Park café

我真係對吃要求唔高，諗住同朋友食吓生日tea,平日的下午茶自助餐呢間先有。見好評都多咁就去呢間啦。openrice訂座有75折，吸引人去結果就係伏。食物選擇少，熱盤少選擇，冇味，肉類乾，壽司飯又乾又硬，沙律係唔凍唔新鮮，西瓜變味，甜品較可以接受但都係唔好食，又唔夠凍。好在食完未有肚痛。所以全場得小貓三兩隻，呢個價錢食日本放題仲好。完全係伏到唔伏。侍應們係企埋一邊係水巴，細聲講大聲笑。真係送都唔會再去。賣單有coupon送都唔想攞走。

🎂今日係朋友正日生日, 🎊佢提議去尖沙咀Park cafe吃Tea buffet. 🎈响Park Hotel百樂酒店4樓📍。 起初以為tea buffet只是😋吃一些輕便的食物， 去到的時候真係好🤩surprise， 由🥗沙律，🦞冷盤，🐟海鮮， 🥘熱薰， 🍉生果到🍨甜品， 樣樣齊全， 仲有個🍫chocolate fountain⛲️， 甜到漏曬油! 仲有一個意外😍😍😍生日月的朋友原來是免費的😍. 和朋友去慶祝, 呢個係一個👍🏼很重要的選擇👍🏼

星期五有下午茶buffet的酒店不多，Park hotel環境舒服，食物多選擇，服務好。有熱盤，新鮮salad,fruits,三文魚，海鮮，等等.....有好多甜品，仲有炸榴蓮甜品，好滿足! 有open rice coupon又有75折。慢食兩小時，輕鬆傾吓計。推薦!

上次食過Lunch Buffet 已經不錯，今次特登帶仔仔一家三口嚟食Tea Buffet，結果出嚟又唔差喎！仍然用2個字形容「抵食」。這次用openrice coupon, 兩個成人有75折，小童半價🤭以一個Tea Buffet 嚟講真係好抵食，平均都係170左右。 食物種類都唔算太少，一般都巳好足夠，味道唔差，坐位舒適。下次有時間都會再去多次。

今次和朋友再去食下午茶自助餐，3點至5點，今次主題係櫻花，門口有櫻花裝飾可以影下相。食物大路，有幾款熱，也有即煮湯粉麵，麵包有部機可以焗熱，有pancake機，甜品幾好味，有即焗迷你蛋撻，布甸，有 Haagen dazs杯裝雪糕等。

種類不多，無論熱食，冷盤或甜品。熱食方面，當晚有碟類似扒菇西蘭花，這個中規中矩，焗薯都ok，這兩味已算熱食最好食的。其他差的有四川麻辣烏頭魚，不麻也不辣;蕃茄焗忘記了什麼螺，明顯是用茄汁，但不夠份量，不酸也不鹹;咖哩也有兩款，港式及印度式，港式難吃，印度式也普通，咖哩不夠香也不辣;好像有泰式炒蜆，不過不失。冷盤海鮮如蜆，花螺，蟹腳等，全都像用白開水烚熟，不鹹切無味也不鮮。魚生有三文魚，鯛魚，菁魚，都算新鮮，象拔蚌欠新鮮。每人奉送一少煲的雞燉翅，雞只用雞扒切粒，當然無雞味，勝在夠熱及調味適中。甜品有各類蛋榚，芝士蛋榚，焦糖燉蛋，布甸，豆腐花等，都普普通通不過不失。飲品喝了橙汁及檸檬利賓納，兩者都溝水溝淡了，可樂算正常，但因為在大缸中有個水龍頭自己斟，不是雪櫃中自取，所以因不夠凍而欠汽。還有手切烤羊架及牛扒，牛扒勁靭欠牛味，羊架勁生像喝血，吃時帶點自腥味，之後同事拿了另一件羊架，應該從另一排羊架切出來，熟了，無血，同事說像用水烚熟，難吃...其他的不寫了，不能盡錄

第一次嚟到這間餐廳，估唔到服務好好，坐位寬敞，環境不錯，比我想像中好好多。用openrice訂枱仲有75折 以尖沙咀嚟講，$200左右1位 都算好抵食。食品種類都唔少，味道一d都唔差；好肯定我會再去🙊。

晌FB某飲食專頁見到介紹依間酒店dinner buffet有長腳蟹生蠔同片皮鴨任食, 即時book黎試下, 6:30pm去到waiter就好快帶我地坐低, 服務態度唔錯, 跟住我就出去食物區巡下睇下有咩食, 點知出到去, 生蠔係有既, 但唔見長腳蟹同片皮鴨, 於是我就問waiter點解冇? 原來係要7點半後先會出, 咁即是話, 7點半前入坐果D, 好容易會唔小心食飽左都未有蟹腳食, 咁其實都唔緊要既, 食住等, 最特別既係佢有個好大既海鮮粥底蒸鍋, 上層係蒸海鮮, 下層係粥, 開頭因為未想食熱食住所以未拎住, 點知轉頭已經冇左上層, 得返下層個粥... 諗緊究竟佢會唔會refill, 點知原來係我太天真...  終於等到長腳蟹喇, 嘩! 一出不得了, 唔洗幾分鐘洗晒, 好彩我又唔岩出左去拎緊食物先見到佢出長腳蟹, 有幸食到頭輪長腳蟹, 但係原來唔好開心得咁早, 蟹肉係霉既, 完完全全地唔新鮮, 失望, 後黎見佢成半個鐘先再refill蟹腳, 但我已經唔想再食... 好喇, 有片皮鴨食喇, 望住個片皮鴨師傅晌度處理隻鴨, 但佢似乎係唔識片既, 見佢切左幾野跟住徙手扯甩隻鴨塊皮... -_

7大宗罪：1 食物如蟹腳，燒牛肉refill很慢，基本上長時間未能提供。未試過食酒店自助餐要搶！2 人手明顯不足，很耐沒人收碟，一人serve刺身生蠔，其他取食物位都大排長龍。3 竟然連碟碗都洗唔切要等。4 熱盤竟然冇樣好食，根本係兩餸飯味道。5 冷盤唔新鮮，d cold cut 放咗成日吹到乾哂。6 甜品好淡，完全無味。7 個場好細，d 枱好迫。我好唔明白點解一間酒店既cafe可以管理得咁差。食物質素差固然係死罪，但連基本服務都咁樣真係完全唔能夠接受。如果你收200樓下都重免強可以,但你收528一位就不合理，雖然有7折，食物及服務質素同普通人對酒店自助餐既合理期望有明顯出入。

雖然已經5月還補食生日飯，我同細妹喺同月同日，而哥哥就喺5月頭，咁家姐就話一次過請我哋食飯，所以就搵咗今晚，本來去龍寶價錢平買一送一，大約300蚊左右，而我已經食咗二餐，我就提議差額我比去百樂，每日都喺多50蚊左右, 因為我有生日優惠，生日唔洗錢只比加一服務費，而同行就8折還有蛋糕同紅酒送，百樂無論熱盤，冷盤都好豐富，今次每人還有鮑魚雞煲送，雪糕有movpack同dryer, 二只都喜歡可惜太飽只係食少少，所以我自己最喜歡百樂覺得抵食又唔差，款多而且味道都唔錯，今晚好開心邊食邊講又喺時候各自回家

又係同屋企人去食自助餐既日子，今次揀左一間做緊食海鮮主題既「百樂酒店」。環境座位寬敞，光線充足，食物擺放集中，擺盤都唔會馬虎。收費 「海陸空之旅」海鮮自助晚餐(18:30-21:30)，星期一至四$498，星期五至日、公眾假期及其前夕 $528，供應日期由即日起至7月3日，like佢地facebook就有7折，Openrice都有優惠，抵好多！麵包及飲品區要留肚食海鮮同其他野食，冇幫襯麵包冷盤區—前菜不少得各式沙律、芝士、刺身、什錦凍肉拼盤、煙三文魚拼盤等等呢啲大路冷盤，但都有多款精緻同特別少少既，例如燕窩藜麥天使冷麵、鮑片鮮蝦芝士串、龍蝦菠蘿黑魚籽沙律等等。沙律都好新鮮爽脆，刺身切得好大塊，試左三文魚，紋路好靚，食落魚油香都好重。冷盤區—生蠔、海鮮食自助餐既重點當然係食海鮮，加上呢個自助餐都係做緊海鮮主題，冷盤類海鮮有海蝦、花螺、白蜆、加拿大鱈場蟹腳、紐西蘭青口，海鮮類既融雪處理都無問題，無食到有壞既情況，食物Refill都好快，相對上蟹腳Refill速度就慢少少，肉質比較薄啲。至於生蠔係供應紐西蘭生蠔，已經預先開好哂，每人限攞3隻，開蠔同洗蠔都乾淨，食左咁多隻都唔會食到有蠔殼碎，

看之前的食評， 反應很正面及抵食。 所以以一試無妨的心態帶兩位老人家及小朋友來。 我先試招牌菜， 冬蔭公焗海鮮很足料。 但食長腳蟹時就有少少難度。 因為無提供蟹鉗。 很喜歡他們的 前盤， 沙律吧。甜品， 最喜歡他們的濃朱古力蛋糕。 姨生仔最喜歡他們的自助 pancake 機及朱古力 噴泉。 昨天因有一位生日，免收一位費用。加埋有二位長者， 一位小朋友，3個大人 。 人均消費$184。 超抵。 除了上茶樓飲茶外， 一家人又有一個聚餐的地方。 一定會再來。

講重點 好少野食選擇蟹腳更新得慢 出親去都係無曬嘅花螺又硬又無味生蠔幾好 少人排三文魚都真係三文魚黎 青口同花螺一樣蝦正常熱食選擇少所有野都係一眼睇曬蒸條烏頭都又硬又老甜品正常沙律都ok服務幾好完

在Café的Facebook得悉，四月自助餐又轉了主題，今次是「星馬泰」。三月初時試過越式主題，覺得不錯，加上like Café的Facebook已可以取得75折優惠（原價$228，75折後$193.8），便再來吃自助午餐。原有的食物不再介紹了，不過今次的海鮮包括凍蝦、藍青口和蜆肉，都比上次大隻，所以特別再上載一次。這裏的頭盤小食，容易被忽略但做得不錯，像今次的鮮蝦牛油果醬魔鬼蛋、蟹肉吞拿魚卷、法國鵝肝醬芝士脆餅，都頗好吃。此外，沙律也是較易被忽略的，因為做得「好食唔好睇」。像今次的紅頭菜汁西柚鮮蝦沙律、青木瓜海鮮沙律、泰式鮮魷粉絲沙律、札肉絲沙律等，賣相真的不太吸引，但其實味道很不錯。是次的主題食物，有泰式豬肉春卷、馬來南乳炸雞配參巴醬、泰式蠔仔煎餅、泰式炒蜆、巴東牛肉、豬頸肉炒飯、馬拉盞炒菜、即製馬來手撕雞、紐西蘭青口配冬蔭公醬等，除了炸雞太乾外，其他的味道都不錯。我特別喜歡炒蜆，味道濃厚又惹味，可惜蜆肉有點沙。巴東牛肉亦甚美味，牛肋條和紅蘿蔔都炆得稔軟入味，配上惹味汁液，與麵包或飯同吃都極滋味。甜品方面，仍是這裏的弱項，除了現場即焗的撻類甜品外，其他都很普通，不吃亦沒有損失。主題

近排比較忙無時間去找朋友食TEA, 突然想起之前見到百樂酒店做緊甜品Tea Buffet是以士多啤梨同提子作主題，即刻搵個星期六去食先。三點開始我們等入坐時順便望下甜品櫃，玻璃擺設而有些花束、鴨仔裝飾得好可愛好有少女feel。蛋糕有士多啤梨忌廉卷蛋士多啤梨栗子蛋糕巨峰提子蛋糕士多啤梨手指餅蛋糕士多啤梨芝士餅，每樣吃了一件士多啤梨鮮甜蛋糕軟綿綿，芝士餅香脆栗子蛋糕幼滑，巨峰提子慕絲夠清香。咸點有巴馬火腿卷露筍三文治、煙三文魚青瓜卷、日式壽司各款刺身什菓沙律、 凱撒沙律 、大蝦萍果沙律海鮮區有青口、大蜆 、大蝦，幾款海鮮都好新鮮青口鮮甜，大蜆夠大隻多汁，大蝦爽甜彈牙。另一邊放了日本青酒裝飾做佈置。今日可以同朋友仔傾傾計慢慢享用美食真寫意。