麵堂

营业中

休息中

今日喺啟德體育館睇show前去咗隔離嘅啟德2號零售館入面醫肚，試咗一間叫「麵堂」東南亞主題餐廳，餐廳使用QR code落單，而且上菜嘅速度都好快，啱晒睇show前同朋友食餐快飯再去享受音樂會。🍊 泰式豬手一份泰式豬手份量嘅份量好多，而且煮到好腍身，豬皮厚度足夠令到咬落去好有口感，骨膠原好重而味道唔算好油膩，旁邊有酸甜菜去中和濃味，豬肉一咬就撕得開，滷水汁都醃得好入味🍊 海南雞拼雞油飯加喇沙雞絲摻摻份量好足夠一個男人食，一個餐有齊一份例牌嘅海南雞、一碗油飯同一碗喇沙雞絲摻摻，海南雞嘅雞肉好嫩滑，配埋酸辣醬好開胃，混合雞油嘅油飯好香口，每一粒飯都沾滿咗香滑嘅雞油，喇沙湯底嘅椰奶味道濃郁，而且芽菜爽脆清甜，少量嘅雞絲配上油麵條同米粉嘅摻摻🍊 冬蔭功蝦海鮮撈麵撈麵可以選擇泰國新鮮幼粉、擔擔麵、油麵或台灣麵，我揀咗嘅台灣麵質地柔軟而且夾起唔會斷開，吸收晒香辣惹味嘅泰式冬陰功醬，味道帶點酸辣開胃，配料有青口、生洋蔥、炸魚片頭、墨魚滑、蝦同溏心蛋，食物材料非常豐富🍊 椰青滑冰椰青沙冰幾重椰奶味，飲落有少少椰子嘅香味，碎冰偏大，會咬到碎冰嘅口感📍九龍城啟德承啟道38-39號啟德體育園啟德零售館2 3樓