Simplylife Bakery Cafe

营业中

休息中

中秋出街食飯 諗住避開d中餐廳會少人d 點知都係咁多人 一早係個app度攞咗位就等左30分鐘 今次第一次喺simplylife食晚餐 平時都有食過lunch嘅 晚餐選擇都好多 +$30 可配餐湯/沙律&果茶 我地叫左個意粉同牛扒 餐包係附送嘅 不過凍左 另外嗰杯果茶呢 送到黎呢佢話冇飲管 但係就唔知用啲乜嘢去dok嗰個西柚 所以呢就問咗店員有冇啲可以攞嚟dok嘅嘢最後佢都係有拎返支飲管出嚟 其實都有啲多此一舉其實每張枱都擺支飲管咪得囉

近期很喜歡到這店購買外賣的麵包，款式多味道香，但就已有一段時間冇到這店用餐了，前晚我order了一個$138的車打芝士煙肉牛肉漢堡，水準不大如前，送到檯時只有薯條是熱的，但麵包是深啡色近乎黑色的，感覺有啲焗得過火，但整個麵包是室溫，包內的芝士已凝固，而最重要的漢堡扒亦是室溫，很乾及很硬，我食左半個漢堡包時感覺到成個晚餐都係廚師的失敗製成品，冇理由廚師會不知道，但仍然將呢個餐交到客人檯上真是過份，由於我已經冇哂食欲，所以我覺得要向侍應反映呢個問題，而侍應聽完之後，樣子的反應是覺得我為難佢，覺得我是想要求換另一碟野食，我亦即時重申我冇要求換野食，只是想反映食物有什麼問題及水準下降，而侍應只是簡單回覆會向上司反映了吧！結帳時亦沒有就我提出的意見再次作出回應，感覺這間店職員並不積極處理問題，我很失望所以離開時我亦沒有購買外賣麵包了。

Finally my favourite salad in town is back!! Crabmeat and vegetable salad, peanut sesame dressing. There is now a very good reason to visit Simply Life again!

其實Simplylife 都無需要多介紹食過好多款食物都幾好食，例如 burger, cheese tart 等等就不多作介紹今日下午想同朋友慶祝生日就食個Simplylife lunch先去睇戲因為個人比較鐘意食菇嘅意粉/risotto 所以就點咗午餐嘅菇醬手工闊條麵首先佢嘅賣相真係完全想像唔到佢值呢個price tag...再試一啖發現真係從來無食過咁伏嘅菇意粉佢個sauce同金X罐頭湯未加水煮前無分別🤢伴碟嘅雞胸係一件撕開成3舊，用pesto煎平時我都幾鐘意食，但係今日呢件雞胸又乾又有種怪味，完全唔係平時pesto嘅香味另一個配菜聲稱係醃漬蔬菜，原來係醃菇同個意粉嘅味道完全唔夾....食完呢餐我諗我應該短期內都唔會再拜會Simplylife....沙田新城市呢個價位大把好選擇🤦🏻‍♀️

星期日，放低老公同仔仔起屋企。約左閏密去睇戲，睇戲前去醫下肚先。見到有早餐set, 好抵甘喎。一個自選酥，加杯咖啡。熱飲$14,凍飲$19。我食左個香蕉丹麥酥+拖肥凍咖啡。拖肥5太甜。香蕉丹麥酥好香。加埋個set都係$35.好平。食物好食過大型cafe 店多多聲。可以再食。好抵食😍😍

難得同我既小情人撐枱腳, 搵左間感覺舒服既餐廳食下~Dinner 6:00pm開始, 企左一陣就有staff安排入座.餐廳既style都幾簡約, 感覺幾文青風.等入去期間, 見到好多人買佢地既麵包,企左一陣已經賣左好多, 我見佢D pastry同牛角包都幾吸引!有機會要試下!Dinner menu, 都有好多選擇,有沙律, 有意粉, 有burger...落完order, 每枱都會serve餐包我地叫左2個main course, 加左一個set, 有湯同Iced Tea.個湯好有口感, 有好多蘑菇粒粒, 不錯!Iced Tea, 有幾舊西柚, 飲落去有DD似花茶既味道.哥達芝士大蘑菇雞肉漢堡, 有拉絲cheese, 好邪惡, 哈哈~不過就略嫌埋雞肉(其實係肉餅)有D dry..松露忌廉雜菌手製闊條麵 , 一上枱就聞到好香~而且食落唔會太cream好濟咁.佢D甜品都好吸引, 仲有好多款式tim呀! 正!

今日放年假，舊同事約我食下午茶一來聚舊二來幫我慶祝生日♥️我地4點到餐廳，唔可以攞飛！所以要排隊等位，但可能都快完下午茶時段，所以都唔算等太耐位～下午茶餐：墨西哥餅配雞肉（$55）哩款菜式係外國非常流行，就係一大塊tortilla內加雞肉、jalapeños及其他蔬菜對折再烘一下，亦係比較健康既街外飲食選擇，雖然配有薯條🍟😂自家蛋糕：藍莓芝士塔（$55）同事請我食既蛋糕～哈藍莓非常甜～上面既cream唔會太膩，而且塔底都幾脆整體體驗滿意，但係5:30完下午茶餐，所以被餐廳「趕」😂

在沙田工作，最近發覺被香噴噴的麭包味吸引而發覺Simply life 原來在大概七點半左右開鋪，而且仲可以加$14蚊飲咖啡！麵包好新鮮，剛出爐、仲有三文治又係新鮮包裝，再加一杯咖啡，便是一天的好開始！麵包由$11至$16蚊不等，三文治$20！以後每天都會有一個愉快開心的開始!

聽完講座，又未到晚飯時間，咁就去買件蛋糕食下啦。本來都唸住舒服d,坐底食個下午茶架，點知，5點多已經過左下午茶時間，咁就決定外賣再搵個位置坐坐。當時款式唔太多選擇，拿破崙有三款，切餅有兩款，撻相對較多，有5款，不過這次係為蛋糕而來的，還好，都有我想食既其中一款。就是這個，焦糖雲呢拿蛋糕，初時還以為焦糖只有表面一層，原來中間也是焦糖呢最底層似是朱古力脆餅，第一啖食落，不算甜，有少許焦糖味，感覺不錯的。口感有三種層次，表面的似啫喱，之後便是蛋糕，但吃不出是雲呢拿味，似是普通蛋糕。最底就是脆餅。整體而言，這件切餅是不錯的

simplylife 數間分店都食過，當然沙田呢間都不例外，以前食開都好地地，但晤知今日再食，質素可以跌左咁多既，非常失望！湯就正常，但野飲（凍生果茶）勁難飲，味道極怪，好似有洗潔精味，一種似香不是香，但之前飲從不是咁既味，又似系果皮洗唔乾淨的味，不過同侍應講過，佢即刻同我換左。主食揀左海鱸魚餐，結果海鱸魚有陣腥味，真系接受晤到！食左一啖即刻叫侍應過來，野飲有事，野食又有事，已經唔好意思再同侍應講了，不過都要繼續食架啦，所以疑惑左幾分鐘，最後都系叫左侍應轉另一個餐，其他分店成日食呢個餐，呢間店亦都來過，可惜今天令人大失所望！點解變得咁差！（冇影到鱸魚餐，因為安排左轉第二樣）轉左魚柳他他汁漢堡，等左好耐...千呼萬喚始出來...薯條十分冧！勁冧！超級冧！重要野講三次！唉！算了！今次真的唔可以再同侍應講了！再講既話仲以為我系來專登搞事添！我都不好意思了！魚柳他他汁漢堡就正常。極失望的一餐！慘過在門口買個面包外賣拎走！

Simply life一向價錢中規中矩 而食物質素唔差 環境燈光不錯 唯獨是枱細咗啲佢啲嘢食都幾大碟 呢碟名為紅酒慢煮肉碎扁意粉望落去好似冇乜餡 事實都係咁 但食落去啲麵質唔差 好有質感 上面呢碟兩個人食剛剛好 一個人吃有點full呢個看似意大利粉但其實係冬陰公大頭蝦糙米飯 想像唔到用冬陰公原來可以咁煮法 不過食落去都幾辣 適合喜歡吃辣的朋友呢杯看似凍檸茶嘅嘢其實叫水果茶 有兩啟橙係杯水果茶度 由於本人唔好凍飲 佢竟然跟餐為ice T可以走冰😂😂 當然走左冰 仲好飲呢個係跟餐 由於我太夜去 餅房都閂左 希望下次可以試埋佢d 蛋糕

呢間嘢開咗幾年，每日都好多人排隊，吸引我係晚餐時段，途人可以望到厨房燒牛扒，睇見流口水！排過一次晚餐，等等下唔對路走人。午餐少人排試過一次，食物好普通，而且無晚上供應嘅牛扒，大失所望！ 今日竟然無乜人排隊，即有枱，可能我成8點至嚟！招呼幾好嘅，尤其年青唔係深色衫嗰啲，精精神神有heart果款，深色衫都勤力，不過感覺佢哋無乜神彩！整間餐廳有表面高貴嘅感覺發覺呢度水都唔比杯人嘅，跟餐我要紅酒，杯酒细定我口大，好快飲完，水又無……所以問個四眼高哥哥叫一杯红酒幾錢，跟住見佢攪下手上部機，然後話只有跟餐果種，即係要杯红酒跟手要埋湯同沙律？？？知佢新新地，所以無再問！ 隔一陣有個深色衫细细粒嘅中年男性經過，佢幫旁邊客人點菜，我示意有需要，佢示意轉頭處理我，人地兩下點完佢就行咗去？？佢又再返嚟呢區嘅，亦同我有眼神接觸，不過佢即兜路行開！？！？！因為太口喝，有一位妹妹經過，我問可唔可以單點杯红酒，佢都係唔清楚，不過佢去問，轉頭同我講可以。 最可貴刚才四眼高哥哥過嚟話唔好意思，有交帶，有禮貌呢兩個年青人真好！ 唔似深色矮小那位只做到表面，實質hea不過單點嘅红酒都係细细杯....是日叫三個餐:1) 牛扒

Went there the first time for lunch alone as the queue seemed not long but it still took me 20 mins before I was seated. I wondered where those customers came up. The service was crazily disappointing. I ordered hot lemon tea and it came along with a nicely looking Cup set with a stirring spoon but the spoon was obviously unwashed as you can see coffee on the spoon, not even coffee stained. It's still dripping if you take the spoon up. The soup was just fair and the piece of bread was horrible.

滿心期待等到三點的下午茶時間我與老婆點了 牛油果漢堡 以及車打芝士漢堡副餐 薯條是冷的不說 兩個餐都是漢堡肉本身偏鹹 肉的份量是挺ok的倒是漢堡包本身的包挺好吃的車打芝士漢堡的培根是冷的以及硬的不說我還以為是肉乾 又硬又難吃漢堡 有三個要素 麵包 配菜 肉餡當漢堡只有漢堡麵包好吃的時候那我乾脆去買包吃就好啦 浪費我時間排隊再也不來了 55元買一個教訓只有果茶好喝 好慘結論 如果只是路過想嚐嚐我覺得可以如果是專程來的 我就建議你 可以去別家這種水準的店 香港很多

前天往沙田新城市廣場的Movie Town 看侏羅紀世界—迷失國度，戲院裝修了六年，是新界區最大的電影院，剛開幕。我們看下午埸，所以先吃午餐，因時間稍趕，簡簡單單就選了附近Simlylife Cafe。餐廳設在一期地下，半開放式，很有格調。我們去到已過中午，等了十分鐘左右就可入座，檯細細張，坐滿人，迫迫夾夾。午市套餐有十多款，主菜連一杯冰茶$92，加$10可配沙律或湯。外子選了燒雞塊野菌闊條麵及蕃茄湯，燒雞塊有香草味，但乾而「鞋」口，闊條麵軟硬度適中彈牙，配上特製烤蘑菇忌廉汁，很美味。我選了燒海鱸魚及沙律。鱸魚皮微香脆，肉卻烤乾實了，反而伴碟的烤薯，鹹鹹香香，很好吃。最值得高興的是菜上得很快，我們吃飽還可慢慢歎完杯茶才入場睇戲！