張公館

营业中

休息中

今日去咗銅鑼灣登龍街一間叫「張公館 」嘅中菜，餐廳食晚餐，餐廳嘅環境非常闊落，有落地大玻璃望向維港嘅海景，適合一家大細或朋友聚餐。中式茶有蠟燭台坐熱，餐前會有香醋蕎頭同炸魚仔花生做餐前小食，今次主要嗌咗餐廳最新推出嘅餐點。🍊 陳皮水鴨燉湯燉湯非常清甜，水鴨燉到非常嫩滑，配有大量嘅陳皮絲同瑤柱粒，令到個湯唔會有鴨嘅臊味，反而帶啲陳皮嘅甘香🍊 杏汁豬肺湯由細到大最鍾意飲嘅湯就係杏汁豬肺湯，豬肺湯呈奶白色，飲落去杏汁味道唔算好重，但係加入杏汁令到成個湯嘅口感變得順滑，豬肺煲到好腍身，飲完有種好滋潤嘅感覺🍊 潮式香炸蝦棗炸蝦棗用咗潮式嘅煮法，將蝦滑加入芫荽再拎去炸，食落外層嘅口感有啲似炸鯪魚球，不過入面嘅蝦滑好彈牙，而且食到蝦嘅鮮甜味，而芫荽只係點綴味道唔算重，配上酸甜醬一齊食🍊 夏果松子鮮百合西芹炒淮山片呢道菜嘅顏色非常鮮艷，淮山片厚切成波浪紋路，炒後嘅口感仍然保持爽脆，配料有夏威夷果仁、松子、洋蔥、紅椒、黃椒同西芹，炒完之後略帶少少油🍊 上湯牛油大蝦球煎脆米粉底一大片嘅煎脆米粉底係新鮮煎起，非常脆口，可以將一大片脆片敲碎成細細片後，再淋上帶有牛油大蝦嘅上湯芡汁，令到口感既有煎米粉嘅香脆，又