Simplylife Bakery Cafe

营业中

休息中

因為location 方便, 朋友相約去Simplylife金鐘分店晚餐聚會, 令我3星期內去了Simplylife銅鑼灣分店晚餐一次和金鐘店晚餐兩次, 間接成了Simplylife常客! 幸好Simplylife有多款食物的選擇, 也不至於太悶.今晚點了 Caesar Salad, 大蝦配手製攞絲粉 和 烤美國肉眼扒配燒雜菜, 附加了磨菇忌簾湯和凍香橙烏龍茶.“磨菇忌簾湯” 的水準一向良好, 磨菇味十分香濃, 但只是微暖, 如果湯和麵包可以熱一點味道肯定更佳.“Caesar Salad” 我喜歡加在沙律上的超喊味小魚, 夾著沙律菜一起吃, 很好味. 但只吃超喊味小魚便喊到不行, 所以小魚是不能單吃的.“大蝦配手製攞絲粉” 大蝦彈牙好味, 但手製攞絲粉太硬身, 質地有點似未煲熟.“烤美國肉眼扒配燒雜菜” 肉眼扒很大件, 但很多根和肥膏, 而且味道很淡… 我對這個烤美國肉眼扒配燒雜菜有點失望.金鐘店的凍香橙烏龍茶和銅鑼灣店的相比少了一角新鮮橙, 就差了這麼一點點, 便讓人感覺銅鑼灣店製作比較認真, 一角鮮橙令人感覺那杯凍香橙烏龍茶真實好多, 不只是開茶精. 

有朋友知道我喜歡吃西餐, 早前一直向我推介吃這間SIMPLY LIFE, 還在休假的我便走出去一試。甫到餐廳門口, 便見到一大群人在等位, 看來應該還不錯吧。最後, 等了40分鐘左右就可以入座了。快餓死的我們點了幾樣食物, 包括蒜蓉包、雞肉蘑菇PIZZA、烤美國肉眼扒配燒雜菜及牛油汁。蒜蓉包不太夠鬆軟, 有點硬, 蒜蓉味也不多。雞肉蘑菇PIZZA也不錯, 可是PIZZA底有點太厚, 面包部份很多, 不過配料也算足料, 啖啖也有雞肉蘑菇, 也不會太咸。這份烤美國肉眼扒配燒雜菜及牛油汁, 絕對要讚! 我們要了七成熟, 肉質鮮嫩, 不會煮過龍。牛油汁令肉眼扒吃起來更加香口, 卻又不會很油膩。燒雜菜調味也很足, 配角卻不會失色。雖然有點飽, 但甜品卻是女人的另一個胃。最後我也可以把這一件藍莓芝士餅鯨吞。朋友推介這個蛋糕, 果然有料到! 芝士味很濃, 配上大大粒藍莓, 還有我最愛吃的餅底, 很快就被我吃掉了。對面的男友人也被我的食量嚇倒吧

Simplylife係九龍塘分店經常大排長龍 便去金鐘的太古廣場嚐一嚐Tea Set同蛋糕 進入門口時有蛋糕櫃 所有蛋糕都好吸引   服務(3/10) 可能職員不夠 叫侍應幾次都冇理 望到都當睇你吾到   Tea Set - 車打芝士煙肉牛肉漢堡配薯條$55 (6/10) 芝士味少 煙肉超大塊 煎到脆牛肉係厚身漢堡扒 沒有牛肉味 好多渣 仲要好碎 薯條炸到有啲深色 應該冇換油炸 但不會影響薯條既質感 熱辣辣 脆卜卜 粗薯條   餐飲 凍咖啡 加$5 冇咖啡味 太多糖水 奶味又冇   Tea Set - 墨西哥簿餅配薯條 $55 (4/10)簿餅內有雞肉 辣椒 車打芝士 簿餅有4塊得一塊有雞肉 辣椒沒有辣味 芝士又少 薯條份量夠多 脆卜卜餐飲 熱朱古力 第一啖苦澀 之後落左一粒糖 容易入口 濃味朱古力   草莓芝士餅 $32 (8/10) 芝士較為軟身 味道濃郁 一層忌廉 又香又滑 一層草莓 不夠新鮮 沒有草莓味   朱古力撻 $32 （8/10） 第一啖有一陣陣橙味 第二啖食落好濃郁既朱古力 第三啖食到中層前柚子肉 柚子較為有水 令到朱古力不會太流 仲有少少回甘味原來一份蛋糕份量不少

中午時段永遠要大排長龍，好彩嘅都要排半個鐘，所以平時好少機會嚟到食晏。 今晚晏收工，晚上九點幾肚到七彩，飛奔去Simplify, 好彩趕得切未到last order。雖然九點幾，但實在太餓所以點了南瓜栗子有機飯，晚上要另加$30才可享用麵包、湯及凍茶。色雖似甘筍，但其實係蕃茄湯嚟㗎。 蕃茄湯有些少酸，最奇係今次有點辣。特別要求要麵包嘅頭頭尾尾，純粹個人喜好。喜歡simplylife嘅麵包，好有水準！！！麵包唔一定搽牛油㗎，外層微脆麵心鬆軟，麵包沾上熱辣辣嘅湯，仲正！凍茶走冰，一來唔想飲凍野，二來唔會水汪汪淡茂茂嘛！南瓜栗子有機飯最唔滿意係佢地用平碟盛載囉，咁軟身有醬汁嘅飯攪到pat晒，賣相扣晒分…在又一城果間食過係用一個有窩嘅碟盛放，賣相討好一點。飯被南瓜汁滿滿的包圍著，內裡混合了南瓜粒、栗子粒、松子仁， 一d都唔會乾爭爭，勁好味飯面有一大片連皮南瓜，南瓜輕微焗過，幾香口這個飯雖然沒有肉，但好夠飽肚㗎。Simplylife一向水準不錯，又一滿足的晚餐！！！

我係漢堡包發燒友!! 咁既價$不過不失, 芝士夠味, 薯條夠薯, 牛味有, 不過你都睇到,overcook左, 仲有杯白咖啡, 成張下午茶menu, 我第一眼睇已經知要乜, 另外仲有雞肉漢堡包, tks for watching!

星期六決定食得Chill d!排左45分鍾終於可以入座啦! 好喜歡個裝飾, 感覺好寬敞!以黑白色為主題, 岩哂我心意! 而且係開放式廚房, 最喜歡睇人煮野食Total 每人$130連加一, 包野飲, 餐湯/沙津, 餐包, 主菜!份量不少, 所以好抵!!由於本人唔喜愛硬面包，所以餐包當汁點黎食, 發現都好YummyOrder左燒指雞, 友人Order左雞肉蘑茹pizza, 開頭會驚食唔哂, 但即叫即整既pizza實在太好食XD2個女仔竟然清哂!!!!環境令到我好想坐耐D, 但出面仲有好多人, 坐一陣就走LU!!!!Chill day!!!!!

金鐘廊的 Simplylife是長期被人龍包圍的店舖，如果你在繁忙時間想入內吃飯，等上至少一小時是常識吧。那天在金鐘廊上完化妝班，經過Simple Life發現人龍甚短，原來距離關門時間只有一小時，難怪有如此奇境。難得有此機會，拉著朋友趕快去吃個晚飯。店員先把溫暖的麵包送上，三大塊的免費麵包，一點也不欺場，麵包外皮堅韌，內層卻綿密鬆軟，塗上厚厚牛油同吃，二人不消一會就吃光了。是日餐湯是南瓜湯，煮得夠濃稠，香味濃郁，隱約吃到打碎了的南瓜蓉。入口清甜芳香，非常清新。鮮蟹肉雜菜沙律份量十足的沙律真的把我們嚇了一跳，蟹肉的份量真是異常的多，而且鮮甜，再配上濃郁的花生芝麻醬和新鮮爽脆的沙律菜，沒想到沙律竟然會如此豐富美味，清新醒胃之選。海鮮有機糙米飯材料甚為豐富，有香煎的爽口大蝦，青口，魷魚，蜆等海鮮。有機糙米飯質感跟意大利飯甚為相似，但卻更煙韌而且很有咬口，每顆飯都充滿了香濃的醬汁，不過吃畢整碟真的很飽。粟子撻雖然我們已經飽到吃不下，不過看到色彩繽紛，賣相精緻的甜品又忍不住了。原本想點香蕉撻，可惜賣光了，點了粟子撻，栗蓉清甜不膩，而且細緻幼滑，軟滑的海棉蛋糕混入栗子粒，帶有口感，而撻底帶有牛油

同事升職竟然突然請我們吃貴餅, 因為佢話今日最齊人, 加上好同事才有份, 所以大家就開心SHARE了~~~(其實名字不太記得清楚, 因為不是本人買, 以印象來寫...)藍莓芝士餅, 士多啤梨芝士餅~~~傳統得來芝士味濃及滑, 而且生果十分新鮮, CREAM也很好又不會太膩...士多啤梨檸檬餅~~~這個除了有又甜又大粒的士多啤梨外, 還有似是有點酸的LEMON, 有些同事說太酸, 但有些卻很喜歡, 還說很提神, 各人有各口味!!!朱古力橙餅~~~朱古力味濃, 最岩鍾意佢的人吃, 而內裡還有少少橙肉的感覺, 混得不錯!!朱古力香蕉拖肥餅(隔離那款不太確定是否咖啡??)~~~好好味!! 我竟然揀岩我鍾意吃的, 朱古力及香蕉, MIX埋一齊, 表面有DARK CHOCOLATE片, 上層為軟硬度適中的CREAM餅, 下層是朱古力拖肥慕思, 有點實得來又舔舔地, 中間仲有D香蕉的肉及果醬, 實在是太美味, 很想ENCORE!!!

終於都食到啦!! 次次LUNCH都係咁多人好難得位啊~~~今晚因為要去灣仔看舞台劇, 於是就來排下隊, 一來到嚇倒了以為竟然也排了這麼多人, 但看到其實裡面是有位置的, 那應該是六時才開始放客人入去吃DINNER吧, 不過侍應不夠, 所以夠鐘也要等一下帶位!!入來環境很不錯, 有品味氣質的感覺!! 侍應服務也很有禮及有作介紹, 但就是不太夠人手應該要加一下, 尤其是午市及晚市時間~~~三個人叫了三個餐!!!"南瓜粟米湯"~~~初初聽視應說的名字好像有點怪, 但上桌後第一口喝下竟然兩者這麼MATCH, 南瓜湯幾濃, 加上粟米蓉粒, 而且都幾CREAMY, 頂上混合了少少香草, MIX一起喝能更美味!!!"沙律"~~~蔬菜就鮮, 有椰菜花及雲耳, 幾爽幾特別, 尚算OK~~西餐怎能沒有的麵包, 外脆內軟, 不過我覺得個皮都係硬左少少, 個人喜歡吃軟的, 不過塗自家牛油一起吃算蠻不錯的..."松露忌廉雜菌自家製闊條麵"~~~近來真是愈來愈喜歡黑松露配的食品, 因為真的能帶出香味, 一上桌就能聞到很香的松露味, 加上這個混合了忌廉雜菌, 令比較素的配料也能帶出菇的香味; 而自家麵就煙韌, 而且

一向喜歡呢間嘅食物，尤其係甜品，今日收工經過，心思思去買餅，門口就係甜品櫃，店內燈光昏暗，不過雪櫃有內有燈，唔會睇唔清啲餅，有幾款切餅，自己想試啲特別款（唔想來來去去都係嗰啲味道，比啲驚喜自己）見有一款（Chocolate orange Jaffa Tart」（$32）未試過香橙朱古力味，另外揀一款比肥髀，佢一向鍾意士多啤梨，就揀件「Strawberry Cheesecake 」（$32）叫男店員幫我包起，佢攞個簡潔紙盒裝好兩件餅，無展示就包好，個盒倒梯形幾得意，再加個膠袋就穩陣啲，仲可以八達通比錢，好方便！Chocolate Orange Jaffa Tart:一食已經好鍾意，香滑濃味朱古力忌廉，中間挺身嘅橙味朱古力慕絲，實在又像零食「積及」嘅味道，中間再夾住一件鮮甜多汁鮮橙肉，不過橙肉切唔開，唔可以一啖蛋糕連橙肉，一拉就成條出咗來，撻底鬆脆，容易切開，係外圈比較實，一切就碎！Strawberry cheesecake:芝士餅上面唧忌廉用士多啤梨，賣相好靚，士多啤梨新鮮酸甜爽脆，忌廉好幼滑，唔會過甜！芝士餅挺身，芝士味唔濃，連埋忌廉食，好滑！味道真係唔錯，切餅唔細件，幾抵食（之前試其

Simply Life長期都係我同老公橕檯腳top 3之選!!(*´∀`)~♥舒服的環境, 美味的餐飲, 超好的服務, 合理的價錢!!最大缺點真係要排好q耐隊!!!!!!!!! ((翻桌...(／‵Д′)／~ ╧╧平均等候時間係45mins以上........(╬ﾟдﾟ)有晚去完金鐘event, 路過金鐘廊 竟然比我見到只係得4-5個人等緊位真係諗都唔使諗排啦~真係好快有位!!!!! 勁開心~~佢門口都好大~ 最喜歡它的麵包櫥窗((實不相瞞, 小女好喜歡食麵包XD))內裡一樣都是有點調調的, 空間感不錯, 不會聽到鄰桌傾計聲點了兩個set dinner, 先來了一盤麵包因為Simply Life的麵包都是當日製的, 所以真的好可口呀!! ♥♥♥每次都會被小女ko, 然後就飽了一半=.="""是晚餐湯是南瓜湯呢, 好濃郁的味道, 喜歡!!!!晚餐, 我們點了一份藍芝士漢堡!!!!!!!!!blue cheese超香口, 不過我發覺有d朋友唔係咁喜歡呢個cheese味~d薯條又炸得好食~~~小女非常滿意~~黎多張close up個藍芝士漢堡!!! hahaha!!!!另一款就是松露磨菇濶條

之前只係喺呢度食過午餐同下午茶，今次係第一次喺度食晚餐。今次我地三個女仔叫左3個餐，分別叫左 黑松露醬寬條麵、磨菇雞肉pizza同埋黑鱈魚。+30蚊跟餐有湯/沙律 + iced tea/soft drink .今晚可以選擇粟米湯或者露笋沙律，我地三個都揀左粟米渴同iced tea.  前菜:1)麵包-好硬亦無溫度2)粟米湯-好濃好甜好好味(之前試過薯仔湯都好正)主菜:1)黑松露醬寬條麵-個醬好濃好正😋2)磨菇雞肉pizza-新鮮焗起，個餅底鬆軟好味3)煎黑鱈魚-舊魚好滑，墊底嘅薯蓉好香甜品：1）banana tart - 香蕉落得好重手，仲有啲焦糖醬喺度2) Strawberry cheese cake - 芝士味唔夠濃，但係士多啤梨都夠多又大粒最後埋單600幾，滿足😋但係唔知點解個manager成日走過嚟想收碟，我地未食完㗎喎😒嗰時又多空枱又無人等位，唔通唔夠碟用？

As there is always a long queue outside the restaurant at lunch, I've tried to walk in after 2pm. My strategy worked and I got a seat right the way. I chose fish out of the lunch sets. Nice plating! The fish cooked perfectly and tasted nice with the egg yolk. But the fish was a little bit too salty. As a whole, I enjoyed the food and the environment. Worth a try!

星期六嘅2點半，去到金鐘，見到得4個人排隊，不作他想，便選擇咗入去食個遲來的午餐😄餐湯沒有選擇，只有南瓜湯，B仔同我好鍾意，香濃南瓜味👍，塊🍞麵包外脆內軟，好好味😋B仔爸爸唔飲湯，選擇咗沙律，青瓜加蔬菜，好fresh😄主菜，b仔選擇咗"美國烤春雞"，春雞d肉好滑，外皮佢烤到脆脆，一砌開d雞肉汁流晒出嚟，正👍所以半隻雞好快就被ko了。我就叫咗"松露磨菇忌廉濶條麵"，味道香濃，很多鮮磨菇，又係我必食之選😄B仔爸爸就叫了薄餅，份量係有點大，餅底不太厚，味道香而不油膩，我們3人分來食也食不完😄

退休同事回來的手信啊, 還要是高檔CAKE, 哈哈~~實在太客氣, 只不過是一兩天已掛住大家同事們了!!!D士多啤梨又大又甜啊, 而且芝士餅好FULL啊, 真係吃一件都已經好飽, 芝士味夠濃, 而餅底亦好實, 唔會太散~~藍莓醬好濃唔酸, 而CAKE上的忌廉好滑啊, 芝士蛋糕也是很滑的芝士及蛋香味, 太滿足了!! 大家一齊開心SHARE~~~