Tivoli 意大利餐廳

营业中

休息中

我們差不多每月總會有一、兩個星期天在這裏午餐，通常我們都會約11:20am 到達。餐廳的職員 （帶眼鏡的男侍應）每次見到我們在門口等待時，總會招待我們入內坐著 （餐廳營業時間是由11:30am開始）🙏 非常感謝這種人性化的服務態度！午餐套餐優錢實惠，質素和味道非常不錯👍！我囡尢其喜歡餐包和餐湯, 每次必會食曬所有餐包😊

人大了喜歡緬懷過去，今日專程走去柯士甸道的一間老牌意大利總餐廳食晏。裝潢一如以往沒有多大變化。餐前麵包是法飽，軟熟，如叮熱少少就更好。好回味的羅餸湯，味道依舊，有蔬菜的香甜。主菜簡單啲，點了芒果大蝦沙律，看似份量少，但原來吃完整碟好飽好飽喔！大蝦肉質爽爽彈牙，芒果酸甜好開胃。粒粒沙律的醬不夠豐厚。咖啡就不太好了，沒有進步，依然傳統烹調方式，咖啡質感太老，既然是意大利餐廳，應該注意咖啡質素。隨了咖啡整體都令人滿意。

新一年食番餐好既 約左好友放工後食佢幾年前來過 話好鐘意呢間餐廳好懷舊 氣氛好好環境都幾大每台都有爉燭 好浪漫我地散叫 冇叫set dinner有餐包送我地叫左兩個湯周打海鮮湯入面好多料 湯好濃洋蔥湯有包係上面 同有芝士好鮮甜四季pizza原來四個角都有唔同餡料入面有洋蔥 蘑菇 火腿 辣肉腸外層有勁厚芝士 直程可以拉絲芝士味好重 好滋味蕃茄芝士焗意式腸粉名字很特別 其實係比較闊身既麵條酸酸甜甜 口感好特別這裡的經理非常健談 而且很有心幫我們影了很多相非常nice! 一定會再來

這間好耐歷史既意大利餐廳，裝修仍然是好全統好懷舊臨近聖誕節仲佈置得好有氣氛添，以前食過佢哋既蠋光晚餐今次就試下食午餐啦！午餐有幾款沙律餐，幾款意大利粉餐同一個牛柳餐。。。咁今日就食豐富啲試下食牛柳餐啦！牛柳餐跟多士、餐湯、主菜牛柳可選粉、飯或薯菜同有一杯餐飲。二個人有四塊多士都好多喎配埋牛油，多士微熱香脆。餐湯。。。羅宋湯酸酸甜甜有好多材料唔辣。另一款餐湯。。。粟米忌廉湯好幼滑香甜粟米新鮮。主菜。。。牛柳跟薯菜，牛柳有兩塊肉質好腍唔嚡有牛味，正薯菜有一個薯球好味一大份椰菜好豐富。另外一份就點了跟意粉，一樣有兩塊牛柳意粉都好大份，朋友仔見到話好正呀！

星期五又到左我哋返腳出動嘅時候喇，今次同同事揀咗呢一間喺公司附近嘅意大利餐廳，佢入面成日都好似黑蚊蚊咁，但係個感覺就好似以前細細個好期待去食聖誕大餐嘅餐廳。平時行過覺得佢好似好貴，但係睇到個餐牌其實個價錢真係唔算貴。我叫咗個焗菠菜魚柳飯，同事就叫咗焗海鮮飯，吞拿魚意粉，牛柳餐，火腿溫泉蛋意粉。同事叫咗個牛柳餐汁另上，黎到嗰陣時個汁冇分開，員工一啲都冇黑面而且仲即刻拎返入去再整過，其中一位叔叔不時同我地傾計，仲主動幫我地揸機影相，十分親切呀。個焗飯好好味，又夠熱，好香芝士味，但又唔會搶左魚味，重點係個魚柳唔係平價龍利，係啲質素好啲有啲口感既魚柳，有魚味，有肉質。而且個汁比例剛剛好，唔會太多或太少，仲有好多波菜。最後點左咖啡，叔叔仲每人俾左粒朱古力我地，話以前傳統餐廳會咁做，杯咖啡會好飲啲。食物同服務都好滿意呀，而且重搭了童年的回憶，香港仲有幾多餐廳會有人情味。下次一定再黎！

和朋友聚會! 侍應好有禮貌, 我們坐下倾咗 15分鐘, 都冇趨我哋點食物! 燒羊鞍非常好味, 配菜精心設計! 黑毛豬有肉汁, M 和牛扒超值好味, 足有 12安士! 一定要試甜品火燄雪山, 雪糕和蛋糕集於一身, 好味!

昨天與朋友到這間開業幾十年的意大利餐廳一嘗晚餐, 二人套餐份量剛剛好, 味道不錯, 配合著餐廳的環境及氣氛, 完全是十分享受。唯獨美中不足的是欠缺甜品, 二人套餐是沒有包括甜品的喔。

星期4早放工， 同男朋友去佐敦食個飯~6點左右就到左la~7點前埋單有88蚊一個牛柳餐~個set要有餐湯同包，連野飲添ga~餐湯都唔hea, 湯料都幾足。牛柳餐可以跟飯，意粉，薯菜。 我地簡左跟薯菜， 跟餐黎既係薯蓉，好味~~~牛柳扒都有2-3塊，口感鬆軟，唔會太韌~價錢又唔貴，食物質素又幾好，可以encore!

諗住食懷舊feel而已，但食物都好有水準。 雖然唔係全部都係傳統意式，但都好味同埋份量都好夠。  服務人員都係比較年紀大，但有經驗，會話你知叫得太多會食唔哂。裝修雖然舊，但真係點哂紅色爉燭，好有情調。  果日我估最嘈係我地，因為有小朋友，否則靜靜地係度食意菜，情侣或朋友傾下偈，享受下浪漫氣氛都好唔錯。  但佢d pizza同pasta既portion都幾大，如果人少少就唔好order太多住，唔夠先再點。

位於佐敦的意大利餐廳， 歷史非常悠久有超過30年， 一進門口就感受到意大利小村落的風情， 待應們全部都是上了年紀的伯伯但卻穿着筆廷的禮服非常精神而服務態度亦非常良好。法式焗田螺－ 火候控制得非常好每件田螺剛剛熟十分彈牙， 加上在底部配上了牛油焗薯蓉， 當中的薯容吸收了田螺的鮮味及牛油的香味實在非常惹味。焗意大利雲吞－ 這道菜的煮法 首先把雲吞烚熟， 然後放進煲裏加上牛油及大量芝士及蕃茄 一起放進焗爐。 做法簡單但卻實而不華， 每件雲吞非常彈牙 內裏的餡非常入味。煙肉蛋意粉－ 簡單的一道菜卻比普通的餐廳來得有水準， 卡邦尼汁非常濃郁加上爆香的煙肉 及香滑的蛋漿在配上非常有咬口的意大利粉盡顯意大利農村的風味， 猶如真的之身於意大利。總結， 食物雖簡單但傳統又味美加上服務水準質素高， 實在值得推薦大家去一試。

同朋友係尖沙咀兜嚟兜去都諗唔到食咩😣諗住去返韓國街搵嘢食嘅時候經過呢間餐廳，見到好似ok咁就入咗去啦😆點解叫意大利餐廳🤔？我都唔知，因為佢係咁寫😂呢度要裝修好懷舊，入到去燈光昏暗，每一枱都有支蠟燭喺度🕯店員仲要係著住好整齊嘅西裝🤵🏻今次同朋友嗌咗Set dinner，有餐湯同飲品😚啲湯好稠，同朋友研究咗好耐到底係咩湯🤔(應該就係南瓜湯🎃) 一邊有啲煙肉碎喺度。 另外呢度啲牛油都幾得意，形狀就好似通粉咁， 不過略厭麵包烘得唔夠熱，所以搽牛油嘅時候有啲難融🤔#燒牛柳 ($138)😋好味指數：(7/10)小編就嗌咗六成熟，朋友嗌咗五成熟。我哋兩份牛都係一份淋而一份比較韌😢應該因為係啲根位嚟🤔不過食落去肉味都幾香😚另外佢嘅汁都幾得意，係蘑菇汁嚟嘅，有超多蘑菇係面😱今次叫咗薯菜，係一舊薯蓉嚟嘅😆另外配紫椰菜，都幾特別😚#西西里式大蝦意粉 ($208)😋好味指數：(6.5/10)試咗幾啖朋友嘅意粉，一共有4隻蝦，全部都好大隻😍食落口都幾彈牙，仲有小小膏😳不過意粉就比較普通，只係類似茄汁意粉，冇咩配料😚

今晚我提早吃晚餐，打算 19:30 前結帳（多謝朋友請客），Early Bird 牛柳餐，只需付款 HK$88（未計加一）。另外，我 order 這間意大利餐廳的著名甜品：焗雪山。難得餐廳經理陳先生與我閒談，他是一位談笑風生的人，有不少熟客，與他交談是一件樂事。（他擁有地道幽默感）這間餐廳於 1979 年開始營業，而我由 1987 年光顧至今。假若大家打算在這間意大利餐廳吃聖誕大餐，必須預早電話訂座。

My boyfriend introduced me to this old Italian diner that he has came with his family since he was 10. Old, Italian diner decor; lighting is dim; the place is clean and the staff is very friendly and polite.We ordered the set dinner for 2.The bread was normal... cold, soft center with a hard crust. The lobster bisque tasted okay, wasn't anything special but has a few bites of seafood.When the salad came, I was very surprised. It was huge! It was nice, the mango is fresh and sweet. Both the salad

呢間餐廳係好耐歷史入面裝修係舊式，諗住一定係好野啦！點知失望... 扒類價錢係$2xx>3xx 只係單點唔係一個set，但未去到用難食形容不過想食扒可以有更好選擇。

今日放假去左尖沙咀shopping,中午經過柯士甸道見到有間"Tivoli 意大利餐廳",就稔住入去醫下肚,點知就係惡夢嘅開始......我叫左個set lunch(焗吞拿魚意大利粉),由於有Ｄ餓,所以非常期待點知侍應送上黎,我一見到已經無晒胃囗,濕墶,成碟意粉都係Ｄ吞拿魚汁同油,我估計應該係個師傅成罐吞拿鱼罐頭倒落碟意粉就上枱,另外Ｄ吞拿魚肉仲有Ｄ霉,咁嘅情況我就即刻同經理投訴,但換黎－句就係:我地師傅嘅做法就係咁.我即刻啞口無言,唯有馬上賣单,當時心稔以後保證唔會再去呢間餐廳。