ROYAL INN

位於尖沙咀呢間餐廳，真係依家最熱門嘅打卡熱點之一。入到去，第一個映入眼簾就係嗰超靚嘅環境，黑白格仔嘅地面設計，令人有種身處倫敦街頭嘅感覺，整體氛圍時尚又舒服，影相好靚。我哋點咗三道菜，首先係前菜白松露薯條。呢道薯條外脆內軟，加上淡淡嘅松露香氣，味道真係幾特別。跟住試咗香蒜白酒鮮大蜆扁意粉，呢道意粉嘅醬汁味道較清香，香蒜同白酒嘅搭配，令蜆肉嘅鮮味更突出。扁意粉滑滑地，每一口都可以感受到海鮮嘅鮮甜。最後就係西班牙黑毛豬鞍架，呢道主菜肉質鮮嫩多汁，配埋特製醬汁，口感層次分明。每一口都充滿咗肉香，令人心滿意足。餐後甜品我哋選咗apple crumble。呢道甜品嘅蘋果內餡酸甜適中，上面嘅脆皮剛好，真係好好味。呢間餐廳唔單止環境優雅，食物質素都好高。無論係聚會、約會，或者同朋友傾偈，都係一個絕佳選擇。如果你喺尖沙咀附近，千祈唔好錯過呢個充滿英倫風情嘅打卡熱點！

尖沙咀想食西餐真係有好多選擇，知道Royal Inn轉左新Menu, 決定去試下呢個新既Express Lunch menu,可以唔加配餐飲及餐湯，用一個較相宜既價錢就食到咁精緻同美味既西餐我地滿足d，加埋餐湯同埋餐飲 $18香煎慢煮雞胸香草醬手工扁意粉 $108意粉個時間控制得岩岩好，十分彈牙有咬口，雞胸慢煮非常之嫰，香草醬都好出色，成件事好match燒美國豬肉眼排 $118燒豬肉眼排好香，厚切非常juicy, 配菜同醬汁都好唔錯

白松露薯條$78真係好正！薯條外脆內軟，咬下去有個香濃嘅口感。加咗白松露油，味道特別高級，令人一口接一口。入面仲有芝士,鹽味適中，唔會過咸，仲有啲松露香味撲鼻而來，食完仲想再來一份。炭燒12安士安格斯西冷牛扒$368牛油外表焦香，肉質嫩滑，咬落去肉汁四溢，味道濃郁。配搭少少海鹽，令牛肉味道更加突出。牛扒的熟度剛剛好，肉質彈牙，食落去唔油膩，絕對係肉食者嘅天堂！實在值得一試，仲有搭配嘅沙律，清新又開胃。另外伴碟嘅仲有酥皮薯仔，真係好好味 下次再嚟一定會再點！燒三文魚香草忌廉手工戒指意粉$188真係好味！三文魚燒得香脆，肉質鮮嫩，配上香草忌廉醬，味道滑順又唔膩。手工戒指意粉口感彈牙，非常吸味，醬汁包圍住每一條意粉，真係好滿足。整體味道平衡，唔會太重，食完有種舒服感。呢個菜式實在係意粉愛好者嘅首選，值得再試！

呢間the one嘅西餐一向都係打卡聖地，今日中午嚟到，落地大玻璃睇到藍天白雲，陽光照射入餐廳勁光猛，淨係環境都加晒分！是日餐湯有蘑菇忌廉湯，食到粒粒新鮮蘑菇碎，餐包亦烘得香脆又熱辣辣意式肉丸蕃茄醬手工闊麵欣賞呢度嘅闊麵口感煙韌，果然係手工麵獨有嘅效果，加上麵條沾滿酸甜嘅蕃茄蓉味道出色！肉丸亦係結實而肉質唔會老。燒美國豬肉眼肉扒肉眼肉質嫩冧，配上黑椒汁惹味，另外仲有烤西蘭花、蕃茄、薯角做伴菜，特別鍾意佢嘅烤薯角做得外脆內軟綿綿，食到啖啖薯蓉。

今日放工之後去到尖沙咀搵到個地方同朋友食食飯坐得舒服 環境闊落 適合講嘢去到the one 樓底高 每台之間都很多位置 坐得舒服 有唔同日子優惠 今日星期二 牛油燒波士頓龍蝦半隻$48首先，叫了份炸薯條 新鮮炸起好脆法式大蒜蘑菇忌廉烤雞好重忌廉味 而且都有好多配菜例如係茄子薯仔等等 個汁的確係幾香 而且仲有麵包俾你沾黎食烤雞翼都好嫩滑 而且燒到好香 好夾個忌廉香蒜白酒鮮大蜆扁意粉我個意粉好啱share食 而且我鍾意食扁意粉，因為可以吸多啲個味蜆也大隻藍莓醬巴斯克芝士蛋糕配雪糕今日比較特殊，因為沒有雪糕，所以用MarC Aron代替 芝士蛋糕都好香呢個甜品好適合打卡，個顏色非常之靚

位於尖沙咀The ONE 的超美法式餐廳-Royal Inn 以歐陸式建築為特色，一到達餐廳就看到一個模仿凱旋門的入口，加上歐陸式花園佈置，讓食客彷彿有一種準備穿越到歐洲享用美味西餐的感覺❤️🍽️🥩炭燒12oz安格斯西冷牛扒 ($368)Medium rare的西冷牛扒，廚師把熟度控制得非常出色，牛扒軟腍，充滿肉汁，入口充滿炭烤香味，非常推薦👍🏻🍽️🍝松露蒜香炒蝦扁意粉 ($168)扁意粉熟度完美，松露和蒜油味道完全融入於意粉當中，蝦亦非常爽口，值得一試🤤🍰藍莓醬巴斯克芝士蛋糕配雪糕 ($88)(因當天雪糕機壞了，所以餐廳以果撻代替) 巴斯克蛋糕芝士味濃郁，與藍莓醬非常配合，同時亦有一些小配料，如士多啤梨，藍莓， 杏仁片等等，使整個甜品非常鮮艷，大人和小朋友都會喜歡❤️

呢日早上同男友喺尖沙咀嗰頭做完野，想搵個環境靚靚，坐得舒服，可以休息下慢慢歎個Lunch嘅地方。諗起以前喺The One食過呢間裝修好靚嘅西餐廳都幾適合，而且佢Lunch Menu都好相宜，就決定去再會一會佢。🧡煙三文魚發達芝士檸檬香醋沙律（$98）煙三文魚入口甘香，發達芝士味道強烈，配番清新開胃嘅檸檬香醋同口感爽脆嘅沙律菜，整體平衡度剛剛好！🧡燒美國豬肉眼扒（$118）厚厚一大塊嘅豬肉眼扒，肉嫩多汁唔柴口！底下嘅配菜(蕃茄、薯仔、蘆筍)亦處理得好出色！🧡餐湯（跟餐+$18）甘筍餐湯入口甘甜，質感濃郁綿滑！另外配咗熱辣辣烘脆麵包，唔錯！🧡Latte（跟餐+$21）靚靚嘅拉花，入口順滑，咖啡味濃！🧡美果洋甘菊（跟餐+$23）入口清香甘菊味，非常舒服！

星期日去尖沙咀shopping完就去咗「ROYAL INN」食晚餐，之前已經食過銅鑼灣分店，餐廳宮廷式嘅裝修風格各有特色，尖沙咀店門口以粉藍色嘅花卉作佈置並擺放咗一棵白色嘅聖誕樹，最適合打卡影相📸法國香烤油封鴨髀鴨腿肉經過香烤慢煮，香料味道充分滲透其中，外皮酥脆油香，肉質鬆化軟腍，配搭軟綿綿嘅扁豆，入口即化充滿肉香，配上清甜嘅無花果剛好中和肉類嘅膩感，出色而特別嘅菜式👍🏻香蒜白酒鮮大蜆扁意粉大蜆味道鮮甜肉質飽滿，蒜香味道濃郁帶有淡淡嘅酒香，味道恰到好處，扁意粉口感軟硬適中，煙靭有咬口，每一啖都香氣四溢😋香煎北海道帶子番紅花意大利飯大大粒雪白嘅帶子兩面煎香，加上芝士片同紅椒乾配搭獨特馥郁香氣嘅番紅花意大利飯，意大利飯口感黏稠煙煙韌韌，越嚼越散發香味，每一道菜式嘅伴碟🌸🌸都非常吸引，視覺與味覺雙重享受☺️📍ROYAL INN (尖沙咀)尖沙咀彌敦道100號The ONE 1樓L121號舖人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️回頭率：⭐️⭐️⭐️⭐️⭐️

今日等朋友放工，要八時先放工， 又到尖沙咀揾食。今次近近地去The one  一樓試這間花花餐廳。這間餐廳店面非常吸引，宮庭式的拱門，佈滿花花，十分適合打卡。未到十二月已佈置了一棵白色的聖誕樹迎聖誕，充滿歐陸氣氛。套餐都幾抵食，但由於比較夜不敢吃太多， 於是只單點了幾樣美食。#法式焗千層忌廉薯朋友是薯仔控，於叫了這個千層忌廉薯，分量十分足，非常飽肚。#法國香烤油封鴨脾這是一個法國經典菜式，花花的伴碟已十分吸引，油鴨肶的味道特別，外皮香脆，內裏肉質嫩滑，帶有濃郁的鴨香味，每一口都充滿咸香，配上少少油脂滑溜感，令人一試難忘。燉煮的白豆配著無花果，十分美味。#鮮海膽意粉伴魚子醬大大塊的海膽的味道真係無得輸！佢有一種鮮甜味，帶有少少海水的鹹味，入口即化，質感非常柔滑。而魚子醬有海洋的鮮味同埋少少的香氣，入口即爆開，配著意粉吃，份外美味。

先前喺社交平台見到朋友去一間宮廷式餐廳度打咭好靚，所以今日約朋友去尖沙咀The One分店食lunch。餐廳有大大個純白浮雕凱旋門，樓底高掛左水晶吊燈，地下黑白階磚，感覺置身於歐洲宮廷，真係好靚，我見隔離枱影相📸影左好耐😆餐廳Lunch set分兩類有分express lunch set 由$98至$118，premium Business lunch set 由$168至$228，豐儉由人～+$18 轉套餐沙律／餐湯 + 餐飲（可選$28以下）🫕薯仔大蒜湯薯仔🥔同大蒜🧄餐湯口感Creamy🥗新鮮沙律新鮮蔬菜🥬青瓜片🥒同彩茄仔，七彩繽紛so fresh🍅🍝牛油香辣蝦蒜香忌廉手工戒子意粉 $1083隻蝦🦐煎得不錯，手工意粉戒子形狀吸收醬汁香而不辣，味道層次豐富。🐷燒美國豬肉眼扒 $118豬肉眼扒煎得啱啱好，切開係粉嫩嘅顏色，裏便仲好juicy。飲品方面🥤☕️咖啡香濃，跟已打好奶泡，餐廳少見。凍檸茶就正常水準🍋侍應服務超好，密密斟水又見你食完飯就自動送上牙籤👍🏻 餐廳環境靚，聽講銅鑼灣分店仲大D，仲有噴水池，下次去打咭😍是日午餐$288人均消費$144

今日同個朋友試咗尖沙咀一間超fancy嘅餐廳ROYAL INN。餐廳位於The ONE L1，餐廳裝修好有歐陸風情，身處在內被花朵同黑白色嘅階磚包圍，仲有幾盞古典水晶吊燈將成個格調提升晒，以為自己去咗巴黎，完全係打卡好地方📸，啱晒我個港女朋友。我哋試咗餐廳嘅Express Lunch Menu，先嚟一個牛油香辣蝦蒜香忌廉手工戒指意粉 (Butter Cajun Shrimp Handmade Tubettini)（$108）。呢道菜真係令人驚艷，手工戒指意粉口感彈牙，配上牛油香辣蝦同蒜香忌廉醬，味道層次豐富，真係超好味🍤。跟住嚟係燒美國豬肉眼扒 (Grilled US Pork Rib Eye)（$118），豬肉眼扒煎得啱啱好，肉質嫩滑多汁，配埋個醬汁就非常match🥩。午餐menu加$18可以轉set lunch combo，Garden Salad或Soup of the Day二選一，再配一杯$28以下嘅飲品，二人午飯連加一都唔洗$300，非常超值👍。呢間餐廳裝修真係好靚，擺放咗好多花藝點綴，帶有濃厚嘅法式園藝風格，步入十二月餐廳已準備好聖誕裝飾，好有節日氣氛🎄。Royal In

Royal Inn既環境真係好靚~ 感覺好高級又浪漫無論係同朋友聚會或情侶約會都咁開心!!餐廳內外設計大方優雅, 充滿歐式感覺食物方面以西式為主, 有唔少特別既菜式~~有單點亦有套餐選擇~~餐廳而家仲做緊優惠~星期一至五都有呢.....煙三文魚香草忌廉手工戒指意粉 $188五顏六色既賣相好靚好吸引丫~~戒指意粉既形狀真係同小戒指一樣, 好可愛!!! 每粒意粉都吸收晒香草忌廉汁, 口感煙靭又滋味, 好好味丫三文魚煎得剛好, 肉質柔軟又juicy~~西班牙黑毛豬鞍架 $268呢道菜式好有驚喜!! 黑毛豬鞍含有豐富脂肪, 肉質粉嫩柔軟而富有彈性, 鮮嫩多汁, 非常嫩滑藍莓醬巴斯克芝士蛋糕配雪糕 $88巴斯克芝士蛋糕質感結實得黎又好幼滑, 芝士味道濃郁~~同藍莓醬&水果既酸甜相互平衡, 甜而不膩!!配埋雪糕&cream一齊食更加係perfect添丫甜品賣相又係超超超靚!!

我和姊妹來到尖沙咀覓食，她讚美食材高質美味，受顧客喜愛，老友難得聚在一起，法國主題裝橫優美的「Royal INN」，遠離急促的生活節奏，享受廚師精心炮製的美食，那一刻我覺得很幸福和高興。香煎北海道帶子番紅花意大利飯北海道帶子煎香，十分嫩滑，意大利飯豐盈可口，口感很好，食不停口，別有一番風味。Mango Passion Fruit Crepe可麗餅鋪滿芒果醬，入口鮮甜，熱情果帶點酸味，美味芳香，十分開胃，齒頰留香。鮮奶咖啡latte飲品打卡一流，拉花看來好美，濃郁的咖啡香，帶出絲絲咖啡味在心頭。Royal INN（尖沙咀）地址：尖沙咀彌敦道100號The ONE1樓L121號舖

📍 Royal INN（尖沙咀） 一間好適合打卡嘅餐廳🍴勁多打卡位📸好啱同閨密一齊lunch喺度打卡同傾偈！環境好優雅🩷本人好喜歡😍lunch set 包餐湯或者沙律🥗我哋就揀咗餐湯🙆🏻‍♂️✨雜菜蕃茄湯蕃茄湯超濃郁，勁多新鮮蕃茄同雜菜粒做料，真材實料🥬✨ 意式肉丸蕃茄醬手工闊麵啖啖肉超Juice既肉丸🐷又大粒手工意粉掛汁力強大愛🩷闊條麵既質地煮得岩岩好，入口有香濃既蕃茄味🍅✨ 燒美國豬肉眼扒多肉汁又入口即溶！煎到啱啱好金黃色，保持肉質嘅鮮嫩同鎖住啲肉汁。再配搭黑胡椒、迷迭香等調味料，令到菜式擁有獨特嘅口感&風味～

今日同朋友慶祝生日，突意挑選一間很fancy的餐廳與他慶祝。店員態度很好，親切有禮；餐廳裝橫很歐陸風格，被花朵及黑白色的階磚包圍，有種高貴的感覺；而食物也非常不錯，精緻而好吃。 ✦ 生牛肉他他配牛骨髓生牛肉味道很鮮，一點不帶腥味，取而代之是牛香及爽滑質感。 混入蛋黃後，口感更滑溜。牛骨髓的味道更為驚艷，非常香濃的牛油香味，縱然油膩卻欲罷不能。 ✦ 西班牙黑毛豬鞍架 肉質鮮嫩， 完全沒有騷味，配上醬汁後，更將整個豬鞍架的味道昇華。另外配上羽衣甘藍和薯仔等配菜，都新鮮美味。 ✦ 酸種麵包朋友是一個麵包迷，盛讚這款麵包很好吃。上菜的時候麵包熱辣辣，香脆而鬆軟，薄薄的一層牛油很香。 雖然很飽，亦忍不得住再點一盤。 很有誠意的一頓晚飯，值得向大家推介。