影片
更多
2025-03-18
865 浏览
今日終於嚟到近排喺社交平台好出名嘅日式居酒屋 @inoshishi_hk 試吓佢哋嘅Omakase （$550pp) 。（比a la carte 每樣份量會少啲）呢度嘅環境有少少似高級啲嘅日式居酒屋，主要嘅位置係吧枱，亦都有啲四人枱。吧檯圍繞住廚師料理嘅地方，可以睇到佢哋準備食物。同時間亦都可以同呢位極度E人同友善嘅廚師 @chef_georgekwok 傾吓偈。(不過小編係極I😬)我哋就試咗以下呢啲食物：前菜：茄子漬鱈魚乾花雕醉鮑魚麻香鹽麴漬刺身野豬薯仔沙律前菜其實大部份都幾好食，特別印象深刻嘅醉鮑魚同刺身。醉鮑魚嘅花雕香味係偏清香嗰種，質感爽口，而且涼浸浸幾易入口。至於刺身係三文魚同油甘魚，油脂平衡，口感軟滑，味道幾開胃。串物：汁燒豆腐鹽燒手羽先汁燒雞肉棒全部都係即叫即整，熱辣辣味道差極有限。最好食嘅小編認為係汁燒雞肉棒，外層燒到有少少脆口，帶醬油香。佢比街外嘅雞肉棒更加大件同厚身，軟骨亦都比較細碎，唔會過分啃口，但又食到爽爽哋嘅口感。燒物：燒牛舌扒 睇網上好多食評話佢牛舌每塊其實比想像中細，但小編見到其實都比一般嘅大同厚身。牛舌經過慢煮再拎去燒，所以佢外皮係脆脆地，入面就爽口，芯
今日終於嚟到近排喺社交平台好出名嘅日式居酒屋 @inoshishi_hk 試吓佢哋嘅Omakase （$550pp) 。（比a la carte 每樣份量會少啲）
呢度嘅環境有少少似高級啲嘅日式居酒屋，主要嘅位置係吧枱，亦都有啲四人枱。吧檯圍繞住廚師料理嘅地方，可以睇到佢哋準備食物。同時間亦都可以同呢位極度E人同友善嘅廚師 @chef_georgekwok 傾吓偈。(不過小編係極I😬)
我哋就試咗以下呢啲食物：
前菜：
茄子漬
鱈魚乾
花雕醉鮑魚
麻香鹽麴漬刺身
野豬薯仔沙律
前菜其實大部份都幾好食，特別印象深刻嘅醉鮑魚同刺身。醉鮑魚嘅花雕香味係偏清香嗰種，質感爽口，而且涼浸浸幾易入口。至於刺身係三文魚同油甘魚，油脂平衡，口感軟滑，味道幾開胃。
串物：
汁燒豆腐
鹽燒手羽先
汁燒雞肉棒
全部都係即叫即整，熱辣辣味道差極有限。最好食嘅小編認為係汁燒雞肉棒，外層燒到有少少脆口，帶醬油香。佢比街外嘅雞肉棒更加大件同厚身，軟骨亦都比較細碎，唔會過分啃口，但又食到爽爽哋嘅口感。
燒物：
燒牛舌扒
睇網上好多食評話佢牛舌每塊其實比想像中細，但小編見到其實都比一般嘅大同厚身。牛舌經過慢煮再拎去燒，所以佢外皮係脆脆地，入面就爽口，芯嘅位置就保留軟滑嘅口感。小編覺得佢嘅牛舌比起街外有更多重嘅口感，油脂亦都更加豐富日。確實係好食嘅牛舌。
強肴：
辣自家豚肉餃子
小編覺得佢嘅餃子最出色係個辣汁，麻香中帶微辣，非常過癮，又唔會過分刺激，食到滿頭大汗。
明太子玉子燒
小編強烈建議嚟到除咗食牛舌，仲一定要嗌呢個玉子燒。因為佢玉子嘅質感真係整得好綿滑，好似食緊一嚿棉花糖咁，但係有淡淡嘅蛋香同清湯香味。而入面包住嘅明太子，就係成個嘅鹹味來源。
澱粉：
柑桔冷素麵
冷面汁非常清爽，帶有柑橘香味，作為最尾一道可以請吓油膩嘅感覺。
野豬燒飯團
外面燒得好脆，好似飯焦咁，而且搽咗一層薄薄嘅醬油，調味啱啱。
味道：8.2/10
環境：8/10
服務：8/10
抵食：-/-
野豬 (銅鑼灣)
銅鑼灣軒尼詩道525號澳門逸園中心9樓
#香港必食 #香港美食 #食評 #香港食評 #香港生活 #hkfood #hkfoodie #hkeat #centralfood #central #中環 #中環美食 #日本菜 #日式料理 #日式 #居酒屋 #串燒 #japan #japanese #焼き鳥 #やきとり #ケバブ #焼き鳥好きな人と繋がりたい #焼肉 #牛舌 #牛タン #野豬 #玉子焼
张贴
