爖月串燒居酒屋

# 【食評】尖沙咀樓上居酒屋《爖月居酒屋》—— 串燒天花板級享受🔥🍢 今晚同老婆行到尖沙咀厚福街，原本諗住隨便搵間地方坐吓，點知上咗呢間樓上居酒屋**《爖月居酒屋》**，一坐低就覺得「嘩，呢度正嘢嚟喎！」完全出乎意料之外咁高質，價錢又唔離地，真係驚喜滿滿。---## 🏮 **環境氣氛**呢度係樓上舖，裝修日式感十足，木枱木櫈、柔光燈、背景播住J-pop、Lo-fi同小清新音樂，氣氛放鬆得嚟又有啲浪漫感～坐低飲杯啤酒，好似暫時離開咗香港，喺日本街角個小居酒屋咁。 服務方面，店員真心友善同細心，主動介紹優惠同推介菜式，完全冇逼客感。佢哋仲會提你：「九點後有串燒優惠、啤酒同魚生set都抵咗好多。」感覺上係真心想你食得開心。 ---## 🍢 **串燒：質素爆燈，每串都有驚喜**我哋點咗佢哋嘅**橫膈膜拼盤**、**牛舌**、**雞軟骨**、**茄子**、同埋**油甘魚鮫**。老實講，樣樣都唔伏！### 🥩 **橫膈膜拼盤（四款口味）**四串牛串分別配上唔同醬汁，包括Wasabi、蒜蓉、柚子醋同辣味噌。每一串都係唔同風味，但都保留到牛肉嘅香氣。- **Wasabi牛橫膈膜**：微嗆嘅芥末味唔會蓋過牛味，反而令肉味更加突出，好彈牙又爽口； - **蒜香牛橫膈膜**：肉汁豐富，燒得啱啱好； - **辣味噌**同**柚子醋**版本各有特色，一陣濃郁香、一陣清新酸香，好玩又好食！### 👅 **牛舌**厚切但唔韌，燒得啱啱好，外面香口、入面仲keep住嫩口感，入口多汁又有肉味，真係「舌尖幸福感」。### 🐔 **雞軟骨**上枱熱辣辣，外脆內嫩，啜落去“卜卜卜”聲超爽，加埋少少檸檬汁一齊食，完美平衡，有驚喜到我即刻話要encore一set😂 ### 🍆 **燒茄子**唔好睇少呢個素菜選手！茄子滋味香滑，配上木魚花同麻醬，啖啖香濃得嚟又唔膩，食得出係熱烘烘啱啱燒起，口感好rich！### 🐟 **油甘魚鮫**真係好高質！魚皮燒到脆卜卜，內裡魚肉滑嫩，脂香滲入口腔；配埋蘿蔔蓉同檸檬汁，味道平衡得完美，好正。---## 🍤 **主食：天婦羅烏冬**估唔到連副食都咁掂——天婦羅炸得酥脆乾爽、一啲唔油，蝦隻隻大隻實肉。烏冬湯底係雞湯底，溫潤香濃，有啲似日式嫩雞煨麵嘅感覺，唔單止暖胃，仲好令人滿足。 ---## 🍺 **啤酒優惠感覺抵到爆**最驚喜係啤酒優惠：**$108 有 6 罐 Asahi 啤酒！** 以尖沙咀地段嚟講真係誇張抵，冰凍啤酒配串燒一流，啤得爽嗌住「人生一大樂事」都唔誇張！🤣 ---## 🎯 **特別加分：抽獎轉盤好玩又開心**呢度仲有**轉轉樂抽獎活動**！每枱食客都有機會玩一次，獎品有免費清酒、現金券、甜品等。我哋嗰晚仲真係見到隔離枱抽中清酒一杯，全場氣氛都High咗。呢種小巧思，真係令人印象深刻。 ---## 🌕 **總結：抵食、好氣氛、食物認真高質**整晚食完飲完，埋單共$810，加上環境、食物、水準、氣氛、服務，完全值回票價。 ⭐ **推介指數：9.5/10** - 串燒選擇多、調味靈活 - 食材新鮮，火候控制準 - 店員親切、有玩味感 - 啤酒優惠太吸引 - 音樂氣氛愜意 📍 **爖月居酒屋 Izakaya Rutsuki** 尖沙咀厚福街12–12A 號麗斯樓 2 樓 > 下次一定再嚟，呢度真係**尖沙咀串燒界天花板**， > 食住串燒、飲住啤酒、聽住音樂——人生有時，就係要咁簡單快樂。🍻🔥…查看更多

厚福街向來多美食，今次黎左呢間居酒屋🏮 而餐廳晚市6點後做緊$38/2串（需同款）咁抵食，當然要入嚟捧場啦！蒲燒鰻魚原條鰻魚奉上，吃下去有微微的焦香口感，仲有鰻魚汁的香味～作為鰻魚控的我，尤其滿足！蟹籽沙律🥗青瓜🥒絲新鮮爽脆，配上蟹柳絲及蟹籽粒一起吃，有醬爆口感，開胃菜一流～油甘魚刺身新鮮肥美，有好濃郁的魚油香，size剛剛好放進口吃，一口刺身很滿足三文魚刺身應該用左部分三文魚腩，吃下去有魚油香散發到整個口腔～油甘魚鮫魚鮫啖啖肉！而且不會有任何細骨刺，岩晒我呢啲懶人👍配上蘿蔔蓉及自家製醬汁一起吃，更有提鮮作用！燒明太子明太子鹹鹹辣辣，外層燒成焦香口感一定要配上青瓜🥒片及蒜頭🧄片一起吃，咁就可以中和口腔的鹹度&辣度～黎到串燒環節！阿波尾雞翼一夜干雞全翼原條奉上！燒成金黃色，吃下去惹味開胃！雞翼雞皮燒得好香脆，師傅調味剛剛好，啖啖肉好滿足！骨付雞肉腸脆皮腸，內裡啖啖嫩嫩的雞肉本菇牛肉卷本菇juicy多汁，用牛肉包裹住，本菇可以中和少少的肥膩感～蝦夷蔥牛肉卷蝦夷蔥超級細條，呢種蔬菜🥬都係第1次食，吃下去有微微的苦澀味道，但又不至於難以吞嚥，味道挺特別的雞腳筋吃下去好爽脆，有𡁻口！放上檸檬🍋汁更有提鮮作用！抹茶雪糕🍧濃郁的抹茶🍵味，甜度也剛剛好，為這頓飯畫上完美句號！…查看更多

今晚去左尖沙咀行街，然後去左食呢間朋友介紹的串燒，餐廳座位好闊落，一啲都唔會覺得迫。睇MENU佢啲串燒係香港居酒屋嚟講都幾平下。油甘魚刺身有五片，切得好厚身，好新鮮肥美。牛肉烏冬烏冬估唔到的滑身，牛肉係用上肥牛，一啲都唔韌。三文魚雞湯飯個飯好味到我地成碗連埋啲湯飲晒，最重要啲飯係粒粒分明。雞皮餃子有三大舊，食入口十分邪惡，個油脂感係口腔入面爆發，而且入面係充滿肉汁。炸魷魚圈有五件，炸到熱辣辣，好香口，魷魚好彈牙。蒜香牛橫隔肌入口蒜味超香，而且個肉睇上去以為好乾，點知好JUICY。柚子雞呢個好有驚喜，甜甜的柚子味，雞肉彈牙，再加埋佢燒到好脆口連住的雞皮，勁正。美國肥牛燒個肉肥瘦均勻，調味做得非常好。雞皮燒到好香口，食入口唔會覺得太肥，個油脂感做到平均。燒菠蘿香甜清新。一夜乾阿波尾雞翼用上雞全翼，外皮外脆肉嫩，醃料做得唔錯。日本黑豚燒得好香口。白鱔呢個又係大驚喜，魚肉燒完都唔乾身，最重要係一啲魚骨都無。柚子酒入口甜甜的，唔會覺得好重酒味，而係果香味好重，好適合女仔飲。青檸梳打屬於正常。我哋兩個人食左咁多都唔使＄700，真係好抵食，而且呢到啲職員好主動同好好服務。今晚去左尖沙咀行街，然後去左食呢間朋友介紹的串燒，餐廳座位好闊落，一啲都唔會覺得迫。…查看更多

喺尖沙咀搵食，唔知你有冇試過明明滿心期待，點知就中伏收場，食物唔掂、價錢唔親民、裝修又只係為打卡？但今次呢間係有實力嘅居酒屋！一推門入去，唔係嗰啲大聲播音樂嘅串燒店，而係有啲空間，天花吊住日式紙傘，座位之間有屏風遮掩，係私隱度幾高嘅串燒店。當晚仲撞正有人搞 Farewell Party，有氣氛得嚟又唔會好嘈，店員仲好落力幫手！喺尖沙咀見到串燒 $38/2串，你可能會諗係咪得啲腸仔、魚蛋，但呢度嘅串燒係認真有誠意，晚市 6 點後已經開始有優惠，9 點後再平啲低至 $30/2串，當放題咁嗌幾 Round 都唔會肉赤！#C心推介 🥚 提燈 (雞卵巢) $68/串：蛋香味濃，其餘部分煙韌又爽脆，冇腥味，好食！🍍 燒菠蘿 $38/2串：有焦糖嘅燒菠蘿，香甜又解膩！🐮 牛尾西京燒 $118：望落以為柴口，點知咬落肉質軟腍帶焦香，超出 Expectation！🐂 牛橫隔肌 Set $80：4 款味道一次過試晒 (菠菜、蜜糖芥辣、Wasabi、蒜香），肉味濃而且多肉汁，唔輸比高級燒肉店嘅味道 💥👅 燒牛舌 $40/2串：切得厚身，外層微焦、口感彈牙，咬落有肉香之餘仲保持到嫩滑又 Juicy 💯👀 其他呢啲都唔錯：🥓 荔枝煙肉卷：朋友大讚，我就覺得煙肉偏咸，不過荔枝嘅清甜中和咗，所以都 OK！🐓 阿波尾雞翼干：日本德島雞翼風乾過之後再用炭火燒，外面微脆內嫩，而且都幾大隻！🧅 夷蔥牛肉卷、雞腳筋、雞軟骨、雞橫隔膜、牛骨髓… 淨係聽個名就知識嗌梗係嗌呢啲 😆🍶 鍾意飲返兩杯嘅朋友要留意！呢度嘅清酒最近做緊半價優惠，$299 已經飲到支京姬大吟釀！另外生啤任飲 $98/90 分鐘，Asahi 飲到飽！…查看更多

聽同事講話呢間串燒店宵夜時段9點後好鬼抵食又好味道, 叫我一定要黎試吓, 佢話最平$15蚊就有一串, 所以今日約左好友黎探店, 呢度裝潢以木系為主調和日式紙傘佈置天花, 環境好雅致, 午市仲有供應日式定食, 岩哂係附近返工既朋友。店員先放下需付費的雜菜條, 包括有青瓜、沙葛、蘿蔔、椰菜等, 沙葛點海鮮醬或豆瓣醬好好食，我like~ 串燒:🍢牛横隔肌（蜜糖芥末）~ 有4款口味, 我揀左香甜蜜糖和芥末, 食落好刺激, 牛味香濃🍢牛舌（2串）~ 好juicy惹味又有咬口, 推🍢日本黑豚（2串）~ 好香口有肉味🍢美國肥牛焼（2串）~ 肥美🍢燒菠蘿（2串）~ 勁juicy鮮甜, 推介🍢雞腎 ~ 香口🍢藍莓鵝肝釀雞翼 ~ 呢款特別, 配搭藍莓鵝肝, 口感豐富🍢白鱔 ~ 香脆, 外脆內軟, 正🍢冬菇（2串）~ 好香菇味又軟熟🍢盧筍豚肉卷 ~ 惹味🍢日本番薯（2串）~ 好甜另外點左兩款特別菜式: *爖月三點 ~ 包括有拖羅蓉, 生牛肉, 磯煮鮑魚, 配埋紫菜可以包住食, 拖羅蓉滑溜, 生牛肉嫩滑, 各有特色, 磯煮鮑魚食落好軟腍又彈牙, 口感超豐富, 同一時間可以有咁多種味道, 呢個我都好喜歡三色甲羅燒 ~ 包含左蟹膏和海膽, 一向都好喜歡, 蟹膏嘅濃郁和海膽甜味, 配搭一絕, 味道香濃喜歡飲sake的, 而家仲有5款sake做緊半價優惠! 我就試左”無言”sake, 味道都幾濃, 唔錯~最後食埋芝麻雪糕, 好香滑, 真係大滿足, 下次要再黎食過!…查看更多

早幾日去咗尖沙咀呢間居酒屋，啱啱撞正佢哋搞萬聖節主題🎃，成間店都有好多Halloween佈置👻🕸️，氣氛勁正～仲有 酒類任飲優惠 $168/位 (27/10-30/10)，鍾意飲嘢嘅一定要去試下！🍺🍹🍢 串燒 $44 / 2串每款都燒得啱啱好🔥～•蝦夷牛肉卷：牛肉好嫩滑，包住啲菜食落唔會膩～🥩•車厘茄煙肉卷：鹹香嘅煙肉配酸酸甜甜嘅車厘茄，平衡得啱啱好🍅•雞軟骨：炸到外脆內爽，好啱邊飲邊食～🍗•柚子雞：淡淡嘅柚子香令雞肉更清新～好特別👍🥩 鐵板和牛 ($178)上枱時滋滋聲超吸引😋～肉質嫩滑又juicy，香氣一流🔥🍣 刺身盛盒 ($248)超新鮮～三文魚、油甘魚、赤蝦、海膽都好甜😍，每啖都係海味滿滿，完全冇腥味～推介！💯🍚 三文魚雞湯飯 ($58)雞湯底濃郁又暖笠笠🐔～配上三文魚碎同飯，味道好溫柔，好適合轉季時食～🍲🍞 明太子燒饅頭 ($58)外脆內軟🔥～明太子香濃又微辣，越食越上癮！💬 總結：環境有氣氛✨，食物質素又高～特別係萬聖節期間嚟飲返幾杯🍶，真係夠晒節日feel～下次一定再嚟！…查看更多

呢間居酒屋藏身小巷，木質裝潢帶點懷舊風，燈光暖黃，食飯時充滿日劇feel！今次兩人一齊試咗幾款刺身同燒物，總共$799，仲有輪盤抽獎 ，中咗杯生啤！爐端燒套餐 (3款) ($168)三文魚、雞肉、牛舌燒得外焦內嫩，炭香撲鼻，醬汁微甜帶鹹，啖啖肉汁爆發，燒物控必試！刺身盛合 (四款) ($248)四款刺身厚切新鮮，三文魚油潤、海膽鮮甜、油甘魚肉厚、甜蝦超甜，無腥味，鮮到飛起！南瓜蕃薯天婦羅 ($68)南瓜軟糯蕃薯香甜，炸漿薄脆唔油，咬落熱辣辣，甜鹹交織，食落好有滿足感！蟹子沙律 ($88)蟹子彈牙鮮香，配沙律菜同醬汁，微酸微甜，口感豐富，食落清爽又開胃！黃芥末蜜糖牛柳粒 ($38)牛柳粒嫩滑，黃芥末微辣蜜糖甜香，混搭出驚喜，啖啖有火花！橫膈膜 (蜜糖芥末) ($38)橫膈膜燒得脆口有嚼勁，蜜糖芥末甜辣平衡，入口juicy，燒物中嘅隱藏王牌！橫膈膜 (wasabi) ($38)另一款橫膈膜配wasabi，微辣刺激鼻腔，肉質彈牙帶炭香，配啤酒一流！秋葵串燒 ($20)秋葵燒得爽脆帶黏，簡單調味保留原味，健康又清新總括嚟講，爖月居酒屋靠新鮮刺身同燒物吸睛，串燒選擇多、食材新鮮，火候控制準，氣氛愜意，尖沙咀搵日式居酒屋，又想平平地，呢度真係一個幾好嘅選擇…查看更多

隱身於厚福街的藍馬商業大廈二樓，爖月串燒居酒屋是一間充滿炭香與木色的樓上居酒屋。木枱木椅、暖黃燈影，以及開放式炭火爐台。 環境比一般居酒屋更闊落，枱距夠闊，氛圍 lively 但唔嘈雜，偷聽到隔籬枱似乎係熟客，同店舖關係仲似乎好好，睇嚟係一間可以去完又去嘅餐廳。晚市嘅串燒仲做緊特價，計返$18有一串，莫講話喺尖沙咀，香港嚟講都好少有串燒咁平。🥢 爖月三點 $168三款前菜擺盤乾淨利落，中間襯以深色長盤，整體非常精緻。磯煮鮑魚：味噌味醂調味，帶微甜香氣；鮑魚質地乾爽彈牙。吞拿魚他他配炸蒜片：吞拿魚魚蓉舖滿炸蒜片，入口滑潤中帶脆香，而且鮮味十足，微辣剛好提味，襯以紫蘇葉與紫菜片，更添清香。月見和牛他他：肉身細滑，油脂分布均勻，拌入蛋黃後滑潤如絲，淡淡甜味同肉香完美融合。🥩 美國肥牛燒薄切肥牛卷成厚實串燒，表面微焦，滲出油脂光澤。用七味粉調味，香氣濃郁，辣味細膩。入口時油花同炭香同時散開，呢種卷法令好薄嘅似都充滿咬感，非常滿足。🧅 蝦夷蔥牛肉串牛肉將嫩滑細蔥（蝦夷蔥，北海道出產，比一般青蔥味道更清爽）緊緊卷起。咬開時蔥汁滲出，蔥香同牛香混埋一齊。牛肉焦香、蔥味柔和，層次分明。🍋 柚子雞串燒雞皮香脆，雞肉嫩滑多汁。上枱時仍熱氣騰騰，肉心保持燙口嘅熱度，代表火候控制得好好。柚子香同辣味微微滲出，好食。🐔 雞皮串燒雞皮燒得恰到好處，一串裡厚薄交錯：厚的煙韌油潤、薄的香脆鬆化。配上細蔥與薑蓉，估唔到喺日式地居酒屋見到呢一種港式嘅配搭，但係雞同薑蓉真係絕配。🦴 牛骨髓串燒用心製作的 Z 形串法，令骨髓份量十足。比一般骨髓更實淨、有咬感，配上微酸蘿蔔蓉減輕油膩，而且有微微炭香滲入骨髓脂香之中。🍳 明太子玉子燒金黃色的玉子燒層層疊起，切面能見到粉紅色明太子。入口即化、texture如豆腐般嫩滑，但係呢個玉子燒又好熱，諗唔到咁熱嘅蛋師傅係點樣整得唔老。🥤 飲品甜品巨峰乳酸梳打：果香濃郁、酸甜平衡，飲一口即時解膩。青檸梳打：清爽簡潔，與串燒絕配。綠茶雪糕：茶香濃厚、質地細滑。曲奇雪糕：曲奇碎脆而香，奶香豐盈。氣氛輕鬆、食物精緻，價錢合理，服務亦都好好，去完一次好明白點解會有回頭客。…查看更多

今日黎再呢間「爖月」居酒屋，日式包箱同和風裝修，牆上掛滿燈籠好有情調，氣氛熱鬧又chill，體驗一流🤗重點係串燒選擇勁多，牛雞海鮮蔬菜都有，晚市$44兩串同款超抵，宵夜仲低至$36，抵到爆燈！🥩 本菇牛肉卷 牛肉薄片包裹鮮菇，燒到外脆內嫩，菇香同牛汁混搭，咬落汁水四溢，每啖都充滿umami💥🦐 蝦夷蔥牛肉卷牛肉夾蔥花，炭燒香氣撲鼻，大啖蔥花勁濃味，配七味粉仲惹味～🍗 柚子雞 雞肉醃柚子汁燒製，微酸帶甜，肉質鬆化唔乾柴，柚子香提鮮開胃🫶🐔 月見免治雞棒 免治雞棒配蛋黃，燒到外焦內嫩，蛋香混雞味，層次大爆炸，創意滿分😚👅 鐵板柚子蜜牛舌 牛舌厚身多汁，柚子蜜醃製燒烤，甜酸炭香撲鼻，咬落嫩滑回甘，MVP級！🐟 浦燒鰻魚 鰻魚蒲燒到外脆內軟，醬汁甜咸平衡，鰻脂香濃郁，食落超滿足！🍲 爖月三點 店家招牌，有勁入味軟身既新鮮鮑魚、吞拿魚他他同和牛，一次過滿足三個願望！而家客人黎到仲可以玩一次個轉盤，大把優惠，簡直係大放送！PS男士去廁所唔好嚇親🤪…查看更多

呢間串燒居酒屋絕對係驚喜！價錢合理，食物質素一點都唔馬虎。燒雞肉／皮類香脆惹味，燒牛舌嫩滑多汁，鹽燒同汁燒都做得恰到好處。環境更加分，座位寬敞，木系裝修充滿和風，坐低傾計夠晒舒服。店員服務唔錯，又可以貪得意玩下轉盤，成個店鋪氛圍令人好放鬆，絕對係同朋友飲兩杯、食串燒嘅好地方。一定會再嚟！…查看更多

今日同朋友去爖月食日式晚餐，這間串燒居酒屋餐廳嘅餐牌食物款式都不少，優惠亦不少，尤其是晚市美食串燒好抵食，晚上六時後就供應同款兩串，而晚上九時後更加抵食，而指定日本清酒仲有半價，還有個幸運輪盤來轉圈拿優惠，仲有好歌聽，真係令人食得開心，好值得向大家推介來食。🐠三文魚刺身口感嫩滑，入口即化，肉質細膩，味道鮮美，帶有淡淡的海洋氣息，略帶油脂的香味，清新而不腥。🦀蟹子沙律口感爽脆，蟹子彈牙，搭配的蔬菜清脆可口，鮮甜的蟹子味，與沙律醬的酸甜相融合，清新又開胃。🐙炸魷魚圈口感外酥內嫩，嚼勁十足，味道鹹香味濃，魷魚的海味與炸粉的香脆感相得益彰，常伴有蒜香或辣味。🐂鐵板柚子蜜牛舌口感滑嫩，牛舌的肉質厚實，鐵板熱度使其外皮微焦，柚子蜜的甜味與牛舌的肉香交織，帶有一絲酸度，香氣撲鼻。🐂蘿蔔煮牛腩牛腩軟嫩，蘿蔔入味，湯汁濃郁，牛腩肉的鮮香與蘿蔔的清甜結合，湯底醇厚，帶有香料的溫暖味道。🐂蝦姨蔥牛肉卷串燒卷外皮焦脆，內部牛肉鮮嫩，蔥的香氣增添口感，牛肉的鮮甜與蝦的海鮮風味相輔相成，蔥的香味提升整體的風味。🐔雞翼串燒雞翼外皮酥脆，肉質多汁，咬下去時富有彈性，雞肉的鮮香與醬料的香甜相結合，入口有燒烤的香氣，讓人垂涎欲滴。🐔骨付雞肉腸串燒肉腸外層香脆，內部肉質嫩滑，帶有嚼勁，雞肉的鮮美與腸衣的香氣融為一體，加上香料和醬料，使其風味更加豐富，帶有煙熏的香味道。🦐手揸餅海膽蝦卷餅皮柔軟而有彈性，內裡的海膽滑順，蝦肉鮮嫩，海膽的鮮美與蝦的甜味相得益彰，餅皮吸收了海鮮的鮮香，整體味道豐富而鮮明，有一絲海洋的氣息。🦀三色甲羅燒外層微脆，蟹膏和蟹肉滑嫩，搭配的蝦片增添了酥脆感，紫菜則帶來一絲嚼勁和海味，蟹膏的鮮甜，搭配蝦片的香脆和紫菜的鹹味，加上濃郁的海鮮風味，令人垂涎欲滴。🍇巨蜂乳酸梳打巨峰提子清新，飲用時清爽，帶有微微的酸感，味道甜中帶酸，蜂蜜的自然甜味與乳酸的清新感相結合，讓人感到清涼而舒適。🍋青檸梳打飲落清爽，氣泡感強烈，口感輕盈，酸爽的青檸味道濃烈，帶有一絲甜味，整體味道清新，適合消暑解渴。…查看更多

係厚福街收到傳單，有我最愛嘅日式串燒居酒屋，有好多款串燒同生啤晚市都做買一送一，實在太抵其中有啲串燒更加係性價比之選，例如阿波尾雞翼一夜，無記錯本身單點已經要$48一串，即係叫兩串仲抵過一串🤭點左太多串燒不能盡錄，講下其中有幾款比較有驚喜，例如買一送一嘅本菇牛肉卷、柚子雞、車厘茄煙肉卷、仲有自家製豆腐都係必食最好味嘅係柚子雞，調味剛剛好真係做到皮脆肉嫩，燒得好香！本菇牛肉卷咬菇勁juicy，都分唔清係菇汁定係同肉汁，非常夾自家製豆腐本身底味較清淡，但加埋餐廳一款味道類似XO醬嘅醬料一齊食，味道同層次都馬上提升，好好味海鮮方面試左燒廣島蠔又係好唔錯，鮮甜得黎有海水味，燒完裙邊略脆，但又保持到蠔肉既juicy雞皮勁邪惡，食到雞皮下嘅脂肪係個口到溶化蔬菜方面，粟米芯、秋葵、青椒仔等等都係水準野除左串燒，仲叫左個好有創嘅fusion菜 手抓餅海膽蝦卷，用手抓餅代替紫菜包住天婦羅蝦同配料，再加上海膽，卷物嘅賣相，但無飯係入面，都幾得意餐廳好好氣氛，當晚係星期六，全程都坐滿客，建議weekend要記得book定位 咁就唔駛等…查看更多

平時好鍾意同朋友去居酒屋食串燒飲下酒傾吓偈，尖沙咀厚呢間爖月串燒居酒屋玩原來宵夜做緊優惠 - 串燒$36兩串/$46兩串但食物質素絕對唔馬虎，特別係串燒好高質，所以宵夜嚟食真係好抵食👍仲有最吸引嘅係清酒都做緊優惠， 指定清酒直接半價添😍而且餐廳做緊活動，每位嘅客人都可以轉風車一次，有禮物送🤣🔸橫隔肌set 有晒四款味道（菠菜，蜜糖芥末，Wasabi，蒜香），超推薦，每一款肉味都好突出，我特別鍾意蒜香味同Wasabi味🔸美國肥牛燒-油脂分布好正，燒到逼出牛油香🔸蝦姨蔥牛肉卷-驚喜之作，包住牛肉捲大蔥，鮮味層次大好豐富🔸雞皮-脆到「咔嚓」聲，送酒一流🔸燒菠蘿個人必食，清甜多汁，有焦糖嘅燒菠蘿好解膩🔸*三文魚油甘魚刺身厚切上枱，三文魚腩位好肥美，新鮮度👍🔸蒲燒鰻魚原條上枱，鰻魚汁惹味，送飯一流值得一提服務好好，有禮貌會不停主動加水…查看更多

喺尖沙咀厚福街地段嘅樓上居酒屋，好少會見到座位以包廂卡位為主，完全唔逼坐得好舒適，講緊嘅就係爖月串燒居酒屋🏮晚市同宵夜時段好多菜式同串燒都做緊優惠價，最平做緊$36/2串串燒，入座仲有得玩幸運輪盤！小食現金卷清酒等好多獎品😳蟹籽沙律，口感比一般爽脆而且唔會出水，三文魚一份5切都抵食。6點後有好多款$44/2串：柚子雞、阿波美雞翼一夜干、雞皮、自家製豆腐、多春魚等，推薦呢度嘅雞肉尤其阿波美雞，皮薄又唔肥🙂‍↕️另外仲叫咗蒜香橫隔肌、蜜糖芥辣橫隔肌，肉嫩多汁，牛舌爽彈調味啱啱好。三色甲羅燒 $128加咗蟹柳同海膽令味道同口感都有所提升。係一間我會推薦比朋友去嘅串燒居酒屋🥰…查看更多

今次又去食居酒屋，食吓食吓發覺自己都食咗好多居酒屋。餐廳而家仲有個轉輪可以玩，可以睇吓大家運氣好唔好，又有現金券又有嘢食送。而家優惠就做緊$44兩串，但係提提大家宵夜再抵食啲！‣ 爖月三點 $168推薦大家嗌呢一個三點，有吞拿魚、牛肉他他同鮑魚，淨係打卡嚟講都好靚。吞拿魚可以配埋紫菜一齊食，但我自己個人最鍾意牛肉他他，月見醬汁味道濃郁，配生牛肉口感滑溜，但係可以突顯牛肉嘅鮮味。‣ 手揸餅海膽蝦卷 $148平時都係食開壽司，第一次見到會配手抓餅，又有我最鍾意嘅炸蝦同埋海膽。食完之後又覺得比想像中好食，呢一個組合都幾特別。‣ 本菇牛肉卷 $44朋友鍾意食金菇牛肉卷，但係佢食完本菇之後，覺得都一樣係咁好食。牛肉都燒得好香，咬落去唔會覺得肉質好嚡。‣ 蝦姨蔥牛肉卷 $44蝦姨蔥個味道冇咁濃烈，但係我覺得配埋牛肉食都幾好食，食完都真係開胃咗，會想再食多幾串串燒，好彩我都係當前菜咁食。‣ 柚子雞 $44餐廳燒嘅雞普遍嚟講都幾好食，食到啖淡嘅柚子味，但係我覺得佢嘅山椒味好出，雞皮極之香脆，值得大家一試。‣ 一夜乾阿波尾雞翼 $44既然要食雞翼嘅話，就一定要食阿波尾，肉質比較緊致，而且雞皮香得嚟唔會話好肥膩，好快就將成個雞翼吞落肚。‣ 燒飯團（和牛蛋） $88個燒飯團都幾吸引，燒到脆卜卜，食到飯焦真係好幸福，和牛蛋呢一個組合冇得輸。‣ 明太子玉子燒 $98嚟居酒屋好似點樣都要食玉子燒，啲蛋都幾滑。‣ 雜菜條 $20想個口腔清新啲就可以食啲，有時太濃味食吓可以等個味蕾refresh下。‣ 巨峰乳酸梳打 $28梳打都好大杯，兩個人分都夠飲。…查看更多