Supreme Steak & Grill

营业中

休息中

網上對小店有高度評價，基於好奇心便於星期日晚到此一试。店舖位處平静的街道，從地鐵站前往约需6-8分鐘。我們到店時约7點半，只有數枱客人，慢慢多人來，差不多有八成满座。餐廳做緊和牛推廣，晚餐加二百幾蚊便有一客和牛。因為我們想多试其他菜式，便沒有點呢個優惠。我們點了四個晚餐，有漢堡、鲍魚意粉、安格斯封門柳和法式羊架，薯條每人一客，另外點了豬肉串。食物整體味道不錯，薯條夠脆，餐飲選汽水不用额外加錢。環境坐得舒適，又冇加一，值得再來。

媽媽放假，諗住帶佢食好西。點知個牛柳一咬落去成口都係筋，根本咬唔爛！食咗一舊放棄咗。再嚟個意粉收你145。俾你嘅係冷飯菜汁嘅質素有乜可能西餐用現成嘅中式蒜蓉？仲要有浸酸味。嗰嚿西蘭花係發黃嘅。根本質素就係阿媽喺雪櫃嘅隔夜餸炒埋一堆話佢係隔夜餸，簡直都已經係貶低咗啲隔夜餸門口個阿姐黑口黑面十問九唔應好趕客。服務嗰3分係比另外個叔叔嘅如果唔係我一粒星星都唔想俾。個叔叔好熱情，見到我媽媽個沙律醬冇晒自己拎出嚟

呢間餐廳平時都超級多人排隊，今日見冇乜人排隊終於可以入去試一試。價錢睇落非常親民，西餐嚟講係算係好平。我哋叫咗一個$60嘅叉燒飯，同埋一個大約$70嘅burger再加一個比目魚飯。叉燒飯非常之香而且味道濃郁，叉燒唔會太韌，食過返尋味。加埋隻溫泉蛋，簡直係絕配。另外個burger就不過不失，而且有好多薯條，份量非常之充足，burger入邊嗰塊牛肉粒MIX埋蘑菇都幾特別。最後個比目魚飯，你會食到好新鮮比目魚嘅口感好鮮甜而且外層煎到脆脆撈埋飯食真係都好特別㗎。呢間我會放喺我嘅必食list入邊，因為環境好乾淨同埋枱同枱之間嘅距離都算闊，坐落都幾舒服，同人傾偈都唔會太嘈吵。

去開高登買電腦，等候取機顺便附近揾食，六點左右入座，入去時服務員態度已經唔係好，叫她落單時語氣甚差地叫我自己填寫，未夠七點菲籍待應走過嚟問還有冇要加單，說岀面有人等位，如果冇就埋單，即刻飮埋罐可樂走人，店铺起碼有二位待應都係好似唔休做，完全冇禮可言，值情趕客，食物方面味道係可以的，叫咗🐷鞍好軟身又唔會好孩及A5和牛好味道，咖啡☕唔錯，埋單$450冇收加一服務费，可能冇加一所以就没有服務，食一次夠啦。

食肉獸出動🥩，辛苦做左成個禮拜，點可以唔獎勵自己一份靓牛扒啊～聽朋友之前食過，話係佢食過堪稱最高 Cp 值嘅餐廳，老細對食物好有心思，仲有食材超有料，A5和牛都係200幾蚊就食到，點可以唔試試！.今次 3 個人，叫咗個二人同行 Set + 晚餐 Set，主菜外包任食薯條同一罐飲品！幼身薯條炸到脆卜卜甚是香口，忍唔住食完一條到一條🤪，結果加點咗 2 次，Staff 態度都好好，見差唔多食曬都會主動走埋你幫你 Refill！.萬眾期待嘅和牛，都無令我哋失望！係入口驚豔嘅程度，油花好重，5 成熟啱啱好，入口即溶超邪惡😈，不過建議都係要 Share 食～女仔要自己食曬一舊都真係有啲難度。.另外亦叫咗封門柳同油封鴨腿，鴨腿比較偏乾不過調味啱啱好，封門柳偏肉味濃啲，都好好食！最尾全部清曬碟！.除咗地點遠咗少少，港島去唔係好方便之外，呢間餐廳對我嚟講無咩缺點🤣

#pb食在深水埗 #pb西餐系列 深水埗高質平民扒房🐮通常去深水埗都係去cafe 今次想要介紹一間高質平民扒房俾大家🤪 佢開業4年 位於深水埗福榮街 黃金電腦商場附近 位置幾方便👍🏻 店內環境幾大 座位之間都幾闊落 坐得幾舒服😍 店員好nice 好細心介紹menu 而且上菜速度好快🥰.佢有10款晚市套餐 包括油封鴨腿、豬鞍、牛扒、羊架等😋 價錢$145-$450不等 包薯條、汽水 / 咖啡 價錢幾抵食😍 最特別係如果每人叫一份套餐 就會有90分鐘薯條任食🤪 其他小食、沙律、甜品都只係$35-$70不等👍🏻🔹安格斯級封門柳🐮推介❤️ 我地叫左5成熟 切開見到肉質好粉嫩🥰 封門柳肉質好淋 而且牛味好濃😋 特別一讚係佢配芥末牛汁 牛味更加濃 好正😍 本身跟餐薯條已經好多 佢用左幼薯條 味道唔會好鹹👍🏻🔹新西蘭法式羊架🐏羊架有4件 一人餐黎講份量幾多 同樣叫左5成熟👍🏻 食落口感好淋 冇咩筋👍🏻 如果羊味再濃d就更加好🤪🔹印第安烤無激素雞翼（辣）🐣推介❤️ 雞翼好大隻 味道唔會好辣 落左香料烤好惹味😋 而且肉質好嫩滑 咬落好juicy😍🔹巴馬火腿至尊沙律🥗賣相好colourful 有少少似中式四寶

本身都唔知深水埗區有間咁抵食嘅扒房，全靠朋友推介！我2個人叫咗佢哋個晚市雙人套餐，$190肉眼扒+優惠價$280 A5和牛西冷牛扒，肉眼好淋好好食，唔會好似其他餐廳嘅肉眼又貴又多根位。A5西冷更加唔使講，牛肉味好重👍。佢哋嘅薯條仲有係任食，絕對唔會驚唔夠飽！最後我叫咗2件甜品，$40朱古力蛋糕+$35紅桑子芝士蛋糕，2件都非常好食！唯一美中不足係佢哋店員真係太少，有時想叫佢哋嚟fill薯條都可能要比啲時間。

3人光顧，叫左2份安格斯牛扒，1份封門柳，後者剔左要7成，但侍應送尼話3成，佢話咁拎入廚房再煎下佢囉，無講唔好意思，剩係拎住張單指住話依到印左出尼係咁寫。但切開成塊都依然係3-5成既效果，隻碟充滿血水，有啲部份顏色同質感，甚至同街市勾喺到賣血淋淋既肉差唔多。薯條都只係普通課色，唔算難食既，但依餐絕對唔會令人覺得好食，同埋話限時90分鐘，薯條可以任添，但坐左60分鐘，侍應就收哂我地所有碟同刀叉，咁都唔好意思繼續坐啦。包一杯熱飲/汽水，無餐湯無餐包，$190一份，值唔值見仁見智。

母親節想食下西餐增加少少儀式感，而附近西餐廳都坐滿人，陰差陽錯嚟咗呢一間Supreme Steak每人叫一個套餐，套餐包90分鐘任食薯條同埋一罐可樂或者熱咖啡，其他飲品就加$10。 日本A5西冷牛扒（$280），原價$450，如果叫晚市套餐就可以優惠價加配，牛肉嘅味道還好，但係脂肪分佈不太平均，有一半食落去好靭，同埋都真係幾細塊，男士未必夠飽，薯條就略略好過麥當勞少少🤏，只能夠話一分錢一分貨。烤比目魚扒（$170），魚肉熟度掌握得啱啱好，而且夠厚又嫩滑，不過有少少腥，唔知係咪融雪做得唔太好？同埋青醬真心一般，會寧願點豉油食。開頭都見到食評話服務態度唔太好，有少少擔心，而食飯嘅過程中其實感到服務員態度良好，入嚟見到我拎住袋有提供凳仔俾我放袋👍，見我哋薯條食得7788又問我哋要唔要refill👍整體嚟講，如果你好鍾意食薯條可以考慮呢一間

下雨天覓食，走著走著突然想吃牛扒，牛魔王吃牛扒，想吃就吃，所以立刻找到這家牛扒店🤩門口看沒什麼人，但深水埗附近應該就只有這家牛扒店了，所以思考了幾秒就進去了店員服務挺好，幾有禮貌，老闆也挺nice，因為後來有位客人坐在圖4的位置，但那個位置比較靠近門，客人出入可能會弄到他，老闆非常熱心的提醒他坐前一點，以免門撞到他，好久沒有見過這麼細心的服務了👍🏻餐單上的食物不少，都是我喜歡的類型，但我那天一定要吃牛扒，所以不用思考就點了美國頂級西冷牛扒200克，熱檸茶（as usual）。1. 美國頂級西冷牛扒200克一上菜就聞到非常濃郁的炭香味，還有grillmark！這價錢有這水平叫不錯了！我點的5成熟剛剛好，不韌不硬，可以耶～🤩2. 薯條薯仔愛好者看見薯條任食是毫無抵抗力的🤣這薯條不過不失，跟表現好的麥當勞差不多（對！有表現非常差的麥當勞的），脆口鹽足3. 熱檸茶就是非常難出錯，檸檬夠酸就行，不過薯條任食的話，檸檬茶可以續杯就更好，因為吃到第二盤薯條我就不夠喝了🥹這店不錯，但不知為何沒什麼人，又在附近突然想吃牛扒一定再幫親這店！

為左呢間餐單第一次打食評。叫左一份眼肉200g /$190同一份紅燒鮑魚磨菇意粉$145。selling point 只係得薯條任食，不過薯條無薯仔味，仲有陣油味👎🏽refill 一次，第二次既份量只有三分二。另外鮑魚磨菇意粉仲差，磨菇同鮑魚都係罐頭質素，蒜蓉都係罐頭野，其實$145 想要求有新鮮既磨菇同蒜蓉絕對唔過分，汁得個咸味，同罐頭蒜蓉味，完全唔值。肉眼就唔上唔落，其實真係貴在個任食薯條，如果無任食薯條，塊扒真係只值比佢$100 蚊。真係唔值呢個價位，仲要係深水埗。

最近好想食牛扒薯條，睇完關注組谷友介紹後就趁生日約埋朋友一齊去食盡佢🥩🍟安格斯級封門柳 200g🐂🥩🍟$190呢度薯條係90分鐘任食既，有啲似中環某牛扒薯條任食名店😋呢度冇加一仲包一杯野飲，有五款可選，唔岩飲仲可以加錢揀其他飲品🥤我揀左五成熟既封門柳200g，上碟見到大大舊十分滿足🤤牛魔王必食👍🏻封門柳特質肉味濃郁，較肉眼有咬口，如果喜歡肉質較淋既朋友就要留意啦❗️薯條就係90分鐘任食既，當日都比較多人，店員忙於應對，所以落單都要少少時間🕑不過最後我地都叫左三輪薯條🍟🍟🍟最後我地都捧任個肚走🤤😋餐廳資料：Supreme Steak & Grill (深水埗)深水埗福榮街161號永邦樓地舖

朋友Book左呢間話有任食薯條約我食一入門口cashier個女侍應就態度麻麻, 坐落都算乾淨舒服同朋友都一樣叫左5成熟既安格斯肋眼扒正正常常肉味都濃有少少筋同脂肪,有90分鐘任食薯條,係幼薯條黎都好脆係幾好食既夠曬熱,$190仲包左個汽水另外叫左個小食-鹽燒牛舌(厚切)就唔得啦,完全係茶記牛俐質素,唔值$60咁貴本身仲想叫tiramisu試,但話冇貨男侍應服務態度對比門口個女侍應係非常之好,過黎執野仲主動問我地仲要唔要添薯條整體黎講係OK好食既,埋單$220都唔平,最推薦係個薯條

成件事係因為外置SSD突然暴斃🫠係臨急臨忙之下zip時間去深水埗買而本身冇諗住食野嘅情況下我媽叫我點都要去試下哩間扒房🥹因為冇做任何research嘅關係😂所以入到餐廳先慢慢睇網上啲人主要食邊款扒🤡本身想試最貴嘅澳洲M7和牛里脊🥹但見到實在太多人叫封門柳🤗而且成個openrice勁多正評🤡本身都諗係咪真呀🙈所以決定跟大隊try try老實講..上枱見到件扒第一感覺又唔似好味到咁🤡可能係表面冇乜超級Grill嘅顏色😂直到將件扒切開唯止😂都未有好太驚喜😂原本我揀3成但我個人覺得似5成😂不過唔係7成我完全可以接受😈(可能係我眼光唔準😂)點知當我冇好大期望嘅情況吓食🙈驚喜先出黎😝🥴認真佢嘅grill味超級香🥹睇樣完全唔似有grill過🤭加上封門柳哩個部位好難差🙈一定肉味濃而且夠淋😂(但唔係鬆肉粉乸到冇哂口感個啲🤭)而沙津上枱雖然睇落比較乾🙈但要讚嘅係完全搵唔到生銹或姐蟲蛀嘅菜🙈加上完全冇加一嘅情況下🤭我絕對會返兜試埋另外嗰幾款扒🙈PS大家想食記得唔好4pm先黎..我哩次咁岩見到有人黎到摸門釘🥲🥲

今日喺深水埗有appointment，如果唔係其實都會好少嚟到呢一區。我印象係深水埗全部都係茶餐廳冇咩邊間餐廳乾淨企理坐得舒服(你當我唔識嘢啦)所以黎之前都專登搵定間餐廳食晚飯。我哋八點到達，已經安排好座位，個男侍應（唔知係咪老闆）服務態度非常好，我哋點咗最signature既兩款牛扒各一，兩款都非常唔錯$190真係好抵！另外薯條都任裝，我哋refill嘅時候個男侍應態度非常殷勤。以呢個價錢食到呢個質素服務態度又唔錯，而且地方乾淨企理，我覺得大家應該要支持吓香港呢啲小店，如果唔係經營唔住就會好快拜拜