陳師傅自製點心專門店

营业中

休息中

有時瞓死miss左下午茶時間，夜晚想食點心的話除左添好運都唔知可以去邊。直到我發現左陳師傅嘅存在。夜晚時分通常唔多人食，可以坐卡位慢慢食都冇人趕你走，大概5點左右去食就最perfect一開始見冇咩人食，我都冇太大期望。純粹個陣好想食點心，諗住求其醫飽個肚同埋完左個點心夢就算數，估唔到會有意外收獲。我同女朋友都係全日冇食野，好似餓鬼上身咁嗌左勁多野食。Menu選擇唔多，基本上同添好運差唔多。不過佢地做得精，overall全部點心嘅水準都有中上水評。其中最正嘅係棉花雞同埋鵪鶉蛋燒賣。棉花雞相當之順滑，瞇埋眼慢慢咬的話真係有種食緊棉花嘅感覺，唔會有好似食緊膠咁嘅feel。鵪鶉蛋燒賣嘅重點在於分清楚莊閒，燒賣先至係主角。而呢到嘅鵪鶉蛋燒賣乎合晒呢個principle，鵪鶉蛋只係點綴冇喧賓奪主。至於其他點心例如牛肉球、叉燒腸、豉汁鳳爪、春卷、奶黃包都好好食我就唔過多敘述啦。Gogogo if you like dim sum 畢竟係少數專門做點心嘅小店。