Simplylife Bakery Cafe

营业中

休息中

今天2個人又來食午餐，坐了半個鐘，只放下一個沙律頭盤，麵包缺牛油. 追回一個湯，之後就什麼也沒來，最後火都來才追到所有食物，唉！沒有下次了。待應的態度非常差，追問食物上台，黑面是一定，不答一聲掉頭就走

#Simplylife Bakery Cafe環境同食物都處於中上水平環境方面餐廳環境偏暗令人容易放鬆亦更有情調。個人認為係一間好適合情侶慶祝紀念日又或者偶爾想食一餐好既既餐廳。而且唔太貴所以唔會心痛。值得一題係餐具都好精美，會令人食得更開心。#餐湯 是日係甘筍湯 濃郁嘅 #餐飲 冰茶帶少少澀味但都ok#餐包 屬於法國硬包 外層好硬應該係預你浸湯食#燒美國安格斯肉眼牛扒 鼠尾草炸薯條 燒蘆筍 伯納西醬汁($208 +$30變set有包有湯有餐飲)薯條🍟外脆內軟加埋個醬(似蛋黃醬)會食完一條又一條。蘆筍好大條而且好清甜同爽口。肉眼扒好大塊係夠分量既，燒完既坑紋好靚亦有鎖住肉汁，食既時候牛肉味因爲係肉眼所以唔重但肉質淋。🌟重點係唔韌🌟需知道比simply更貴既餐廳塊扒都可以係咬唔開既。#白酒煮蜆辣肉腸手製意大利粉 ($138+$30變set有包有湯有餐飲)第一次食手工製意大利粉，覺得好值得一試。麵條比平時食到嘅意大利粉煙韌同厚身小小而且更加有口感。新鮮意大利粉做到更掛汁既效果。蜆同辣肉腸一向都係意粉好朋友，所以係意料中既好味。#車打芝士煙肉牛肉漢堡 ($138+$30變set有包有湯有餐

今日放假冇嘢，起身就決定走去Simplylife食個brunch。頭盤可以揀沙律或者餐湯，再配一件法包。法包可以添，啱哂一d大食既朋友。主菜揀左啤酒脆醬炸青衣魚柳，伴碟仲有薯條同柑橘椰菜絲沙律。魚柳超過20cm長，食落有少少既啤酒味。柑橘椰菜絲沙津有好濃既橙味，大大減低薯條同魚柳既膩感餐飲可以揀果茶 或者白酒，白酒配魚柳就恰到好處。

第一次去呢間分店食下午茶，未食已經得到聞名已久嘅黑面無禮矮仔經理呼喝招呼我地，食物質素一般，漢堡包嘅面整到過咗火有燶味，薯條凍的硬的不脆。幸好其他職員親切有善，尤其是一位身形高高瘦瘦外貌討好嘅男侍應，好有禮，唔明點解同一間店個分別係咁大！！！仲有啲布藝椅子有好多污跡頗嘔心！！

係沙田睇完戲就搵間餐廳食晚餐，見到呢間餐廳都有條小人龍，本身又有想食西餐，於是就排埋一坐。唔洗排好耐就有位，叫咗份肉眼排食，都要成200幾蚊，飲嘢仲要再加錢，都算頗貴。不過嘢食嚟到都果然唔錯，肉眼鮮嫩多汁，不過我最鐘意嘅都係佢個著條，好脆口同好鍾意佢個調味。餐廳個環境都幾好，可以悠閒過個夜晚。

大年初一睇完早場，到隔離的simplylife等午餐，午餐11點開始。 我地三個人點兩個餐，加甜品一件，大概有八成飽南瓜湯配法包沙律出色漢堡的薯條較少漢堡味道一如以往好面條好味，自家製的感覺138$加一，餐飲可選紅酒，白酒。

如果一大班人假日晚上，喺沙田新城市廣場搵地方食晚飯，真是一件不容易的事情！因為有老有嫩，所以早點吃。大家決定6:00pm去到Simplylife, 原來餐廳6:00pm先開始晩市，餐廳不設任何留枱服務，如果想食最好乖乖6:00pm前到達排隊。10分鐘前已經到達，條隊都唔短！地方勝在夠大，所以唔怕無位，大約10分鐘左右就可以安排到座位，都算快！晚餐大約有十幾款可以選擇，有沙拉、豬、牛、魚及意粉等等，任君選擇！份量也不少！如果加$30可以有前菜或餐湯及𣲙茶，或加$45可以飲餐酒。

一行三人今晚來到沙田新城市廣場的Simply Life 吃晚餐。因今天是星期一晚，顧客不太多，所以即時便可入座。看過晚餐的餐牌後，我們各人叫了一款食品。先上枱的西餐飽非常吸引，揸上牛油，味道更美。美國自然穀侗豬扒 （$208）來至美國的自然榖侗豬扒大約有一吋厚，但好容易便可切開，吃起來非常淋滑美味。伴碟的有滑溜的奶油南瓜蓉 、惹味爽囗的牛油松子和自家製意式乳清芝士。用這些伴菜配豬扒來吃，濃淡味俱全，是絕配。忌廉蛋汁煙肉手製意大利麵 （$118）這手製圓圓的意大利麵是彈牙的，配了一個忌廉蛋汁，頗為滑溜；再加了惹味的煙肉，點綴了整碟意粉的味道。茄香燒虎蝦手製扭紋粉($138)手製扭紋粉吃落有口感且煙韌，非常飽肚。放在粉上正中的虎蝦燒得恰到好處，味道鮮甜；其他的小蝦已剝了蝦殼，食起來的時候較為容易。整碟菜配了一個惹味茄汁，令人胃口大增！是晚的餐湯和飲品亦算滿意。

狗年年卅晚早上同阿女睇完戲，喺附近食lunch，呢排食咗好多賀年糕點，今次要搵西餐吃。室內環境擺設有心思，Brunch set 可以揀餐湯或沙律，我們都揀咗餐湯。先來餐湯配麵包，呢度嘅法包都真係好好食，配牛油更可口，今日餐湯係香濃蘑菇忌廉湯，落咗藜麥，美味且健康。牛油果醬牛肉漢堡，這一個情況係要用刀叉吧，配了一些酸酸哋的紅洋蔥及脆炸薯條，多重口味嘅享受。牛油果醬唔算多，塊車打芝士溶咗喺漢堡牛肉面，仲有蕃茄生菜。辣茄汁海鮮手製扁意粉，一食落口就知道堅係手製意粉，彈牙有口感，材料包括蝦、蜆、魷魚鬚及連皮魚柳，魚柳煎得好香口，這個辣茄汁愈食愈辣，唔食得辣嘅朋友要諗清楚。橙冰茶，味道好新鮮，好香橙味，已經冇飲管提供，欣賞。整體來說味道都算不錯，可惜分量較細，阿女個意粉一陣間就食晒，漢堡雖然夠高，但直徑較短，好彩叫個湯，有麵包搭夠。

今天去試了一個白咖啡和一個包，好像是藍莓包，味道也不錯，當然咖啡不算得上最好飲，但是環境安靜，是一個適合聊天的地方， 自助的形式 ， 都是早上早餐的一個好選擇，輕型的早餐 ，這裏都是食環境多。

改個好聽啲嘅名，整靚少少裝修，背後其實都係大集團，終歸都係快餐，仲要係垃圾嗰隻。朝早過開唻大做嘢，見佢環境唔錯，諗住入唻坐陣。門口寫住早餐任何包類加$14有凍飲，嗌嗰要杯冰水果茶，佢先話唔得，跟餐剩係檸茶檸水⋯⋯心諗，咁你又唔寫清楚。收銀其實一直都係黑口黑面，人工應該好低唔願返工嗰隻。坐埋位，一咬，頂，個包凍嘅？唔知出爐幾耐擺左幾耐，好彩無叫佢啲炒蛋三文治，都唔知啲松露蛋有冇擺一個朝早，客唔算多，做定咁多出唻，真係好危險。無下次

平時下午茶好抵又好食但今日好早就肚餓 特登去試吓個lunch set全部 lunch set配餐湯同埋飲品 $138加一最好味係個番茄薯仔湯🍅新鮮原粒蕃茄加埋搞碎咗嘅薯仔蓉 飲落好有口感 同埋蕃茄味超濃😍.但個Main course 就麻麻地Eggs Benedict 配煙肉煙肉好乾好硬燶咗 個鬆餅都係燶咗😫好似食緊光酥餅咁 定係我唔識食？All day breakfast 好普通冇咩特別 有多士 🥖炒雜菇 茄汁豆 炒蛋 煙肉🥓 番茄🍅同德國腸炒蛋唔算滑又冇乜味 可能出邊茶餐廳仲好食過佢啤酒脆漿炸青衣魚柳魚柳算係幾好味 但冇配汁 好dry!薯條燶哂😭.下次只會食返下午茶🍰🥐Lunch冇下次🌚

來到Simply life食個all day breakfast 咁岩遇著3個大媽入坐路過小妹張枱大媽坐底後輪流行到我隔離望我碟all day breakfast 仲問我呢碟係咩黎我唔係鄙視你 我心想你要問都唔係問我啦飲食文化既差異真係好好好好大囉講返食物 其實all day breakfast來來去去都係果幾樣野 萬變不離其中味道不過不失 但價錢偏貴光顧鄰近小店的all day breakfast也有相同水準的食物供應除了食過all day breakfast 也食過 tea set質素就10分10分一般 有時會稔唔明咁既出品 點解條龍會長到咁

d burger 抵，好大份，幾好食個西柚冰茶也ok ,urban 同佢同一個集團，但當urban 貴 d (當然同時也好食d啦）最唔好食係米飯，太硬，可能果次煮得唔夠熟吧！

叫餐時，態度非常之差。見出面有麵包，買左，開左來試。店員用一個 惡劣嘅態度同我講，就算食呢度嘅包都要收你加一。加一我唔介意，但事先好冇同我地講，而且唔洗咁嘅態度。