影片
更多
2025-03-13
508 浏览
今次嚟到位於金鐘亞洲協會香港中心嘅意大利菜餐廳AMMO ，餐廳藏身喺具有百年歷史嘅活化古蹟內，前身係19世紀建成嘅英軍-域多利軍營軍火庫，擁有悠久歷史。入到去餐廳前院有綠意盎然嘅綠林景致包圍，加上具有空間感嘅落地玻璃，令人置身於鬧市隱世仙境當中，非常寧靜愜意，晚上配合柔和昏暗嘅燈光、天花裝飾同埋復古裝潢，充滿浪漫情調。餐廳主打意日fusion菜，由曾於米芝蓮星級餐廳任嘅意菜總廚主理，餐廳屢獲殊榮，並獲得米芝蓮指南推介，菜式揉合意大利、日本嘅食材同埋特色，並且強調美食與大自然連結，令食客喺鬧市之中都可以感受到悠然嘅美食體驗。最近AMMO逢星期一至四，每日Weekday Night 都有唔同Signature Dish做優惠，折扣高達半價，好吸引。🍝‘AMMO’s Carabineros Red Prawn Tagliolinil紅蝦意大利幼麵，嚟自西班牙嘅龍蝦數量稀少，係珍貴嘅食材，紅蝦香濃鮮嫩，蝦頭充滿蝦膏濃香味道，配上AMMO自家製手工意粉，意粉爽口彈牙，非常高質。🥩USDA Prime Rib-Eye 10oz美國Prime肉眼牛扒，脂肪分布均勻，牛扒嘅火候控制得非常好，外層煎得焦
今次嚟到位於金鐘亞洲協會香港中心嘅意大利菜餐廳AMMO ，餐廳藏身喺具有百年歷史嘅活化古蹟內，前身係19世紀建成嘅英軍-域多利軍營軍火庫，擁有悠久歷史。
入到去餐廳前院有綠意盎然嘅綠林景致包圍，加上具有空間感嘅落地玻璃，令人置身於鬧市隱世仙境當中，非常寧靜愜意，晚上配合柔和昏暗嘅燈光、天花裝飾同埋復古裝潢，充滿浪漫情調。
餐廳主打意日fusion菜，由曾於米芝蓮星級餐廳任嘅意菜總廚主理，餐廳屢獲殊榮，並獲得米芝蓮指南推介，菜式揉合意大利、日本嘅食材同埋特色，並且強調美食與大自然連結，令食客喺鬧市之中都可以感受到悠然嘅美食體驗。
最近AMMO逢星期一至四，每日Weekday Night 都有唔同Signature Dish做優惠，折扣高達半價，好吸引。
🍝‘AMMO’s Carabineros Red Prawn Tagliolinil
紅蝦意大利幼麵，嚟自西班牙嘅龍蝦數量稀少，係珍貴嘅食材，紅蝦香濃鮮嫩，蝦頭充滿蝦膏濃香味道，配上AMMO自家製手工意粉，意粉爽口彈牙，非常高質。
🥩USDA Prime Rib-Eye 10oz
美國Prime肉眼牛扒，脂肪分布均勻，牛扒嘅火候控制得非常好，外層煎得焦香，內裏保持住粉嫩色，肉質鮮嫩多汁，帶有油脂香味，入口即化，牛肉味濃郁，配上原個烤蒜頭，蒜頭味道香甜，另外配上薯仔、蕃茄同埋蔬菜，好清新。
🦞Lobster Macchiato
龍蝦瑪奇朵，上層佈滿龍蝦泡沫，模擬泡沫咖啡嘅口感，下層係超濃縮龍蝦湯，口感濃稠，龍蝦鮮味非常濃郁，有先輕後重嘅口感層次。
🍗AMMO’S Fried Chicken
簡稱AFC，AMMO自家製炸雞塊，上枱時熱辣辣，金黃色嘅外表好吸引，口感外脆內嫩，充滿肉汁好Juicy，配上秘製蜜糖芥末醬好惹味，令人忍唔住食完一件又一件。
🍸Kiwi Butterfly Pea Delight
Cocktail奇異果蝶豆花，紫色漸變顏色賞心悅目，賣相精緻，用上Vodka、奇異果、蝶豆花、羅勒、蘋果汁、檸檬汁調製而成，味道清新酸甜，容易入口。
🍹Grapefruit Lime Spritzer
Mocktail西柚青檸梳打，西柚汁加上青檸，味道酸酸甜甜，配上清爽嘅梳打水，好解渴消暑。
张贴
