王子牛腩牛雜粉麵專家

营业中

休息中

一直都鍾意食牛三寶，牛根、牛腩、金錢肚，尖沙咀樂道有間港式粉麵既鋪頭有得食，入到舖頭見到有好多美食推介掛滿牆身。牛三寶飯，有齊牛腩、金錢肚、牛筋，上枱時聞到香濃既牛味 ！牛筋食落好香軟、牛腩同牛筋好大舊添呀。炸子雞飯，雞肉多汁，雞皮炸過後香脆，最啱配送白飯。炸蝦餅，厚身又夠酥脆，食落超足料。炸雲吞同炸韮菜餃，薄薄既炸粉，粒粒飽滿，餡料好足料。炸雞翼，好大隻，外皮脆卜卜，似喺生炸雞脾既做法，好惹味。油菜，菜芯配蠔油，簡單配搭，爽脆既菜芯已經好味道。紅豆冰，加入椰奶，有椰香味，紅豆粒粒都軟綿綿，消暑良品。