影片
更多
2018-07-03
869 浏览
大家試過喺間餐廳搵到三個以上對客人凶神惡煞，呼呼喝喝好冇禮貌嘅侍應未？呢間咁嘅餐廳竟然出現係金鐘呢啲咁高級嘅地方，仲要收費不菲，講你都唔信，呢啲咪就係揞住良心去欺負衣食父母，人品人格心地完全＂下欄＂的地方，close noodle 入面仲有咁多正面評論，真係有古怪朋友係都話要食呢一間，我入去嗰陣時見冇乜人排隊，就知呢間鋪頭嘅生意大不如前，空穴來風未必無因。原來我嘅朋友已經坐低叫咗一碟沙律食，我就食嗰啲沙律，發覺啲醬汁太少，凱撒沙律乾淨淨，除咗份量之外一無是處。之後我就叫咗一個高瘦，個樣似＂追蟲＂嚐好的中年男人過嚟寫單，我點緊菜嘅時候佢好冇禮貌咁話＂你哋係share還是逐個叫＂，因為佢啲語氣實在太差，我就好勞氣同佢講＂關你乜嘢事，落你個單＂佢就開始發狂罵＂點解唔關我事＂，我就好勞氣同佢講頭先個friend叫咗啲沙律，而家我哋叫三個餐都總共叫四樣野，而且你又冇最低消費，口犬什麼！佢就推搪話咁樣方便佢安排擺嘢，我就話我哋四個人你就比張細到不得了嘅圓枱我哋，仲有乜嘢安排可言。我就叫佢快啲離開叫第二人個落單，之後佢就開始大發雷霆，喺度大叫話佢唔會走，話＂你唔好講野住你要聽我講，我要搞清楚⋯＂語氣
朋友係都話要食呢一間，我入去嗰陣時見冇乜人排隊，就知呢間鋪頭嘅生意大不如前，空穴來風未必無因。原來我嘅朋友已經坐低叫咗一碟沙律食，我就食嗰啲沙律，發覺啲醬汁太少，凱撒沙律乾淨淨，除咗份量之外一無是處。之後我就叫咗一個高瘦，個樣似＂追蟲＂嚐好的中年男人過嚟寫單，我點緊菜嘅時候佢好冇禮貌咁話＂你哋係share還是逐個叫＂，因為佢啲語氣實在太差，我就好勞氣同佢講＂關你乜嘢事，落你個單＂
佢就開始發狂罵＂點解唔關我事＂，我就好勞氣同佢講頭先個friend叫咗啲沙律，而家我哋叫三個餐都總共叫四樣野，而且你又冇最低消費，口犬什麼！佢就推搪話咁樣方便佢安排擺嘢，我就話我哋四個人你就比張細到不得了嘅圓枱我哋，仲有乜嘢安排可言。我就叫佢快啲離開叫第二人個落單，之後佢就開始大發雷霆，喺度大叫話佢唔會走，話＂你唔好講野住你要聽我講，我要搞清楚⋯＂語氣係十分兇惡和冇禮貌，我話＂即刻收聲，冇大冇細，我來食嘢唔係聽你唱走音歌，即刻走＂，再指責佢啲行為比一些社團人士不如，命令佢唔好似啲細路女咁𨂽地大叫，失禮街坊！之後佢竟然話我有責任聽佢講，我就話＂我過嚟俾錢要負責任？你知唔知你講緊啲乜嘢大逆不道，污糟邋遢嘅說話！本座俾錢你還受你氣？你細個嗰陣時父母比零用錢你係咪咁樣對你父母？你學習能力是否有問題？你即刻離開！＂因為我惡過佢，佢就好無奈咁走咗，之後我想去第二度食，朋友勸我留下才冇離開，之後就叫個女侍應落單。我在她面前查詢為什麼嗰個物體非常冇禮貌。對面枱個兩公婆亦因事要求嗰個四眼男唔好同佢地落單！嗰個女侍應話四眼男係餐廳經理喎，哈哈呢啲咁嘅劉文竟然係餐廳經理！唔怪得知間餐廳亂過上海法租界！我哋對駡期間其他食客竟然冇反應，唯一結論就係間餐廳設計太差，環境太嘈！我本來都要走，但啲朋友繼續話留喺度食，我都唔明呢間嘅有乜嘢魔力吸引到啲人神魂顛倒！
食到中間時候，我的朋友叫一個有馬尾嘅少女斟水，仲話叫咗好多次都冇人理浸水，馬尾女侍應串我朋友話＂你之前叫第二個斟，你投訴關我咩事？＂呢啲經理訓練出嚟嘅人真係籌硬出籌草！
講番啲食物，我個朋友碟意粉份量又細，啲粉又硬，醬汁又小，簡直係＂拉扱＂，我另外一個朋友個牛肉漢堡啲牛肉完全冇調味，一食散開，腥到不得了，我叫嘅春雞叫做似番啲樣，但係點解佢轉左煮法用大量蕃茄醬汁去煮？應該係啲雞越嚟越唔新鮮，要用重味蓋過雪味。我之後聽見有個身材肥胖的男士侍應係我後面講乜嘢打你呀，我就對空氣冷笑一聲＂我食左十年夜粥，哈真係好驚呀！＂我唔知嗰個肥侍應係同佢相熟嘅男客人喺度打情罵俏還是對住我講，我真係驚佢⋯⋯老鼠。就算唔係對住我講都冇理由一個侍應喺度騷擾食客，簡直罪無可恕，＂籌硬出籌草＂，如果真係對住我講就是嚴重行為，但亦難以追查真相
本座之後打電話去某大集團批評佢哋嘅管理質素，嗰個負責人同我保證會嚴厲跟進及為該店員工培訓，但睇返其他人嘅評語，就知員工服務一樣差，店舖經理及侍應繼續欺負食客。一個月後經過該拉扱店門口，見到一男士要進入該舖，他老婆抿他出來話simplylife 又惡又貴又細碟。那時七點半門口冇人排，該店人氣大不如前，門可羅雀，一分錢百份一分貨
Simplylife 就一間環境嘈吵過街市，光線昏暗，枱又細，麵包又硬，餐具亂放，餐牌勁污糟，食物超細碟，野又超級難食，人又凶神惡煞嘅一無是處餐廳，大家去過第二度食好過，simplylife 應改名叫worthless life更貼切呢間冇用嘅餐廳
法國燒春雞
$180
45 浏览
0 赞好
0 留言
张贴
