影片
开饭介绍
扒房装修以工业风为主，提供来自不同国家的优质肉类，晚餐主力提供西式主菜，例如扒餐，午市会提供日式餐点。
继续阅读
营业时间
今日营业
12:00 - 16:00
17:30 - 22:00
星期一至日
12:00 - 16:00
17:30 - 22:00
以上资料只供参考，请与餐厅确认详情
有关奖赏计划
2025.6.1今日放假，因为黎紧朋友生日饭局想据扒，又见系IG介绍佢价钱比较亲民，所在就揾左哩间店黎试下先。🥩🥩我点左安格斯级肋眼牛排，跟餐要沙律。牛扒我拣左5成熟，肉汁都几多，牛肉味足够，咸味适中。另外上既黑椒汁好好味，试落似用其他蔬果溶混合过，黑椒既香味保留得黎唔会太辣，有少少清甜味，同牛扒好夹😌👍🥗🥗伴碟沙律只有牛油无菜同半粒迷你蕃茄，沙律汁系加左沙律油既黑醋汁，味道偏酸，油份还算可以，如果个汁加返啲甜味，同埋沙律加多少唔同种类既菜，即使量唔多，我都觉得睇落会丰富啲🤔奶茶呢……嗯……😐💧真心觉得唔好饮……茶味劲淡，奶味都系劲淡，好似系茶餐厅买左一杯热奶茶分开三分一再加水冲出黎……咁样既味道……😐💧💧店内环境装潢系以现代简约风格，冇太多华丽装饰，有少少简约既摆设，地方既枱櫈约有30张左右，光线充足。用餐当日大约2点左右，用餐人数都几多，气氛几好😃✨✨💸💸价钱方面，哩个套餐包饮品一共$190，冇加一服务费，如果饮品升级就另加$10蚊，其他沙律，意粉同饭类的确比较亲民，见到其他客人点既饭同意粉份量适中，如果唔系叫扒类较贵既食物都系$70～$80左右。除左现金，收信用卡，支付宝，八达通💳🪪同微信支付等，几方便😃👍总括黎讲食物方面几好，有质素👍💖饮品方面，虽然我第一次黎，冇试过其他饮品，但杯奶茶真系要改善😟下次会同朋友黎试下其他食物😃
继续阅读
呢间餐厅主打叫咗煮食之后有90分钟嘅薯条放题，薯条一啲都冇揸流摊！封门柳 $190 五成熟肉味香浓，好多肉汁！切落去系爆晒出嚟😌肉眼 $190 五成熟肉同脂肪嘅比例啱啱好✨唔会太腻薯条encore咗两轮🤩每次都系即叫即整，热辣辣、脆卜卜～食完好满足！餐饮方面只送热饮，其他都要加$10，不过就免收加一服务费。
继续阅读
原本想叫牛肉饭，落单时有个女人好恶咁话无饭，问佢几时有唔答，但转头见有三碟饭分别去咗隔离两张枱 @@...最后叫咗牛肉忌廉意粉，意粉唔知点解劲多黑椒 ，好辣之余成件事完全唔match。份量都正常OK, 但又辣又咸，太重口味了。
继续阅读
今次带埋个牛扒控仔仔去呢间「Supreme Steak & Grill」朝圣，食到lamlam脷！平时食靓牛动辄过千，呢度竟然$2xx就食到A5和牛，仲要包埋任食爆脆幼薯条同饮品，CP值高到阿仔即刻话要encore！ A5和牛切开五成熟粉嫩嫩，咬落去真系「咻」一声溶喺个口！仔仔食到眼仔碌碌狂竖拇指话过瘾。 不得不赞个无限refill薯条，幼身版脆到似食紧薯片，劲脆口！店员仲好醒目，见我哋食到七七八八就会问洗唔洗refill～ 埋单计数，三个人食咗两份和牛加其他主菜都系$700有找，仲饱到要散步消化。✨贴士：晚市劲爆场，记得预早book！ #和牛控必收藏 #平过自己煮 #薯条可以当饭食 🔥温馨提示：和牛油脂超丰富，建议share食唔会腻，留肚丧食薯条更抵！
继续阅读
而家生意难做但正因为咁，先更加要做好啲，才能留住客人。接近两年无帮衬估唔到水准仲差过以前今日lunch点咗份盐烧牛舌饭首先饭已经唔热，配粟米粒已经有啲唔知想点。再食牛舌，直头出事总共5块第一块已经好韧第二。。。咦？点解牛舌唔似牛舌，睇清楚，好明显系牛扒切成牛舌size...我真系疑惑咗成分钟再睇其余三块，都好明显系牛扒，仲要系茶记牛扒咁既level.但碍于我已经食左两块，无即时反映俾职员知。事后在openrice寻找其他食客点的盐烧牛舌，完全唔同样。如果下午茶时间无牛舌供应，点解唔直接询问客人可否换其他食物。啲牛扒仲要超韧多筋，其中一块好似未解冻咁。无言。我明白$70唔会食到靓牛扒，但我本来就唔系想要牛扒啰。
继续阅读