PHI Coffee & Pancake (尖沙咀中心)

营业中

休息中

近排有泰式系列餐點，估唔到味道唔錯！首先椰番冬蔭功海鮮意粉🍝就真係幾有驚喜！冬蔭功湯味道好突出，酸酸辣辣，好開胃。海鮮都好新鮮，有蝦、魷魚、青口等等，份量都幾多。意粉煮得 al dente，口感彈牙，而且吸收晒冬蔭功湯底嘅精華，非常惹味。講吓個漢堡扒全日早餐，漢堡扒夠厚，肉汁幾豐富。配菜方面都幾齊全，有煎蛋、法式吐司、煙三文魚、腸等等。法式吐司有牛油香，再配埋糖漿好味😋糯米芒芒椰奶沙冰同凍黃金比例泰茶都係唔錯嘅飲品。沙冰嘅芒果味好濃郁，而且有粒粒煙韌嘅糯米，口感豐富。泰茶嘅茶味同奶味平衡得好好，甜度適中。最後要講嘅係泰式芒果糯米飯梳乎厘班戟🥞梳乎厘班戟嘅口感鬆軟，配上芒果🥭同煙韌嘅糯米飯，真係好夾！

尖沙咀中心地下嘅 PHI COFFEE & PANCAKE近期推出嘅泰式風味晚餐。餐廳裝修走簡約清新風，白色同木色調為主，坐得舒舒服服，好啱傾下計慢慢嘆。椰香冬蔭功海鮮意粉真係好惹味！冬蔭功個湯底酸酸辣辣，帶少少椰香，掛喺條意粉上，味道濃郁但唔會搶晒海鮮味,大蝦同青口都新鮮爽口，肉質彈牙. 漢堡扒全日早餐分量都幾足，漢堡扒Juicy又夠厚身，切開仲流住肉汁，好香口。配埋煙三文魚、香腸、牛油果同多士，整個組合好滿足。牛油果，煙三文魚同多士呢個組合健康得黎又好味。 糯米芒芒椰奶沙冰，呢杯真係夏天救星，打出嚟又香又滑。朋友嗌嘅羅勒檸檬特飲清新解渴，酸酸地帶微甜，飲完成個人口氣好清爽，好適合配重口味嘅冬蔭功。 甜品係泰式梳乎芒果糯米飯。賣相好靚，梳乎厘好有空氣感，軟綿綿嘅梳乎厘同香甜熟透嘅芒果，配上椰香糯米飯，入口煙靱但又唔會硬，仲帶住啖啖椰香，食落去清甜又唔膩，好有泰國熱情風味。

我真係好鍾意食呢間Cafe，因為佢成日都會轉唔同嘅主題，食幾多次都唔會悶啲嘢食又好食又保持到質素😍知道今次呢個係芒果主題收工即刻過嚟食😆-我都係第一次嚟尖沙咀中心呢間食，喺紅磡火車站站過嚟好近👍🏻唔係太嘈靜靜地都好適合傾偈聚會🫶🏻-漢堡扒全日早餐 $156第一次叫全日早餐因為俾佢個漢堡包吸引咗😹漢堡扒又厚肉又Juicy夾埋芝士溶溶哋超好食腸仔都好彈牙多汁牛油果亦都非常新鮮有口感hehe連個吐司都好鬆軟外皮又脆仲有蜜糖可以加🤤-椰香冬蔭功海鮮意粉 $126超香椰汁冬陰功味好濃郁意粉好掛汁😋墨魚圈勁彈牙仲有青口同蝦👍🏻非常惹味-泰式梳乎芒果糯米飯 $138超級鍾意食佢呢度嘅甜品每次都有驚喜😍仲要擺碟擺得好靚疏乎厘充滿蛋香又夠空氣感佢隔離有堆白色嘅cream勁好食入邊有啲脆米好有咬口同口感仲要勁香椰汁味好似食緊糯米飯咁好好食啲芒果多汁香甜☺️-糯米芒芒椰奶沙冰 $68呢個好似芒果糯米飯嘅迷你版咁芒果椰奶沙冰好香甜上面仲有堆糯米椰汁cream同個甜品一樣咁正😋-羅勒檸檬特飲 $52羅勒檸檬比較清新清涼解渴一流🥰

Lunch set 價錢不錯，由$98至$158，有主菜小食同甜品！炸雞柳配黑松露沙律醬炸雞柳味道不錯辣辣地，即使放咗好耐都依然好脆！蟹肉三文魚籽明太子意粉味道唔錯，但可以蟹肉多返少少盛夏果漾白桃乳酪梳乎厘$168梳乎厘空氣感唔錯，好味！有一整個白桃而且都好甜！推介！迷你雜果熱香餅 $92味道唔錯，適合小朋友食

心血來潮衝去#phipancake 試試🥞特濃開心果迷上梳乎厘 暫時系香港覺得係最啱我口味嘅空氣班戟班戟鬆軟，口感完全可以表現出空氣感，口感濕潤棉密，雞蛋味足；開心果味源於開心果醬，味道都幾出；布甸雖然係綠色但係冇乜開心果味，最唔鍾意嗰Pat cream，完全可以不理😂😂Piccolo with skin milk Nutty 豆香濃厚，口感順滑，冇期待反而有驚喜😋兩樣野成爲 $200 都幾貴上次福岡食到水準不俗的空氣班㦸只是不到一半價錢😅去日本要食多啲….再多啲 。====================​​📍PHI Pancake 📍​尖沙咀。九龍💰$200​.

星期六大約12點左右到餐廳，唔洗等位直入，大約坐滿咗半間餐廳。餐廳有大片落地玻璃窗，採光非常好，坐得好舒服（不過枱好細，2人餐食物太多，唔係好夠位擺）。叫咗2人餐，唔洗額外加錢就已經有齊沙律、餐湯、主菜、甜品、飲品正！呢個價錢（3百幾蚊連埋加一，大約4百頭）有咁多野食真係好抵！羽衣甘藍沙律、雞扒全日早餐、肉醬貓耳朵粉全部都好食！甜品叫咗原味souffle pancake同士多啤梨，好好食食過咁多間souffle pancake，得呢間係有好香濃嘅蛋香味，而唔係淨係得空氣輕盈口感，就算唔點糖漿/jam都好夠味。而且冇諗過set包嘅甜品都咁大份連男士都食到好飽～唯一美中不足係蘑菇湯太咸～同埋口感上好似爭咁啲野咁……

🦐龍蝦汁螌肉扁意粉 $162龍蝦汁帶來濃郁的海鮮風味，鮮美而香濃，讓人感受到海洋的味道，螌肉本身肉質細膩，仲隻幾隻好彈牙既蝦，扁意粉的很好地吸附醬汁，每一口都充滿了龍蝦汁的風味。漢堡扒全日早餐$132🍯天然蜂巢棒棒咖啡 $58好有創意的飲品,自己調飲幾多Expresso 使用新鮮磨製的咖啡豆帶來豐富的咖啡香氣，口感濃厚。天然蜂巢中含有蜂蜜，為咖啡增添自然的甜味，並帶來獨特的風味。🥞藍莓希臘乳酪梳乎厘(配有雪糕）$135藍莓帶來的自然酸味與甜味相互交融，希臘乳酪的濃厚和奶香味，梳乎厘更加豐富和creamy ，梳乎厘的蛋白質發泡使其質地輕盈，入口即化。🌸人見人愛花茶 $52食甜品飲茶係幾開心☺️

想食呢間好耐啦！主食同甜品都好味，環境好舒服，好岩黎傾計，食完冇味精唔口乾，呢點好欣賞！除左價錢貴左小小之外冇缺點啦☺️🥗漢堡扒全日早餐 $132漢堡扒超juicy，好厚好好食，沙律菜好新鮮，煙肉超香脆，多士甜甜地好味，每樣食物都好味🍝龍蝦汁蟹肉意粉 $162龍蝦汁好濃郁，每條意粉都充滿龍蝦汁，蟹肉味道偏淡同偏小，下次會試其次意大利粉或意粉🥞春日香橙焦糖雞蛋梳乎厘 $160梳乎厘口感比較實在，蛋香味濃，最有驚喜係香橙焦糖布甸，香滑布甸放係橙皮入面，每啖都有淡淡橙味，表面仲有香脆焦糖，好好食！🍹藍莓梳打 $48🍹飄浮士多啤梨梳打 $48兩款都好飲！仲有果肉好香

之前經過呢度已經覺得入面好靚甘岩朋友就約我黎呢度食野由於我地都未食早餐就叫左個香煎雞肉全日早餐先好大份既all day breakfast😍仲要有兩塊雞扒可以同朋友開心share雞肉入面好juicy其他食材都煮得好好最後我好鐘意呢半塊多士之後黎既係雙重濃郁芝士貓耳朵粉係我最鐘意既蕃茄醬仲有芝士🧀貓耳朵粉好有咬口醬汁又夠哂多yummy我地食完兩個主食有的飽但食甜品係另一個胃黎架麻😂仲要呢間一定要叫梳乎厘因為係招牌食品黎架我地叫左個藍莓希臘乳酪疏乎厘食落去軟硬適中唔會太濕or太實希臘乳酪既微酸可以中和我之前既飽肚感加埋雲呢拿雪糕同cream同藍莓食落唔會太漏甜甜酸酸甘我鍾意飲品我叫左冬日栗子咖啡🌰栗子蓉好香加埋咖啡一齊飲恰到好處仲有的榛子有的咬口另外朋友仔叫左人見人愛花茶🌺外型好適合打卡我飲左佢一啖的花茶味好出呀食完甜品飲下茶感覺好好😌

【尖沙咀隱世Cafe】開心果控必掃！爆漿疏乎厘+邪惡帶子意粉✨PHI Coffee隱身喺尖沙咀中心地下白色簡約風裝修好chill～今次試咗幾款開心果系列真係驚喜爆燈！💚☕️飲品先嚟個伯爵茶鮮奶咖啡茶香好出又唔會搶咗咖啡味熱飲好暖胃～閨蜜叫嘅黑糖燕麥奶咖啡都正燕麥奶夠滑溜面頭焦脆黑糖脆片好過癮！🍳漢堡扒全日早餐份量十足！自家製漢堡扒咬落juicy有肉香炒蛋仲係流心狀態～最驚喜係連沙律菜都有心思用咗柚子汁好清新🍝全場MVP係開心果帶子意粉！濃厚堅果醬掛滿每條意粉仲有三大粒煎到微焦嘅厚肉帶子鹹香堅果味+海鮮甜味撞出火花忍唔住清碟啊～💥壓軸特濃開心果疏乎厘簡直犯規！即叫即焗脹卜卜開心果醬瀑布湧出嚟🤤 質感輕如雲朵濃郁果仁香又唔會過甜同閨蜜爭住刮碟底！埋單人均$280左右坐得舒服唔趕客，近尖沙咀站超方便溫提：疏乎厘要等20分鐘但真係值！開心果控快bookmark啦～🌟

治癒風小清新cafe • PHI Coffee & Pancake呢到的pancake好出名 除左pancake仲有唔同的西式意粉同飯及小食😋食物都係即叫即製 岩哂想chill下的朋友👫😉.𝑴𝒂𝒊𝒏✨漢堡扒全日早餐🥞｜太陽蛋｜三文魚🐟｜煙肉🥓｜吐司🍞｜牛油果🥑|香炒洋菇｜沙律🥗｜醬汁｜漢堡扒｜漢堡扒呢個主角肉質好厚實 沾點醬汁食味道層次更豐富好鐘意個牛油果🥑 好creamy 食物真係勁豐富 好滿足呀😚.✨雙重濃郁芝士貓耳朵粉🍝貓耳朵粉口感好獨特雖然佢係雙重芝士🧀 但唔會好膩蕃茄肉醬的酸酸甜甜令人好開胃 正🤤.𝑫𝒆𝒔𝒔𝒆𝒓𝒕✨ 藍莓🫐希臘乳酪梳乎厘 ｜配有雪糕 🍦果然冇令我失望 造型好打卡able好鐘意梳乎厘有陣蛋香 而且唔甜同藍莓🫐希臘乳酪好夾 清新好味.𝑫𝒓𝒊𝒏𝒌✨人見人愛花茶🌸🍵有多款唔同花係入面 味道帶花香 令人好relax😌.✨豆花咖啡☕️

PHI Coffee & Pancake☆║．．．．．．．．．．．．．║☆‼️ 經典英式伯爵茶梳乎厘 $158✅ 梳乎厘空氣感重 蛋味濃 我哋擺咗一陣影相都冇塌 旁邊附上雪糕 忌廉 伯爵茶醬 梳乎厘足足有三塊咁多 每一塊可以配上唔同嘅醬 唔會食厭 又有新鮮感 旁邊仲有煙煙韌韌嘅黃豆蕨餅 超出色‼️ 漢堡扒全日早餐 $132✅ 呢個all day Breakfast賣相100分 連味道都係十分之唔錯 佢最唔同嘅位就係佢附上嘅係有厚度嘅牛油包 唔係一般嘅牛角飽 就咁食已經食到好香濃嘅牛油味 你仲可以配埋佢旁邊嘅醬汁 或者加上牛油果同蘑菇一齊食 設計上feel到係充滿心思‼️ 龍蝦汁蟹肉扁意粉 $162✅ 龍蝦汁蟹肉扁意粉 足足有四隻蝦係面頭 仲配上一堆龍蝦肉 龍蝦汁味道濃郁 但係唔會食兩啖就覺得膩 輕輕鬆鬆就可以食晒一碟‼️ 天然蜂巢棒棒咖啡 $58✅ 呢個咖啡我係超推介大家去試一試 平時都係無糖嘅咖啡嘅我 都比佢吸引到 首先佢嘅咖啡同奶佢分開上 俾你可以自己調校咖啡味嘅濃度 鍾意奶味重啲又得 咖啡味重啲又得 最出色係佢個蜂巢蜜 同咖啡出奇地夾 同落白糖嘅感覺完全唔一樣‼️抹茶鮮奶（熱） $46✅

每次去呢間店都會品嘗佢哋嘅疏乎厘ღ漢堡扒全日早餐 $132漢堡扒外焦內嫩，搭配新鮮嘅蔬菜同香脆煙肉🥓豐富又好味ღ龍蝦汁蝦蟹肉扁意粉 $162扁意粉索滿濃郁嘅龍蝦醬汁，每一啖都充滿鮮甜嘅味道，而且鮮嫩嘅蝦蟹肉令整個意粉增添不少層次感ღ經典英式伯爵茶疏乎厘 $158梳乎厘輕盈鬆軟，加上伯爵茶醬汁香濃，搭配香甜雪糕，甜而不膩ღ人見人愛花茶 $52花茶香氣撲鼻，清新芬芳，入口帶淡淡茶香ღ提拉米蘇咖啡 $52結合咗濃郁嘅咖啡同絲滑嘅甜點口感，令人回味無窮

☕️呢間ᴄᴀꜰᴇ喺好多地方都有分店不過呢間分店就有個最大優勢就係喺維港海旁附近仲有落地大玻璃✨位置超寬闊坐得好舒服☕️♡主菜｜漢堡扒全日早餐｜｜法式鴨髀意大利飯｜兩個主菜都好精緻 而且配料好豐富🥑第一個全日早餐配漢堡扒配咗牛油果、啡菇、炒蛋、蜜糖吐司兩個人食真係好滿足個蜜糖吐司真係超值得一試外脆內軟加咗蜜糖喺面真係好正🍞法式鴨髀意大利飯都比想像中更加大份原隻鴨髀啖啖肉配埋意大利飯真係好正🦆配咗蘑菇醬汁嘅意大利飯，口感軟熟入味♡甜品｜經典英式伯爵茶梳厘｜呢間ᴄᴀꜰᴇ另一個主打就係食疏乎厘ᴘᴀɴᴄᴀᴋᴇ呢款英式伯爵茶味道真係好正而且每件疏乎厘ᴘᴀɴᴄᴀᴋᴇ都係大大件上枱唔會榻🥞鬆軟嘅口感配埋伯爵茶醬好夾唔會太漏♡ ᴄᴏꜰꜰᴇᴇ｜提拉米蘇和咖啡｜｜伯爵茶鮮奶咖啡｜呢間最特別嘅就係咖啡全部都做到好靚ᴛɪʀᴀᴍɪꜱᴜ咖啡賣相一百分味道都做得唔錯建議可以揀咖啡走糖☕️伯爵茶鮮奶賣相都係好靚配咗伯爵茶香嘅咖啡有兩種口感有幾特別

黑醋烤雞肉沙律🥗 $108通常烤雞沙律嘅雞，難免都會比較嚡口，呢度嘅烤雞就非常出色，每一件都帶有雞嘅油香，而且件件都滑過雞髀肉，大癲！黑醋沙律菜都好用心，每一片沙律菜都MIX咗黑醋油，絕對唔馬虎～🥰🥰龍蝦汁蝦蟹肉扁意粉🦞 $162呢一個龍蝦汁，令人喜出望外，因為佢鮮味濃厚！欣賞餐廳將佢配搭扁意粉，令到意粉可以更加掛汁👍🏻👍🏻經典英式伯爵茶疏乎厘🥞 $158呢一個伯爵茶疏乎厘係店員大力推介嘅，果然冇令人失望～佢地既伯爵茶醬帶有小小嘅檸檬味道，令到成件事更加清新🍋！另外，疏乎厘嘅質感亦都做到軟綿綿，非常鬆軟！福鼎白茶🫖$42呢一個白茶味道濃郁得來又好清新，最啱就係同幾個閨蜜一邊食疏乎厘一邊飲～藍莓梳打🫐 $48藍莓梳打入面有真正嘅藍莓肉，而且味道唔會好假，係好飲又清新嘅配搭～🙌🏻