爖月串燒居酒屋

营业中

休息中

放工和同事二人走到厚福街的龍月飲返杯。最後揀了爖月。因為見OpenRice 好評很多，相片的食物亦吸引。另一個原因就是食物全單有8折，好吸引。坐低先點了買一送一的啤酒，一人一杯透心涼呀！爖月三點分別有月見和牛、免治吞拿魚他他和饑煮鮑魚。賣相滿分，飽魚煮得入味好彈牙。明太子燒饅頭好有新意，咸咸地的明太子塗係甜甜地的饅頭上，兩者出奇地夾！橫隔肌串燒系列有4款口味，分別是：蜜糖芥末、Wasabi 、蒜香和菠菜汁，口味各有特色，入口啖啖肉。爖月比翼雙飛這個燒乳鴿造型是滿分，上枱點再燒，烈火雄雄，好有睇頭。乳鴿皮脆肉嫩，令人食唔停口。藍莓鵝肝釀雞翼&雞皮蝦卷又係好有新意，雞翼交開入面有藍莓，幾開胃清新但又唔影响雞翼的肥美。雞皮薄脆不肥膩，入面包了鮮蝦，入口又爽彈又脆。遇見免治雞肉棒雞肉棒是入面有脆骨的那種，所以口感不單調，鮮蛋增加了濕潤，小小一條真係覺得唔夠。食物出色，氣氛又好，加上酒品和食物都有優惠，著實是個放工聚腳好地方。