今次同大家分享一間隱藏喺香港仔中心嘅潮州飯店——「駟馬拖車」
入到去環境唔算豪華但乾淨企理，似足傳統家庭式經營嘅老字號👍🏻
今次試咗四道招牌菜，真心要同大家開心share！😎😎
1. 鹵水鵝片 - 滷水靈魂之作！
第一時間當然要試佢哋嘅鹷水鵝片啦！🤤
一上碟，滷水香氣撲鼻，鵝片切得薄身但唔會散，入口嫩滑得嚟又帶少少嚼勁💫💫
滷水汁唔會死鹹，反而有種深沉嘅香料味，仲有淡淡回甘！底層仲墊咗豆腐，索盡滷汁精華，送飯真係一流😘😘
2. 一口BB鮑魚小炒王 - 鑊氣十足！
呢個小炒王鑊氣爆燈！BB鮑魚仔彈牙唔韌，仲有鮮蝦、韭菜花、腰果同銀魚仔，炒得乾身唔油膩🤩🤩
最正係啲鮑魚仔咬落去仲有微微焦香，夾埋啲脆口腰果一齊食，口感豐富到爆炸！師傅功夫夠晒老練，絕對係送酒首選！😁
3. 香酥荔茸玻璃鴨 - 外脆內化！
呢道菜真係見功夫！外層炸到金黃香酥，咬開係軟滑嘅荔茸芋泥，再入面係去骨鴨肉，鴨肉燜到極腍，幾乎入口即化！☺️
個名「玻璃鴨」應該係形容個皮脆到似玻璃，整體食落唔油膩，層次感十足
不過要趁熱食，凍咗會稍為打折扣～🥲🥲
4. 方魚肉碎蠔仔粥 - 暖胃收官！
最後嚟碗蠔仔粥潤一潤！
蠔仔份量足又鮮甜，加上方魚碎（即係大地魚乾）同肉碎，鹹香鮮味一次過爆發！
灑少少胡椒粉同芫荽，更加提鮮
呢碗粥絕對係傳統潮州風味，食完成個人都暖笠笠，完美收官！
