新廣南餐室

营业中

休息中

繼續食好嘢，黎到一間懷舊餐廳。呢間新廣南已經係1945年開到依家，經歷咗好多唔同時期嘅香港。同老闆可以講到兩句，又知道下以前嘅歷史。嘢食都好特別，要食嘅係佢地嘅海南雞飯，今次我地點啲特別嘅。呢個係鮮蝦參乜，小小沙嗲味，唔辣，係香口。蝦已經去哂殻，蝦都大隻多肉，又煮得入味。生炒骨，呢味我都好鍾意，啖啖肉，啲汁又夠，配飯係一流。沙嗲係鐵板上㗎，呢啲風味真係賣少見少（搞到好想食鐵板系列嘅嘢食）。佢個醬係秘製，唔會太辣，花生味又夠濃，食左小小肉，再食青瓜同菠蘿，好正。粟米斑塊，皮唔算好厚，ok。紅豆冰，呢個亦係特色之一。係用碗上，仲要係一舊沙冰係中間，紅豆夠哂淋，剛剛好出小小沙，每啖都透心涼。當然唔少得要食油飯老闆真係好用心，所有嘢都親力親為，確保所有材料都係新鮮。