Route 83 (廣福道)

营业中

休息中

走過大埔墟見到一間相當多人的西餐廳就想著一試剛剛好拿下了最後一張枱往後的客人也要等位了夏威夷薄餅($71)看到了其他客人叫了薄餅想著也要了一個因為我剛好坐在廚房對出的一張枱所以看到了薄餅的製作過程舖頭很有心的在客人下單的時候才開始製作並現造現焗的放進焗爐雖然等候的時間相對於意粉和其他菜式較慢但看著新鮮冒煙的薄餅上枱還是覺得值得的配料都是一般夏威夷薄餅會放的配料芝士的份量很足夠令人很滿足份量相信一位女士未必可以一個人吃完可謂大件夾抵食唯一美中不足的是他的餅底雖然它是用薄身餅底不過即使是現焗現食也沒有脆的感覺令人覺得有點失色

限聚放寬，夜市營業至10點，終於可以同舊同事一聚，今晚揀左呢間小店曾經食過兩次，覺得唔錯，所以一於同佢地試下。平日晚上經過都見有人等下位，所以下午都致電訂定3位，接電話員工好有禮貌6:30準時去到，已經見到乘客，打開個餐牌，乜都想試吓見到個豬手好吸引，pizza又想食，果個又話要炸魚，一於通通叫晒佢豬手配上酸瓜同一球薯蓉，豬手唔油，皮脆但肉質都頗為乾身，不過不失。83pizza係薄底，味道唔錯，雖然係薄底，但批底都仍然稍濕，未做到脆底，可以改善。炸魚肉厚脆漿做得好好唔係散修修，配上少少沙律菜同炸薯條，沙律菜減底油膩感，薯條夠飽肚白酒煮青口帶點creamy，唔錯，如果用返大少少size青口更佳

同朋友去完大埔嘅蝶豆花園，出返廣福道搵嘢食，呢間係朋友食過推介，我哋三個人都係諗住叫三樣嘢Share食，一份漢堡加薯條、一碟意粉、一份豬手食物味道都不過不失，但係估唔到佢比想像中大份好多😂 最後三個女仔係食唔晒嘅～～街坊平民價錢來講算係咁！

住在大埔這家食店我也是常光顧,食物質素是合格的。但是聖誕節打算再去光顧,門口已經有很多人排隊,我們也照著流程拿號碼輪候,然後走去附近逛了半小時,回來看到排我們前面的號碼進去了,心里想下一個到我們了,當時因為附近有巴士站,我們站在比較離門口遠一點的地方,服務叫也沒有叫號碼就叫門口等的人進去店里,我看到當然第一時間理論,服務生一點道歉也沒有叫我們等下一位,我們本來忍耐再等下一張,進去後,坐下,服務生還是沒有道歉的意願,我的女朋友突然不舒服說不吃要走了,我們起來出門口,在那里的superisor竟然說知道不叫他們號碼浪費時間,這種服務態度,還是要說出來給客人聽的壞話,已進黑名單,服務讓人以後不去,希望大家用餐愉快別

踩單車前食個lunch星期日lunch time, 要等位，估唔到咁多人😆但都算快。環境都幾靚，好多怖置☺️舒服，不過疫情關係隔住foam board，foam board成日好易跌，需改善：）牛肉菠蘿漢堡配炸薯條：份量很大，抵食。一個可以兩個人Share都夠😆Hawaii Pizza：薄餅係薄底，脆口的Pizza，味道正常。Caesar salad ：正常一人份量，沙律醬好多（每個set都跟一個細沙律/餐湯）

同男朋友食過好多間burger 估唔到反而呢間咁近我 又唔係專做burger既黃店咁出色！好有驚喜！已經第三次食呢個必推既洋蔥煙肉焗大菇牛肉芝士漢堡🤩$78加一包炸薯條記得食呢個包一定要將勁juicy既大啡菇既汁㩒落牛肉度！咁樣牛肉就會更juicy 配埋洋蔥煙肉芝士 調味係冇得輸 塊菇係最加分🥰粗薯條唔會落得太多鹽 可以問職員攞茄汁同芥末醬 食完唔洗飲野都好飽之前都食過lunch既雞扒意粉都幾唔錯 見到食評多數係寫豬手 希望大家都可以試下呢個burger💛

平時經過廣福道都會見到一間餐廳但從來都未試過今日黎開大埔搵朋友就搵朋友帶我去呢一間餐廳食😍🍲餐湯羅宋湯好香 夠濃味🍖脆皮德國鹹豬手配酸菜薯蓉$168豬手皮燒到香脆可口而且脂肪適中配埋酸菜薯蓉令人覺得唔會太油膩份量都好大份兩個人share食都絕對可以🍕手作薄餅83雜錦$70咬落香脆夠哂薄身食落唔會好似食到成啖麵粉咁上面鋪滿火腿、煙肉、辣肉腸加埋底部塗上蕃茄醬同Pizza不可缺少嘅芝士🧀😍仲可以拉到絲🤤💬估唔到食落有驚喜2樣都好高質😋絕對有下次

朋友帶我去大埔食好西呀 廣福街巴士🚌站門口，十分方便。店仔細細，但職員都好有禮貌呀叫左2 個lunch set , + 1 個honey mustard chips 😛黑松露雜菌炒意粉好香，好多菇 菇🍄都炒得好好食😋 正仲有牛肉菠蘿burger ,我地share, 叫職員幫我地cut 開一半 🤤加埋菠蘿好fresh ,牛肉好厚係有少少乾，但都好ok ae Honey 🍯 mustard chips ,正呀 甜甜地加埋熱辣辣焗薯條正又唔貴 ！ 想encore

是咁的 肺炎有所回落於是終於可以同女朋友仔拍下拖出去食下好西喇今次黎到大埔就決定支持一下好耐之前食過嘅同路人小店，由於節目緊逼所以我地12點鬆d就到左，餐廳開12點所以可以直入，不過都已經爆左8成，好開心可以有唔少人支持佢地太耐冇拍拖就決定豪食叫左一個set lunch扒餐，一份小食白酒煮青口同一份意粉Set lunch肉眼扒率先登場，跟餐叫左薯條，薯條即叫即炸非常脆口 薯味未至於好重薯味但都係好食主角肉眼扒水準不變，依然係咁好食，肉質淋得黎係自然嘅，唔係用鬆肉粉整淋果種，食落好有肉香，加埋有條肥膏喺頂真係好香口而且呢到煎扒嘅火喉都控制得好好，牛扒厚薄適中煎嘅時候亦唔會過熟導致柴口，啱啱好keep到肉汁肉味另一個主菜就叫左煙三文魚黑松露意粉，賣相非常好而且份量都好足夠，聞落都好重黑松露味初步睇的確吸引嘅不過可惜嘅係食落黑松露味唔強，望落其實都好少松露粉相信炒意粉嘅時候應該係用黑松露油，但應該因為落嘅份量同時間太遲嘅關係，黑松露味未夠時間逼出黎 有形冇實，可惜另外印象中嘅意粉都係比起以前差左，今次食落有好幾啖都係有種漿住好糊狀嘅口感，雖然睇落賣相冇問題但食落出現呢個都幾嚴重嘅失誤，意粉烹

疫情之下，決定少食茶記，搵間似樣啲嘅餐廳食晏。十二點入座，已經有半數座位有客，餐廳不大，但只得兩個待應，原本以為慢吞吞，點知服務又幾迅速同伴點了啤酒，本來餐牌內的啤酒都是＄28～，點知佢係都要呢個牌子＄48，有錢就是任性跟手叫咗個辣雞薯條＄55，賣相有點醜陋，不過真是有啲辣，醃得幾入味。我點了豬扒意粉＄55，餐牌有寫可以指定少意粉，不過份量都好多，而且有兩塊豬扒，要好努力至食得哂。伴碟的椰菜可以熱啲就好啦。加＄5可以飲cafe latte.

Route 83香煎豬扒配燒汁意粉菠蘿牛肉漢堡配薯條價錢💲: $55/ $68好味程度😋: 4.2/5服務🍴: 3.6/5環境🗾: 3.8/5性價比🥢: 4.4/5回頭率😚: 3.8/5-大埔的route83係廣福道小店💛，原來都幾多人食。lunchtime經過發現幾抵就入去試下，點知又幾驚喜😬-我地叫左個香煎豬扒配燒汁意粉🍝呢個比想像中大碟好多，豬扒好大塊，又好腍😝 仲要係冇用鬆肉粉，真係好豬肉質感😂 仲要煎得好香😍 但驚喜係個意粉！一啲都唔hea!! 意粉啱啱好，用好多茄汁茄膏煮，好有味，唔係平時個啲汁！夠晒酸🤓🤓-另一個叫左菠蘿牛肉漢堡配薯條🍟 佢個包好大個，包都有烘得脆，有啲似豬仔包個隻😆 入面塊漢堡扒都幾juicy，生熟度啱啱好！但加埋菠蘿食，就有啲太濕，拎係手一路滴汁🤪入面仲有生菜蕃茄。佢地就用上千島醬，所以比較濃味，但因為我好中意醬，所以覺覺得可以多d🤨 隔離有一大堆薯條，但可惜唔係幾熱，新鮮啲就好。發覺呢間都幾多街坊食，lunch仲幾抵😚

閨蜜生日，我哋兩個攞咗一日假，整咗個大埔一天遊，反正今年都冇得去旅行，用一用啲假期，腦輕鬆一吓先～早上踏完單車，亂打亂撞見到呢間餐廳，入去試吓。走進餐廳，看到天花吊掛星星裝飾，感覺舒適，帶點別致的西餐廳。✨午餐選擇亦多，價錢亦大眾化由$55起，已經包括沙律或餐湯，主菜及飲品，亦可加錢轉特色飲品。哈哈，我哋兩個竟然不約而同點同一樣嘢，「香煎豬扒配洋蔥忌廉燒汁$55」我配薯條，閨蜜就配意粉。餐湯係南瓜湯，味道淡咗啲，但係夠熱，不過不失啦。個主菜一定要讚，兩塊豬扒，煎得好香亦都好Juice，成個餐份量好大，薯條亦都熱辣辣，炸得香脆。加$5我轉左飲咖啡，冇諗過會有個拉花咖啡，而且拉得幾靚。

Route 66非常有名，背後有好多歷史同故事；Route 83喺香港比較冇咁多人識，其實係貫穿美國南北嘅一條公路；呢間餐廳用Route 83來做名字，可能同佢位於83號有關🤔今日一早去咗大埔，到差不多中午嘅時候肚仔開始餓，上Google睇吓就見到呢間名字特別嘅餐廳，評語唔錯，咁就行過去試吓。叫咗佢哋嘅午市套餐，香煎豬扒配意粉。意大利粉撈咗蕃茄醬，味道唔錯；豬扒有兩塊，份量都唔細，豬扒調味得幾好，煎得幾香，肉質有咬頭，質素完全可以接受👍。呢個豬扒意粉將港式西餐發揮得非常之好！如果再加啲醬油就更加地道😁個南瓜餐湯就味道麻麻。杯奶茶就非常香非常滑。呢個午市套餐盛惠55大元，味道唔錯，超級抵食。

今日又黎食下好野咁喇，去大埔街市買嘢順便諗下食咩，聽講話呢間豬手好味所以咪嚟試下去，當然叫叫就試試個德國咸豬手$138，豬手個外皮好香，內面食質好冧好易咬口好好味，旁邊都有酸菜 好味😋做到呢道菜式好好，想食豬手嘅我會推介呢間，另外仲叫左個漢堡都好香好好味個漢堡仲好有牛味👍🏻不過今次我post住張豬手先喇下次再post多啲

一直都知道呢間餐廳嘅存在但就從來都冇試過今次就同埋屋企人一齊去試吓😛.💡脆皮德國鹹豬手($158)鹹豬手味道相當濃郁唔會太鹹 恰到好處呢個份量作為前菜share唔錯不過個皮就爭少少 唔係太脆.💡焗芝士龍蝦配黑松露意粉($118)意粉份量相當大碟男士來講啱啱好芝士龍蝦非常惹味可惜黑松露味道唔係太出.💡墨汁大蝦藍青口意大利飯 ($68)墨汁意大利飯相當驚喜味道出奇地濃郁 唔會太膩青口亦非常新鮮.💡黑松露雜菌忌廉意大利飯($68)意大利飯好重黑松露味雜菌分量非常多 唯獨芝士份量相對少但整體味道唔錯.總括而言 呢間餐廳嘅菜式都比較大份建議細胃人士可以嗌少飯或少意粉 咁就唔使浪費食物😆📍 Route 83 (大埔)大埔廣福道83號地舖