Supreme Steak & Grill

营业中

休息中

好耐冇据扒啦🥺俾我搵到間任食薯條嘅牛扒店 見都幾多好評 即刻試下先🤩🥩 安格斯級肋眼牛排 (200g) $190牛肉有油脂 咬落好香 入口嫩啲 肉味都幾重👍唯一要講就係 雖然叫左5成熟 但好似7成🙈🥩 安格斯級封門柳（肉味極濃）(200g) $190有理由懷疑佢將上一份嘅熟度調轉左🤣 呢份叫左7成 但明顯得5成 中間較厚嘅位都幾生🙈不過食落真係好重牛味 有嚼口得嚟唔會柴 又厚身 食完勁滿足🤤🍵 可樂（免費）蜜桃茶 +$10另外我哋2人total食左8兜薯條🤣 薯條新鮮即炸 條條都又熱又脆 而且唔係空心薯條 真係不停叫不停食都唔夠喉🤩 食完第二日冇喉嚨痛嫁🤣呢個價錢真係超抵食 加上入面座位鬆動 又乾淨企理 員工態度同服務都好好👍 一定要encore😍

同幾個朋友去食，經openrice訂位，已經寫明想安排一個闊落火竹少嘅位，點知去到佢明明有比較闊落嘅吉枱都唔畀我地坐。另外，坐cashier果個疑似外藉女人d態度差到呢....我入餐廳時拎住個蛋糕想請佢地放喺雪柜，個女人無尾音咁叫我揾第二個人做，然後我請佢地d同事一陣食完幫手點蠟燭上蛋糕，點知佢無幫手都算，佢將個蛋糕連盒大大力咁丟上枱面。如果唔係朋友生日我一定當場鬧佢。野食只係普通，服務勁差，等執笠

深水埗越來越多好嘢食，餐廳、cafe樣樣齊。今日行經呢間Supreme Steak & Grill, 見價錢親民，而且環境乾淨企理，決定一試。見到餐牌寫住「薯條任食(90分鐘)」已經心情興奮。分別叫左「安格斯級封門柳（肉味極濃）」同「安格斯及肋眼牛排」三成熟。兩個扒同樣充滿牛肉味，肉質鮮嫰，唔會靱，非常有水準。配上惹味洋蔥紅蘿蔔黑椒汁，將牛肉帶上另一層次。估唔到親民價錢都可以食到咁高質素嘅牛扒。幼身的薯條上枱熱辣辣，配埋茄汁同汽水真係完美嘅comfort food! 怪不得咁受歡迎坐無虛席啦！性價比高嘅親民牛扒餐廳，去開深水埗記得試吓！

呢度最好嘅係你叫steak set 佢比你薯條🍟任食啱啲媽咪帶小朋友去或者薯條愛好者去狂食薯條係幾好食嘅不過我覺得始終要睇主菜同整體 唔係單一樣嘢主菜叫咗兩份牛扒🥩其實就係牛扒囉你話好好食又唔係牛柳會好少少 但唔太夠牛味 我預期會再高質啲😞西冷牛扒簡單係又蟹又硬 好失望❌難為我daddy要硬啃咗成塊 叫錯咗我諗再貴啲差唔多要成500蚊嘅牛排先會好啲不過講真唔係好多人下下會用500食牛扒 又唔係高級海景餐廳 所以⋯你哋決定啦呢間餐廳開喺好多車房附近平時係真係難搵啲都係附近做嘢嘅人先搵到呢間鋪可能因為佢價錢唔算好貴由就腳所以好多人食😒但係你問我 如果我想食真正高質牛扒可能會有更好嘅選擇因為呢度一多人餐廳好急急腳會邀請你離開可能食一個鐘已經要交枱所以你要好似參加咗食牛扒鬥快大賽咁😆😂😂

Steak with unlimited fries | Supreme Steak & Grill @supreme_steak_and_grill 推介深水埗平價扒房‼️牛扒靚之餘，仲可以無限添加幼炸薯條🍟一個set都唔洗$200😋想鋸靚扒就一定要去試吓。晚市套餐🍽️人均：$200🕰️時間：平日晚市（建議先預約，因為都full house‼️）晚市套餐包括90分鐘薯條任食，同埋包一罐汽水，或者一杯熱嘅美式咖啡。其他飲品需要加$10🙌🏻我哋嗌咗兩份肉味極濃嘅安格斯級封門柳（$190），一份三成熟、一份五成熟。兩份都true to its description👍🏻以呢個價錢嚟講嘅牛扒，真係好高質🤤性價比極高！再配上自家調配嘅黑椒咖喱醬汁，好好味😋另外要提吓店員都好好👍🏻不斷幫我哋加水，唔會話人多就冇服務💯Bible rating: 9/10📍地址：Supreme Steak & Grill (深水埗)深水埗福榮街161號永邦樓地舖#香港美食 #香港好去處 #美食推薦 #美食日記 #foodbible #hkfoodie #hkfoodieblogger #hkfood #foodiehk #

想据扒唔洗去花園餐廳啦😂去深水埗呢間隱世西餐廳【Supreme Steak & Grill】就得！位置雖然唔係係地鐵站旁邊，但跟住google map都算易搵！估唔到都有咁多人去食，都會滿座～可見食物質素有保證！🤩呢度仲可以90分鐘任食薯條，即叫即炸，新嘅香脆！我哋都叫咗2 round 薯條🍟一路食一路傾偈好開心😀餐廳環境簡潔舒適寬敞，座位都很好坐！我哋兩個人一人叫咗個牛扒餐，相當豐富！🔸安格斯級封門柳 $190我兩款都是叫五成熟，但呢個比較生不過我喜歡，因為會比較嫩滑，而且呢款牛肉肉味極濃，配上蒜蓉汁，令牛肉更好味，一份的份量也夠一個人飽！🔸安格斯級肋眼牛排 $190呢份同樣叫五成熟，但比較熟，唔鍾意食生的朋友仔覺得呢個較好食，而且多了一份炭燒味道，令牛扒昇華！跟餐包一罐汽水或一杯熱咖啡，其他另加錢🔸凍檸樂 +$10🔸Ice Latte +$10呢度啲咖啡係另外落糖，所以好適合唔飲甜嘢嘅人，可以自己調配甜度，咖啡味好香濃！

一個 set有得 90分鐘任食薯條🍟 同埋一罐飲品🥤勁吸引😘 個薯條炸得金黃香脆，配上酸甜蕃茄醬🥫 好正✨ 而且牛扒質素都高💯・　安格斯級封門柳 ($190)封門柳即牛橫隔膜下方的一條小肉，每隻牛得2塊， 肉味特別濃而軟腍😘😘😘 叫左5成熟，煎得啱啱好✨ 一咬落去牛味勁濃，肉質柔軟、多汁，富有牛肉的自然香味，入口即化！好味道！200g 都夠食🤤・　安格斯級肋眼牛排 ($190)位於牛肋骨的中央，較少運動，油脂豐富而分佈平均😍 肉質比封門柳實，帶有豐富的脂肪，口感更加豐富🫶🏻🫶🏻 份量同樣200g，份量啱啱好💯

安格斯級封門柳🐮（200g)牛柳今次㨂左要五成熟，外層啱啱好煎熟，散發著陣陣的牛香🐮，裡面的牛肉就半生熟狀，色澤粉嫩帶有血水，睇落勁新鮮😍。開頭見件牛柳厚切都驚佢好韌，好彩落刀果下超級順暢，一下就完美切開，乾淨利落，正呀👍👍大大啖放入口，牛柳嘅肉質又軟又腍，超級juicy，完全唔韌，肉味超夠😋淋埋經典又美味的黑椒汁，超級惹味🤩🤩🤩🌟🌟🌟跟餐會送埋一大筒滋味爆分的薯條，重點係，可以任添唔嬲🤤🤤🤤一定要叫💪

今日去長沙灣見客，佢介紹我去深水埗一間扒房話有90分鐘任食薯條🍟，我問佢點任食法先？佢話任何套餐都可以架，我見喺附近不如就即晚去試下啦～扒房環境好闊落，樓底好高感覺都幾舒服😌套餐有八款，牛、豬、魚、羊都有，照顧到個人需要！我地選擇左西班牙黑毛豬鞍同烤比目魚排配阿根延香草醬🍽️我個人比較喜歡比目魚排，皮脆肉嫩🤤佢個阿根延香草醬好正，沾薯條都好好食😋薯條係幼身款式，唔會第一回就飽左🤣致於食到幾多就睇個人能力喇😂但絕對係薯條🍟控福音！* 不設加一服務費

前排閒日夜晚黎到，呢間餐廳都好爆場，好彩有提前訂檯😌佢係主打食扒，晚市套餐包九十分鐘薯條任食，同埋一罐汽水或者一杯熱即磨咖啡，性價比算係唔錯💰▪️ 安格斯級肋眼牛排（7.5/10）💲190 (Dinner Menu)叫左五成熟，雖然出到黎七成，不過肉色依然粉嫩，質感唔會話鞋或者韌，配上辣辣地既黑椒汁好惹味😳薯條其實都幾大兜，幼身又夠脆，食完一輪夠飽就無再添😅▪️ 安格斯級封門柳（8/10）💲190 (Dinner Menu)同樣叫左五成熟，切開色澤紅潤，脂肪比例一向係相對少啲，但比起坊間食開既鬆軟多汁，調味亦較爲輕手，可以食到濃郁既肉味，個人鍾意呢款多啲😍🔎 整體評分（8/10）

比呢間90分鐘扒套餐steak set配任食薯條吸引 🥩🍟🍟🍟😳裝修係簡約水泥風 樓底偏高燈光晚亮感覺會幾乾淨晚市都好full下 而且咩年紀嘅人都有 👨‍👩‍👧‍👦👩🏻‍🤝‍👨🏼🧓🏻我地就叫咗一人一個餐～👨🏻‍🍳🤳🏻西班牙豬鞍（220g)5成熟 豬鞍肉都大塊🐖 算厚實但易咬開點埋黑椒汁食幾香😛 👨🏻‍🍳🤳🏻安格斯級封門柳 （肉味極濃） $160 個封門柳juicy有肉味 呢個5成睇落偏熟無咩血水 食落又的確係5成熟嘅口感 😳👍🏻切開都粉粉嫩嫩 同樣係點黑椒汁食～任食薯條係幼薯條嚟 分量都唔少🍟 同埋每一條都好香脆 👦🏻enocre 咗一份😛 餐飲要咗汽水同蜜桃茶 個茶用茶壺上保溫保得幾耐 好香蜜桃味🍑🥰同同類飲食薯條餐廳compare 呢個價錢會平啲貼地啲～

Supreme Steak & Grill深水埗的「靚」牛排快餐。👍🏻💃🏻快扒房也有快餐文化，手機下單後不到5分鐘就出餐，餐廳認真有效率。👍🏻🥩✨靚安格斯級數，肉味香濃肉汁豐富，係「冇花冇假」的靚牛排。不使用化學鬆肉粉，或劣質牛肉上碟。👍🏻😍平安格斯封門柳和肋眼足足200g，配送飲品、黑椒醬汁，仲有90分鐘薯條任食，都不超過$200。晚餐時段，餐廳更不收加一，性價比甚高，難怪全場滿座。

bookmark左好耐終於有機會黎試下✨整體黎講 真心好抵食💓值得一試😋🐽安格斯級封門柳 $190唔講都唔知封門柳原來係牛既稀有部位黎😯200g其實都算幾多下 黎到勁香炭燒味🤤切開肉汁勁到 肉質好粉嫩 其實都唔會好生🫣入口牛味勁濃郁 點少少黑椒汁 層次更加提升✨勁抵食💕🐽新西蘭法式羊架 $240見大家都係嗌牛多 但都係想試下佢地既羊架🫣估唔到‼️羊架一樣咁出色🤩份量都幾多 240蚊足足有4件咁多🤤肉質好嫩好容易切 一啲都唔韌 而且都唔會太羶😋食落都幾有肉汁 完全唔dry 好好食🥹🍟90分鐘任食薯條除左價錢平之外 另外一樣吸引既地方係任食薯條🍟薯條控表示唔可以放過🙊薯條熱辣辣 好香脆 仲要係幼身薯條🤤不過其實食唔得多 食左兩桶已經食唔落🥹

主打90分鐘任食薯條🍟 性價比高的牛扒店🥩點了兩份晚市ᴍᴀɪɴ ᴄᴏᴜʀsᴇ套餐包括任食薯條加汽水/咖啡🐮安格斯級封門柳 𝙷𝚊𝚗𝚐𝚒𝚗𝚐 𝚃𝚎𝚗𝚍𝚎𝚛 𝚂𝚝𝚎𝚊𝚔（3成熟🔥） 💰190烤得剛好 不會太乾身 牛肉超厚身 切開時肉汁飽滿 每一口咬下去都帶燒烤味且牛味濃郁 配上黑椒蘑菇汁吃超搭🫶🏻 推！🐮安格斯級肋眼牛扒 𝚁𝚒𝚋𝚎𝚢𝚎 𝚂𝚝𝚎𝚊𝚔（3成熟🔥）💰190肋眼牛扒油脂分布平均 肉質嫩滑 筋部位不多 易咬開 帶炭香味且肉質鮮甜 但本人更愛封門柳🍟薯條帶濃薯仔味 香口 不加調味料也好吃 最後也有refill了一次🤭食物質素偏高 而且這家是不用收取加一服務費的 所以提醒一下大家對員工服務質素不要期望太高🫣💁🏼‍♀️📍深水埗福榮街161號永邦樓地舖

專登收工去食，一入門兩個女仔係度傾計，明明見到有客入嚟，完全冇人理，直至到我出聲話兩位，兩個人先望過嚟，個賓賓樣嘅侍應就問「有冇訂位」我哋答佢冇，跟住兩個人即刻擰轉身行去廚房完全冇理過我地。等佢去完廚房講完佢哋想講嘅嘢啦，終於諗起門口有兩個人企喺度，其中一個賓賓樣嘅侍應求其指咗兩個位，跟住又唔理我哋🤦🏼‍♀️明明Menu寫住可以90分鐘任食薯條，當我哋揚手搵侍應幫手refill薯條，個賓賓樣侍應睇到即刻好唔耐煩咁問「咩事？」，我哋話麻煩refill薯條，佢即刻更加唔耐煩咁樣回答「你搵其他人」。咁？其實佢喺度做乜嘢？其實我由入門口開始都冇踩親佢條尾㗎，我最多衰在冇訂位啫，咁你大可以同我講話你哋冇位㗎嘛，難為d客俾錢去睇你地面色啦