八一漁八

营业中

休息中

新春開年飯，約了三五老友來到海港城新開不久的八一漁八食晚飯。餐廳開業約個多月，可外望維港景，加上裝修寬敞典雅簡約，所以都吸引了不少想坐得舒服食中菜的座上客。餐牌選擇不少，但這裏主打海鮮，我們當然要試下。先來的金絲麥香龍蝦 ，上枱似一座小山，賣相真的很吸睛！炸得金黃的麥皮驟眼望落似肉鬆，應加入了鹹蛋黃來炸，所以食落惹味香口，將龍蝦完全掩没。要撥開金香麥皮才見到入面橙紅色的龍蝦。龍蝦件件厚切，蝦肉雪白厚身鮮甜彈牙，令人欲罷不能。再來的酒香生炸炒齡鴿開邊，乳鴿肥美大隻，拎上手亦好有重量，乳鴿外皮炸得閃亮亮，鴿皮香脆而肥膏不多，食落脆口。鴿肉結實多汁，仲有淡淡酒香，做得好出色！接著的桂花蜜漬車厘茄酸酸甜甜，用來清味蕾去油膩感剛好。再來一人一份宮廷蜜汁烤排骨 ，這個排骨不得了，已經煮到好腍好入味，甜甜地好開胃，骨肉一拆即分離。欖豉醬爆象拔蚌顏色繽紛，賣相好靚。象拔蚌鮮甜彈牙，用欖角炒的做法，出面比較少食到，意想不到兩者異常合襯，欖角大大地將象拔蚌的鮮味提升，好味！晚飯不能不炒個菜，二鬆炒芥蘭 青翠碧綠，條條幼嫩，灑上了白飯魚仔乾和肉鬆，增加口感，賣相加分之餘，食落又更有口感。最後桂花鵝肝牛鬆炒飯