅文青朋友店鋪主打虹吸咖啡及輕盈西式餐點，適合大家約埋朋友一齊打卡，一齊享用休閒嘅一餐食物方面:黑松露忌廉煙三文魚扁意粉 : 扁意粉口感煙韌彈牙，每條都滿味道香濃嘅黑松露忌廉汁，再配埋蘑菇及煙三文魚，非常美味經典燒烤醬豬肋骨配海鹽薯角伴田園沙律 : 豬肋骨份量超大，用上經典燒烤醬，肉質軟淋夠入味，配埋海鹽薯角及田園沙律，還原美式經典味道金沙咸蛋王單骨雞翼 : 單骨雞翼炸得脆口，肉質嫩滑，再蘸上金沙鹹蛋黃醬，又邪惡又惹味開心果粒粒草莓蜜糖吐司伴雪糕 : 厚切吐司外脆內軟，配上草莓、藍莓、雪糕及開心果粒粒，再淋上蜜糖一齊食，夠曬甜甜蜜蜜鮮奶咖啡 : 咖啡有拉花，賣相精緻，奶味較重，咖啡味香濃，口感順滑，感受到牛奶既細膩貴妃荔枝梳打 : 梳打加入貴妃蜜及荔枝漿，口感清新…查看更多

同表姐都係三月嘅雙魚座大家每年都會一齊互相慶祝雙魚座生日成日喺旺角都會經過見到好大隻字雙魚座咖啡館身為雙魚座嘅，我都一直好想試吓今次啱晒同雙魚座表姐一齊慶祝生日餐廳係不設訂座嘅，但係座位度幾full今日係下午茶時段到場，覺得下午茶set都幾抵份量都大份，本身想點多份甜點寫名Happy birthday，但係因為太飽，所以冇點到all day Breakfast嘅牛角窩夫幾唔錯榛子咖啡都唔會話太甜如果喺旺角下午茶，我覺得雙魚座咖啡館都係一個好推介🥳…查看更多

旺角的雙魚座Cafe（Pisces Coffee）是一間溫馨又時尚的咖啡廳，環境與食物都令人難忘。店內以白色牆面為主，搭配復古瓷磚地板和藤椅，溫暖燈光下，窗邊柔軟窗簾讓人感到舒適放鬆。牆上的小畫框和吧台上的可愛公仔，為空間增添趣味與溫馨，成為鬧市中的一處小天地。餐點方面，單骨鹹蛋黃雞翼是必試之選，外皮酥脆，鹹蛋黃醬濃郁不膩，入口鹹香，單骨設計方便食用，令人回味。去骨海南雞飯同樣出色，雞肉嫩滑，搭配特製海南雞醬，甜酸開胃，味道極其美味，讓人忍不住多吃幾口。米飯粒粒分明，充滿椰香，令人滿足。這裏的咖啡也值得一試，特別是用莫札特咖啡豆製作的Cool Brewed咖啡，清新順滑，帶有淡淡果香，完美搭配餐點。雙魚座Cafe以其舒適環境和用心料理，成為旺角一處不容錯過的美食角落。…查看更多