影片
更多
2021-11-22
616 浏览
抵食指數：🎀🎀🎀🎀環境：🎀🎀🎀回頭：🎀🎀🎀🎀（最高分5個🎀）自從2019疫情之後就無去過旅行，唯有周圍食下唔同國家既地道菜，當自己去左旅行啦🇮🇳 🕌 朋友推薦左呢間印度素食餐飯試下，印度菜特色係材料簡單，主菜其實係印度調味香料，化腐朽為神奇。眼見當晚唔止好多印度人幫襯，仲有不少香港人都係座上客，座位雖然多，但坐得有少少逼。必點Paper Masala Dosa $85呢個Dosa一定要點，巨型脆卜卜煎餅夾住餡料，餡料係以薯蓉加上唔同嘅豆蓉同埋咖喱香料，再點辣辣地既醬汁，非常香口又惹味，兩個人食岩岩好。Sev Puri $65呢個係凍食既，外貌好似炒埋一碟既餸，但其實裡面係一塊塊米餅，上面有乳酪、烤薯仔絲、薯蓉配搭紅色既甜醬汁，係全晚唯一唔辣既菜，有驚喜。推薦Chilli Panneer $70辣味茅屋芝士，芝士外形像豆腐，食起黎帶有奶香，而且炒埋啲辣醬，好開胃，唔好睇個餸好似好紅咁，其實又唔算好辣，食開譚仔十小辣既人絕對接受得到。North Indian Thali 北印度套餐$105 呢個套餐有8個醬汁配薄餅同埋印度炒飯。醬汁有鷹嘴豆咖喱、雜菜咖喱、甜甜地既黃咖喱… 等等，除左甜甜地
環境：🎀🎀🎀
回頭：🎀🎀🎀🎀
（最高分5個🎀）
自從2019疫情之後就無去過旅行，唯有周圍食下唔同國家既地道菜，當自己去左旅行啦🇮🇳 🕌
朋友推薦左呢間印度素食餐飯試下，印度菜特色係材料簡單，主菜其實係印度調味香料，化腐朽為神奇。
眼見當晚唔止好多印度人幫襯，仲有不少香港人都係座上客，座位雖然多，但坐得有少少逼。
必點Paper Masala Dosa $85
呢個Dosa一定要點，巨型脆卜卜煎餅夾住餡料，餡料係以薯蓉加上唔同嘅豆蓉同埋咖喱香料，再點辣辣地既醬汁，非常香口又惹味，兩個人食岩岩好。
Sev Puri $65
呢個係凍食既，外貌好似炒埋一碟既餸，但其實裡面係一塊塊米餅，上面有乳酪、烤薯仔絲、薯蓉配搭紅色既甜醬汁，係全晚唯一唔辣既菜，有驚喜。
推薦Chilli Panneer $70
辣味茅屋芝士，芝士外形像豆腐，食起黎帶有奶香，而且炒埋啲辣醬，好開胃，唔好睇個餸好似好紅咁，其實又唔算好辣，食開譚仔十小辣既人絕對接受得到。
North Indian Thali 北印度套餐$105
呢個套餐有8個醬汁配薄餅同埋印度炒飯。醬汁有鷹嘴豆咖喱、雜菜咖喱、甜甜地既黃咖喱… 等等，除左甜甜地個款咖喱，其他配薄餅/粒粒分明既炒飯都好好食，如果唔知食咩好，可以揀呢個套餐，一次過試哂不同味道。
總括而言，原來唔止重慶大廈有正宗又好食既印度菜，係尖東永安廣場都有，仲係素食餐廳黎，味道惹味又開胃，價錢又唔貴，食到我同朋友都捧住個肚走🤣
张贴
