點咗「好卵！好雞！緊張咖喱麵」（$88）加「凍好膏！混桔」（$35）。
咖喱湯底香料味厚重、濃稠帶辣又唔會多渣，非常適合鍾意重口味嘅人。摻摻麵底掛湯力強。雞髀嫩滑入味，豆角、糖心蛋同豆卜都出色，層次豐富，食完滿足感爆棚。
不過飲品就稍為失色，冰嘅質素一般、溶得太快，整杯味道偏淡，唔係好飲到枇杷膏同桔嘅混合。
收左加一嘅話，服務方面就未算理想，店員態度唔差但明顯經驗未夠，未食完就收碗，排隊先後次序都有亂嘅情況，有待改善。
舖位細小都有唔少打卡位同紀念品可以買，不設外賣，座位偏迫，繁忙時間要有心理準備搭枱。
