WM Café & Bar (雅濤居購物商場)

身为马鞍山街坊，每次做gym都会经过呢间Cafe，但次次都无时间入去食个饭🤣今次就专登拣做gym前既时间去试下😌👉🏻是日精选餐汤 $38✨今日既精选餐汤系蕃茄汤🙂‍↔️味道清新带微酸，整体味道好平衡，非常适合用来开胃。汤入面仲可以食到一粒粒既蕃茄，证明系真材实料😬👉🏻WM安格斯牛肉烟肉芝士汉堡 $98✨虽然只系单层汉堡，但其实都几大个🤓面包有微微烘烤过，松软得来带少少脆口，食落口带少少甜味，唔会太干。牛肉厚身，食到好香牛肉味，中间带有肉汁，食落Juicy😌汉堡入面仲有蕃茄同生菜，增加口感外仲可以解腻。薯条就算放耐左都仲脆口，唔会系金拱门个种潸啤啤既薯条🍟👉🏻WM自家制蛋糕 $48✨自家制蛋糕可以拣巴斯克芝士蛋糕同柠檬蛋糕。我就拣左巴斯克芝士蛋糕😌蛋糕质地软身，中间带少少流心。蛋糕底加左玛利饼增加口感，令整体更加有层次感🙂‍↔️…查看更多

上个星期五，我同老婆两个人闲闲地喺马鞍山逛街，行到鞍骏街15号雅涛居购物商场地下，见到WM Café & Bar呢间西式cafe，门口装修几简约舒适，绿色植物挂满墙，感觉好chill，就即兴决定入嚟食晚饭。呢度系马鞍山少有嘅西餐选择，唔使去太远，啱晒我哋呢对懒人夫妻。坐低之后，侍应好快就嚟招呼，推介咗佢哋嘅dinner set menu，我哋就点咗个，里头有香煎羊架配黑松露意大利饭、意式罗勒茄茸酱西冷牛排伴时令蔬菜，同埋一口香煎鹅肝多士，听落就好吸引。先讲开胃菜，一口香煎鹅肝多士两件上枱，哇，热辣辣地，鹅肝煎得外脆内软，每一口咬落去都系奶油般滑溜，配埋多士嘅脆口，唔会太油腻，反而有种奢华嘅满足感。我老婆一试就话：「呢个好正，入口即化，唔似啲平价cafe咁硬邦邦。」我都觉得系，鹅肝嘅香气同多士嘅焦香混埋一镬，食落去好平衡，当开胃菜绝对够晒味，食完两件就觉得胃口大开。跟住主菜，香煎羊架两件配黑松露意大利饭。羊架煎得金黄，肉质嫩滑，咬落去多汁又弹牙，羊味唔重，唔会有阵阵腥，配埋黑松露意大利饭，饭粒粒粒分明，吸收咗黑松露嘅浓郁香气，食落去有种大地嘅鲜味，微微嘅菌香渗入每粒饭，超级开胃。我老婆话呢个羊架比想像中好，唔似啲羊扒咁柴，煎得刚好七成熟，边边位脆脆地，里头粉红粉红好诱人。我自己都食咗一大半，意大利饭份量够晒，配埋羊架嘅汁水，简直系完美组合，食到最后一粒饭都依依不舍。最后一个系意式罗勒茄茸酱配香煎西冷牛排伴时令蔬菜。牛排上枱热气腾腾，五成熟嘅，切开见到粉红色肉汁流出，重牛味，煎得外层脆香，内里软嫩，唔会太韧。茄茸酱酸酸甜甜，罗勒香气扑鼻，涂落牛排上食，层次好丰富，蔬菜有西兰花同carrot，新鲜脆口，唔会过熟软趴趴，平衡咗牛肉嘅油分。我老婆特别钟意呢个酱，话系佢最爱嘅意式风味，食落去清新又唔失浓郁。我都觉得牛排质素高，配埋蔬菜，健康又满足，整个set menu食落去好均衡，唔会觉得太重口。整体嚟讲，WM Café & Bar呢间cafe环境舒服，适合小俩口嚟relax，食物水准超出预期，特别系呢个dinner set，味道正宗又唔夸张，下次嚟马鞍山一定再试其他菜式。马鞍山朋友们，如果想食正宗西餐，呢度绝对值得一试！…查看更多

OMW每日返工朝早都唔想起身。但去到周末放假又会好早训醒，叫醒我嘅系，早餐啊😝 呢间早餐OMW成日都食，食到好熟啦，应该餐厅厨房一见倒张外卖单就知系我🙈 👑美式热香饼早餐：有热香饼、加拿大烟火腿、牛奶炒蛋、薯饼，配嘢饮（热朱古力）。🌮建议食法：热香饼涂适量牛油、糖浆，将切细嘅烟火腿、薯饼、炒蛋放上面一齐食，好好食！🥞热香饼：软熟，香！我觉得佢甜度好好，冇麦当劳咁甜～ 🍖加拿大烟火腿：系有厚度嘅火腿，单食佢会太咸。将佢好似McGriddle咁夹喺热香饼加糖浆一齐食嘅话，味道岩岩好！（薯饼、炒蛋、饮品喺扒类早餐再讲） 👑扒类早餐好丰富，有扒（西冷牛扒）、蛋（牛奶炒蛋）、薯饼、蕃茄、肠仔、包（牛角包），配嘢饮（冻柠檬茶），加钱有面食（叻沙榨菜鸡丝米粉）。OMW成日食，下面讲吓OMW觉得点拣最正～ 🥩扒类：扒类早餐有几款扒拣：牛、猪、鸡、鱼。👑牛，系西冷牛扒。唔知大家平时食早餐会唔会叫牛扒，有啲地方食牛扒又细块又薄到纸咁，大啖食 两啖食晒 食空气咁，而呢间绝对唔会。佢个长度就系长型外卖盒咁大块，呢块系用刀叉食嘅牛扒，放落口要咬吓，食落真系知道自己食紧牛扒，有牛味，有蒜味，有黑椒汁，大块，好满足！😱鸡，喺外卖平台见多人叫，叫咗两三次，但次次都有雪味，之后冇食过啦。⭕️猪一般、有时会韧，可以嗌。🙈偏食的我除咗吉列鱼冇食过，上面全部食匀晒。大家食完鱼可以话返我知觉得点～ 🍳蛋类：扒类早餐有得拣蛋：牛奶炒蛋、煎蛋👑牛奶炒蛋次次都系食呢个，唔鞋滑滑地，好香！⭕️煎蛋叫过一次，系㶶边全熟蛋，都唔错，但之后都系会拣返牛奶炒蛋😝⭕️黑松露炒蛋以前有得加钱跟餐，宜家冇啦。佢系牛奶炒蛋面头加少少黑松露酱，冇好特别，所以之后都系牛奶炒蛋😝 扒餐包呢啲：🥔薯饼：外卖嚟到有时系淋淋的，有时又脆脆的；但点都好，咬落去食得出有粒粒小薯粒，薯仔就系好食！🍅蕃茄：系有厚度嘅蕃茄扒，增加健康感。有时唔系蕃茄扒，系车厘茄。🥓肠仔：普通嘢，唔会太咸，冇怪味。有时厨师肠冇货会开心upgrade咗做All Day果种高级脆皮外国肠。🥐包：平时系烘过嘅丹麦面包，香香脆脆的很好食。今日系牛角包，少淋唔脆、少香。 🍜加钱有面食：👑叻沙榨菜鸡丝米粉对我嚟讲系叻沙汤米粉。个汤唔差、有少少叻沙味，米粉系减肥恩物，仲可以放耐少少、迟啲食。鸡丝我会夹走因为都系有雪味。榨菜爽脆，几好。⭕️五香肉丁公仔面呢个系邪恶之选，佢话系公仔面，真系会跟一包麻油可以自己落！但OMW就麻麻地佢个五香肉丁，所以好耐冇叫啦～想放肆嘅话，食呢个都唔错。⭕️仿鲍鱼丝火腿通粉以前我成日嗌呢个，因为当时个通粉口感好好，有al dente感，不过宜家冇啦，可能转咗通粉来源，然后冇再嗌佢喇。但overall要饱肚食个通粉其实ok！印象中个汤几好味。 ☕️饮品：⭕️冻柠檬茶：comfort drink，有时会觉得唔够甜；但今次我觉得啱啱好！⭕️热朱古力：唔算好浓，嚟M嘅话可以叫嚟饮吓，唔会话好满足。⭕️热奶茶：呢个系厉害的东西！饮完会好精神！ 📍WM Café and Bar（外卖-马鞍山）✨亮点：牛扒好大块，扒餐好丰富！仲有热香饼早餐😍 🙇🏻‍♀️特别呜谢：劳苦功高、日晒雨淋嘅外卖员！…查看更多

全国运动会赛事系马鞍山举行，顺便帮衬下附近小店!WM牛肉烟肉芝士汉堡结合左优质安格斯牛肉的风味，肉质柔软嫩滑又多汁，散发浓浓「牛香」，并以烟肉和芝士增添层次感，再配以酸种面包和其他新鲜蔬菜，口感丰富兼有层次 ！餐汤蕃茄汤味道酸甜，番茄本身带有天然的甘甜和微酸，这是番茄西汤最核心的风味，开胃之选!蓝莓蛋糕的味道酸酸甜甜、莓果香气浓郁，蓝莓新鲜果粒形式散布在蛋糕中，其酸甜的滋味与芝士的浓郁形成强烈融合!…查看更多

喺马鞍山海旁附近，环境清幽舒适，适合同朋友、情侣或者家人一齐chill住食餐好嘢！呢间Cafe系区内非常有人气嘅西餐好去处，最吸引嘅系佢啲食物够大份，性价比爆登！食材质素又高，4百蚊搞掂个套餐，两个人都食到饱饱哋～ 😋🍴推介菜式：👉 日本带子明太子扁意粉好多酱汁嘅意粉～每条扁意粉都吸满咗明太子酱嘅鲜味，带子又大又鲜甜！🍝✨👉 焗烟三文鱼带子牛油果意大利饭烟三文鱼焗到好咸香，食饭有带子嘅鲜味同creamy嘅牛油果！🍚🐟🥑👉 WM自家制蛋糕$48嘅自家制蛋糕，芝士蛋糕味道像 大埔街市梁九记名物卖的John and Jill’s cheese cake坚好食😋…查看更多