WM Café & Bar (雅濤居購物商場)

营业中

休息中

今次來到 WM Cafe & Bar 品嚐了茄茸汁蒜香海蜆欖油扁意粉、烤澳洲豬鞍扒配時菜薯蓉和熱朱古力，食品質素非常好，值得推薦。😍❤️茄茸汁蒜香海蜆欖油扁意粉精緻美味的扁意粉，麵條煮得剛好彈牙，搭配著豐富的茄茸汁和蒜香海蜆，帶來了濃郁的海鮮風味。欖油的滋味與蒜香相互融合配合海蜆的美味，值得一讚。🧡烤澳洲豬鞍扒配時菜薯蓉澳洲豬鞍扒經過烤製後，肉質保持了嫩滑多汁的特點。搭配上時令蔬菜和鬆軟的薯蓉，香氣四溢，讓人一試難忘。💛熱朱古力香濃美味的熱朱古力口感濃郁滑順，配上幾顆棉花糖更加甜美。

一踏入WM CAFE，就被悠揚的音樂和優閒的氣氛包圍。🎶 一試日本帶子明太子扁意粉，立即讓人心情大好，帶子Q彈得嚟鮮美，意粉煮得啱啱好，咬落有勁，明太子嘅味道提鮮得宜，一啖一啖都好過癮。手撕豬肉薄餅更加出色，豬肉腍滑，煙燻香氣撲鼻，仲帶小小菠蘿甜，哇，味蕾完全迷失咗！🍕 轉轉眼，吉列炸蠔出場喇，每一件都酥脆無比，內裏蠔肉軟嫩滑溜，一啖口裏滿溢海鮮甘香。嗒上一啖沙律，新鮮菜葉伴隨着清爽醬汁，過後一啖龍蝦湯，濃郁嘅湯底同海鮮甜味真係絕配。😍 話時話，梗係唔少得一試原條香烤美式BBQ豬仔骨配咸豬手，嘩，連我呢個飯桶都覺得佢份量足夠，豬骨帶微微辣味，撒上啲美式BBQ醬，肉滑而唔肥膩，咸豬手嘅脆皮又响又香，真係無得輸！角度拍一張相，落朋友圈保證引起一輪點讚潮！🤳身為平民美食愛好者，我得讚WM CAFE係個可以令你又飽又滿足嘅好地方，食物質素、份量、環境都令人滿意，下次再黎，我一定要帶埋啲食肉朋友一齊黎戰！👍

馬鞍山WM cafe 晚市套餐提供了一系列美味的菜餚，價錢合理。首先是精選沙律，包括新鮮沙律菜和車厘茄。這道沙律清爽健康，新鮮的沙律菜和車厘茄提供了豐富的營養和口感。接下來是是日餐湯，提供了兩種選擇：龍蝦湯和蕃茄湯。龍蝦湯帶有濃郁的海鮮風味，而蕃茄湯則可能帶有酸甜的口感。主菜方面，揀了柚子海鹽蜜糖法式豬鞍扒$158和香烤澳洲草飼羊扒伴燒汁$178。柚子海鹽蜜糖法式豬鞍扒肉質軟腍，而香烤澳洲草飼羊扒伴有燒汁，羊味突出。套餐追加咗黑松露薯條$28，薯條炸得香脆。最後，餐飲方面揀了熱檸檬茶作為飲品。

今天吃午餐。叫了個98元的鷄餐。伙計話係春鷄。出了菜，春鷄超細!冇肉。煑得不香不好味，又乾又凍。個汁酸味又不知為何物，很差勁!98元給如此差的食物及煑法，簡直覺得有受騙的感覺!其他如餐湯是鑵頭嘢，麭包乾一小片，咖啡簡直不能入口!決定以後不再去!各位朋友小心中伏!

WM Café & Bar 馬鞍山出名美食沙漠，行過見到有西餐一定要去試下😍地方都闊落坐得舒服，店員服務都好好💛美國波士頓龍蝦香草蕃茄長通粉 $188有半隻大龍蝦🤩 龍蝦好彈牙爽口仲好多膏😍 配埋佢上面既芝士同香草，好惹味長通粉重蕃茄味，清爽解膩💛柚子蜜糖燒雞 配時令蔬菜·薯蓉 半份$128柚子蜜糖好特別，食落甜甜地帶柚子香燒雞燒到脆身，雞肉又滑嫩多汁😋配上蔬菜同薯蓉，健康又好味！💛套餐跟龍蝦湯、吉列炸蠔、廚師沙律、飲品 $38$38真係好抵，龍蝦湯好有驚喜😍龍蝦湯好重蝦味，感覺淡淡龍蝦咁吉列炸蝦有兩隻，新鮮炸起熱辣辣，蠔都大隻炸皮薄飲品因為天氣凍揀左熱朱古力，佢有埋cream好靚朱古力好濃郁😍 感覺勁暖😍價錢：$446 （已加一）（二人）⭐️⭐️⭐️評分：8.5/10⭐️⭐️⭐️📍WM Café & Bar (雅濤居購物商場) (馬鞍山)馬鞍山鞍駿街15號雅濤居購物商場地下G01B號舖

餐廳裝修簡潔，門口位置放有聖誕裝飾，有數個窗口位可以悠閑咁望住街外景物，街外人流唔算多，感覺很chill，餐廳位置在新港城附近，我因為找朋友才發現這間餐廳，性價比高，值得一試。.▪️美國穀飼安格斯牛肉眼 （9oz）配 時令蔬菜 •薯蓉因為朋友唔食生嘢，所以牛扒選了全熟，肉質出奇地唔鞋，有口感之餘亦有牛香，蕃茄煎過好香口好juicy👍🏻.▪️ 意式海鮮薄餅薄餅材料豐富，有蝦肉、魷魚、蟹肉、青口、紫洋蔥・燈籠椒及芝士，味道大眾化，開胃而惹味，我選了薄批，咬落好脆口又唔會太飽，兩個人食啱啱好。

好中意wm 餐廳的氛圍，裝修設計優雅舒適，食西餐就係要呢種vibe🤣龍蝦湯🦞有香濃龍蝦湯味，夠滑又creamy😋蕃茄沙律🥗味道好清新，蕃茄仔又清甜，配上醬汁幾醒胃🤩吉列炸蠔🦪口感豐富，充滿日式風味的吉列蠔肉!🍄焗煙三文魚帶子意大利飯🍚賣相美觀，risotto 煮得軟硬適中，所以滿有菇菌的香味，每一口都有不同層次的香氣🤩青醬烤蘆筍野菌扁意粉味道香濃，即使是扁意粉也非常入味！配上海量的野菌蘑菇，相當滿足！ 雙層安格斯牛肉芝士漢堡加薯條不會過份油膩，充滿肉汁， 塗上秘製沙律醬，味道酸酸甜甜，絕配！濃郁牛味加上惹味嘅芝士，一入口勁滿足！西柚蜂蜜綠茶🍹單獨喝西柚茶有些苦味，加上蜂蜜就可以中和它的苦味，味道還更清香甜美🥹

馬鞍山要食氣氛、食西餐，仲要適合一家大細胃口，我通常就去這一家WM。這天同朋友二人敘舊談天，一進入舖頭就有滿滿的聖誕前奏氣氛，聖誕裝飾精緻，播着聖誕歌邊食邊談，確實不錯！日本帶子巴馬火腿卡邦尼扁意粉：意粉上枱吸引，有滿滿的忌廉香味，珍寶帶子非常吸睛，扁意粉份量足，煙靭適中，每一啖意粉都掛着香汁。意式海鮮薄餅：薄餅即叫即制，海鮮滿滿的鋪在薄餅上，感覺非常豐富。海鮮包括有鮮蝦、帶子、蜆肉、青口等等，配合濃厚的芝士和脆身的薄餅非常搭配。每個主菜加$38附送龍蝦湯、酥炸生蠔兩件、沙律和餐飲，這次我點的士多啤梨雪沙草莓冰凍又酸甜極之配合西餐！

最近經過馬鞍山WM Cafe & Bar，見佢已經佈置好了聖誕裝飾，好有聖誕氣氛嘅感覺啊！我之前都食過佢地嘅早午餐，但係從來冇試過晚餐，所以我決定入去試吓啦！**美國穀飼安格斯牛肉眼（90z）配時令蔬菜 •薯蓉 ($288):主菜叫了肉眼扒，肉質鮮嫩多汁，外層呈現焦糖色澤，內部保持了適度的嫩度和紅肉的鮮嫩口感，牛味好出。伴碟薯蓉質地綿密細膩，口感濃郁。**套餐：是日餐湯、吉列炸蠔、廚師沙律及飲品($+38)叫主菜一律建議加$38轉套餐，因為真係好抵。是日餐湯龍蝦湯十分濃郁。吉列炸蠔即炸即上熱呼呼，外層酥脆，同時裡面蠔肉鮮嫩多汁，正。廚師沙律都唔細份，個沙律醬汁好好味。飲品方面叫了凍西柚蜂蜜綠茶，西柚的清新酸甜和蜂蜜的溫和甜味相輔相成，加埋綠茶的清香融合，唔會死甜。**WM煙三文魚牛油果沙律 ($118):另外最近火鍋吃多了，叫了個沙律健康d。沙律好大份，除左煙三文魚和大量牛油果外，下面沙律菜十分新鮮，裡面仲有蜜瓜同蕃茄仔，配埋牛油果醬食十分豐富。

今日喺馬鞍山住酒店，我們周圍搵嘢食，有朋友住喺雅濤居，佢介紹附近有間西餐廳都幾好，上開飯網睇過啲食評都唔錯，於是就走來試試。餐廳離地鐵站不遠，行路六至7分鐘就到。餐廳門面不大，但入邊就好闊落，卡位特別舒服，大卡位可以坐六人 ，11月尾餐廳已經佈置好聖誕裝飾，響起悠然的聖誕音樂，感覺好溫馨。我們坐在四人卡位上，打開餐牌慢慢揀，這裡選擇很多，扒餐，意粉 ，漢堡包樣樣俱全，我們揀了豬鞍餐和燒春雞餐，其中一個轉套餐可以多一個龍蝦湯，一個沙律，仲有兩個炸蠔，再多一塊小小的麵包。餐廳的燈光暗暗地，好适宜情侶拍拖，在這里卿卿我我，喃喃細語 ，確是浪漫。🥰🥰餐點一個一個上台，沙律有蕃茄西柚沙律菜，都幾豐富。兩個炸蠔是現炸的，鮮甜可口。半隻春雞的的色色，鮮嫩多汁，加上薯蓉同青豆角，賣相吸引。豬鞍都是一樣配薯蓉和青豆角，在這裡消磨兩個鐘，慢慢食慢慢傾，食完仲可以去馬鞍山海濱公園散步🚶，真是賞心樂事❤。

WM Cafe at Ma On Shan is a hidden gem that offers a delightful culinary experience. We had the pleasure of trying some of their mouthwatering dishes:🐚 White Wine Garlic Steamed Mussels The mussels were cooked to perfection, bathed in a fragrant white wine and garlic sauce. Each bite was a burst of flavor, with the tender mussels complementing the aromatic sauce beautifully.🦀 Cheese and Mustard Baked Crab Meat Cream LinguineThis dish was a true indulgence. The creamy linguine was infused with ric

多人話馬鞍山係美食沙漠，咁可能係啲人唔識搵，今日想同老公出街撐枱腳，吃西餐鋸下扒🍽️🥩WM cafe & Bar美國安格斯西冷配薯菜薯蓉講塊扒之前，先讚吓佢嘅薯蓉，好香口，薯蓉都可以咁入味👍重點嚟啦，呢塊西冷調味調得啱啱好，叫左5成熟，肉質嫩滑😍😍小食叫咗特色薯條配黑松露芝士汁作為薯條控嘅我特別鍾意食配有特色醬汁嘅薯條🍟，呢間啲薯條大大條，又大份，真係可以當主食😂+38蚊 upgrade 左套餐😍😍一定要upgrade!樣樣都好好味😋特別係龍蝦湯、吉列炸蠔👍👍餐廳搞緊主題活動，居然加一蚊可以有一杯啤酒，仲要來自日本沖繩😍😍

馬鞍山又被譽為美食沙漠，去朋友度之前已經諗定叫外賣朋友話樓下開咗一間餐廳唔錯，可以晚餐一試。一到先發現原來前排食過，平日晚餐時間到不太多人，不用等位就可以直接入。今次叫咗一個主食和一份Pizza，等咗大概15分鐘就上菜。意式芝士茄茸炸肉丸 Italian Tomato Fried Meatballs with Cheese炸肉丸肉味好香入面帶小小juicy感覺，整體偏鹹，但配上酸甜茄茸和薯蓉就剛剛好意式海鮮薄餅 Italian Seafiod PizzaPizza餅底烤得十分香脆，上面鋪上滿滿嘅芝士和茄醬，係一款以餡料為主嘅薄餅海鮮用料很足配酒一流烤澳洲豬鞍扒配時令蔬菜薯蓉 Grilled Australian Pork Loin Rack with seasonal vegetables & Madhed Potatoes豬鞍肉味濃，肉質滑而不柴，油脂分配均勻，果然帶少少脂肪係最好食另外黑椒汁香濃，搭配上味道就更加有層次當然少不了就梗係加$1換購一杯啤酒，作為晚餐嘅總結啦

WM Cafe係一間位於馬鞍山新港城中心附近嘅西式餐廳，環境舒適寬敞，裝修簡約時尚，採用深咖啡色皮梳化同木質傢俬，營造出一種具有氛圍感嘅美式風格。 由於係萬聖節期間，餐廳多左啲萬聖節裝飾，例如南瓜燈、骷髏骨等，好有節日氣氛。餐廳特色菜單一至兩個月轉一次，今次就食左意粉、烤餅同漢堡： ❤️美國波士頓龍蝦香草番茄長通粉芝士焗開邊波士頓龍蝦，味道香濃，龍蝦肉彈牙有嚼勁，蝦膏都幾多。仲有青口同大蝦，新鮮有甜味。長通粉質地硬身比較有咬口，用香草蕃茄醬炒得好香，仲有少少清新嘅味道。 ❤️墨西哥雞肉芝士烤餅一上枱嘅烘烤香味好吸引，烤餅係焗到金黃色嘅，脆脆地，入面包住香噴噴嘅雞肉、芝士、洋蔥等材料，配上牛油果醬，口感豐富多汁，非常開胃。 ❤️WM安格斯牛肉芝士漢堡漢堡係用新鮮嘅安格斯牛肉製成嘅漢堡扒，夾住菠蘿、蕃茄、生菜、芝士同特製醬汁，放入鬆軟嘅漢堡包之中。漢堡疊得好高，肉汁四溢，而菠蘿係有少少燒過嘅，清甜多汁，啱啱可以中和牛肉同醬汁嘅油膩感，味道好夾。 WM Cafe嘅食物質素唔錯，環境又舒服，除左晚餐，早餐套餐同下午茶亦都好抵食，係我經常幫襯嘅餐廳之一。

平時好少嚟呢個商場，嗰日第一次送阿女響附近補習，有一個鐘時間就去咗呢間餐廳食個早餐🍽️ 呢個牛油果醬煙三文魚包餐加埋杯咖啡先係$36！個包好足料，咖啡亦好夠濃，雖然價錢唔貴但無揸流！不錯👍🏻👍🏻