甜一點 (已結業)

【粉紅色嘅下午茶🌸】與閨密見面，好多時都會想揀一間靚靚哋嘅地方，但又想方便又想化算。今次係旺角女人街搵到呢間粉紅甜品店，最驚喜甜品外仲有all day breakfast，不過我哋又未肚餓，所以只係點咗甜品。食咗咩？🧇韓式牛牛窩夫+雪糕窩夫好酥感，唔似一般窩夫咁硬或一團麵粉，佢真係口感十足，很欣賞果份鬆化感。伴雪糕椰子味好好味😋🧇椰汁冰+白涼粉白涼粉口感好得意呀，無諗過原來滑捋捋，口感同黑色涼粉差不多，不過又好似煙韌啲。🧇桃膠燉木瓜滋潤溫和感覺，木瓜份量很多，燉好後仍然有少少咬口，而桃膠口感就好滑，甜甜地不是太甜。店內裝修簡潔，全店以粉紅色為主色，大家可以在衣著方面下點功夫了。