Rempah Noodles

营业中

休息中

聽說好出名所以黎試一試夜晚的人唔多呢碗優質蝦麵，湯底味濃，料很多睇落成碗野好似好大碗，但其實麵好小唔會食得飽不過可以同佢講免費加麵另外嗌左娘惹濃厚喇沙，辣辣地，椰奶味重，都係唔會食得飽最後必嗌的Kaya Toast❗️超好味❗️麵包皮很脆，班蘭味很重

之前睇到報道話灣仔開左間娘惹餐廳，由新加坡廚師主理，仲有賣班蘭味嘅咖央多士好吸引！餐廳平日收8點，好彩我喺港島返工佔盡地利，如果唔係都好難食到。店舖裝修行簡潔黑白風，唔講以爲係cafe添，廚房係開放式嘅，可以一邊等一邊望住廚師炮製打發時間。 .咖央多士:多士即叫即製，烘到金黃色上枱，香脆鬆化，中間夾住冰凍嘅班蘭咖央醬，一凍一熱滋味無比，班蘭同椰子味都好出，無一般咖央咁甜膩，不枉我為佢而嚟。.娘惹濃厚叻沙:首先試下個湯底，椰子雞湯濃稠，適合我呢啲重口味人士，粗米粉好挂湯，豆卜雞肉同索曬湯夠入味，配料仲有大蝦、魚餅、烚蛋同芫荽碎好豐富，大蝦唔算好彈牙但肉質唔霉，大食嘅朋友仲可以免費加麵添。

好多人介紹呢間新加坡菜，所以今日就嚟咗！🤩-咖央多士🍞好好味嘅toast！💖😚佢個多士炸到金黃色，外脆內軟，我原本以為入面嘅夾心係熱辣辣，點知原來係涼涼地😛帶住濃濃嘅椰子斑蘭味！極度CREAMY😍一定會再食😈評分：9/10價錢：$38-乾喇沙🍲通常我食嗰啲喇沙都係熱辣辣🤣呢間都有得嗌， 但呢款我見係銀針粉做麵底，所以即刻跑去試吓🤪個感覺好新奇好特別，有好多配料好多蝦🦐但個人都係比較鍾意炒銀針粉👻評分：8/10價錢：$98-優質蝦麵🍜一碗入面有唔同嘅麵：蛋麵同米粉，有好多好多好多配料有蝦有豬有豆芽😛雖然個湯底比我平時食嘅淡，但勝在冇味精🤩🤩好似全部面都可以加底架🥰絕對夠飽🤰🏻評分：8/10價錢：$98📍Rempah Noodles 灣仔📍

A very authentic Laksa spot and great for it's value.For the mere price of $98, I was able to have this amazing laksa.  The soup was very delicious and flavorful.  Best of all, can have unlimited noodle refills for as much as you can stuff.   Great for its value.  The prawns were fresh and delicious.  Overall, more than I had expected.After I was done with the entree, my tummy was still craving for a little bit more.  Something that I can share with my dinning buddy.  So we decided to order a Ka

日復日咁返工 返到個人都頹廢曬 緊係要lunch time食返啲好野！多得*唔洗返工*嘅朋友幫手早到排隊 一去到就可以入去坐低叫野食啦menu好簡潔 得4樣野食 我地就order左laska同蝦麵，當然仲有我嘅最愛咖央多士啦！野食上得好快 ～Laska超級香 好有椰香啊 湯底都係偏稠身 所以我每啖都係要湯+米線咁一齊擺入口 咁先係最正豆卜吸收曬啲湯之後 一咬真係超級正啊 朋友叫嘅蝦麵 就有蝦同腩肉 湯底比較清甜～ 麵底係雙重滋味嘅摻摻～其實呢次嘅主角係咖央多士！ 係我每次黎都必叫嘅dish每次咬落鬆脆暖粒粒嘅多士再加涼陣陣嘅creamy咖央醬真係我返埋個4個鐘嘅動力啊咖央醬多到好似爆餡咁 中間個層醬真係超級厚 超級滿足！呢個咖央多士雖然無牛油 但係好香斑蘭同椰香味～ 中曬我個範啊！

娘惹濃厚叻沙🦐（$98）粗米粉配芳香Rempah椰子和雞濃湯，配鮮蝦，魚餅，雞絲，雞蛋，豆腐，豆牙和香菜😚依個喇沙色香味俱全，材料豐富😍湯底香濃，有點辣又有椰漿香甜( • ̀ω•́ )✧湯底都幾好飲😚湯底係精華⭐️豆腐卜索曬湯汁，超入味(｡´∀｀)ﾉ蝦，魚餅和芽菜都好食😋依個娘惹濃厚叻沙真係無得彈👍🏻十分滿意(*´∇｀*)-咖央多士 Kaya Toast🥪（$38）依個咖央多士真係超級好味(☆▽☆)多士好香脆又薄😆而且多士中間夾著厚厚青綠的咖椰醬(*≧∀≦*)份量十足😍味道好香濃，食落帶點班蘭味😋真係好高質的咖央多士 😘-PS 雖然價錢比較貴，但係食完覺得物有所值😆而且餐廳標榜係唔落味精，好放心食ヾ(＾-＾)ノ-Name🏠:Rempah Noodles Location📌:灣仔軒尼詩道18號地舖（港鐵金鐘站 F 出口, 步行約4分鐘）價錢💰:娘惹濃厚叻沙（$98），咖央多士 Kaya Toast（$38）

灣仔一間比較有格調嘅餐廳🍴，以簡潔黑白襯托，主打娘惹風味美食，食物選擇不多，新加坡🇸🇬大廚就係只專注呢4️⃣款嘅食物，「3️⃣款🍜，1️⃣款🍞」，無論擺盤、味道都會感受到一份細心，而且用心嘅感覺，滿足就是如此☺️———————————————————————————🥢娘惹叻沙🍜💬見到湯底已經好吸引，椰香而不辣，配有豆卜、蝦🦐、雞蛋🥚等餸料，每啖麵條沾滿湯嘅味道，實在感動😏.🥢蝦麵🦐🍜💬同平時食嘅唔同，湯底唔係好油亦唔係紅色，反而係好清澈，但又感覺到幾濃郁嘅精華，配上蝦肉、腩肉、菜、乾蒜，加埋一齊相當夾🤤.🥢咖央多士🍞💬絕對係飽都要叫，多士烘得香脆，中間夾住唔太膩、經處理過嘅咖央醬，一啲都唔求其，好講究🤭

作為喇沙的粉絲，喜歡嘗試各新加坡菜餐廳的喇沙比較冇何不同。由於每次經過都會聞到陣陣濃烈的喇沙香味而被吸引著，所以決定到店內一試。這間主打娘惹菜並由一位新加坡人主理的餐廳，裝修以黑白為主，配合摩登風格。鎮店之寶 - 海鮮喇沙，湯底濃而不辣，也帶椰香味，由於太美味的關係最後不知不覺間把整碗都喝完，完全適合喜歡重口味的你😋在麵質方面，口感彈牙，加以配料鮮蝦，蛋，魚餅，芽菜及豆卜，當中豆卜完全地吸收了湯底的精華👍🏻👍🏻另外點了”金杯”，以紅蘿蔔、沙葛、蝦肉及豆腐乾製成，蝦肉上面加了醋及辣椒醬，雖然外貌特別但沒有太大的驚喜。順帶一提，麵條份量可以免費加，所以不用擔心份量問題🍜

之前約咗好耐冇見嘅朋友聚一聚我比佢揀食咩，佢話不如試下南洋嘢，我當然奉陪啦！收工就嚟到呢度，餐廳位於灣仔大街，非常易搵！可能因為係非常時期，唔係好多人出街食飯，我哋一入去就有位！不過太提醒番，想利嘅朋友記住唔好太晏，因為佢收20:00~一坐低，我哋光速咁就決定咗食咩 （因為其實都唔係好多嘢揀)見網上多數推薦蝦麵，我就決定叫嚟食，朋友就叫咗叻沙，當然唔少得份Kaya Toast啦！食物好快就嚟咗！你睇下個Kaya Toastd醬creamy到爆，聽講係餐廳自己整架！唔同市面個啲！熱辣辣嘅多士配上kaya,果個種冰火交融嘅感覺真係世界級正，值得一試！講返正食先， 個蝦麵真係名不虛傳！一飲個湯，濃到痺！好高汁！而且份量其實好夠，有粉絲同油麵係入面，仲有4隻蝦！朋友嘅叻沙都完全唔遜色！我同佢都認同呢個係我哋係香港食過最好食最地道嘅叻沙！因為其他餐廳果啲實在太稀，呢個椰奶又夠，辣味亦啱啱好！得分！ 得閒一定會再嚟！最後再附上Kaya Toast 特寫一幀，特此紀念～

@rempahnoodles 都開咗一段時間㗎啦，不過一直都未有機會嚟朝聖🤟🏻 唔講食物質素先講餐廳環境，以黑白色為主調，舖滿黑白階磚◻️◼️ 影相一流點影都靚📸 都見到有唔少KOL，港囡喺度打卡㗎💃🏻呢間主打新加玻菜，只有湯叻沙、撈叻沙、湯蝦麵、咖央多，選擇不多。賣相幾靚幾吸引㗎，叻沙味道一般，咖央出色啲🧐.【娘惹濃厚叻沙🍜】HKD98湯底好杰身，有好重椰子香味🥥 以為會幾濃味啦但又唔係喎🤔 米線偏腍身，掛湯能力高🍜 有幾款配料包括豆腐、蝦、雞絲、魚餅等，都幾豐富㗎，蝦肉新鮮爽口，其他味道正常啦無特別。重口味嘅我覺得湯底味道再濃啲會更好！.【咖央多🥪】HKD38麵包烘至香脆😍 中間嘅醬多到擠出嚟😋，質感好滑好似忌廉咁，甜度適中，好邪惡好正🤩

我和弟弟來到了金鐘站一帶，弟弟說附近有喇沙很好味道，而且店舖老闆是認識，很想去吃一碗，順道探望一下。門前很簡約的以白色為主，走進去四周仍是白色為主。內部的裝修，是簡潔，優雅，古典，當見到老闆就明白，為何會有這樣的裝修。想不到店舖細細，是開放式廚房，案前有著簡單的餐具、水樽、筷子及餐牌。我點選的是娘惹濃厚叻沙($98)，而弟弟則選是優質蝦麵($98)。最先送上是我的娘惹濃厚叻沙，習慣上先試湯底，是濃厚的椰子雞湯，這個湯厚而不過過火，很容分得出椰子味及雞湯味。雞肉吸收了湯底，除了肉質鮮嫩，也增添一份美味。鮮蝦很新鮮美味，放在中間的魚餅更是魚味香濃，其他配菜例如豆腐、豆奶及香菜等，配搭得宜，麵底是用上糙米意粉，入口彈牙之餘，吸收了湯底更覺美味。弟弟的優質蝦拉隨即送上，麵底是用上雙蛋麵和米粉，新加坡稱之為『侵侵』，因為米粉相能吸湯，是星加坡特色。我試了一口湯底的味道，很濃郁的鮮蝦味，但不鹹，配菜都是豆腐、豆奶及香菜等。蝦是鮮甜，那兩三片豬肉，吸收了湯底，變得味道濃厚，沒有了肥膩感及肉腥味。想不到位金鐘與灣仔交界，地理位置這樣不起眼，會有這麼出色的娘惹味道，真是難得。

約了兩位感情要好的同事在灣仔午餐，提議到這家專賣新加坡湯麵的小店。午膳時間，門外有人龍等候，我們等了大約15分鐘，獲安排入座，時間不算太久。它們售賣的只有兩款湯麵和一款撈麵，我選了蝦湯麵而朋友選了喇沙湯麵(相片的右邊）。蝦湯麵湯底清澈而不油膩，麵條爽滑彈牙。蝦肉新鮮甜美，亦有其他配料包括豚肉及通菜。我們還點了一客咖央多士共同分享，多士烘得金黃，入口香脆，咖央醬份量亦很多，快要漏出來的，亦滲出濃濃椰子的甜香。吃了這頓美味的午餐，回到寫字樓更有氣力辦公呢！

Visited Rempah noodles for their prawn noodles and kaya toast, I could already smell the prawn broth from the outside of the restaurant and had to give it a try. The dish was amazing - the broth had a strong prawn flavour and was not oily at all, and they use a combination of egg noodles and rice noodles. Kaya toast was also very good, they are very generous with the kaya, and you can taste a strong pandan flavour. Will definitely go again!

之前見到飲食週刊介紹香港top 9 叻沙，Rempah Noodles係其中一間，而作為好鐘意食叻沙既我當然要試試！湯叻沙食得多，乾叻沙就未食過，所以叫左一試。驚喜地佢係用銀針粉，好有咬口，同魚片絲、雞絲、鮮蝦撈埋香濃既叻沙醬，口感豐富。蝦麵個湯值得一試，好清但蝦味好香濃，好好飲。呢個蝦麵係混合油麵同米粉，配有鮮蝦、豬肉、芽菜、通菜、炸洋蔥同炸豬皮。咖央多士剛烘好，熱辣辣又鬆脆，而班蘭味咖央醬係凍同軟滑，一凍一熱一軟一脆，好好食。而且佢唔係太甜，食多幾舊都唔會覺膩。三款食物都好高水準，值得一試！

一直都想嚟呢間食，終於有時間嚟喇。一個人叫咗個娘惹濃厚喇沙同咖央多士，本身我都好鐘意食咖央多士。呢一間更加令到我有驚喜，外脆內軟，而且好濃嘅甜味，超級好食呀。一個人可以食得曬而且仲想再叫多份，而個娘惹濃厚喇沙都好足料，好飽肚，味道都唔算太辣，個人都接受到，而入面啲staff 都好有禮貌好nice，我諗住食唔囇打包個多士，個staff 話要盡快食，唔係會影響咗本身個味道，睇嚟佢地對比顧客嘅食物都有一份尊重，都係會以最好嘅味道做比客人食。