影片
更多
2023-10-24
142 浏览
最近主打和風洋食嘅喫茶ちょうぼ，最近同「NPV非牟利獸醫服務協會」合作，於即日起至11月13日推出期間限定的「素の樂」套餐，用全素餐單響應「世界動物日」活動，全線分店都有提供，套餐售出嘅一半收益將會捐到NPV「 流浪動物醫療基金」，去幫助流浪動物，提倡人類尊重同埋愛護動物，係一個非常有意義嘅活動。野菜咖哩蛋包飯每次睇住店員切開個蛋包飯都好治癒，滑蛋非常嫩滑，裏面係蕃茄醬炒飯，珍珠米飯粒粒粒分明，加入蘿蔔同埋洋蔥炒過，味道酸酸地好開胃，配上日式咖喱，口感香滑濃稠、味道甜甜地好配合時令野菜，而配菜有南瓜、茄子、西蘭花同埋蕃茄，非常豐富。松露蘑菇汁意粉蘑菇汁濃稠 creamy，忌廉味香濃，帶有松露嘅味道，意粉口感啱啱好，意粉煙韌彈牙，相當掛汁，配上唔同菇類，好豐富，蘑菇同埋本菇口感爽彈，䆁出咗大量菇汁，好滋味。和風醬熊本蕃茄前菜味道吸引，用上日本熊本縣一年四季都盛產嘅熊本蕃茄，蕃茄新鮮有口感，味道酸甜多汁，配上香滑濃厚嘅日式麻醬，係非常開胃嘅一道前菜。南瓜芝士提拉米蘇臨近萬聖節，呢度推出咗南瓜嘅甜品應節，南瓜芝士提拉米蘇口感嫩滑綿密，帶有淡淡嘅芝士味，外層係味道香甜嘅南瓜蓉製作而成，口感軟滑
最近主打和風洋食嘅喫茶ちょうぼ，最近同「NPV非牟利獸醫服務協會」合作，於即日起至11月13日推出期間限定的「素の樂」套餐，用全素餐單響應「世界動物日」活動，全線分店都有提供，套餐售出嘅一半收益將會捐到NPV「 流浪動物醫療基金」，去幫助流浪動物，提倡人類尊重同埋愛護動物，係一個非常有意義嘅活動。
野菜咖哩蛋包飯
每次睇住店員切開個蛋包飯都好治癒，滑蛋非常嫩滑，裏面係蕃茄醬炒飯，珍珠米飯粒粒粒分明，加入蘿蔔同埋洋蔥炒過，味道酸酸地好開胃，配上日式咖喱，口感香滑濃稠、味道甜甜地好配合時令野菜，而配菜有南瓜、茄子、西蘭花同埋蕃茄，非常豐富。
松露蘑菇汁意粉
蘑菇汁濃稠 creamy，忌廉味香濃，帶有松露嘅味道，意粉口感啱啱好，意粉煙韌彈牙，相當掛汁，配上唔同菇類，好豐富，蘑菇同埋本菇口感爽彈，䆁出咗大量菇汁，好滋味。
和風醬熊本蕃茄
前菜味道吸引，用上日本熊本縣一年四季都盛產嘅熊本蕃茄，蕃茄新鮮有口感，味道酸甜多汁，配上香滑濃厚嘅日式麻醬，係非常開胃嘅一道前菜。
南瓜芝士提拉米蘇
臨近萬聖節，呢度推出咗南瓜嘅甜品應節，南瓜芝士提拉米蘇口感嫩滑綿密，帶有淡淡嘅芝士味，外層係味道香甜嘅南瓜蓉製作而成，口感軟滑，成個蛋糕味道唔會太甜，另外配上香滑嘅忌廉同埋士多啤梨，味道豐富。
小倉紅豆牛乳
牛乳味道濃郁，帶有玫瑰花香，入口順滑，配上日本小倉紅豆，紅豆口感細緻軟綿，好有豆味，攪勻後紅豆味道更濃厚，甜度適中，同牛乳好配合。
喫茶交響曲
喫茶交響曲係一杯凍鮮奶咖啡，店員一手拎住一壺咖啡，一隻手拎住一壺鮮奶喺食客面前表演雙壺演奏，好似演奏交響曲咁樣，會睇到咖啡同埋鮮奶扭埋一齊，咖啡味道唔錯，咖啡控會鍾意呢種稍苦嘅味道，入口香醇順滑，另外亦可以自行落糖漿調校返適合自己嘅味道。
张贴
