URBAN Cafe (兆萬中心)

营业中

休息中

自從上次帶小朋友去貓Cafe之後，發現佢對貓完全唔抗拒😘，今次去了一間貓Cafe，一邊可以食嘢一邊可以同貓貓一齊玩。 （5⭐️最高）整體套餐（5⭐️）是日餐湯-忌廉南瓜湯同一般忌廉南瓜湯唔同，應該是加入了酸忌廉，所以入口會特別Creamy滋味二人小食拼盤（唐揚炸雞，薯條、洋蔥圈）👍🏻我比較喜歡當中的洋蔥圈，炸得啱啱好👍🏻，而且份量又好足。唐揚炸雞都唔錯，入口Juicy😋三重芝士肉醬意大利麵芝士份量唔會太長，而且亦都唔會太油膩，意粉軟硬度適中👍🏻。 夏威夷薄餅（羅勒蕃茄醬、水牛芝士、車打芝士、煙肉及菠蘿）雖然份量唔算好大，但材料分布平均💋而且好足料，我比較喜歡佢軟硬適中的批🥰。

香港近排開咗好多貓貓Cafe，今次去旺角呢間貓Cafe，主子數量多到驚人，每隻都好可愛都唔怕生😻！嘢食種類都好多，主打西式料理：意粉、意大利飯、薄餅、漢堡同埋扒類，價錢都好抵！記得入去之前要套返個鞋套同洗手💦，食美食嘅同時都要保護好貓貓！------------------------------🥩◖菲力牛柳配黑松露燒汁◗ $148原件菲力牛柳好厚肉，配上薯條大大份！牛柳肉質偏瘦，肉味濃郁，keep到肉汁唔會過熟，點上黑松露燒汁，香味更有層次🐖◖美國豬鞍扒配檸檬蘋果醬◗ $128豬鞍扒火候控制得啱啱好，唔會煎得太乾柴，保留肉汁，點上酸酸甜甜嘅檸檬蘋果醬，十分開胃！🧇◖鮮果伯爵茶窩夫配雪糕◗ $98有四大片窩夫，配上一球曲奇雪糕，食落就有淡淡伯爵茶香氣，而且夠脆口🍓◖日本北海道煉乳草莓芝士蛋糕◗ $48是日蛋糕係最期待嘅款式，有士多啤梨芝士蛋糕！口感軟綿creamy，入口即溶，味道酸酸甜甜，更加開胃！🍎◖蘋果玫瑰普洱茶◗ $68可以根據個人口味加少許蜜糖，蘋果同玫瑰嘅香氣好夾，茶底夠濃郁，但唔好怕太耐，唔係變咗會有少少苦🍵 ◖抹茶拿鐵◗ $58抹茶味好出，唔會好甜，呢杯就正常發揮～🌟En

URBAN Cafe (旺角) 這「SET FOR TWO」的套餐，再加點了幾道餐點。餐點種類多元，從前菜、主食到甜點都有，份量十足，CP值很高。🥗精選餐湯及沙律湯品和沙拉的口味都很清爽，開胃。🐤🍟滋味二人小食拼盤炸雞、薯條和洋蔥圈都炸得酥脆可口。🧀🍄🍚黑松露芝士野菌忌廉意大利飯這道義大利飯的濃郁奶香和黑松露的香氣完美結合，口感滑順，非常好吃。🍔安格斯牛肉手工漢堡牛肉漢堡的肉質鮮嫩多汁，搭配麵包和配料，口感豐富。🍹甜點同飲品抹茶雪山心太軟、蘋果醋荔枝梳打和百香果紫米酸奶都非常好吃，甜而不膩，是餐後完美的甜點。🐱🐱🐱🐱🐱🐱🐱🐱🐱店內的貓咪們都很親人，不怕生，可以盡情地跟牠們互動。環境相當舒適，採光良好，佈置溫馨，而且有可愛的貓咪陪伴用餐，非常適合喜歡貓咪的朋友。

今日又去咗旺角兆萬貓Cafe，呢間貓Cafe已經去過好多次，除咗餐廳位置方便，因為呢度性價比高，餐廳地方又乾淨～今次我哋嚟食午餐，輕輕鬆鬆享受一個午餐，又可以喺店內買濕糧或者乾糧餵貓貓，今次我揀咗濕糧$58，可以同貓貓互動，好開心、好好玩呀～我哋午餐選擇咗～香煎龍利柳配香草忌廉伴薯菜、香烤車打芝士雞扒配百里香燒汁意大利麵、日式吉列豬扒麻醬冷烏冬，另外仲加配小食，日式忌廉蟹肉薯餅，呢個午餐好豐富呀，好飽～

本身都係一個超級貓控既我、雖然自己都有自己嘅貓貓、但係有時有空閒時間、我！都會去唔同嘅貓Cafe度同其他貓貓玩！因為本身隻隻貓嘅性格都唔同！除咗可以睇到佢哋嘅千變萬化之外！仲會有唔同嘅反應！ 呢間Cafe我最鍾意就係佢嘅大落地玻璃！除咗好光猛之外日頭夜晚感覺都好舒適！望住旺角夜間街景感覺好放鬆！再加上啲貓貓都好主動同你玩！完全冇貓公主貓王子嘅脾氣！都可以好黏人！除咗呢間Cafe有好多唔同嘅貓設施之外！佢哋都有話會好多唔同嘅客人提供左一啲貓嘅食糧同埋貓嘅玩具！需要嘅時候同職員講聲就可以加錢㗎啦！再加上呢度空間非常之大環境超舒適！除此之外呢度仲有好多人類食嘅美食！仲有好多好特別嘅特飲打卡影相都非常之唔錯！我最鍾意就一定係呢度嘅梳打味道清新之餘顏色亦都非常之有吸引力同視覺效果！叫左呀墨魚汁意大利飯同黑松露芝士薯條！除左好好食我仲覺得好有層次感！飲品就選擇左紅棗凍蜜！Urban cafe兆萬中心旺角旺角西洋菜街南街1號兆萬中心14樓全層

今次就約左朋友一齊去做奴才 😂😂香港地方細，好多時養寵物都唔係咁易，所以去貓貓cafe就真係唔錯嘅選擇！ 呢間urban cafe ，佢本身都有幾間分店，我地揀左旺角兆萬中心嘅分店，貪佢就腳，交通方便！ 住邊度都有車走😂😂唔養開寵物嘅我，都好擔心貓cafe會好大異味，又怕貓毛周圍飛，又怕大塵會敏感…（因為我對塵敏感，大塵我會又紅又痕..） 好彩呢度環境真係好乾淨，地方大，貓貓有足夠活動空間，見到佢地想玩就玩，想瞓就瞓… 好治癒🥰 最重要係呢度一啲異味都冇。價錢方面，真係估唔到咁抵！4人餐連加一都係$5xx , 已經包餐湯，沙律，主菜同飲品。真心好抵玩！ 而且食物質素仲好好👍🏻 我地本來以為分量好少，所以都叫左pizza同意大利飯、估唔到分量真係好多，味道仲好好👍🏻餐湯足料又夠濃滑，沙律🥗又夠新鮮！ 溫泉蛋煙肉野菌卡邦尼扁意粉白汁夠晒濃，沾上意大利麵，真係好食到停唔到口。黑松露芝士野菌忌廉意大利飯 ， 黑松露味好香好足料！ 意大利飯唔會太生，口感剛好！吸晒啲汁，真係好好食😋另外我地仲揀左 夏威夷薄餅🍕 同煙三文魚干島薄餅🍕雖然Pizza唔係好大，但非常足料👍🏻拉絲芝士真係好正！ 配埋飲品

有個移咗民嘅friend 返嚟，就帶佢去Urban Cafe俾貓貓們寵幸一下，因為地方都幾大，餐枱中間都預留咗足夠空間俾貓貓走動有啲貓貓好social，會主動跳上嚟搵你玩，或者趴係隔離望住你食嘢，有啲就瞓到不醒貓事💤叫咗個二人 set dinner價錢唔貴，食物同咖啡都唔錯，香口惹味有餐湯，沙律，加錢要咗個滋味二人小食拼盤（唐揚炸雞，薯條，洋蔥圈），黑松露芝士野菌忌廉意大利飯，夏威夷薄餅口（羅勒蕃茄醬，水牛芝士，車打芝士，煙肉，菠蘿），URBANCAFE™精選特調咖啡，古早冬瓜茶

同朋友個晚就分別叫左以下食物,四樣都係上面above average既水準:原條鰻魚明太子忌廉扁意粉(HK$108)Urban Cafe 特調Cafe(HK$38)鹽燒牛舌蕃茄羅勒芝士意大利粉(HK$108)洛神花紅莓紫米酸奶(HK$58)總括,基於佢地既高質食物,同朋友覺得都可以再Encore~放工過黎食個Dinner,同貓貓玩下,真係可以解壓🥹🥹而且食身重類比較多,飲品除左有咖啡同茶之外, 仲有沙冰,酸奶等~兆萬分店大概有10-20隻貓咪,每一隻貓咪D毛都好好摸超順滑,而店主都會過黎陪貓咪玩~仲會有開罐罐時間👀

今次返香港帶咗小朋友去同動物親密接觸😍😍去咗而家好流行嘅貓Cafe～入面有得食又有得同貓玩🤩🤩朋友介紹左呢間位於旺角嘅貓cafe～天天初時入到去有少少怕～可能平時少接觸～後尾慢慢適應之後～走黎走去冇時停～好開心咁又摸又嘗試抱😂玩到超開心🤣🤣叫佢地走都叫左好耐😂我呢個師奶除咗陪玩貓之外～仲要搞掂佢哋嘅肚😂點咗d野食～發現價錢好抵～份量都好足～又可以俾小朋友放電～又可以食正野～🤩比起北愛真係平好多😳最正係野食好味細路唔洗理～～🤣 （佢地玩貓～）下次約朋友聚會，都可以叫佢哋一齊嚟呢度😍

而家好多人都鍾意寵物，想養下貓貓狗狗🐱🐶不過唔係好多人屋企可以容納到/負擔到☺️所以市面都開左好多貓貓cafe,可以滿足到大家對小動物嘅喜愛，同喵星人渡過一個開心嘅時光🤩今日介紹呢間係我間唔中會encore嘅私心推介🙌Urban Cafe 總共有4間分店，分別係旺角x2、觀塘、、荔枝角，旺角兆萬呢間地理位置方便又易搵，所以我暫時只係黎過呢間☺️推介佢哋嘅原因係入面有好多唔同種類嘅貓咪🐱而且大部份都肥嘟嘟好可愛😍😍真係忍唔住係咁幫佢哋影寫真📷📸🎥另一個我鍾意嘅位係佢地嘅餐點🍴居然出奇地平，而且質素好高😳一啲都唔hea💯一個二人餐只係$268就有兩份餐湯、兩份沙律🥗兩個主菜、兩杯飲品，仲可以加$28有小食拼盤，入面有炸雞🍗雞翼、雞軟骨餃子🥟超抵食 😋另外仲可以加$25有多份甜品，仲係我鍾意食嘅心太軟，仲配埋雪糕添🤤🤤超滿足嘅套餐🤤🤤第三鍾意嘅原因係呢度環境夠大夠舒適之餘，店員都好親切有禮，令人好有家嘅感覺😍📍URBAN Cafe (兆萬中心) (旺角)旺角西洋菜南街1N號兆萬中心14樓

先係門口笠鞋套，好方便又衛生，中意呢度好光猛，環境好闊落，貓貓有好多活動空間，就咁望住佢地都已經好身心舒暢！QR code落單，點左兩個lunch set👉🏻日式忌廉蟹肉薯餅共四件，蓬鬆柔軟嘅薯餅，餡料加埋忌廉嘅順滑，口感豐富！👉🏻意大利榛子咖啡咖啡濃郁醇厚，榛子香，甜潤，質地細膩！👉🏻日本北海道練乳草莓芝士蛋糕配雪糕芝士味濃，蛋糕綿密柔滑！雪糕冰凍！👉🏻車打芝士豬扒配蒜蓉燒汁意大利麵大塊豬扒，面頭有車打芝士，蒜香味重，配菜入味！👉🏻雪山心太軟(抹茶)配雪糕抹茶心太軟口感軟糯，茶味甘香，面頭仲有彩色棉花糖！👉🏻香煎龍利柳配蒜蓉燒汁意大利麵龍利柳魚肉啖啖肉，意大利麵軟硬度適中，仲可以轉薯菜！👉🏻茉莉綠茶鮮奶茉莉味清香怡人，口感柔和！

上次帶亞女去貓🐱cafe好似都係放緊暑假嗰啲時間，今次嚟咗旺角呢間，好在有book位，否則walk in就要等位啦，估唔到平日都咁多人🫢今次無事先話比亞女聽話去貓cafe，佢一去到勁開心，見到好多好得意、唔怕人、唔高竇嘅貓貓，呢度環境好光猛，坐位以木色系列為主色調，感覺好舒服，職員都好專業，一眼關七，客人的需要、每雙貓咪嘅一舉一動佢哋都好快速處理，十分滿意👍食物方面，我哋order咗兩個set lunch: 卡邦尼意粉🍝、夏威夷pizza ，配餐飲兩杯🥤：特濃鮮奶朱古力及朱古力雲朵沙冰有唔少人會覺得貓cafe主要都係玩貓，食物就無太著重，不過呢間cafe嘅食物質素都唔錯，即叫即整，擺盤都落咗心思，直得一讚🥰

最近返工壓力大又辛苦，所以就去左【Urban Café】貓貓café同貓貓玩下紓解壓力啦。Urban Café旺角店分店搬左新location，寬敞左好多同環境好左，而且貓都多左。因爲選擇困難症、我地每次都會叫二人餐、因爲咩都有，而且唔使諗。沙律、餐湯：沙律菜新鮮，加左菠蘿酸酸甜甜幾開胃。餐湯係南瓜湯，非常真材實料。食到南瓜肉、而且好creamy，不過甜左D。西班牙燒烤醬黑毛豬肋骨：分量都算好多、BBQ醬微辣豬肋骨軟硬適中。伴碟薯條非常新鮮香脆。三重芝士肉醬意大利麵：好似好細碟其實超級多，肉醬唔會太酸、芝士超級多。雜莓梳打：酸酸甜甜既莓果再搭配梳打，好refreshing。青瓜青檸梳打：青瓜味同青檸味好match，好適合夏天。

今日嚟到位於旺角兆萬中心嘅貓cafeURBAN Cafe🐈一入到嚟已經見到有好多貓貓🐱，環境寬敞舒適，亦都唔會有臭味等，乾淨衛生🫧一坐低隔離已經有隻貓貓休息緊，好肥好得意，都好溫馴比你摸💕食物方面：首先嗌咗個lunch set—玉子蛋卡邦尼扁意粉（$58）包含$38以內的飲品並額外加配咗朱古力泡芙同章魚小丸子🍝 玉子蛋卡邦尼扁意粉意粉軟硬適中，汁好夠味，有煙肉及蘑菇等配料🍫朱古力泡芙裡面係較結實嘅朱古力味餡，泡芙本身都脆脆地，甜度合適❕🐙章魚小丸子夠熱，裡面章魚粒都充足，口感豐富其次嗌咗兩份甜品🍵雪山心太軟配雪糕（抹茶味）（$58）🍓日本北海道煉乳草莓芝士蛋糕配雪糕（$48）兩款嘅味道都唔錯抹茶心太軟流心充足尤其推薦草莓芝士蛋糕，好似食緊士多啤梨雪糕咁，口感綿密，士多啤梨味十足，仲有少少啫喱碎粒兩款甜品皆配有曲奇味雪糕同棉花糖粒抵食呀‼️飲品分別嗌咗oreo脆脆特濃朱古力同oreo脆脆朱古力沙冰（一杯正常朱古力一杯沙冰）🥤表面有忌廉雪頂同曲奇碎，賣相不錯飲落係好濃嘅朱古力，加上oreo脆脆，口感豐富😍啲貓貓全部都好可愛～品種繁多性格溫順，健康活潑一路食嘢可以一路同佢哋互動都可以選擇店內購

位於旺角鬧市中有間餐廳，係香港唯一自負盈虧嘅貓Cafe，所有收入用於支付貓貓飼料、醫療同其他開支，荔枝角同觀塘都有分店。呢度免入場費，免鐘時，目測有超過30隻貓貓四處跑動，貓奴快啲約埋朋友仔一齊上去玩啦！食物價格十分親近，而且質素絕對拍得住一般Cafe，午餐/下午茶/晚餐時段設有唔同套餐。前菜有慢煮雞胸凱撒野菜沙律，食落新鮮，醬汁夠多，搭配麵包粒同菠蘿口味更豐富。煙三文魚班尼迪酸種包同樣出色，鹹香味道，伴上黑松露忌廉都幾match。薯條脆身，真材實料，讚。主食有香烤蒜蓉雞扒，肉質嫩滑多汁，啖啖肉，蒜蓉燒汁可提升味道，旁邊附上薯蓉，好綿好滑，唔覺唔覺就清光。小食有章魚小丸子、忌廉蟹肉薯餅同西班牙香酥雞翼，炸至酥脆可口，個人最鍾意小丸子，外層微微脆，內餡飽滿，早知叫多份嚟食哈哈哈🤣