WM Café & Bar (雅濤居購物商場)

营业中

休息中

上一次黎幫襯都未有兒童餐，所以今次好驚喜有兒童餐揀🤗仲有我仔最中意既車車款，即order🤭賣相吸引，有仔最愛既薯條🤪可以一齊食，阿仔坐定定食 ，實在太好了👍仲有bb 櫈！龍蝦湯🦞有香濃龍蝦湯味，夠滑又creamy😋蕃茄沙律🥗味道好清新，蕃茄清甜，配上醬汁幾醒胃🤩蕃茄湯 🍅充滿蕃茄香，酸甜開胃，健康美味！ 澳洲和牛牛面肉蒜茸闊條面必叫！面煙韌度剛好！醬汁酸酸甜甜，非常開胃👍🏻牛肉夠牛味，又夠淋，正🎉雙層安格斯牛肉芝士漢堡加薯條不會過份油膩，充滿肉汁， 塗上秘製沙律醬，味道酸酸甜甜，絕配！濃郁牛味加上惹味嘅芝士，一入口勁滿足！😋

星期二落大雨☔️所以揀了附近的餐廳見到WM cafe的Lunch Set都幾多選擇所以就入咗嚟食個午餐🍽️我同朋友入到嚟 侍應就好有禮貌咁問幾多位同帶左我地坐卡位 同埋落雨既關係 有位著黑色衫既侍應都叫我地小心地滑 地下好濕 好親切友善我地叫左個雙層雞漢堡🍔同一個白汁三文魚意粉🍔都幾豐富 炸雞幾好食 炸得幾脆 意粉都炒得幾好 吾太亁身 不錯不錯👍整體都吾錯 食物味道同服務都幾好👏👏下次會再嚟試吓其他野食。會再嚟幫襯

【沙田區】【WM Café & Bar】細豬哥係馬鞍山友，而我亦都係沙田柚，大家屯馬線之友約食嘢就方便得多。今次同佢就喺馬鞍山食嘢，呢度出名美食沙漠，不過近年已經多咗好多好嘅餐廳進駐。去到福安嗰頭，都冇乜 idea，居然見到呢間我食過幾次嘅西餐，我覺得唔錯，不如一齊試。一睇就睇中 $198 嘅「WM精選下午茶」，係兩位用嘅，就係嗰啲港女三層下午茶，我哋由底層食起，底層係一個七吋薄餅，我揀咗「意大利辣肉腸薄餅」，幾好食，味道都幾濃，而且都估唔到幾大個幾飽，叫嗰陣都估唔到，所以最後都食唔晒剩咗一片呀。中層係鹹點，有「煙三文魚蟹肉牛油果多士」、「吉列墨魚餅」、「雞尾酒大蝦多士」同「柚子醬炸雞翼」，幾樣都唔錯。頂層係甜點，有「馬卡龍朱古力」、「英式檸檬果醬撻」同「是日精選芝士餅」，啲甜品都唔差嘅，細豬哥特別中意個芝士餅，哈哈。之後試埋 $39 嘅「蜜糖芥末炸雞配牛油酥餅」同 $42 嘅「吉列炸魚柳配薯仔碎蛋沙律」，前者個炸雞幾滑，後者個碎蛋沙律好邪惡。另外，細豬哥叫我一定要寫佢杯加 $28 嘅「芒果百香果青檸特飲」好好飲，我杯加 $20 嘅「奇異果風情」就正常，埋單 $360 唔貴。。。（地址

馬鞍山美食之選❤️好多人話馬鞍山係美食沙漠🌵但我覺得係啲人唔識搵食😂呢間WM Cafe 真係性價比之王，冰室既價錢吃到酒店既質素🙈主菜：香烤澳洲草飼羊扒 睇相都見到塊羊扒夠晒真材實料，相當厚切，配料絕不孤寒，完全唔腥❤️❤️主菜2: 香煎馬里蘭蟹肉餅忌廉意大利麵由個名你已經聽得出個意粉到底有幾多料，的確係！蟹肉餅第一次試，好鮮味，配意粉好夾佢啲小食都非常吸引，黑松露薯條，薯條控聚集😃佢嘅餐湯係龍蝦湯，好少見餐廳以呢個作為西湯，好味❤️

WM Café & Bar 呢間cafe已經食過兩次，勝在環境舒服又幾好味同埋對美食荒漠馬鞍山黎講，真係好唔錯！💛澳洲穀飼安格斯肉眼扒(250g)伴燒汁 $258一上枱見到真係好大塊！叫左五成熟有部分脂肪配埋一齊食恰到好處😋 有炭燒味道牛扒重牛味，配埋薯蓉、甘筍、西蘭花，蔬菜都幾新鮮！💛柚子蜜糖燒雞 配時令蔬菜·薯蓉 半份$128柚子蜜糖好特別，食落甜甜地帶柚子香燒雞燒到脆身，雞肉又滑嫩多汁😋配上蔬菜同薯蓉，健康又好味！💛套餐跟龍蝦湯、吉列炸蠔、廚師沙律、飲品 $38$38真係好抵，龍蝦湯好有驚喜😍龍蝦湯好重蝦味，感覺淡淡龍蝦咁吉列炸蠔有兩隻，新鮮炸起熱辣辣，蠔都大隻炸皮薄飲品因為天氣熱揀左凍檸茶 +$4價錢：$475（已加一）（二人）⭐️⭐️⭐️評分：8/10⭐️⭐️⭐️📍WM Café & Bar (雅濤居購物商場) (馬鞍山)馬鞍山鞍駿街15號雅濤居購物商場地下G01B號舖

唔係朋友介紹都唔知馬鞍山有一間幾好坐的café，地少人多依樣嘢有陣想揾個地方放鬆。餐廳環境都算大，有個角落喺擺了大logo比大家打下卡咁 餐廳都有不少組合優惠，今次我只係叫了一人晚餐-晚餐- 扇貝明太子意大利麵意粉上面放滿明太子，而意粉醬有creamy 嘅口感外，味道都幾突出！晚餐會有跟飲品、餐湯(龍蝦湯/蕃茄湯)、沙律套餐加$28 有意式炸雞翼(5隻)，份量十足，幾惹味套餐亦可以加購蛋糕，店內亦提供數款芝士蛋糕甜品，款式唔算多，所以今次沒有加甜品。

小朋友附近學嘢順便過嚟揀咗呢間餐廳食晏晝飯。嘢食質素方面接近$90嘅漢堡包同麥當勞差唔多，嗰啲醬汁純粹係茄汁，薄薄嘅漢堡扒加生菜蕃茄就係咁簡單。小朋友食白汁菠菜三文魚意粉我試咗兩啖，非常健康，直程係走鹽，完全冇味好難食。最誇張係佢個服務，有個中年阿叔孭住個腰包，直程好似乞佢咁服務你咁樣，全程木口木面，擺低啲嘢大大力一粒聲都唔出。叫咗三樣嘢，嚟咗兩樣已經食晒第三碟都未出，想同佢講聲可唔可以睇吓有冇漏單。講到”唔該我想睇吓……” 呢幾個字都未講完佢已經閘住你話所有嘢食出緊嚟㗎啦，隨即走開。另外一個後生仔都係咁上下，放低啲食物好似打保齡球咁樣。不知所謂！

呢間餐廳近屋企樓下商場，食過好多次早餐，都保持到質素。反而晚餐就未食過。Happy Friday適合試新野。豬胺整體不錯，大份多汁、爽脆，不會過實。豬胺係出面食先好味。自己好難整。安格斯封門柳7成熟剛剛好。如果可以選其他汁就更好。兩個dinner set都包餐湯和沙律。龍蝦湯很濃味不錯。沙律分量也多。如果齋叫主菜應該會不夠飽，我地最後加左黑松露番薯條，即炸上桌好好味。食完飽曬！如果住附近想食西餐也是不錯的選擇。

今日去開馬鞍山搵朋友仔，朋友帶咗我去食呢一間西餐廳。-🌟 扇貝明太子意大利麵🍝｜$138｜8/10 包飲品，餐湯，沙律🥗個麵都好有份量扇貝有鮮味，唔係完全冇味嗰隻啲汁較得啱啱好感覺唔會好「漏」-🌟 柚子海鹽蜜糖法式豬鞍扒｜$158｜9/10 又係包飲品餐湯同埋沙律🐷豬扒質地爽嫩啖啖肉又唔會太多肥膏好味👍🏻👍🏻-🌟 意式炸雞翼｜跟餐加$28｜8/10佢炸到啱啱好個皮脆脆地有甜甜嘅蜜糖-🌟 斯巴克蛋糕｜跟餐加$15｜9/10 👍🏻勁抵食有少少溶嘅芝士🧀入邊有啲好細粒嘅焦糖好食到想食嗰個-Overall 食物好食，坐位好舒適。待應好有禮貌，主動斟水同埋比碟我地share食🙂

🔸澳洲穀飼安格斯肉眼扒伴燒汁 ($258)-5成岩岩好-牛肉味好濃，牛扒唔會太薄🔸澳洲和牛牛面肉蒜片茄茸辣闊蛋麵 ($128)-牛面肉好多，好彈牙-每條意粉都索滿蕃茄汁，好入味每個晚餐都包是日餐湯 及 精選沙律同餐茶～餐湯有龍蝦湯/蕃茄濃湯選擇！今次揀咗蕃茄濃湯，好濃蕃茄味🍅沙律菜新鮮🥗餐廳原來仲有唔同分店～WM Café & Bar (雅濤居購物商場)地址: 馬鞍山鞍駿街15號雅濤居購物商場地下G01B號舖

今日又黎馬鞍山同朋友食晚飯, 上次去左We Go Mall食上海菜, 今次就到雅濤居購物商場地下既WM Cafe食西餐, 佢一出地鐵站行6分鐘就到, 方便易搵~ 入到去見到前面位置係好闊落長梳化卡位, 坐落舒服, 環境燈光很柔和, 開始一頓美味的晚餐~睇餐牌原來呢間餐廳都有幾間分店, 方便唔同區既朋友可以品嚐呀~佢既晚餐套餐都幾抵食, 包埋餐湯, 沙律同飲品, 特飲加$20起就可以, 我地叫左兩款:*湯和沙律忌廉龍蝦湯都有龍蝦味，蕃茄湯酸酸地幾開胃, 蔬菜蕃茄沙律新鮮~*安格斯牛肉芝士漢堡配薯條（HK$148）漢堡肉厚身多汁有咬口，麵包小小脆的, 加埋芝士蔬菜蕃茄, 份量足料, 想一啖擺落口就對我黎講有難度, 點都要保持下儀態, 所以我都係分開食就好啦, 哈哈，漢堡當然就要配埋薯條先開心食啦!*澳洲和牛牛面肉蒜片茄茸辣闊蛋麵（HK$128）牛面肉炆得好軟腍, 好有牛味, 熱騰騰的闊蛋麵煮得剛好掛汁, 加埋蒜片和茄茸小小辣混合一齊食, 味道有層次~*意式炸雞翼(5件)（HK$28）雞翼炸至外脆香口，內裡雞肉都滑唔乾, 小小微辣, 幾好味, 咁既價錢, 都幾抵食的~*熱朱古力(+12) &

午餐有餐湯有餐包有主菜有餐飲，全部一舊水有找。餐湯：龍蝦湯，有驚喜，味道幾濃厚，不錯。餐包：小法包，無牛油，室溫，好在仍脆，但味道一般。午餐C：蜜糖芥末原燒檸檬海鹽煙鴨胸配黑松露牛肝菌汁意粉（$62）凍檸茶（+$4）煙鴨胸煮得唔錯，而且賣相都吸引，雖然食唔到檸檬同海鹽味，但味道還算不錯，而且肉質煮得幾嫩；意粉口感正常，有適當嘅咬口感；醬汁無咩黑松露味道，但牛肝菌味都可以，夠撈哂成碟意粉。午餐F：芝士南瓜雞肉猫耳朵（$68）凍奶茶（+$4）朋友叫的，試了一口猫耳朵，好有咬口，但芝士醬汁唔算太香濃。而且跟據朋友所講，啲南瓜有啲酸，最後佢食淨哂啲南瓜同雞肉。午餐G：溫泉蛋風乾火腿卡邦尼長通粉（$68）熱即磨咖啡（$0）朋友叫的，試了一口長通粉，口感正常，但同樣醬汁唔夠濃厚。溫泉蛋及風乾火腿正常。本來仲有加多一份小食，但等到食哂都未有，原來無落單，慳返。整體嚟講，普普通通，合格之作。店內空間感十足，唔會太侷促，坐得幾舒服。PS：另收加一服務費

WM Cafe位於馬鞍山雅濤居購物商場地下咖啡館環境幽雅 散發著英倫風情☕️🌸。特色菜包括：- 白酒蒜香燴澳洲藍青口，售價為$118。澳洲藍青口搭配白酒和蒜香燴煮，帶來了濃郁的風味🥩🍷。- 美國波士頓龍蝦香草蕃茄長通粉，售價為$188。今日半隻波士頓龍蝦 加上芝士焗 😋🍝🍤。如果你想要升級套餐，可以加$38，享受以下搭配：- 餐湯：龍蝦湯，帶來豐富的海鮮風味🦞🍲。- 跟餐：廚師沙律，清爽的沙律讓你的餐點更豐富🥗。- 跟餐：吉列炸蠔，酥脆的炸蠔給你帶來口感的變化🦪🍟。- 飲品：百香果冰紅茶，清涼解渴的選擇🍹🍊。三五知己happy hour仲可以飲多兩杯啤酒tim🍻🥂🍺😋🍽️🍷。

係馬鞍山新港城中心附近發現呢間西餐，環境都幾大，今次就叫左2個dinner set試下😊🔸湯&沙律忌廉龍蝦湯都幾重龍蝦味，有蔬菜沙律開胃下🥗🔸扇貝明太子義大利麵（HK$138）扇貝大大粒，明太子配義大利麵都好夠味，軟硬適中🍝🔸安格斯牛肉芝士漢堡配薯條（HK$148）漢堡肉都幾厚身，配埋蔬菜同麵包更有層次，另外都有薯條伴碟🍔🔸黑松露蕃薯條（HK$28）蕃薯條炸得熱辣辣，有黑松露係面頭，不過唔算超濃黑松露味🍟🔸義式炸雞翼（HK$28）雞翼都幾脆身同香口，做小食都幾滋味😎🔸凍朱古力（HK$24）凍朱古力飲落唔會太甜，朱古力味都突出🍫

黎到馬鞍山每一次都會食嘅一間特別既靚cafe。我有時都會覺得坐得好闊舒服而且服務員既態度非常好食到自在。今次試左佢嘅WM炸雞翼 6隻 58蚊，叫左德州香辣味，食落好香口但唔會好辣，幾好味。另外叫左個美國安格斯肉眼扒 9oz 288蚊，我地揀左五成熟，我覺得牛味非常濃，煎得好好，厚度岩岩好，兩個人二人世界緊係岩岩好。湯方面我地要左個濃濃既龍蝦湯，我記得上次都係揀左呢個湯，好好味，非常一流。下次再黎馬鞍山一定係食呢間嫁啦。