Route 83 (廣福道)

营业中

休息中

現在晚上不能外出用餐，故用了某平台外賣點了一個牛扒套餐配薯條，套餐中包含餐湯及沙律。餐點來到，薯條和牛扒放在同一個外賣盒中，薯條墊底浸在醬汁中，完全吃不到薯條應有的鬆脆，另外黑椒汁都已經被薯條吸干，黑椒汁牛扒完全沒有該有的黑椒汁味道。另外原本對所送的餐湯也沒多大要求，湯來到只有外賣碗的1/4，我還看了看會不會是外賣員倒瀉，外賣盒等都非常乾淨。如果是把黑椒汁另外放到湯碗不另送湯，或者是多用一個紙袋分開放一下薯條都不會令到整個餐讓人難接受，這次外賣體驗不太好，應該沒有下次🙂

「虎年新春系列」之結實魚魚打倒juicy牛牛話咁快，虎年新春系列就快尾聲，經歷完荷包扁左、腰圍肥左之後，係時候出去繼續搵好嘢食。是日lunch 游走完大埔後，就黎左呢間外表唔起眼，但風評唔錯既西餐廳。估唔到set lunch menu 已經好多選擇。魚迷的我當然㨂fish and chips 啦，朋友就㨂左紐西蘭肉眼扒配薯條。南瓜餐湯味道唔算好突出但勝在夠濃。沙律好大碟，份量好足。Fish and chips 條魚好結實同有魚既鮮味，配三色椒忌廉汁清清地，唔錯。五成熟肉眼扒好juicy 。fish & chips +餐湯+熱奶茶，只係$58；牛扒+沙律+熱奶茶要$78。魚魚完勝！呢個價錢食到咁多嘢，以CP值黎講，呢間餐廳抵食度好高。另外，呢度既服務員態度好好，抵讚！

雖然食物品質OK，但奈何新女員工態度服務差！星期日假期，上枱食物已經等咗勁耐，淨係個意粉都等咗15分鐘，中途加單又再等，一係同食客講明唔准加單，因為用餐時間只有1小時，因為一食完，一位女員工勁冇禮貌埋黎扔低張單，趕人走，全程用餐到埋單1小時15分鐘，當執緊野準備走，女員工仲鍥而不捨咁過黎問啲碟仲要唔要，繼續趕，走的時候門口有兩位人客等位，如果係咁不如註明用餐時間只有1小時….但食物已經要等15至20分鐘，幫襯左好多年，以前的員工勁好禮貌，轉晒新人，不會再幫襯，老闆麻煩要好好檢討！

4個人叫左4樣野食，Pizza夠薄夠脆，抵食！唔會用個厚底塞飽你，上面有好多肉，芝士亦都鋪滿晒。芝士龍蝦意粉芝士香濃，龍蝦肉唔會霉，但意粉可以咸少少。墨汁飯都好夠味，藍青口都大大粒！豬手最出色，果然係招牌！非常推薦。因為份量比較多，就咁食嘅話好容易濟，呢個時候配汁同埋酸菜一流！而且個薯蓉都非常滑雖然舖頭嘅位置唔多，但環境裝修都舒服，幾有格調！晚市最好就要訂位～餐廳整體價錢都非常抵食，上菜嘅速度亦都可以，呢個價錢能夠食到呢種質素，已經係超值！

前排黎左大埔食左呢間幾抵食嘅西餐，呢排夜晚都無得出街食，唔知幾時先可以再黎食過，大家都要保重身體香蒜芝士焗龍蝦配黑松露忌廉意粉（套餐配普通餐飲同餐湯/沙律）$118龍蝦肥美肉厚，意粉彈牙，香味濃郁軟殼蟹墨汁意粉（套餐配普通餐飲同餐湯/沙律）$98軟殼蟹炸得好酥脆，墨汁意粉好有特色素食者薄餅 $75好大個，賣相吸引，味道不過不失蒜蓉包 $33蒜蓉牛油加芝士嘅邪惡阻合，無法抗拒黑松露炸薯條 $45松露醬多，薯條略嫌有少少唔夠脆，但整體唔錯黑松露雜菌忌廉意大利飯 $70超足料，睇得出廚師嘅用心，意大利飯軟硬適中，醬汁香濃

位於廣福道一處不顯眼的小店，內𥚃店員熱城有禮。午餐選擇頗多，而且性價比亦高。香煎鯛魚配三色椒忌廉汁 (薯條 | $58)• 忌廉汁是整碟主食的精髓，奶油味突出而自然，同時夾雜著三色椒獨有的清甜，卻没有半點草青味，調配得頗特別。• 鯛魚煎得兩面香口，內𥚃肉質緊緻，很輕易便能把魚肉分割，而又不會過分鬆散。沾上忌廉汁後味道更為豐富惹味。• 薯條份量頗多，是午餐的好選擇。夏威夷果仁咖啡 ($34)• 奶泡柔順綿滑，咖啡酸度適中，果仁味淡淡滲出。

▪️雜錦薄餅$38餅底超薄好脆口，好似餅乾咁，有夠晒穩陣既肉腸、菠蘿、火腿、芝士等，餡料唔算多亦分布得唔均勻，但呢個價錢仲想點🤣🤣🤣▫️炸雞翼薯條$38三隻炸雞翼及薯條都係少少熱熱地，薯條唔係好香脆，份量搭救到，茶記都唔止呢個價位喇🤪▪️墨西哥芝士夾餅$32好簡單，真係得墨西哥餅皮同芝士，零難度😂我係屋企都成日整，芝士要趁熱食有少少拉絲，凍咗硬身啲似香口膠😅▫️黑松露雜菌橄欖油意粉$68呢個幾驚喜！！😳勁多菇菇而且好香，炒得唔會太油，份量好夠，如果換過隻靚碟，喺銅鑼灣食，至少都$128😏😏整體味道正常 以呢個價錢呢個質素成到正比 而且你都唔好意思挑剔啲咩😌😌

午餐大部份$58包湯（是日係羅宋湯）和餐飲，叫了個最貴的西冷牛扒意粉$78，牛扒煎香煎到9成熟，外面脆香而唔燶，肉身唔柴口，另外叫了個蕃茄烤雞薯條$58，雞唔夠脆不過也夠JUICY！環境較狹窄，連餐的咖啡有拉花，熱檸水則有苦味，同意呢間係平民有質素西餐廳！

四個人，一共嗌咗: 兩個意粉、一個飯、一個pizza、炸雞翼、一人一杯朱古力沙冰！埋單$520!! 除開$130一個!! 真係好surprise~ 首先，唔太建議嗌套餐，除非你好想飲湯，哈哈！以上嘅嘢食都係散嗌，好飽！嗌咗海蝦青口墨汁意粉同埋煙三文魚黑松露忌廉意粉，兩個都$70! 對墨汁意粉冇乜研究，評論唔到好唔好食，但係覺得幾有誠意，所以都值得一嗌！至於煙三文魚黑松露忌廉意粉就好有水準~~(以價錢作為標準)，晚市可以搵到咁樣嘅價錢，咁樣質素嘅意粉真係好開心一定會再去！另外，忌廉雜菌飯，覺得唔錯只不過下次未必再嗌，好多雜菌，鍾意食菇嘅人都開心！Pizza叫咗食肉獸，同想像嘅pizza唔同，餅底好薄，都幾脆，只不過唔夠熱，如果唔係因為在場男士唔太肚餓，pizza份量應該唔夠~ 炸雞翼又熱又脆，只不過下次會想試吓其他小食，例如德國鹹豬手！見到隔離枱嘅burger好似好正！至於杯朱古力沙冰我朋友話唔好飲覺得好淡，我自己就覺得正常質素啦~

呢間餐廳其實都食過好多次，差唔多次次都係食一樣嘅嘢，今次有啲唔同，寫吓食評記錄一下先☺️餐廳唔大，而且啲枱都幾細張，叫多少少嘢食都擺唔落😂今次叫咗個小食，炸魷魚圈 ($48)🦑 大約有八舊左右，我覺得佢炸得唔係好夠脆，所以食落有啲油嘅感覺，味道一般～另外叫咗一個煙三文魚黑松露忌廉意粉 ($70)，煙三文魚都幾大塊，黑松露味好香，如果可以再creamy啲就更加好味喇🤤我哋例牌一定會食嘅dinner set，脆皮德國鹹豬手配酸菜薯蓉 ($168)😋豬手好香脆，而且唔會太鹹，配埋酸菜食一啲都唔覺得滯😁薯蓉唔係落好多牛油/忌廉嗰隻，係保留返薯仔質感同原味嗰款，好睇個人口味啦🤣跟餐本身有湯同嘢飲，我哋加咗$18嗌咗杯榛子朱古力，唔會太甜，有微微榛子味，朱古力味比較濃😆我哋久唔久都成日嚟呢間餐廳，之前食過一個辣肉腸pizza我都覺得幾推介比大家☺️👍🏻

久未到大埔，夜晚8點幾係附近做完野就搵到宜間西餐試下。見佢Menu都幾多嘢揀， Set dinner 或者散叫都有唔少選擇。最後就揀咗：Caesar salad，一個set dinner - 豬仔骨配薯條；同埋一個辣肉腸pizza。嘢食其實確係唔錯， CP值高。辣肉腸pizza直情係秒清嘅狀態，放低幾分鐘就食晒咁滯。*餐飲叫個杯咖啡質素都唔錯，係一間小小嘅西餐，估唔到出嚟杯咖啡係連埋拉花🥰🥰🥰 心情即刻大好而服務方面，我覺得可以改善。唔知係咪晚市太忙，侍應妹妹都木無表情，中間仲漏咗幾次單。食完野亦都唔會幫手收碟，以致新嘅食物放唔到。不過總括來講嘢食嘅CP值好高，會再嚟。期望下次服務質素都可以改善。

Route 83 鋪頭細細，天花板吊左好多星星🌟裝飾，非常精緻。價錢亦好大眾化，而且份量好多。—————————————————📍西冷牛扒飯配黑椒汁 (6/10)牛扒🥩煎得幾香有肉味，不過火候方面扣分，煎得耐左少少有d靭。📍夏威夷薄餅 (7/10)Pizza🍕熱辣辣超大個，2個人好努力咁食都食唔曬。夏威夷口味呢d表現正常實無死。非常鍾意薄批，批邊卜卜脆好滋味😆。

放工去食我既第一餐，尼咗呢到食個tea，2個人嗌咗3個餐🤣煙三文魚牛角包，牛角包會先焗一焗，所以好鬆軟，配埋三文魚好好食，味道剛剛好，而且都大份。雞肉蘑菇批不過不失，唔會太heavy，薯條都好脆。一定要嗌既係沙冰，雜莓沙冰好fresh，朱古力脆脆沙冰，朱古力味都好濃，唔錯😊

咁岩係附近收工，平時好少會去大埔食野，於是上Openrice 搵下有啲咩岩食，見尼間價錢唔貴又多好評決定試試。晚餐時間有Dinner Set 提供，不過我地就無嗌dinner set,反而散嗌其他野食。✨食肉獸手作薄餅尼間餐廳既pizza 係薄皮，食落脆卜卜，餡料非常多有辣肉腸、火腿、雞肉，芝士等，味道不錯，性價比幾高👍🏻✨熔岩芝士醬牛肉漢堡(漢堡包價錢已配炸薯條）芝士份量非常足料多到溶哂落張紙到🤩牛肉都好足料好厚身，不過食落有啲乾唔夠juice，而且肉質比較鬆散😢少少失望。但整體黎講配合埋醬汁和蔬菜都算一個好食既Burger 😌✨雜莓紅茶雜莓份量太多，飲唔到紅茶味😂，勝在夠足料

👍🏻招牌脆皮德國咸豬手 $158果然係招牌菜！雖然豬手肉質有少少乾身，但個皮脆卜卜，好食😋！而且份量都好大，係香港咁既價錢食到好食既豬手真係好抵呀👍🏻👍🏻味道：8/10性價比：9/10-👍🏻溶岩芝士醬牛肉漢堡(配炸薯條) $88芝士份量好多😍多到流哂出黎，芝士控必試！牛味幾濃👍🏻有肉汁薯條份量好夠，味道都ok味道：9/10性價比：9/10-👍🏻夏威夷薄餅(Lunch Set配薯條/餐湯/嘢飲) $68Pizza係薄批，邊皮係脆身🤟🏻味道不過不失，依個價位算非常抵食味道：7/10性價比：9/10-📍#Route 83大埔廣福道83號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #大埔 #大埔美食 #大埔餐廳 #漢堡 #豬手 #薄餅 #薯條 #大埔好去處 #大埔打卡