Three on Canton

相信大家對呢間餐廳都唔會陌生，而我今次講嘅並唔係呢度嘅食物質素，而係同事嘅工作態度， ！同事嘅工作態度禮貌又認真，響等位入座期間同事保持住良好嘅交流認真咁安排座位，對住我哋嘅提問亦都盡快咁回答，解除我哋不論在價錢上或是折扣上嘅疑惑最後更能令我哋快捷咁入座，舒適地用餐

今日下午相約好友下午茶第一次來，大家都好中意open rice 訂位有78折埋單790 for 3人， 算抵食比我地張檯望街景，吾錯!選擇多， service 幾好我比4分啦扣一分係等位有 d 耐！

一行4人第一次嚟這間酒店食Tea Buffet，未夠鐘已經開始有人籠，但好快比安排入坐。以Tea Buffet嚟講，都有好多唔同種類🤗食物都較為新鮮，味道一般，但勝在環境舒適，幾個朋友聚會不失為好地方☺️

假期打算同朋友舒舒服服嘆個下午茶, 決定一試和風抹茶下午茶, 食完覺得no next time了由於先打電話預約，去到已經有位。環境不算開揚, 只係將自助餐另一邊幾張枱分隔為afternoon tea 區。TEA SET賣相唔錯, 用左乾冰制造煙霧效果, 本令人期待, 由於是中秋翌日感謝酒店送了一件月餅。首先個綠茶scone做不到外層酥脆內層鬆軟的口感, 已大打折扣。整個set感覺甜點比鹹點多, 甜點都係圍繞綠茶制作, 唯質素一般。馬卡龍不合格, 杯裝的抹茶忌廉沒有抹茶味, 甜點食左幾舊已經覺得膩口。而鹹點厚切玉子配橙醋, 只係普通玉子一件罷, 幸好有件醃三文魚隔一隔甜氣，牛油果雞肉三文治及竹炭漢堡包不過不失。最後有抹茶梳乎厘配抹茶醬, 原以為是傳統充滿空氣感的那款, 原來是Pancake那種, 味道尚可。最感滿意的反而是那個蛋黃奶油味十足的月餅 😂$488/2位再加一價錢略高, 難有下次

上星期心血來潮同媽咪細妹去咗呢間餐廳嘅afternoon tea本身唔係好熟呢間酒店嘅位置，所以喺海港城行咗一個大圈去到酒店正門再搭電梯上去，點知GAP隔離原來有另一個入口哈哈一到步見到餐廳個格局其實係飲嘢feel，有室外位置，如何天氣冇咁嘅話，室外都係一個唔錯嘅選擇。今次我哋揀咗坐室內嘅梳化位，不過同枱之間距離有啲遠，食嘢有少少辛苦。我哋叫咗一個二人綠茶afternoon tea set, 另外加一個carbonara。首先介紹咗呢個carbonara 先比我想像中好食，味道濃郁，意粉亦都彈牙，雖然外表平平無奇，但味道幾好！然後就係呢個主菜 afternoon tea set佢出場個氣勢真係唔輸蝕，有乾冰襯托，港女影相呃like一流但老實講，味道整體嚟講只係一般，大部份甜品都只係有綠茶嘅顏色，冇綠茶嘅味道，如果一心係嚟食綠茶甜品，你會好失望上面呢個souffle hot cake係咁多嘢食入面最出色嗰個佢係而家好Hit嘅空氣感 pancake，雖然個樣就扁平d，但幾好味scone唔熱，冇綠茶味，有d硬另外一提，佢啲飲品都好一般，個cappucino.... 同埋我媽咪個杯茶都好hea

一年前黎過幾好 但今次真係差左好多長腳蟹蟹腳好咸 生蠔好細隻係龍蝦較好另外熱盤招牌片皮鴨 皮夠熱但太厚，剁椒蒸盲曹好滑好好味，仲有甜品方面都算多款式心太軟係最好果樣應該唔會再黎

由即日起至10月5日期間Three on Canton將與加拿大駐港、澳總領事館及農業食品郭合作，攜手推出加拿大風味之旅自助晚餐，由客席加籍主廚Nolan Ledarney炮製富有加拿大風味的特色佳餚，讓大家一嚐富楓葉國情懷的美食！ 加拿大風味之旅收費為星期一至四成人＄628/位、小童＄398/位，星期五至日、公眾假期及公眾假期前夕成人＄668/位、小童＄468/位，飲食網站更有低至75折優惠詳情按此 而小食區則放滿加國佳餚，有加拿大長鰭吞拿魚、加拿大藍青口、肥美可口的豬腩肉等佐酒小吃。 自助餐內亦分佈各式加拿大美食，如楓糖甘荀、加拿大藍青口鍋、酥烤薯仔配煙肉及焦糖洋蔥、香煎味噌魚等等！ 還有約克郡布甸用來配肉食加汁一流！ 說到肉食則有黑胡椒烤加拿大豬脊肉，和烤阿爾伯塔黑安格斯西冷，另附有香口的松露醬汁和黑椒汁。 而香煎鵝肝因塗上加拿大楓糖漿徒添香氣。 其餘還有亞洲專區，印式咖喱、泰式風情任君選擇，别忘記喝那冬陰公湯呀！質素比坊間不少的的泰菜店更好味！ 行過一點便見到坊間少有的芝士噴泉，風味也挺不俗呢！ 是日燉湯是鱷魚肉川貝燉唐排有補腎益肺、止咳化痰、定喘之效、，對肺氣腫、哮喘的朋

繼續無間斷的吃自助餐，是夜來到馬哥孛羅港威酒店的Three on Canton。 今期主題幾特別，是加拿大風味之旅～～ 楓葉國呢個地方，身邊不少親戚朋友早已在那邊落地生根，經常在Fb看見他們在當地的生活照，而我卻一次也沒到訪過，是個熟悉的陌生國家。 這次加拿大滋味，有客廚Nolan Ledarney炮製楓葉國的特色佳餚，食客更能嚐到地道菜色。 凍海鮮及冷盤固然有加拿大食材的蹤影，煙燻三文魚是加國野生三文魚，還有北寄貝、鱈場蟹鉗等等，全是來自楓葉國。 就是刺身與壽司，亦注入加拿大原素，如北寄貝及長鰭吞拿魚等食材，都是加國產地。 熱食方面，我最喜歡的煎鵝肝，也是煎至香脆後再塗上加拿大楓糖漿，及其他配料，令味道昇華至另一層次。 作為食肉獸既我，肯肯定不會錯過燒牛扒，這是來自阿爾伯達省的牛，香軟可口，肉香與味道絕不比美牛遜色。配上一件Yorkshire Pudding，筆者更加歡喜。 還有不少海鮮，如龍蝦、青口及海蝦等，也是充滿加國風情，特別欣賞海鮮鍋，係紐芬蘭省的風格，加入蒜蓉、乾蔥、白酒之類去調味，香氣撲鼻而來，各式海鮮新鮮美味。 又其實，除了楓葉國的菜色外，其餘的美食也相當具質素，海南雞

坊間一般酒店自助餐餐廳裡面的自助餐，大致上都會分為四種，主食類通常是午餐跟晚餐自助餐，早餐跟下午餐都會有人選擇享用，但是由於早餐跟下午餐食品選擇比較少，所以對早餐下午茶自助餐的人看似比較少。另一方面，一款酒店的下午茶還會分為兩種，除了有供食客自行取用食品的下午茶自助餐之外，還有一種以展示陳列架，把茶點小食分別端出來的「酒店下午茶」，價錢跟「酒店下午茶自助餐」都差不多。有些酒店自助餐餐廳，甚至會在同一時間，分別提供「酒店下午茶」跟「酒店下午茶自助餐」，所以有意幫襯西餐廳的食客，事前詢問餐廳的侍應有關餐飲安排，這樣都十分重要。位於尖沙咀「海港城」商場，「港威商場」旁邊除了有最近響了名堂的美國菜餐廳「芝樂X餐廳」，以及日本菜甜品餐廳「八天X咖啡店」之外，酒店「港威酒店」裡面還有提供自助餐「Three On Canton」可以選擇。但是在我來到「港威酒店」的時候，由於「港威酒店」有很多地方，還正在進行翻新裝修的工程，所以尋找「Three On Canton」的過程，比我想像中來得更兜兜轉轉，以及迂迴曲折。當我找疑似「港威酒店」「Three On Canton」門口的接待侍應，跟他們表明自己已經

抹茶下午茶，這個high tea 算是不錯～ 抹茶鬆餅、抹茶杏仁蛋糕、卷蛋都做得很對版抹茶梳乎厘，輕柔質感輕易全KO；抹茶鬆餅，據說用上法國麵粉製作，中間有朱古力粒，不錯

一入去已經見到靚靚芝士同pamma ham!直程係我大愛！一坐低坐位都算舒服！環境算五錯！外面野食都好多款式！龍蝦，長腳蟹，生蠔，青口一應俱全！熟食都好多！有我最愛既羊架！甜品都有好多五同種類！下次一定會再黎！

這次來到”Three on canton”嘆下午茶是因為一個突然。本來約了朋友想去試皇家太平洋酒店新出crossover VDL彩妝牌子的下午茶，但去到尖沙咀，打電話預約才發現原來該下午茶要星期六日才有，平日没有的。失望之下，在海港城徘徊，發現了這家餐廳的下午茶。由於賣相不錯，我們也不想再找了，所以便試試。下午茶價格相對便宜，如下：Matcha High Tea 和風抹茶下午茶 ($488兩位／$388一位)，價錢已包咖啡、茶、花茶、雞尾酒或無酒精雞尾酒由於一位給兩位價錢相近，建議大家叫兩位份量，較抵食。我們坐下才知道OpenRice提早預約有特價，75折，10分抵。由於我們坐下才知道所以並沒有任何優惠。先看看照片：下午茶一上枱，由於有乾冰，所以效果10分漂亮，建議大家準備相機。牛油果雞肉三文治 及 迷你竹炭漢堡包鹹點有：厚切玉子配橙醋，柑橘汁醃三文魚配抹茶及檸檬蛋黃醬，牛油果雞肉三文治 及 迷你竹炭漢堡包。其實鹹點不算多，整體下午茶甜品比較多。厚切玉子味道一般。三文魚是溫的，我不敢吃，魚生不夠凍怕有細菌。牛油果雞肉三文治及迷你竹炭漢堡包賣相都不錯，味道還可以。甜點有：使用宇治抹

公司搞Team building, 決定食dinner buffet. 因為有會員卡，有折，所以揀左呢間來食。話曬係五星級酒店入面，應該唔會伏掛？點知我咁林就大錯特錯😰首先，D 蠔勁薄，好似紙咁，連個waiter 都分唔出係食左未，未食個waiter都已經想幫你收走佢😂D 蟹腳好細只，又唔夠新鮮，食落口又''梅'' 又散，沒d 鮮味。食物種類太少，行一圈都沒咩岩食Lol唯二樣野係讚嘅：1）片皮鴨個邊Counter 嘅湯做得好好，味精唔重2）甜品同雪糕都做得幾出色！特別係個心太軟，個心真係流心來😃Anyway, 唔會有下次

上星期係我嘅生日，未來老婆大人古古惑惑咁約我去海港城行街。一心以為佢有野想買，原來佢Book左食綠茶High Tea。 算佢幾有心啦，仲記得我鐘意食綠茶野。不知是否平日的關係，餐廳好少人，我們倆坐係張大梳化枱，感覺有點不好意思。點左一個Tea Set, 老婆大人要左個叫甜絲絲嘅花茶，我就叫左杯Mojito. 店員話食物因為要即制，所以要等耐少少，叫我地飲住野先。 飲品到左，Mojito 就冇咩大驚喜，但熱辣辣的天氣飲杯薄荷等飲，超fresh . 老婆果然識揀，原來果佢叫果壺係玫瑰茶，勁香，入口仲好甘甜，連我呢個大男人都喜歡，不過都係凍飲咁我啲。等左差不多半個鐘，食物終於到。出場都幾驚豔吓，兩個盒咁嘅盛器，盛滿甜品，盒邊湧出大量白色氣體，放係枱上，白雲飄飄咁，好正! 原本以為係咁多野食，正要準備開動時，店員再上多兩大碟鹹點，兩份綠茶scone 同 兩份梳乎里。 店員細心地提示先食左梳乎里先，凍左就冇咁好食。 係呢一刻我終於明白點解要坐咁大張枱。開動 - 先進攻梳乎里。 佢係碟上嘅，旁邊淋左綠茶醬，淡淡地又甘甜嘅綠茶醬配上梳乎里，絕對係味覺一大享受。 食完呢個，再進攻鹹點，但因為冇咩特別，

自從瑪姖太太陀左b仔，好多食物都忌食，熊妹就少左食high afternoon tea呢隻腳。終於等到瑪姖太太陀到b仔穩定啲，仲主動揾熊妹食afternoon tea，熊妹當然舉腳贊成。熊妹素來都係抹茶控，又知道《Three on Canton》近排出左呢個和風抹茶下午茶，仲唔係同瑪姖太太分享的時候？呢個Matcha High Tea set有12款小食加英式鬆餅，即共13款，再包飲品，可選coffee, tea, floral tea, mocktail, cocktail, 全部都唔洗額外加錢。13款小食入面有4 款咸食，其餘9款都係甜點。4款咸食有三文魚🍣沾抹茶蛋黃醬汁，牛油果雞肉三文治🥪，迷你漢堡飽🍔同厚切玉子🥚。其實呢幾款同抹茶無咩關係，但high tea set一定要有啲咸點，而抺茶明明係甜點的材料，所以好難架硬整啲咸點，相信都會好難食。三文魚肉好厚，但唔係話好新鮮，點抹茶蛋黃醬幾得意。三文治無咩特別，牛油果🥑相信講緊麵包用牛油果整成，不過牛油果要生食先有啲香味，如果做製品就無咩味，所以個麵包無咩味的。雞肉沙律就幾清新。漢堡包幾好味，牛肉漢堡排好熟的，岩哂不能吃生的瑪姖太太