麵堂

啟德自從開了零售館後，當中都有唔少新餐廳進駐，今日咁岩得閒，所以就黎試下東南亞x台式餐廳──麵堂。[烤雉雞扒流心蛋喇沙摻摻] -$76呢度的喇沙湯底係係用慢火燉煮，所以飲得出有「內涵」。味道方面都幾特別，椰味相對唔算太重，反而有陣冬蔭公酸辣的刺激感。烤雉雞扒一上枱見到四大塊厚切都有少少驚喜，雞皮有用蜜糖煎得香脆，雞肉雖然大大塊，但肉質都保持到嫩滑。摻摻配埋喇沙湯同埋流心蛋的確係絕佳的配搭。[紅燒肉滷肉飯拼牛肉麵] -$88呢度晚餐其中一個特色係會有兩款主食拼埋一齊，今次就試下紅燒肉滷肉飯拼牛肉麵。份量相對上都算多，紅燒肉滷肉飯當中紅燒肉有驚喜，食落去唔會覺得肥膩，肥瘦分明，肥的部份入口即溶，而瘦肉部份都入晒味。至於滷肉的醬汁相對較甜，唔算多肥肉，餸飯一流。另外牛肉麵相比下細碗啲，少食多滋味，湯底都夠濃郁，絕對唔馬虎，湯底帶少少中式滷水香料味，而麵底都算彈牙。[香草墨魚餅] – 套餐加$46香草墨魚餅應該係呢度的Signature之一，香草的味道反而近似香茅，近似平常食泰國菜時魚餅的餣法，不過今次放係墨魚餅更加好。另外就係魚餅食落去會比較「淋」，而墨魚餅就較為彈牙。加上呢度仲有墨魚粒，食落法有唔同層次。[椰青滑冰] – 套餐加$20麵堂有好多唔同的特色飲品，當中最抵飲一定係椰青滑冰，大大杯同埋充滿椰子味的沙冰，夏天飲真係爽入心脾![泰風味豬頸肉沙律菜]一上枱已經俾個份量嚇親，完全唔似係一款小食。豬頸肉個肉質比較諗，同埋保持到Juicy的狀態，應該用慢煮的做法先有呢個效果。沙律菜加上泰式酸醋夠晒開胃!整體而言，呢度食物質素好，份量又夠大，價錢亦算合理範圍，可以同時揀東南亞同台式的菜式比較少見，同時仲有唔少特色食品同飲品可以俾你嘗試下新野。之後如果睇Show或睇球賽都可以再次Encore!…查看更多

啟德開左唔少新既餐廳🍴，今次試下呢間～ 呢到主打東南亞特色湯底🥣，佢地堅持✊🏻所有湯底🥣同食材都自家製，幾有心機👍🏻 尤其要讚既係佢地唔少配料都幾特別，望落差唔多，其實食落去有分別🤩 (5 😍 係滿分，🤩係半分） 虎蝦海鮮流心喇沙摻摻 🦐🍜 - $83 (好味指數：😍😍😍😍)小編一向都好鍾意食喇沙🤩 通常都層次豐富，以鮮研磨喇沙醬做底，炒香之後再加香茅、南薑🫚、蝦醬🦐同辣椒🌶️熬煮，最後再加清香既椰奶🥥，惹味香口帶有啲微辣🌶️～ 不過如果可以再濃郁啲就更加好啦～ 亦有好多料，包括有爽口彈牙既蝦🦐、鮮甜既青口🦪、芳香鮮味既墨魚條🦑、有油香又惹味既豬肉卷🐷、清香索湯🥣既豆卜🟨、滑溜香口既流心蛋🥚同埋清新爽口既芽菜，配埋油麵溝米粉底都唔錯～半筋半肉麵 🐮🍜 - $86 (好味指數：😍😍😍😍)湯底🥣係紅燒🔥既，以醬油、豆瓣醬等調味料做底，再加埋多種香料燉煮，帶有醬香同中藥香氣，味道濃郁醇厚～ 啲台灣麵🍜幾有咬口同掛湯🥣，而呢度既半筋半肉係指牛展，質感軟腍，牛味🐮香濃，亦有爽口既膠質～ 旁邊配左彈牙juicy既牛丸🐮🟤、超入味又甘甜既紅蘿蔔🥕同蘿蔔⚪️🥕、解膩既酸菜🥬同清新既小棠菜🥬，料比平時既多都幾好👍🏻街頭炸腐皮肉籽 (4件) 🔥🐷🫔 - +$28 (好味指數：😍😍😍😍)呢個小食幾得意，用腐皮包住豬肉餡🐷再攞去炸🔥，表皮又薄又酥脆，有淡淡既豆香～ 而裡面既豬肉餡🐷加左爽口既馬蹄，惹味香口又爽口啲，加上用左魚露🐟、醬油等調味就更加有鹹香～大蝦菠蘿米紙卷 🍤🍍 - +$28 (好味指數：😍😍😍🤩)感覺比較健康同低卡，表皮煙煙韌韌，裡面包住爽口彈牙既蝦仁🍤、酸甜多汁既菠蘿🍍、香口既肉碎🐷、爽口既胡蘿蔔絲🥕同埋清爽既生菜🥬，口感幾豐富，如果醬汁可以多少少就更加好啦～泰魚露炸單骨雞翼 🇹🇭🔥🐥🪽 - $58 (好味指數：😍😍😍🤩)啲雞翼🐥🪽拆咗單骨先拎去炸🔥，啖啖肉咁方便食👍🏻 表皮酥脆，可以再薄啲就無咁漏～ 雞味🐥濃郁，口感嫩滑juicy, 有埋魚露🐟就更加香口～脆炸豆腐配魚露酸汁 🔥⬜️🐟 - $48 (好味指數：😍😍😍🤩)另外一個小食叫咗豆腐⬜️，炸過🔥會香口啲，皮一樣可以再薄啲就會更加脆口同無咁漏，味道清香，口感軟嫩，另外可以點埋旁邊嘅魚露🐟酸汁，香口開胃～鳳梨清新特調梳打 🍍🍹- +$12 (好味指數：😍😍😍😍🤩)加左杯特飲🍹，酸酸甜甜咁，清新解膩，有芳香馥郁既菠蘿香味🍍，feel到係真材實料而唔係靠糖水👍🏻 亦有好多菠蘿果肉🍍，比較有咬口，而且有氣會比較有刺激感都幾好😌季節花茶 🌼🍵 (好味指數：😍😍😍🤩)另一杯就試下跟餐既花茶🌼🍵，清清地，無糖比較健康～好味指數：😍😍😍🤩推介指數：😍😍😍🤩…查看更多

早排同好朋友去下啟德零售館行街順便去野食，見到好多食肆見到呢間麵堂東南亞主題餐廳原來佢地每款湯底及食材都堅持自家熬製及製作店內裝潢得燈光明亮，乾淨舒適座位空間都不錯餐廳主要是食馬來喇沙湯、泰式船湯、紅燒牛肉湯、泰北黃咖喱雞湯睇一睇餐牌都係精選午早餐抵半荕半肉麵$78配有牛丸2粒、牛腱4片牛腱薄薄入口好淋，夠入味有紅蘿蔔及白蘿蔔牛丸沒有什麼味道，湯底都係好清可以再入味更好麵質幼身有咬口，口感相當不錯蜜洞雞絲河粉  $68雞絲份量都幾多而個湯底好清，河粉條條都夠爽滑雞絲肉質嫩滑大蝦菠蘿米紙卷 +小食$28有菠蘿好清甜，仲大隻大蝦包住口感層次很豐富飲品點了特色飲品+$12 鳳梨清新特調梳打(凍) 鳳梨味好飲好夠菠蘿味，有梳打飲落清新又解渴特調梳打西柚冰涼西柚味好爽甜夠清新甜品+$23泰式椰子雪糕椰子雪糕夠特色入口有好濃椰子味雪糕夠滑，入面有乾果、果仁同粟米片，爽埋一齊食好夾好健康店員有禮服務非常好麵堂啟德體育園啟德零售館2 3樓 M2-317號舖…查看更多

位於啟德零售館的泰式小店「麵堂 」主打泰式平民美食，例如泰式海南雞、豬手、豬頸肉、船麵等，更有各式各樣的泰式街頭飲品，價錢平民大衆化，午市和晚市套餐超扺食👍▪️海南雞•雞油飯拼喇沙雞絲摻摻 $ 98晚市套餐真係超抵食，海南雞雞皮爽脆肉質嫩滑，配上味道適中的雞油飯，沾上泰式醬汁好美味，另外仲有一碗巨型喇沙，味道香辣惹味，最喜歡胡椒鮮雞湯，味道鮮香濃郁▪️泰式滷豬手撈油麵 $ 76豬手炆得軟腍入味，就是泰國街頭的風味，配上彈牙油麵、酸菜、炸蔥頭、紅洋蔥和溏心蛋配料，超級惹味▪️凍泡沫奶茶 + $12 ｜椰青滑𣲙 + $ 20可以用套餐優惠價加配飲品，大大杯好高質，泡沫奶茶就是泰式奶茶加奶蓋，特別香滑，椰青滑𣲙即叫即打，非常濃郁的椰子味▪️泰風味豬頸肉 $ 68泰式豬頸肉切得大大件，燒得香口而且夠晒爽口彈牙，沾上泰式酸辣醬汁，完全太識風味▪️雞油小棠菜 $ 48清新的小棠菜用雞油炒過，味道特別香口▪️泰式街頭椰子雪糕 $ 46超級多料，泰式椰子乾、提子、脆片、腰果、合桃、忌廉再配上椰子雪糕好豐富，完全泰式風味坊間少見…查看更多

餐廳位於啟德新地標啟德體育園, 不少人氣美食進駐, 環境是採用木系設計帶暖色系, 令人感覺溫暖舒適, 主打台灣及東南亞麵食, 午市套餐及一人專享晚餐✨自行掃ǫʀ下單、非常方便, 有系統完全沒有漏單情況, 值得一讃👍🏻我們點了一人食晚餐套餐已包小食／主食／飲品及甜品蜜汁烤叉燒肉燥溏心蛋白飯🐷 叉燒帶點焦香, 醃得很入味帶點香氣, 肉燥飯軟嫩口感甜中帶點鹹, 佐飯一流海南雞馬來喇沙摻摻🍜 海南雞份量十足、雞皮爽脆光亮、滑而不厚, 肉嫩鮮甜, 摻摻是油麵加米粉, 配料有芽菜、豆卜、魚片及糖心蛋, 椰奶的咖哩湯頭, 細緻濃郁的口感, 十分惹味小食街頭炸腐皮肉籽（4件）一口一個, 炸至金黃色, 外皮口感酥脆、餡鮮飽滿, 味道鮮香, 非常可口紅燒肉肉質滑嫩、口感微甜, 入口即化, 甜而不膩, 味道濃郁甜品泰式椰子雪糕🥥滿滿的椰子香味, 加上提子乾及粟米片, 味道更加有層次飲品鳳梨清新特調梳打🍍 （套餐 + $𝟏𝟖）香甜又清香, 非常清爽, 夏日之選抹茶奶綠（套餐 + $𝟏𝟖）淡淡的抹茶味帶濃郁的奶香, 甜度適中, 味道不錯小店用心製作、非常足料, 服務員非常親切, 價錢親民又ᴄᴘ值高…查看更多

氛圍輕鬆舒適，帶點街頭小店的隨性風情。店內裝潢簡約，木質桌椅搭配綠植點綴，營造出清新的泰國風情，適合朋友小聚或一個人靜靜享受美食。點了幾道招牌菜品，開啟了一場味蕾的泰式冒險。冬蔭醬雞絲沙律酸辣開胃，雞絲爽脆，搭配濃郁的冬蔭醬，微辣中帶點鮮甜，瞬間勾起食慾。凱撒沙律則是另一種驚喜，醬料濃而不膩，蔬菜新鮮脆口，適合喜歡清爽口感的朋友。烤叉燒配雞油香飯是重頭戲，叉燒外焦內嫩，炭烤香氣撲鼻，雞油飯粒粒分明，油香四溢，讓人一口接一口。青木瓜沙律則是經典泰式風味，酸辣交織，爽脆的木瓜絲帶著微微的辣度，十分開胃。搭配一杯荔枝鮮薄荷梳打，冰涼清新，果香與薄荷的組合完美解膩。第二輪加點了豬船麵，湯底濃郁，微酸微辣的滋味令人回味無窮，泰國新鮮幼粉吸飽湯汁，口感滑順。滷肉燥小棠菜則帶來台式風味的驚喜，滷肉香氣濃郁，小棠菜清甜爽脆，兩者搭配恰到好處。最後以一杯椰青滑冰作結，清涼的椰汁帶點淡淡甜味，為這餐畫上完美句號。…查看更多

[麵堂 🍜].啟德真係多咗好多嘢食😍😍演唱會前後唔使擔心冇嘢食呢間麵堂主打快靚正泰國菜以慢火燉煮東南亞濃湯麵.🌟 泰北黃咖喱雞湯麵 🍜濃郁的黃咖喱湯底 🥘帶有椰奶的香甜與微微辣度 🌶️聽講咖喱醬係泰國空運直送🥰🥰雞肉軟嫩入味 搭配彈牙麵條風味層次豐富 暖胃又滿足😍😍.🌟 烤叉燒撈麵 🍝叉燒外焦內嫩 醬汁甜鹹適中 🐷撈麵Q彈 拌上私房惹味濃郁滷醬油每一口都充滿港式街頭風情好快扒完 真心鍾意呢個😇.🌟 大蝦菠蘿米紙卷🍤新鮮大蝦搭配菠蘿的清甜🍍米紙卷輕薄透爽 點少少酸甜魚露醬口感清新 係一流嘅小食.🌟 街頭炸粿肉角🍢外皮酥脆金黃 內餡肉香四溢仲有少少彈牙 好惹味好誘惑.🌟 紅燒肉滷肉燥飯🍚紅燒肉肥而不膩 滷汁濃郁入味搭配軟糯白飯 簡單又充滿家常溫暖☀️.餐牌仲有好多其他嘢食🍜🍜下次叫多啲人嚟試晒佢先😛😛..📍九龍城啟德承啟道38-39號啟德體育園啟德零售館2 3樓M2-317號舖…查看更多

今次嚟到啟徳新開既麵堂，難得有一間一次過可以食到東南亞同埋台式嘢嘅餐廳！🌟 餐廳主打慢火燉煮東南亞濃湯麵，湯頭濃郁香醇，帶你品味濃厚東南亞風情！濃湯一人少鍋，暖心又方便，都適合獨享或小聚食！仲有泰國空運直送私房咖喱醬，辣而不嗆，完全正宗泰國味道！ 我今次就叫左呢幾樣食物:🍜 泰國新鮮牛船麵(幼粉)新鮮的幼粉手工拉製而成，口感彈牙滑嫩，每一口都吸收晒啲湯汁，湯頭是用多種香料與牛骨長時間熬煮而成，鮮味十足呀！配料豐富，有牛肉，牛筋，牛丸，份量多！🍚 紅燒肉滷肉燥飯紅燒肉肉質軟爛入味，而且又唔會太肥膩，滷汁肉燥濃郁香醇，有少少比較甜，但配上米飯，真係一口接一口咁食。再配上鹹香的肉鬆同溏心蛋，整體口感層次豐富！🍘 脆炸豆腐配魚露酸汁酥脆內嫩的豆腐，炸至金黃脆口，搭配特調的魚露酸汁，酸香帶點微微的鹹味，完美平衡炸豆腐的油膩感。每一口都酥脆多汁，酸汁則提升整體的清新感，是一款開胃小食！🥤餐廳仲有好多地道風味飲品: -冷泡檸檬茶，清新解渴 -熱季節花茶，暖心暖胃總結佢地既午餐，下午茶同晚餐性價比高，價錢合理而且份量大份，套餐仲配埋飲品，超抵食！麵堂 📍九龍城啟德承啟道38-39號啟德體育園啟德零售館2-3樓M2-317號舖…查看更多

今日lunch 埋單用滙豐信用卡俾錢，點不知簽完卡發現佢冇折到（即收錯錢），一秒內提出，收銀表示要問經理，點仲知佢問完經理，話不能夠void單，不能更改（第一次聽收錯錢唔可以void單！！） 我哋叫佢再問經理，點知經理嚟到，教訓我哋：佢唔會理我哋用乜嘢信用卡，你要自己提出先會有。當然最後我同佢理論，佢有void單。信用卡坐年88折優惠都要自己出聲佢先會俾，係咪要同銀行投訴？收錯錢唔俾void單係咪要同消委會投訴？…查看更多

餐廳裝潢光潔，米黃色的主調，座位舒適。🌿 青檸鮮薄荷梳打（凍）清新感十足！青檸的酸爽與薄荷的清涼完美結合，氣泡感細緻，瞬間喚醒味蕾。🥬 肉燥小棠菜小棠菜翠綠爽脆，搭配鹹香肉燥，簡單卻不失層次。肉燥的油潤與蔬菜的清甜相互平衡，開胃又解膩。🍛 泰北豬扒黃咖喱金麵（轉擔擔麵）泰北黃咖喱溫潤，味道比較香淡，配料有洋蔥、肉碎、芫荽、酸菜，豬扒煎得外酥內嫩。將金麵換為擔擔麵，吸附咖喱汁後更顯彈牙。🍞 咖喱配炸饅頭炸饅頭外皮金黃酥脆，內裡鬆軟，蘸上濃郁的黃咖喱，一口咬下，鹹甜交織，邪惡卻滿足！🍗 泰魚露炸單骨雞翼雞翼炸得乾爽不油，魚露的鹹鮮深入骨髓，單骨設計方便食用。🍜 冬蔭功蝦海鮮撈麵海鮮料豐富，有糖心蛋、蝦、青口、魚肉，鮮味十足。轉用台灣麵後，口感更Q彈，加上洋蔥的辛香、肉碎的嚼勁、芫荽的清新與酸菜的爽脆。🍵 抹茶奶綠（凍）抹茶香氣濃郁，奶綠順滑不苦澀，甜度適中。…查看更多

TGIF星期五放工係啟德零售館保齡球場至少碌一場減壓link 🎳 。碌完喺附近搵食醫肚💁🏻‍♀️，無意中發現間價錢親民、主打東南亞美食既餐廳 —— 「麵堂」‼️提供一系列湯麵、輕食、茶飯等。小姐姐最欣賞💁🏻‍♀️ 虎蝦海鮮流心蛋喇沙摻摻🍜，馬來喇沙湯底用鮮研磨喇沙醬做base，炒香後加入香茅+南薑+蝦醬+辣椒🌶️+濃郁椰奶，令湯底滿滿鮮香鹹辣。搭配米粉+鮮油麵「摻摻」 = 口感爽滑層次分明，簡直一試難忘再次瘋狂😋❕其他美食同樣有水準：🥢虎蝦海鮮流心蛋喇沙摻摻🥢牛三寶雞油飯拼紅燒牛丸湯🥢香草墨魚餅🥢泰風味豬頸肉🥢抹茶奶綠🥢鳳梨清新特調梳打…查看更多

去啟德行街 原來有這一間餐廳😋 不同菜式真係咩都一定岩食🤤🤤🤤仲要性價比高 質素好好✐青木瓜沙律
青木瓜絲爽脆到爆，酸辣汁酸甜得宜，仲有微辣🥗 口感層次豐富，食落清新，完美前菜✐大蝦菠蘿米紙卷
米紙卷軟糯Q彈同超新鮮既大蝦同菠蘿🤤甜酸超match🦐 沾點特製醬汁 輕盈又滿足，正😚✐泰魚露炸單骨雞翼
雞翼炸得金黃香脆，外皮微甜微鹹🍗 肉質嫩滑多汁 食到停唔到 超推😍✐虎蝦海鮮流心蛋喇沙摻摻
喇沙湯底濃郁得來唔膩椰香同辣味平衡得啱啱好🥥 虎蝦同海鮮新鮮彈牙🤤流心蛋一爆即化湯汁掛麵超正😋✐牛船麵配泰國新鮮幼粉
有牛肉 牛筋 牛丸 湯底濃郁🤤🤤香料味好突出🍜 幼粉煙韌順滑，吸晒湯汁精華同埋份量超多😚好滿足✐抹茶奶綠（凍）
個奶蓋超正😍😍😍抹茶香濃順滑🥛 ✐鳳梨清新特調梳打（凍）
鳳梨酸甜清新，飲落好解渴🤤…查看更多

記錄番係啟德睇演唱會前，快速係最近既啟德零售館2食左個麵；當時時間好趕，經過見到有咩餐廳有位就入座。但時間實在太趕，我都無食晒，就要去睇演唱會喇。最好味既係小食 — 香草墨魚餅，食落好香既香茅味，有驚喜！咬開後會見到，裏面有一粒粒白色既墨魚嘴，仲有一條條既香茅葉，真材實料。冬蔭功蝦海鮮撈麵要黎發開d 撈麵既湯，好香濃，味道不錯。我選既泰國新鮮幼粉，有啲似粉絲，同樣透明但多一點煙韌。溏心蛋泡沫奶茶石榴橘子綜合茶一壺上…查看更多

今日去咗啟德體育園行街，行到差唔多肚餓，就揀咗隔離「麵堂」醫肚。呢間餐廳就係啟德零售館 2-3 樓，位置方便，上完樓即刻有得坐。環境幾舒服，枱同枱之間唔擠迫，落腳位都寬敞，啱晒行完街慢慢坐低歎返餐。 今次午餐點咗三樣： 🍜 烤雉雞扒喇沙摻摻 $73- 湯底香濃但唔會太膩，雞扒煎到帶少少焦香，肉質算嫩口，份量都幾足。 🥟 肉燥小棠 $48- 肉燥滷得幾入味，配上清清嘅小棠菜，做前菜都唔錯！🍵 冷香甘檸草本茶 (熱) $28- 食完麵飲返杯熱草本茶，檸香味清新，有啲似養生茶，食得油膩少少再飲一啖，舒服晒。 埋單大約一百六十蚊左右，價錢同商場餐廳差唔多，以環境同方便程度嚟講都算合埋！…查看更多

自從啟德開左零售館後，收工拍拖又多左個好去處，原來都開左吾小新餐廳，裝修都幾靚添，今次就揀左間東南亞風味餐廳試下☺️❥ 香草墨魚餅$68墨魚餅入面有粒粒墨魚，外層金香酥脆，咬落彈牙，好正👏🏻❥ 泰風味豬頸肉$68泰式豬頸肉好厚切，燒得香口皮脆肉嫩，沾上泰式酸辣汁，好有風味😆❥ 蝦喇沙摻摻$78喇沙摻摻有蝦、藍青口、溏心蛋、粿肉、豆卜，喇沙摻摻椰奶湯底濃厚帶有小小辣味，摻摻由油麵加米粉組成，一齊食口感超豐富🤤❥ 海南雞雞油飯拼喇沙雞絲摻摻$98海南雞肉質鮮嫩，搭配上香噴噴油雞飯及自製辣椒醬，喇沙湯頭濃郁，雞絲份量好足，絕對飽肚😋❥ 抹茶奶綠+$12抹茶奶綠夠哂大杯，抹茶味突出，仲有得選擇甜度，好貼心🫶🏻❥ 菠蘿冰茶+$10菠蘿冰茶好解膩，飲落去好有夏日feel☀️…查看更多