Simplylife Bakery Cafe

营业中

休息中

Simplylife 可算是連鎖餐廳中尚算是百吃不厭的一間 標榜簡單飲食的西式餐廳 是與友人聚餐的好落腳點儘管其餐單沒有什麼大變化 也擁有一班固定客源 (包括我) 姐最愛的是其黑松露醬蘑菇芝士麵條 ($150左右連加一)黑松露醬的香縈繞麵條 絲絲入扣 (好啦 說得有點誇張 但對黑松露醬及吃素粉絲們 真的會很愛透這麵食) 此外 其麵包也是不賴 很天然的感覺 簡單塗上牛油就已經不錯 另外友人點了個魚柳漢堡份量挺大的 驟眼看來魚柳還真的炸得不錯下次可得試試

大家試過喺間餐廳搵到三個以上對客人凶神惡煞，呼呼喝喝好冇禮貌嘅侍應未？呢間咁嘅餐廳竟然出現係金鐘呢啲咁高級嘅地方，仲要收費不菲，講你都唔信，呢啲咪就係揞住良心去欺負衣食父母，人品人格心地完全＂下欄＂的地方，close noodle 入面仲有咁多正面評論，真係有古怪朋友係都話要食呢一間，我入去嗰陣時見冇乜人排隊，就知呢間鋪頭嘅生意大不如前，空穴來風未必無因。原來我嘅朋友已經坐低叫咗一碟沙律食，我就食嗰啲沙律，發覺啲醬汁太少，凱撒沙律乾淨淨，除咗份量之外一無是處。之後我就叫咗一個高瘦，個樣似＂追蟲＂嚐好的中年男人過嚟寫單，我點緊菜嘅時候佢好冇禮貌咁話＂你哋係share還是逐個叫＂，因為佢啲語氣實在太差，我就好勞氣同佢講＂關你乜嘢事，落你個單＂佢就開始發狂罵＂點解唔關我事＂，我就好勞氣同佢講頭先個friend叫咗啲沙律，而家我哋叫三個餐都總共叫四樣野，而且你又冇最低消費，口犬什麼！佢就推搪話咁樣方便佢安排擺嘢，我就話我哋四個人你就比張細到不得了嘅圓枱我哋，仲有乜嘢安排可言。我就叫佢快啲離開叫第二人個落單，之後佢就開始大發雷霆，喺度大叫話佢唔會走，話＂你唔好講野住你要聽我講，我要搞清楚⋯＂語氣

先說服務，每個員工都好像三年沒有出糧，剛等著入座就冷冷的對你說只有一個小時的用餐時間，香港各大茶餐廳的服務一定比他們更好。是日星期六我們來到點了午餐兩款，有牛油果漢堡包及fish and chips, fish and chips 炸漿極厚，魚亦沒有鮮味，薯條的味道亦很一般般。漢堡包方面，麵包較硬，味道亦強差人意。唯一可取的是蛋糕，我們點選了士多啤梨芝士蛋糕，味道不太甜，只是分量亦很少。如沒有必要，以後不會再來。

約左朋友lunch time簡左呢間simplylife,金鐘一到lunch time就好多人搵食，呢間都唔弱，lunch time時間好多人排隊，等左差唔多半個鐘先入座，叫左兩個set lunch,先黎左湯同沙律湯味道一般沙律味道偏酸，另外主菜簡左牛burger同埋煎鰽魚，牛肉唔夠juice,偏乾反而鰽魚唔錯，連配菜都好食，特別係薯仔，非常好味，雖然非常多人排隊，但以金鐘呢講，呢間都算係價錢合理而坐得舒服

打去問夜晚有冇得book位 個女仔D態度挖到死 「我地冇得book ga wor」我唔該完 就直接俾佢cut 線 去食飯 個個黑口黑面 上餐 同佢地點點頭唔該 都零回應當然不是要你笑得如何燦爛但是點個頭 回應下客人都得卦 食物同環境一直有水準但係服務態度真係差

HAPPY MONDAY!!因為星期二公眾假期，星期一突然變得好興奮，LUNCH都要食D!今日一行4人諗住去食SIMPLY LIFE，點知勁多人等位，最後等左半個鐘有多先入到去，平時都係等15分鐘左右，今日真係好多人。LUNCH SET $108 加一 有主菜有湯有野飲，我地每次都會叫SET，因為湯同埋杯ICED TEA都好正。我地叫左4個餐一齊SHARE食，以前仲有PIZZA仲正，而家冇左LU!!餐湯係南瓜湯，真係好正架，配埋個硬硬地既法包一流!!凱撒沙律 烚蛋 沙律菜極級新鮮，又多，沙律醬多，已經幫你撈左，唔係就咁亂咁唧係上面!!烚蛋係流心蛋黎架!!!好正!!自己一個叫既話就會好DRY 囉，但SHARE食就會好好多。冬蔭海鮮有機糙米飯材料豐富!!口感無敵!!配料方面海鮮有八爪魚，蝦，蜆，其他有洋蔥，茄子，個汁有小小油，味道偏咸，因為好多汁，如果汁少啲或者飯多返啲平衡返就會好好，味道好野味，辣辣地。西餐廳都可以煮到咁特別既冬蔭味!!不錯!!車打芝士煙肉牛肉漢堡呢個差唔多每次黎都會有人點既漢堡!!因為個薯條真係好好味!!!又係自己一個食會好HEAVY，但一齊SHARE每人食小小就冇咁熱

星期日做完瑜珈好肚餓，金鐘能食好d但價錢合理有質素simplylife係首選。 中午12點前唔洗等即係有位🙊可能星期日比較忙，員工都無乜笑容🤭點咗兩個午餐各$138，各要沙律同南瓜濃湯配麵包，首先塊麵包打直企喺小碟，傳到黎一放低，塊麵包好自然瞓低跌落檯面，再送湯黎塊麵包真企唔穩成塊跌落地，好彩員工都拿拿聲去廚房夾塊新俾我，速度都好快。南瓜濃湯好滾好濃，仲有南瓜籽咬下，好好味又好有誠意。剛飲完湯，意粉馬上送到，我好buy可能因為我好肚餓唔想等太耐。意粉個汁好濃好有磨茹同黑松露味好正，手工製意粉好彈牙又有飽肚感😋 無幾耐，牛油果牛肉漢堡都黎到，牛油果醬好新鮮，漢堡好厚好有肉汁，塊芝士溶透喺漢堡上面，味道好有層次，不過塊包有d油... 整體黎講好滿意，唔搞得排隊都要食，原來係值得，但服務質素有改善空間

之前有朋友介紹過呢一間幾好食🧐 之後就跟風去咗啦😳😳咁去嗰陣係夜晚黎 佢係有唔同既set比你嗌既🧐🧐咁自己同朋友分別就嗌咗👇🏻美國安格斯肉眼扒🥩烤蘑菇忌廉手製汁闊條麵🍝-首先講下個肉眼扒先啦！自己覺得佢個扒煎得太老 明明已經嗌咗五成熟。。。 但都係勁韌 而點薯條個汁係幾好食嘅但以牛扒黎講 整體感覺一般🤢🤢-而個白汁闊條麵🍝🍝 都係覺得一般 唔算入味 份量亦比較細以佢地店既價錢黎講有小小唔抵-而我哋每人都加左＄30要個湯🌝個湯入邊有好多飯粒 似食緊粥 🌚唔難食嘅不過有啲唔慣 但如無意外都唔會黎🤷🏻‍♀️🤷🏻‍♀️-評分:6/10價錢:人均$250-300

今日下午有個大概半個鍾既等人時間，就諗住坐低食少少野。三點幾四點呢個鐘數，唔係幾多人，可以好好享受下個環境。嗌左個蕃茄吞拿魚包同無花果蛋糕做下午茶。蕃茄吞拿魚包💁🏻‍♀️其實我expect佢係會叮翻熱既，但係佢並沒有。包有點油，但面個塊🍅蕃茄幾好味，包內吞拿肉都好好食，但個人覺得可以再多啲，比較大食😛無花果蛋糕💁🏻‍♀️佢好似有個正確既名但我已經唔記得喇好少見到有蛋糕係用無花果整。🌸粉色系睇到都覺得開心，蛋糕都好鬆軟，食落有淡淡既無花果味，又唔會太甜，我最怕甜架喇🙈///Simply Life 都好少會令人失望🤓希望未來有時間再試多啲唔同既野啦😋

餐廳喺金鐘Lab Concept內，開放式佈局的西餐廳。週日喺附近返學，中午同幾位同學出來醫肚。根據同學的經驗，呢間西餐廳唔驶等太耐，於是直接殺過去，果然十分鐘後有位。店員好快递上brunch menu, 我哋亦好快决定食咩，以便快快脆脆返去上堂。落完order唔驶十分鐘，套餐陸續上齊。餐湯係羅宋湯，够酸够熱。面包略為遜色，皮唔够脆。糙米飯汁幾香，米煮得幾透，所以唔會對胃造成過大負擔。魚皮煎得幾脆，魚肉略“鞋”。嘢飲全部係凍飲，選擇唔多，仲要冇咖啡，有些失望。套餐一百三十八元一份，加服務費，人均一百五十元，尚算合理。

  Simply life平日lunch time真係超級多人等位，好在有同事可以早d去排隊攞位，大約排左半個鐘頭，就可以入座啦！Lunch係＄98，加錢飲湯有包同飲品，先黎左個羅宋湯，羅宋湯好好味，面頭好似仲有啲牛油咁，加埋湯一齊變得好滑，個包雖然比較硬，但係其實麵包皮硬，但入面係好軟熟，放入羅宋湯中味道更好！我叫左個All day breakfast，腸仔係法曲克福腸，煎既時候可能用好多油，條腸食落比較多油。蛋炒得好滑又香，特別既係煙肉，煙肉邊係脆卜卜架！有d似豬肉紙既感覺！呢個all day breakfast算係我食過比較好食的！食飽飽仲有杯Ice Tea，黎返個少冰！正呀！  

🐢🍯🈷️聚又嚟喇❗️❗️❗️今次嚟左 SimplyLife 係銅鑼灣分店嘅 一人一個餐是通識吧 分別點了燒美國安格斯肉眼扒(10oz)🍴🐮🥩 凱撒沙律配雞肉烚蛋🥚🥗 美國自然穀飼豬扒🍴🐷🥩蟹肉雜菜沙律配花生芝麻醬🦀🥗🍴🐮🥩煎得剛剛好 切開係粉紅色 肉質嫰滑 唔韌喎 仲有薯條 雖然唔係粗薯 但哩款鼠尾草炸薯條真心好食 食唔停口呀👍🏽😝🥚雞肉🥗 哩款菜係好食嘅 好爽 真係索索聲 仲有麵包粒 都幾脆 烚蛋係流心架 正喔☺️😍 仲🈶️🧀唔係碎上 一塊塊嘅 正😄😀🍴🐷🥩嘅伴菜有奶油瓜蓉 牛油松子同埋🧀 扒類燒得幾好 一啖肉一啖瓜蓉係幾夾嘅 仲有哩款🧀係自家製意式宇青🧀 所以有別於其他的 好Cheesy呀哈哈 夾埋肉食又有不同的味道效果😝😋真係好好好食 推介❗️❗️❗️🦀🥗份量真係好多 有火箭菜 西生菜等等 🦀肉份量正常 反而花生芝麻醬味道不鐘 同🥗配合完美 值得一試喔😉😉整體嚟講 性價比高 但服務水平比食物水平低🙈🙊

原本只係同一個朋友交收隻杯，變左姊妹飯聚。好日唔過海，要就另一個朋友食完要繼續開工，係附近食可以傾耐少少計。坐低開始限時90分，我們4人，原本俾一張圓枱。。。。張枱細到呢，送兩碟野就擺滿啦。唔要，叫佢俾張正常枱。叫左3樣野配餐落完order就即刻上左包包俾我地食住先，唔暖，少少失望，外硬內軟跟住上湯同沙律，冇特別主菜到牛肉漢堡幾juicy，不錯好香菇味。有位朋友唔食菇，嗌果陣以為只係有菇片，原來成個汁都係菇，佢剩係食左舊雞😅。醋漬菇菌就麻麻地，酸左d因為我唔食太生，就我，7成熟，ok。蘆筍，好食！栗子香梨（前），無花果（後）唔知點解，無花果連忌廉一齊食，好似士多啤梨（一個第一次食新鮮無花果嘅朋友講，聽完自己再食就有同感了），係差士多啤梨嘅香味最後我地係度high住咁自拍嘅時候，待應哥哥出手幫我地，仲換位再影👍🏻我地行出門口左望右望咁搵廁所（我肯定我地講得好細聲），果個待應哥哥出黎問我地係咪搵廁所。我地即刻諗係咪自己塊面寫住個 “急”字😂😂😂本身對佢安排圓枱幾不滿（雖然佢肯俾我地換，但唔係滿座又點解要咁安排），最尾服務咁好，就加返佢分啦

繼上次聖誕節之後，第三次黎金鐘店。室內設計和其他分店一樣，但金鐘店內有玫瑰花做裝飾晚餐menu 要加錢先有餐湯/沙律配飲品。兩個人share，我地只係加左一份set! 前菜有兩款不同的包，份量十足。 黑麥法包，另一個係軟熟既麵包同法包有好大對比daily soup係我最愛既蕃茄湯，裡面有小蕃茄同芝士主菜之一，龍蝦汁虎蝦手製意粉。虎蝦只係有一隻，燒得好香口 肉質鮮美夠爽另外有4-6粒蝦，睇落係冰鮮蝦以為會係假爽口既口感。點知蝦不可貌相😂，肉質拍得住鮮蝦口感另一期待主菜，燒春雞外皮香脆。用香草醃好再加上底層配菜（車里茄，紅椒和西班牙辣肉腸）一齊食夠惹味

食burger而我又唔食得牛嘅時候，chicken burger就係我首選。但呢度嘅chicken burger件雞扒煮得太鞋喇影響成個口感。不過其實除左個雞扒要挑剔之外，其他都好唔錯。例如芝士夠溶（即係個包夠熱）、蘑菇亦好大件（中和到成個包嘅油膩感）。薯條都好好味，炸得夠脆。配埋西柚紅茶，nice lunch!!